លោក ថាន ជុន បានឱ្យដឹងថា ប៉ុន្មានឆ្នាំមកនេះ ក្រុមហ៊ុន ហួវៃ បានវិនិយោគយ៉ាងខ្ជាប់ខ្ជួននៅកម្ពុជា ដើម្បីជួយប្រទេសកម្ពុជាកសាងបណ្តាញទំនាក់ទំនងប្រកបដោយល្បឿនលឿន ស្ថិរភាព និងមានសុវត្ថិភាព ជាមួយនឹងបច្ចេកវិទ្យានិងសេវាដ៏ទំនើប។ តាមរយៈការសហការជាមួយដៃគូរ ក្រុមហ៊ុន ហួវៃ បានសាងសង់ស្ថានីយ៍មូលដ្ឋានទូរគមនាគមន៍ជាង ១០ ០០០កន្លែង នៅកម្ពុជា ដែលផ្តល់នូវការគ្របដណ្តប់បណ្តាញ 4G សម្រាប់ប្រជាជនជាង ៨០% និងភ្ជាប់ខេត្តដាច់ស្រយាលទៅកាន់សរសៃឈាមសេដ្ឋកិច្ចឌីជីថលតាមរយៈបណ្តាញខ្សែកាបអុបទិ។

លោកបន្តថា ចក្ខុវិស័យអនាគតរបស់ក្រុមហ៊ុន ហួវៃ កម្ពុជា នឹងបន្តវិនិយោគបន្ថែមទៀតលើហេដ្ឋារចនាសម្ព័ន្ធICT នវានុវត្តន៍ និងការបង្កើនបច្ចេកវិទ្យា ដើម្បីកសាងបរិយាកាសឌីជីថលកាន់តែឆ្លាតវៃនិងមានប្រសិទ្ធភាពសម្រាប់ប្រទេសកម្ពុជា។ ក្រុមហ៊ុនបានបន្តបណ្ដុះទេពកោសល្យICT ក្នុងស្រុកតាមរយៈកម្មវិធីគ្រាប់ពូជដើម្បីអនាគត Seeds for the Future និងកម្មវិធីផ្សេងៗទៀតហើយបានបណ្ដុះបណ្ដាលអ្នកជំនាញក្នុងស្រុកជាង ២ ០០០នាក់ ដែលបានជំរុញ ជាបន្តបន្ទាប់ដល់ការអភិវឌ្ឍសេដ្ឋកិច្ចឌីជីថលនៅក្នុងប្រទេសកម្ពុជា។

ទន្ទឹមគ្នានេះ ក្រុមហ៊ុន ហួវៃ ក៏នឹងជំរុញយ៉ាងសកម្ម នូវការផ្លាស់ប្តូរនិងកិច្ចសហប្រតិបត្តិការរវាងប្រទេសកម្ពុជា និងប្រទេសចិនក្នុងវិស័យICT ដើម្បីធ្វើឱ្យបច្ចេកវិទ្យា ក្លាយជាស្ពានភ្ជាប់ចំណងមិត្តភាពរវាងប្រទេសទាំងពីរ ពង្រឹងកិច្ចសហប្រតិបត្តិការឈ្នះឈ្នះ និងសម្រេចបាននូវ ភាពរុងរឿងរួមគ្នា។

លោកបន្ថែមថា មជ្ឈមណ្ឌលបណ្តុះបណ្តាលទេពកោសល្យក្នុងតំបន់របស់ក្រុមហ៊ុន ហួវៃ នឹងត្រូវបង្កើតឡើង ដែលជាសមិទ្ធផលដ៏សំខាន់មួយ តាមរយៈជំនួបរវាងប្រធានតំបន់អាស៊ីប៉ាស៊ីហ្វិករបស់ក្រុមហ៊ុន ហួវៃ និងសម្តេចធិបេតី ហ៊ុន ម៉ាណែត​ នាយករដ្ឋមន្ត្រីនៃប្រទេសកម្ពុជា។ ដំណាក់កាលដំបូងនៃគម្រោងនេះ គឺមានគោលបំណងបណ្តុះបណ្តាលគ្រូបង្រៀននិងផ្តល់វគ្គសិក្សាAI និង Cloud Computing។

គួរជម្រាបថាដែរថា នៅឆ្នាំ២០២៣ ក្រុមហ៊ុន ហួវៃ បានចូលរួមក្នុងការសាងសង់មជ្ឈមណ្ឌលទិន្នន័យ និងស្ថានីយ៍របស់ក្រសួងប្រៃសណីយ៍ និងទូរគមនាគមន៍ ក្រោមគម្រោងខ្សែកាបនាវាមុជទឹកហុងកុង-ក្រុងព្រះសីហនុ ដែលប្រើប្រាស់ប្រាក់កម្ចីពីរដ្ឋាភិបាលចិន។ គម្រោងនេះនឹងផ្តល់នូវសមត្ថភាពសេវាអ៊ីនធឺណិតល្បឿនលឿន និងទូលំទូលាយជាងមុន នៅទូទាំងប្រទេសហើយ ក៏នឹងផ្តល់នូវមូលដ្ឋានដឹកនាំសម្រាប់ការសាងសង់និងការអភិវឌ្ឍរដ្ឋាភិបាលឌីជីថលនៅ ក្នុងប្រទេសកម្ពុជាផងដែរ។

នៅខែសីហា ឆ្នាំ២០២៤ ក្រុមហ៊ុន ហួវៃ បានដឹកនាំសហគ្រាសចិនដើម្បីចូលរួមក្នុងវិស័យសេដ្ឋកិច្ចឌីជីថលនៅកម្ពុជាក្រោមការណែនាំរបស់លោកស្រី Zhong Jie ទីប្រឹក្សាសេដ្ឋកិច្ច និងពាណិជ្ជកម្ម អមស្ថានទូតនៃសាធារណរដ្ឋប្រជាមានិតចិន ប្រចាំកម្ពុជានៅក្នុងការិយាល័យពាណិជ្ជកម្មស្ថានទូត ដើម្បីបង្កើតសមាគមន៍ឧស្សាហកម្មសេដ្ឋកិច្ចឌីជីថលនៃសភាពាណិជ្ជកម្មចិននៅកម្ពុជា។ ជំពូកនេះ បានស្វែងរកយ៉ាងសកម្មនិងបង្កើតកិច្ចខិតខំប្រឹងប្រែង រួមគ្នា ដើម្បីចូលរួមក្នុងការអភិវឌ្ឍសេដ្ឋកិច្ចឌីជីថលនៅក្នុងប្រទេសកម្ពុជា តាមរយៈទម្រង់ជាច្រើននៃសកម្មភាព ទាំងក្នុងនិងក្រៅ។

នៅខែមករា ឆ្នាំ២០២៥ ក្រុមហ៊ុន Huawei បានសហការជាមួយ SchneiTec ដែលជាប្រតិបត្តិករបង្កើតថាមពលថ្មីធំបំផុតនៅកម្ពុជា ដើម្បីចាប់ផ្តើមគម្រោងផ្ទុកថាមពល1GWh ដែលមានរចនាសម្ព័ន្ធដំបូងដែលនឹងផ្តល់នូវជម្រើសថាមពលបៃតងថ្មីសម្រាប់ឧស្សាហកម្មរាប់ពាន់នាក់។ ជាការបំពេញបន្ថែមដ៏សំខាន់មួយទៅលើហេដ្ឋារចនាសម្ព័ន្ធអគ្គិសនី បច្ចុប្បន្នបានគាំទ្រដល់ការអភិវឌ្ឍឧស្សាហកម្មនិងសង្គមនៅក្នុងប្រទេសកម្ពុជានិងផ្តល់នូវ ការគាំទ្រថាមពលដ៏សំខាន់មួយសម្រាប់ការស្វែងរកការអភិវឌ្ឍបច្ចេកវិទ្យាAIនិងComputingនៅក្នុងប្រទេសកម្ពុជា៕

The post ក្រុមហ៊ុនបច្ចេកវិទ្យាដ៏ល្បីរបស់ចិន នឹងបន្តចូលរួមក្នុងការអភិវឌ្ឍឧស្សាហកម្មព័ត៌មានវិទ្យា និងគមនាគមន៍នៅកម្ពុជា appeared first on Kampuchea Thmey Daily.

គំនិតផ្តួចផ្តើមនៃច្បាប់ ដែល​គេ​ហៅ​ថា​ «គំនិតផ្តួចផ្តើមការចរចាព័ត៌មាន» នឹងដាក់សម្ពាធ​ឱ្យ​ក្រុមហ៊ុនបច្ចេកវិទ្យាយក្សធំៗដូចជា Meta ​និង Google ​ចរចា​ការ​បង់ប្រាក់​ជាមួយស្ថាប័ន​ប្រព័ន្ធ​ផ្សព្វផ្សាយ​អូស្រ្តាលី ​បើ​មិន​ដូច្នោះទេ ពួកគេ​នឹង​​​ចំណាយ​ប្រាក់រាប់លាន​ដើម្បី​បន្ត​ប្រតិបត្តិការ​នៅ​អូស្រ្តាលី​។

បើតាម​លោក​ Jones គោលដៅនៃគំនិតផ្តួចផ្តើមនេះ ​​នឹង​ដាក់ចេញ​ឡើង​ដើម្បី​បង្កើត​កិច្ចព្រម​ព្រៀងហិរញ្ញវត្ថុលើកទឹកចិត្ត​ រវាង​វេទិកាឌីជីថល និងអាជីវកម្មប្រព័ន្ធផ្សព្វផ្សាយព័ត៌មាន​ក្នុងប្រទេសអូស្ត្រាលី​។ វា​នឹង​ផ្ដោត​លើ​ក្រុមហ៊ុនបច្ចេកវិទ្យា​ធំៗ ដែលទាញ​ប្រាក់​ចំណូល​យ៉ាង​ច្រើន​ពីប្រតិបត្តិការក្នុង​ប្រទេស​អូស្ត្រាលី​ ជាពិសេស​ក្រុមហ៊ុន​ដែលមានប្រាក់ចំណូលលើស​ពី​ ២៥០ លាន​ដុល្លារ​អូស្រ្តាលី​ (១៦០ លាន​ដុល្លារ​អាមេរិក​)​។ ​​

គួររំឭកថា​​ កាល​ពី​ឆ្នាំ​ ២០២១ អូស្ត្រាលី​បានអនុម័តច្បាប់ដើម្បី​តម្រូវ​ឱ្យក្រុមហ៊ុនបច្ចេកវិទ្យាយក្សរបស់សហរដ្ឋអាមេរិកដូចជា Google និង Meta ​ផ្តល់សំណងដល់ក្រុមហ៊ុន​​ប្រព័ន្ធផ្សព្វផ្សាយ ចំពោះ​ការ​បង្ហោះ​តំណភ្ជាប់ ដែលជំរុញអ្នកអានឱ្យ​ប្រើ​ប្រាស់​វេទិកា​របស់​ពួកគេ​ ហើយ​ពួកគេ​អាច​កើប​ចំណូល​ពី​ការ​ផ្សព្វផ្សាយ​ពាណិជ្ជកម្ម​។

ជុំ​វិញ​ការ​ប្រកាស​ចុង​ក្រោយ​ អ្នក​នាំពាក្យ​ក្រុមហ៊ុន Meta លើក​ឡើង​ថា​ សំណើរបស់​រដ្ឋាភិបាល​អូស្រ្តាលី​ ធ្វើ​ឡើង​ដោយ​មិន​គិត​ពី​តថភាព​នៃរបៀប​ដែល​វេទិកា​របស់​ខ្លួន​ដូចជា​ Facebook ត្រូវ​បានគេ​​ប្រើ​ប្រាស់​។ អ្នក​នាំពាក្យ​បន្តថា៖ «មនុស្សភាគច្រើនមិន​ប្រើ​វេទិការបស់​យើង​ដើម្បី​មើល​​មាតិកាព័ត៌មានទេ ខណៈ​ស្ថាប័ន​ព័ត៌មានបាន​ស្ម័គ្រចិត្តជ្រើសរើសដើម្បីបង្ហោះ​មាតិកា​របស់​ពួកគេ​នៅលើវេទិការបស់យើង ដោយសារពួកគេទទួលបាន​ប្រយោជន៍​ពីការធ្វើដូច្នេះ»៕

The post អូស្រ្តាលីគ្រោងចេញច្បាប់ថ្មី តម្រូវឱ្យ​ក្រុមហ៊ុនបច្ចេកវិទ្យាយក្សៗដូចជា Meta និង Google បង់ប្រាក់ឱ្យស្ថាប័នព័ត៌មាន appeared first on Kampuchea Thmey Daily.