ផ្ទៃបឹងនៅលើកំពូលភ្នំបូកគោនេះ មានកម្ពស់ ១០៧៥ម៉ែត្រ ពីនីវ៉ូ ទឹកសមុទ្រ មានទឹកថ្លាល្អ បានមកពីទឹកភ្លៀង។

ដោយមើលឃើញអំពីភាពអំណោយទាន និងសក្តានុពលខ្លាំង ក្រុមហ៊ុនបូកគោហ្វាម បានសម្រេចបោះទុនវិនិយោគ ២លានដុល្លារអាមេរិក ដើម្បីផលិតទឹកពិសាបរិសុទ្ធ “ឋានសួគ៌បូកគោ” ដែលផលិតឡើងដោយប្រព័ន្ធបច្ចេកវិទ្យាទំនើប និងកំពុងទទួលបានការគាំទ្រលើទីផ្សារ។

លោក នុត សេងហុង ប្រធានផ្នែកលក់ និងទីផ្សារនៃក្រុមហ៊ុនបូកគោហ្វាម បានលើកឡើងថា ការបោះទុនវិនិយោគ បង្កើតរោងចក្រផលិតទឹកបរិសុទ្ធនេះ គឺដើម្បីផ្គត់ផ្គង់សណ្ឋាគារសុខាទាំង៧ទីតាំង និងតាមការ៉ាសាំងសូគីម៉ិច និងម៉ាត ព្រមទាំងចែកចាយនៅតាមផ្សារទំនើបនានា។ លើសពីនេះទៀត ក៏មានការបញ្ជាទិញពីប្រជាពលរដ្ឋទូទៅ​ជាច្រើនយក​ទៅទុកពិសានៅក្នុងគ្រួសារផងដែរ។

លោកបានបន្តថា តាមរយៈកំណើននៃការបញ្ជាទិញពីអតិថិជននេះ បានធ្វើឱ្យការផលិតកើនឡើងប្រមាណ ៥ម៉ឺន​ដបក្នុងមួយថ្ងៃ ដែលនាំឱ្យក្រុមហ៊ុន កំពុងសិក្សាអំពីការពង្រីកទុនវិនិយោគបន្ថែមទៀត។

បើតាមលោក នុត សេងហុង ទឹកបរិសុទ្ធ ឋានសួគ៌បូកគោនេះ មាន PH8. អាចជួយសរីរាង្គ ដោយសារមានជាតិ​កាល់ស្យូម អាល់កាឡាំង បន្សាបជាតិអាស៊ីត ជំនួយថ្លើម ផ្តល់ភាពរឹងមាំ ធ្វើឱ្យមានសុខភាពល្អ។

ប្រធានផ្នែកលក់ និងទីផ្សារនៃក្រុមហ៊ុនបូកគោហ្វាម បានគូសបញ្ជាក់ថា “ប្រសិនបើទឹកដែលផលិតចេញពីប្រភពទឹកស្ទឹង អូរ អណ្តូង ទន្លេ គេត្រូវប្រើប្រាស់សារធាតុគីមី ដើម្បីបំបាត់ក្លិននិងធ្វើឱ្យថ្លា នាំឱ្យប៉ះពាល់ដល់សុខភាពអ្នកបរិភោគ។ ប៉ុន្តែសម្រាប់ទឹកពិសាឋានសួគ៌បូកគោ ជាទឹកផលិតចេញពីទឹកភ្លៀងធម្មជាតិ ដែលមិនមានសារធាតុគីមីនោះទេ”។ ជាងនេះទៅទៀត ទឹកពិសាឋានសួគ៌បូកគោ ត្រូវបានទទួលស្គាល់ពីអង្គភាពអន្តរជាតិ ដែលបញ្ជាក់ពីសុវត្ថិភាព​ចំណីអាហារ មិនមានផលប៉ះពាល់ដល់សុខភាពឡើយ។

សូមបញ្ជាក់ថា ក្រុមហ៊ុនបូកគោហ្វាម បានបង្កើតរោងចក្រផលិតទឹកសុទ្ធ ចាប់ពីឆ្នាំ ២០១៧មក ដោយផលិតមាន៤​ចំណុះផ្សេងគ្នា ពោលគឺប្រភេទ ៣៣០ មីលីលីត្រ ក្នុងមួយថ្ងៃផលិតបាន ៤៣២០០ដប , ៥០០ML ផលិតបាន ៣៦០០០ដប, ១,៥MLផលិតបាន ១២០០០ដប, ប្រភេទដប ២០លីត្រ ​ផលិតបានពី ៨០ ទៅ១០០ធុង ក្នុងមួយថ្ងៃ៕

The post ក្រុមហ៊ុនមួយ វិនិយោគផលិត ទឹកបរិសុទ្ធនៅលើភ្នំបូកគោ លើទំហំទុន២លានដុល្លារ appeared first on Kampuchea Thmey Daily.