យោងតាមក្រសួងឧស្សាហកម្ម និងពាណិជ្ជកម្មវៀតណាម​ ក្នុងរយៈពេល ១០ ខែដំបូងនៃឆ្នាំ ២០២៤ តម្លៃពាណិជ្ជកម្មរបស់វៀតណាមជាមួយទ្វីប​អាមេរិក(ជើង និងត្បូង) បានកើនឡើងដល់ជាង ១៣៦,៥ ប៊ីលាន​ដុល្លារ​អាមេរិក​ ដោយ​កើន​ឡើង​ ២០,៧ ភាគរយ​ ធៀប​នឹង​រយៈពេល​ដូចគ្នា​កាល​ពី​ឆ្នាំ​មុន​។ ​

ក្នុង​នោះ​ ​ការនាំចេញរបស់​វៀតណាម​សម្រេចបានជាង ១១៤,៩ ប៊ីលានដុល្លារ កើនឡើង ២២,៣ ភាគរយ ខណៈការនាំចូលពីទ្វីប​អាមេរិកវិញ​ សម្រេចបាន​ ២១,៦ ​ប៊ីលានដុល្លារ កើនឡើង ១២,៦ ភាគរយ ធៀបនឹងរយៈពេលដូចគ្នាក្នុងឆ្នាំ ២០២៣។ អតិរេកពាណិជ្ជកម្មវៀតណាម​ ឈានដល់ ៩៣,៣ ​ប៊ីលានដុល្លារ។

អត្រាកំណើនពាណិជ្ជកម្មរបស់វៀតណាម ជាមួយអាមេរិកត្រូវបានប៉ាន់ប្រមាណថានឹងកើនឡើង លឿនជាងមធ្យមភាគជាតិនៅឆ្នាំនេះ។ ​មន្រ្តី​ក្រសួង​ឧស្សាហកម្ម និងពាណិជ្ជកម្មវៀតណាម បាន​ផ្សារ​ភ្ជាប់​កំណើន​នេះ​ ទៅ​នឹង​​កិច្ច​ព្រមព្រៀង​ពាណិញ្ជកម្ម​សេរី​ផ្សេង​ៗ​ ដែលវៀតណាម​មាន​ជាមួយ​បណ្ដា​ប្រទេស​នៅ​ទ្វីប​អាមេរិក​។

​បច្ចុប្បន្ន​ វៀតណាមមានកិច្ច​ព្រមព្រៀង​ពាណិញ្ជកម្ម​សេរី​ពហុភាគី និងទ្វេភាគី២​ជាមួយទ្វីព​អាមេរិក រួមទាំងកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) (ដែលរួមបញ្ជូល​កាណាដា ម៉ិកស៊ិក ប៉េរូ និងឈីលី ជាសមាជិក) និងកិច្ច​ព្រម​ព្រៀង​ពាណិជ្ជកម្ម​សេរី​វៀតណាម-ឈីលី​ ជា​ដើម​។

បន្ថែមពីលើ​នេះ​ ​វៀតណាមបានចុះហត្ថលេខាលើកិច្ចព្រមព្រៀងពាណិជ្ជកម្មមួយចំនួនជាមួយដៃគូក្នុងតំបន់អាមេរិកដូចជា កិច្ចព្រមព្រៀងពាណិជ្ជកម្មទ្វេភាគីវៀតណាម-សហរដ្ឋអាមេរិក និងកិច្ចព្រមព្រៀងពាណិជ្ជកម្មវៀតណាម-គុយបា ជាដើម​៕

The post ការនាំចេញរបស់វៀតណាមទៅទ្វីបអាមេរិក កើន​ឡើងខ្លាំង​ ដោយ​កិច្ច​ព្រមព្រៀង​ពាណិញ្ជកម្ម​សេរី appeared first on Kampuchea Thmey Daily.

អគ្គនាយិកានាយកដ្ឋាន លោកស្រី​ Chotima Iemsawasdikul បាន​ថ្លែង​ថា ​ទឹកប្រាក់ចំនួន ១៣,៧៧៤ ប៊ីលាន​ដុល្លារ ឬ ៦៩ ភាគរយ នៃការ​នាំ​ចេញ​កសិផលសរុប​របស់​ថៃ គឺ​ទៅ​កាន់​បណ្ដា​ប្រទេស​ដែល​ថៃ​មាន​កិច្ច​ព្រម​ព្រៀង​ពាណិជ្ជកម្ម​សេរី​រួម​ជាមួយ​។

ថៃ​នៅ​តែបន្ត​​ជា​ប្រទេស​នាំ​ចេញ​កសិផល​​កំពូល​សម្រាប់​​​អាស៊ាន ​និង​ជាប់​ចំណាត់​ថ្នាក់​ទី​៨​នៅ​ទូទាំង​ពិភពលោក។ ទីផ្សារនាំចេញសំខាន់ៗរបស់​ថៃ​រួមមានចិន អាស៊ាន​ ជប៉ុន និង​កូរ៉េខាង​ត្បូង​។ ​

លោកស្រី Chotima បាននិយាយថា ការនាំចេញកសិផលរបស់ប្រទេសថៃបន្តបង្ហាញពីនិន្នាការវិជ្ជមាន និងកំណើន ទោះបីជាមានការប្រកួតប្រជែងខ្ពស់ក្នុងពាណិជ្ជកម្មអន្តរជាតិ ដោយសារភាពមិនប្រាកដប្រជានៃភូមិសាស្ត្រនយោបាយ ដែលបណ្តាលឱ្យមានការប្រែប្រួលនៅក្នុងសេដ្ឋកិច្ចពិភពលោកក៏ដោយ។

​មន្រ្តី​ថៃ​ដដែល​បាន​បន្ត​ថា ​ទស្សនវិស័យអំណោយផលសម្រាប់ការនាំចេញកសិផលថៃ ​បាន​បង្កើន​ឱកាស​សម្រាប់​សហគ្រិនថៃក្នុងការពង្រីកការលក់ទៅកាន់ទីផ្សារអន្តរជាតិ ដោយប្រើប្រាស់​កិច្ច​ព្រមព្រៀង​ពាណិជ្ជកម្ម​សេរី​។ ​បច្ចុប្បន្ន ប្រទេសជាដៃគូពាណិជ្ជកម្ម​សេរី​ ចំនួន១៨ បានកាត់បន្ថយ ឬលុបចោលពន្ធគយលើផលិតផលកសិកម្មភាគច្រើនដែលនាំចេញពីប្រទេសថៃ៕

The post ថៃ​កត់ត្រាពី​កំណើន​នៃ​ការ​នាំចេញ​កសិផល ជំរុញ​ដោយ​កិច្ចព្រមព្រៀង​ពាណិជ្ជកម្ម​សេរី appeared first on Kampuchea Thmey Daily.