ចំនួន​នេះ បង្ហាញថា​ ការ​នាំ​ចូល​អង្ករ​របស់​ឥណ្ឌូណេស៊ី​បាន​កើន​ឡើង​លើស​លុប​ ប្រមាណ​ ១២១,៣៤ ភាគរយ បើ​ធៀប​នឹង​រយៈ​ពេល​៨ខែ​​ដូច​គ្នា​កាល​ពី​ឆ្នាំ​មុន​។ ​

យោងតាមអនុប្រធានផ្នែកស្ថិតិចែកចាយ និងសេវាកម្ម​របស់​ BPS លោក Pudji Ismartini ប្រទេស​ផ្គត់ផ្គង់អង្ករកំពូលទាំង៣​ទៅកាន់ឥណ្ឌូណេស៊ី រួម​មាន​ ថៃ​ (១,១៣ លាន​តោន​ ក្នុង​តម្លៃ​ ៧៣៤,៧៨ លាន​ដុល្លារ​) វៀតណាម (០,៨៧ លាន​តោន ក្នុង​តម្លៃ​ ៥៤២,៨៦ លាន​ដុល្លារ​) និង​ប៉ាគីស្ថាន​ (០,៤៦ លាន​តោន​ ក្នុង​តម្លៃ​ ២៩០,៥៦ លានដុល្លារ)។

ក្រៅតែ​ពីអង្ករ ការនាំចូលសំខាន់ៗរួមមានស្ករ និងស្រូវសាលី។ ឥណ្ឌូណេស៊ី​ បាន​នាំ​ចូល​ស្ករស​ចំនួន ៣,៣៨ លាន​តោន ដែល​មាន​តម្លៃ ២ ​ប៊ីលាន​ដុល្លារ ដោយ​មាន​ប្រទេស​ប្រេស៊ីល​ ថៃ​ និង​អូស្រ្តាលី​ ជា​អ្នក​ផ្គត់​ផ្គង់​ធំ​ៗ​។

បន្ថែម​ពី​នេះ ឥណ្ឌូណេស៊ី​បាន​នាំ​ចូល​ស្រូវ​សាលី ៨,៤៤ លាន​តោន​ ក្នុង​តម្លៃ​ ២,៥៦ ​ប៊ី​លានដុល្លារ ដោយ​មាន​ប្រទេសអូស្រ្តាលី​ កាណាដា និង​អាហ្សង់ទីន នាំ​មុខ​គេ​លើ​ការ​ផ្គត់​ផ្គង់​៕

The post ការ​នាំ​ចូល​អង្ករ​ឥណ្ឌូណេស៊ី​​ កើន​ឡើង​ជាង ១២០ ភាគរយ​ ​ដោយ​ថៃ​ និង​វៀតណាម បន្ត​ផ្គត់ផ្គង់នាំ​មុខ​​គេ​ appeared first on Kampuchea Thmey Daily.