លោកបណ្ឌិតថា៖ «ការគោរពទង់ជាតិក៏ជាជួងគោះបន្លឺឡើងសម្រាប់ដាក់ស្មារតីទៅដល់មន្រ្តីរាជការសាធារណគ្រប់ជាន់ថ្នាក់ ឱ្យនឹកដល់ជាតិ ដាក់តម្កល់ផលប្រយោជន៍ជាតិជាធំ។ ទាំងនេះ គឺជាសកម្មភាពមួយមានសារសំខាន់ណាស់ជាពិសេសនៅតាមបណ្តាស្ថាប័នរដ្ឋធំៗ…»។

លោកបណ្ឌិតបន្ថែមថា ការគោរពទង់ជាតិនេះទៀតសោត បានបង្ហាញវិន័យផ្ទៃក្នុងក្រសួងឬស្ថាប័នចំពេលសម័យកំណែទម្រង់នៃអាណត្តិទី៧ដែលដឹកនាំដោយសម្តេចមហាបវរធិបតីហ៊ុន ម៉ាណែតប្រមុខរាជរដ្ឋាភិបាលកម្ពុជា។

លោកបណ្ឌិតពន្យល់ថា៖ ”ការគោរពទង់ជាតិនៅតាមបណ្ដាស្ថាប័នរដ្ឋក្រសួងធំៗប្រសិនបើធ្វើបានទាំងអស់ គឺជារឿងមួយល្អណាស់ តែទោះបីយ៉ាងណាស្នើឱ្យបណ្តាក្រសួងស្ថាប័នទាំងអស់ធ្វើឱ្យបានជាប់លាប់ ដាក់ចេញជាវិន័យច្បាប់ បទបញ្ជាផ្ទៃក្នុងតែម្តង ជៀសជាងធ្វើតាមនឹកឃើញ និងម្តងធ្វើ ម្តងអត់…”។

ការលើកឡើងរបស់អ្នកវិភាគនៃបណ្ឌិតសភានាពេលនេះ ស្របទៅនឹងក្រសួងមួយចំនួនក្នុងអាណត្តិទី៧នេះដែលបានអនុវត្តន៍ការគោរពទង់ជាតិជាប្រចាំដែលធ្វើឡើង២ដងក្នុងមួយសប្តាហ៍នៅព្រឹកថ្ងៃចន្ទ និងល្ងាចថ្ងៃសុក្រ។ ក្នុងនោះ មានក្រសួងការងារ និងបណ្តុះបណ្តាលវិជ្ជាជីវៈមួយក្នុងចំណោមស្ថាប័នរដ្ឋផ្សេងៗទៀតដែលតែងតែអនុវត្តតាំងពីដើមអាណត្តិមកម្លេះ។ នេះបើយោងតាមបណ្តាញសង្គមផ្លូវការរបស់ក្រសួងការងារ និងបណ្តុះបណ្តាលវិជ្ជាជីវៈដែលបានផ្សព្វផ្សាយកន្លងមក។

ជាមួយគ្នានេះ លោកបណ្ឌិត គិន ភា អ្នកវិភាគសង្គមកម្ពុជាជំរុញឱ្យថ្នាក់ដឹកនាំនៃស្ថាប័នជាតិទាំងអស់គោរពទង់ជាតិដែលមិនមែនជាសកម្មភាពធំដុំមែនប៉ុន្តែមានអត្ថន័យធំធេងសម្រាប់សង្គមជាតិត្បិតអីជាការកសាងស្មារតីជាតិនិយមមួយ៕

The post បណ្ឌិតគិន ភា៖ ការគោរពទង់ជាតិរបស់ក្រសួង-ស្ថាប័នជារឿងតូច ប៉ុន្តែអត្ថន័យធំ appeared first on Kampuchea Thmey Daily.