សួនសុបិន្តជាគោលដៅអេកូទេសចណ៍ដ៏មានសក្តានុពលថ្មីមួយផ្សេងទៀត ក្រៅពីតំបន់អេកូទេសចរណ៍​នានាដែលមានស្រាប់នៅ​ខេត្តក្រចេះ ដែលនឹ​អាចទាក់ទាញភ្ញៀវទេសចរជាតិ និងអន្តរជាតិ ចូលលេងខេត្តក្រចេះកាន់តែច្រេីន ជាពិសេសនាឱកាសចូលឆ្នាំប្រពៃណីខ្មែរខាងមុខនេះ។

ថ្វីត្បិតតែរមណីយដ្ឋានទេសចរណ៍នេះមិនទាន់បានចុះបញ្ជីជា​ផ្លូវការ​នៅ​មន្ទីរទេសរណ៍ខេត្តក្តី ប៉ុន្តែទីតាំងនោះបានក្លាយជាកន្លែងលំហែមួយដ៏ពេញនិយមនៅថ្ងៃចុងសប្តាហ៍និងថ្ងៃបុណ្យទាន។

អ្នកស្រី សាន ថានី ម្ចាស់សួនសុបិន្តកោះច្រែងបានរៀបរាប់ថា ផ្តើមចេញពីអាជីវកម្មបែបគ្រួសារ និងការស្រលាញ់បរិស្ថាន អ្នកស្រីនិងគ្រួសារក៏បានរៀបចំជាហាងកាហ្វេ និងសួនកំសាន្ដនេះឡេីងក្នុងដេីមឆ្នាំ២០២៤ ដេីម្បីបម្រើសេវាកម្ម ម្ហូបអាហារ ជាមួយនឹងកាហ្វេដ៏ឈ្ងុយឆ្ងាញ់ អមទៅដោយសួនផ្កាចម្រុះពណ៍ មានស្ពានឆ្លងវាងស្រែមានរូបរាងបត់បែន និងកន្លែងថតរូបស្អាតៗ​ អមទៅដោយវាល​ស្រែចម្ការចម្រុះពណ៌ទៅតាមរដូវកាល។

ម្ចាស់​រមណីយដ្ឋាននេះ​បានរៀបរាប់បន្តថា ថ្មីៗនេះអ្នកស្រីបានរៀបចំជាអាហារដ្ឋានលេីទឹក​ ស្ពានបណ្តែតទឹក កញ្ជុះ​បណ្តែតទឹក ដែលអ្នកទេសចរអាចមក​ញាំអាហារគយគន់ទស្សនាសម្រស់ធម្មជាតិ អមដោយឆ្នេរខ្សាច់សក្បោះ និងទឹកទន្លេ​ថ្លាយង់នារដូវប្រាំង ពិសេសអ្នកទេសចរក៏អាចជួលកាណូតទេសចរណ៍ជិះឆ្លងពីត្រេីយម្ខាងទៅម្ខាងបានផងដែរ។

អ្នកស្រីបានសម្ដែងក្ដីសប្បាយរីករាយជាខ្លាំង បន្ទាប់ពីមានទេសចរ​មកលេងកំសាន្ដច្រេីនកុះករ ក្នុងថ្ងៃបុណ្យឆ្លងឆ្នាំ​សកល បុណ្យចូលឆ្នាំចិន និងថ្ងៃបុណ្យសិទ្ធនារី ហេីយអ្នកស្រីសង្ឈឹមយ៉ាងម៉ុតមាំថា ក្នុងឱកាសចូលឆ្នាំប្រពៃណីជាតិខ្មែរខាងមុខ ​នឹង​មានអ្នកទេចរចូលមកលេងកាន់តែច្រេីនបន្ថែមទៀត៕

អត្ថបទ៖ ប្រុញ វិធិន

The post ​កោះច្រែង មាន​​រមណីយដ្ឋានកែច្នៃ​មួយ​​ទើប​បង្កើត​ថ្មី មាន​កន្លែង​កម្សាន្ត​ចម្រុះ ទាក់ទាញ​ទេសចរ​ឆ្ងាយ​ជិត​ទៅ​កម្សាន្ត​ឥតដាច់ appeared first on Kampuchea Thmey Daily.