យោងតាមការចុះផ្សាយរបស់ Reuters បានឱ្យដឹង ថា កិច្ចព្រមព្រៀងនេះមានតម្លៃប្រហែល ៤៧០ លានដុល្លារអាមេរិក ដែលនឹងក្លាយជាម្ចាស់ភាគហ៊ុន ៨០% នៃភាគហ៊ុនសរុបរបស់ក្លិប។ ទោះយ៉ាងណា ការទិញនេះនៅត្រូវការការអនុម័តពី La Liga និងក្រុមប្រឹក្សាកីឡាជាតិអេស្ប៉ាញ មុននឹងបិទបញ្ចប់ជាផ្លូវការ។

Sevilla ត្រូវបានគេទទួលស្គាល់ជាក្រុមដ៏ខ្លាំងមួយប្រចាំលីគ អេស្ប៉ាញ ប៉ុន្តែនៅរដូវកាលនេះ ហាក់ជួបនូវស្ថានភាពដ៏លំបាក ដែលកំពុងប្រឈមអាចធ្លាក់ទៅលេងលីគទី ២ អេស្ប៉ាញ។ ទោះបីជាយ៉ាងណា ពួកគេនូវមានសុវត្ថិភាពនៅឡើយទេ ដោយបច្ចុប្បន្នកំពុងឈរនៅលេខរៀងទី ១២ មាន ៤៣ ពិន្ទុ ប៉ុន្តែមានគម្លាតពិន្ទុពីតំបន់កាត់ចោលតែ ៤ ពិន្ទុប៉ុណ្ណោះ។

គួរឱ្យដឹង ថា Ramos គឺជាកីឡាករដ៏ជោគជ័យម្នាក់អំឡុងពេលលេងនៅ Real Madrid ពីឆ្នាំ ២០០៥ ដល់ ២០២១ ប៉ុន្តែមុនពេលរូបគេផ្លាស់មកពីទីនេះ គឺបានចាប់ផ្តើមអាជីព ដោយលេងនៅថ្នាលយុវជនរបស់ Sevilla ហើយក៏បានឡើងមកលេងក្រុមធំ ១ រដូវកាល។

យ៉ាងណា កាលពីឆ្នាំ ២០២៣ ខ្សែការពារវ័យ ៤០ ឆ្នាំ បានត្រឡប់មកកាន់ Sevilla វិញ ដោយលេងបាន ១ រដូវកាលផងដែរ មុនពេលចាកចេញផ្លាស់ទៅកាន់ក្រុម Monterrey។ បច្ចុប្បន្ន កីឡាករមិនទាន់បានប្រកាសបញ្ចប់អាជីពជាកីឡាករនៅឡើយទេ គ្រាន់តែពេលនេះមិនទាន់ក្លិបថ្មីលេង៕

ប្រែសម្រួល៖ សេម កុសល
ប្រភព៖ Reuters

The post Ramos ចំណាយលុយមហាសាល ដើម្បី​ទិញក្លិប Sevilla មកគ្រប់គ្រង appeared first on Kampuchea Thmey Daily.

ក្លិប Sevilla នៃលីគកំពូល អេស្ប៉ាញ បានស្ថិតនៅក្រោមពាក្យចចាមអារ៉ាម អំពីការផ្លាស់ប្តូរម្ចាស់កម្មសិទ្ធិអស់រយៈពេលជាច្រើនខែមកហើយ។ មួយរយៈមុន មានក្រុមវិនិយោគិនអាមេរិកមួយ បានបើកការចរចាលើរឿងនេះ ប៉ុន្តែដោយសារតែពួកគេផ្តល់សំណើហិរញ្ញវត្ថុទាបពេក ក៏បានធ្វើឱ្យការពិភាក្សាបរាជ័យ។ ប្រការនេះ បានបើកទ្វារឲ្យអ្នកវិនិយោគផ្សេងទៀតចូលមកពិភាក្សាជំនួស។

Ramos ជាកីឡាករបាល់ទាត់អាជីព ដែលបានរីកលូតលាស់ពីថ្នាលយុវជនរបស់ Sevilla ឥឡូវនេះកំពុងផ្តួចផ្តើមប្រមូលក្រុមវិនិយោគទិញយកក្លិបនៃក្របខណ្ឌ La Liga មួយនេះ។ ជុំវិញរឿងនេះ ត្រូវបានគេរាយការណ៍ថា ក្រុមវិនិយោគរបស់គាត់បានដាក់សំណើតម្លៃខ្ពស់ជាងគេនៅពេលនេះ ហើយ Ramos ត្រូវបានជ្រើសរើសជាប្រធាននៃគម្រោង ដោយសារតែគាត់ជាវីរបុរសមួយរូបរបស់ Sevilla និងបាល់ទាត់អេស្ប៉ាញ។

ដូច្នេះ ខ្សែការពារវ័យ ៣៩ ឆ្នាំអាចនឹងត្រឡប់មកកាន់ទ្រនំចាស់ Sevilla ជាថ្មីម្ដងទៀត ក្នុងនាមជាម្ចាស់ក្លិប ដែលជាជំហានធំបំផុតមួយរបស់គាត់ពីអាជីពកីឡាករបាល់ទាត់ ក្លាយជាអ្នកដឹកនាំ និងវិនិយោគក្នុងពិភពបាល់ទាត់៕

ប្រែសម្រួល៖ សេម កុសល
ប្រភព៖ GOAL

The post ញាក់សាច់! ខ្សែការពារ Ramos កំពុងពិចារណា​ទិញអតីតក្លិបខ្លួនធ្លាប់លេងមួយនៅ អេស្ប៉ាញ appeared first on Kampuchea Thmey Daily.