បន្ទាប់ពី “កាត់ថង់ទឹកប្រមាត់ចេញ”អាចកើតមានបញ្ហាអ្វីខ្លះ?

Sorn Phanith — Thu, 30 Sep 2021 02:33:06 +0000

ថង់ទឹកប្រមាត់ ជាសរីរាង្គ ដូចជាថង់តូចមួយនៅជាប់នឹងថ្លើម ប្រវែងជាមធ្យម ១០សង់ទីម៉ែត្រ តភ្ជាប់ទៅផ្លូវទឹកប្រមាត់ ដែលហូរពីថ្លើមទៅពោះវៀន (Canal du cholédoque)។ វាមានមុខងារជាកន្លែងផ្ទុកទឹកប្រមាត់បម្រុង ដែលបញ្ចេញដោយថ្លើម។ ទឹកប្រម៉ាត់នេះ មានមុខងារជួយសម្រួលបន្ថែមដល់ការរំលាយអាហារ និងសារធាតុខ្លាញ់មួយចំនួន។

ក្រោយពីកាត់ថង់ទឹកប្រមាត់ចេញ(Cholécystectomie) ថ្លើមនៅតែបញ្ចេញទឹកប្រមាត់ដូចធម្មតា ទៅកាន់ពោះវៀន ដើម្បីរំលាយអាហារ។ គ្រាន់តែគ្មានការបម្រុងទុកប៉ុណ្ណោះ។ បន្ទាប់ពីកាត់ថង់ទឹកប្រមាត់ ក្នុងខ្លួនយើងបានបង្កើតបាតុភូតសម្របសម្រួលមួយឡើង (Phénomène de compensation) ។ ផ្លូវទឹកប្រមាត់ ដែលភ្ជាប់ពីថ្លើមទៅពោះវៀន រីកធំជាងមុនបន្តិច ដើម្បីឆ្លើយតបទៅនឹងបាតុភូតនេះ។

អ្នកជំងឺគ្រប់រូប ក្រោយពីកាត់ថង់ទឹកប្រមាត់ចេញ គាត់អាចបរិភោគចំណីអាហារបានដូចធម្មតា ដោយគ្មានការពុល ឬផលប៉ះពាល់អ្វីផ្សេងឡើយ។

ប្រសិនបើអ្នកជំងឺចុកឆ្អល់ក្នុងពោះ ឬបណ្តាលមកពីបញ្ហាផ្សេងពីនេះ សូមអញ្ជើញមកពិគ្រោះជាមួយវេជ្ជបណ្ឌិតជំនាញឯកទេសនៃមន្ទីរពេទ្យកាល់ម៉ែត ដើម្បីស្វែងរកមូលហេតុពិតប្រាកដ និងឈានទៅរកការព្យាបាលឲ្យបានត្រឹមត្រូវ៕

អត្ថបទ៖ រស្មី

The post បន្ទាប់ពី “កាត់ថង់ទឹកប្រមាត់ចេញ”អាចកើតមានបញ្ហាអ្វីខ្លះ? appeared first on Kampuchea Thmey Daily.

កាត់ទឹកប្រមាត់ Archives - Kampuchea Thmey Daily

បន្ទាប់ពី “កាត់ថង់ទឹកប្រមាត់​ចេញ”អាចកើតមានបញ្ហាអ្វីខ្លះ?

បន្ទាប់ពី “កាត់ថង់ទឹកប្រមាត់ចេញ”អាចកើតមានបញ្ហាអ្វីខ្លះ?