កីឡាករ សៀម សៀហួ ទីបំផុតការខំប្រឹងរបស់ក្រុមទាំងមូលបានសម្រេចដូចក្ដីបំណងហើយ

Sina Noun — Mon, 17 Nov 2025 08:19:59 +0000

ប្រធានក្រុមបាល់ទាត់ The JEK FT ទីបំផុតការខំប្រឹងប្រែងហ្វឹកហាត់ និងការចំណាយថវិកាផ្ទាល់កន្លងមកបានសម្រេចដូចក្ដីបំណងលើកពានរង្វាន់ CamEd Men’s Futsal Tournament 2025 ក្រោយយកឈ្នះដៃគូនៅវគ្គផ្ដាច់ព្រ័ត្រដោយលទ្ធផល ៥-១។

ការប្រកួតវគ្គផ្ដាច់ព្រ័ត្រ

កីឡាករ សៀម សៀហួ ប្រធានក្រុមបាល់ទាត់ The JEK FT កាលពីឆ្នាំមុនក្រុមរបស់ខ្លួនធ្លាក់ចេញនៅវគ្គជម្រុះក្នុងពូលតែប៉ុណ្ណោះ។ ដោយសារតែមានក្ដីបំណងដូចគ្នាស្រមៃចង់ក្លាយជាជើងឯកពានរង្វាន់ CamED នេះដូចគ្នាទើបម្នាក់ៗមានការខំប្រឹងប្រែងជាខ្លាំង។

ការប្រកួតវគ្គផ្ដាច់ព្រ័ត្រ

ក្រៅតែការសិក្សាហើយនោះសមាជិកក្រុមម្នាក់ៗតែឆ្លៀតពេលមកហ្វឹកហាត់ ឬលេងជុំគ្នាជានិច្ចដើម្បីបង្កើនសមត្ថភាព និងការយល់ចិត្តគ្នាឲ្យកាន់តែខ្លាំងថែមទៀត។ កីឡាករក្នុងក្រុមទាំងអស់គ្នាគឺមានការប្ដេជ្ញាចិត្តខ្លាំងចំណាយទាំងវេលា និងថវិកាខ្លួនឯងផងក្នុងការហ្វឹកហាត់ដើម្បីឲ្យសម្រេចក្ដីបំណងលើកពាននេះ។ ឥលូវការខំប្រឹងប្រែង និងតស៊ូរបស់ក្រុមទាំងមូលគឺពិតជាបានសម្រេចដូចក្ដីបំណងហើយនៅពេលនេះ។

ការប្រកួតវគ្គផ្ដាច់ព្រ័ត្រ

បញ្ជាក់ដែរថា ក្រុមបាល់ទាត់ The JEK FT បានក្លាយជាជើងឯកពានរង្វាន់ CamEd Men’s Futsal Tournament 2025 ក្រោយយកឈ្នះលើក្រុម Royal D ដោយលទ្ធផល ៥-១ នៅវគ្គផ្ដាច់ព្រ័ត្រកាលពីថ្ងៃទី១៦ ខែវិច្ឆិកា ឆ្នាំ២០២៥ នៅ Platinum Sport Club។ ការប្រកួតនេះដំណើរការដោយរលូន និងបញ្ចប់ដោយជោគជ័យនេះតាមរយៈការរៀបចំដោយក្រុម CamEd Sport Management Club៕

The JEK FT ពេលឈ្នះពាន

អត្ថបទដោយ៖ នួន ស៊ីណា

The post កីឡាករ សៀម សៀហួ ទីបំផុតការខំប្រឹងរបស់ក្រុមទាំងមូលបានសម្រេចដូចក្ដីបំណងហើយ appeared first on Kampuchea Thmey Daily.

ពិសេសមិនធ្លាប់មាន! វគ្គផ្ដាច់ព្រ័ត្រហ្វូតសាលភ្នំពេញនៅពហុកីឡដ្ឋានជាតិមរតកតេជោ

chean virakbot — Mon, 24 Mar 2025 06:48:30 +0000

ពហុកីឡដ្ឋានជាតិមរតកតេជោ ដែលជាទីតាំងកីឡាប្រវត្តិសាស្ត្រកម្ពុជាសម័យទំនើបសម្រាប់រៀបចំព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម២០២៣ ពេលនេះនឹងមានព្រឹត្តិការណ៍កីឡាវគ្គផ្ដាច់ព្រ័ត្រ ពានរង្វាន់បាល់ទាត់ក្នុងសាលរាជធានីភ្នំពេញរដូវកាលទី១ រវាងក្រុមមីហឹរសេអ៊ូល ទល់នឹងក្រុម ស៊ីឡៃស្តារ (C-Light Star) នៅថ្ងៃទី២៨ ខែមីនា ឆ្នាំ២០២៥។

ក្រោយចាប់ផ្ដើមរដូវកាលបើកឆាកតាំងពីចុងខែធ្នូឆ្នាំ២០២៤ ពានរង្វាន់បាល់ទាត់ក្នុងសាលរាជធានីភ្នំពេញ រៀបចំដោយកម្មវិធីកីឡានៃសហភាពសហព័ន្ធយុវជនកម្ពុជារាជធានីភ្នំពេញ ពេលនេះបានឈានដល់វគ្គផ្ដាច់ព្រ័ត្រ ដែលនឹងរៀបចំយ៉ាងពិសេសនៅពហុកីឡដ្ឋានជាតិមរតកតេជោនារសៀលថ្ងៃសុក្រ ទី២៨ ខែមីនា ឆ្នាំ២០២៥។ នេះគឺជាលើកទី១ដែលមានការប្រកួតផ្ដាច់ព្រ័ត្របាល់ទាត់ក្នុងសាលធ្វើឡើងនៅក្នុងពហុកីឡដ្ឋានជាតិមរតកតេជោដ៏ទំនើបបំផុតរបស់កម្ពុជា។

នៅក្នុងព្រឹត្តិការណ៍ថ្ងៃសុក្រទី២៨ ខែមីនានេះ ក្រៅអំពីវគ្គផ្ដាច់ព្រ័ត្ររវាងក្រុម មីហឹរសេអ៊ូល និងក្រុម ស៊ីឡៃស្តារ ក៏នៅមានការប្រកួត២គូផ្សេងទៀតដ៏ជក់ចិត្ត គឺការប្រកួតដណ្ដើមចំណាត់ថ្នាក់លេខ៣ រវាងក្រុម The Peanut FT និងក្រុម Lucky FC ហើយនៅមុនដល់គូផ្ដាច់ព្រ័ត្រ ថែមទាំងមានការប្រកួតគូកិត្តិយសយ៉ាងកក្រើកមួយគូទៀតដែលប្រជុំទៅដោយបុគ្គលល្បីល្បាញដែលជា idol របស់មហាជន គឺក្រុមផ្ការីកគ្រប់រដូវ ដឹកនាំដោយលោកពែកមី ប្រកួតជាមួយក្រុមបាល់ទាត់ សហភាពសហព័ន្ធយុវជនកម្ពុជារាជធានីភ្នំពេញ។ លើសពីនេះ នៅចន្លោះពេលសម្រាកនីមួយៗ ក៏មានការសម្ដែងចម្រៀងពីតារាចម្រៀងល្បីៗនិងស្រស់ស្អាតជាច្រើនដួងផងដែរ។

ព្រឹត្តិការណ៍វគ្គផ្ដាច់ព្រ័ត្រ Phnom Penh Futsal Championship 2024-25 នេះបើកឱ្យសាធារណៈជនចូលរួមទស្សនាដោយសេរី ឥតគិតថ្លៃ ចាប់ពីម៉ោង២រសៀលតទៅ។ សូមអញ្ជើញចូលរួមទស្សនាឱ្យបានច្រើនកុះករដើម្បីលើកទឹកចិត្តដល់ក្រុមកីឡាករ និងរួមគ្នាលើកស្ទួយជួយជ្រោងវិស័យបាល់ទាត់ក្នុងសាលរបស់កម្ពុជាឱ្យកាន់តែឈានឡើងទៅកាន់កម្រិតថ្មីមួយទៀត៕

The post ពិសេសមិនធ្លាប់មាន! វគ្គផ្ដាច់ព្រ័ត្រហ្វូតសាលភ្នំពេញនៅពហុកីឡដ្ឋានជាតិមរតកតេជោ appeared first on Kampuchea Thmey Daily.

កីឡាបាល់ទាត់ហ្វូតសាល Archives - Kampuchea Thmey Daily

កីឡាករ​ សៀម សៀហួ ទីបំផុត​ការ​ខំប្រឹង​របស់​ក្រុម​ទាំង​មូល​បាន​សម្រេច​ដូច​ក្ដី​បំណង​ហើយ​

ពិសេសមិនធ្លាប់មាន! វគ្គផ្ដាច់ព្រ័ត្រហ្វូតសាលភ្នំពេញនៅពហុកីឡដ្ឋានជាតិមរតកតេជោ

កីឡាករ សៀម សៀហួ ទីបំផុតការខំប្រឹងរបស់ក្រុមទាំងមូលបានសម្រេចដូចក្ដីបំណងហើយ