សកម្មភាពនៃគម្រោងនេះ បានសបញ្ជាក់ឱ្យឃើញពីស្មារតីរួបរួមគ្នា “ខ្មែរតែមួយ” ដែលជាកម្លាំងសាមគ្គីជាតិដ៏រឹងមាំ និងការចូលរួមរបស់ក្រុមហ៊ុនជាតិ សម្រាប់ប្រជាពលរដ្ឋខ្មែរនៅក្នុងស្ថានភាពដ៏តានតឹងមួយនេះ។ សកម្មភាពនេះពិតជាគួរឱ្យគោរព និងកោតសរសើរយ៉ាងខ្លាំង ដោយក្រុមហ៊ុនផលិតផលជាតិមួយនេះ មិននៅស្ងៀម ចូលរួមជួយឈរកាន់តែកៀក ជាមួយគ្រួសារភៀសសឹក ក្រុមគ្រូពេទ្យ និងកងទ័ពជួរមុខ។ ជាក់ស្តែងកាលពីថ្ងៃទី១៣ ធ្នូ កន្លងទៅនេះ ថ្នាក់ដឹកនាំវីតាល់ បាននាំយកជំនួយបន្ទាន់ចុះទៅដោយផ្ទាល់ ចែកជូនទារក និងកុមារភៀសសឹក នៅជំរុំក្នុងខេត្តឧត្តរមានជ័យ, ព្រះវិហារ, បន្ទាយមានជ័យ។ ក្នុងកញ្ចប់ជំនួយបន្ទាន់របស់វីតាល់សម្រាប់ចែកជូនទារក និងកុមារភៀសសឹករួមសម្ភារចាំបាច់ជាច្រើនរួមមាន កន្សែងពោះគោធំ ខោទឹកនោម សាប៊ូកក់សក់-ដុសខ្លួន ដបទឹកដោះគោ ឈុតខោអាវទារក ប្រេងខ្យល់ ថ្នាំសង្កូវ អាហារចាំបាច់ តុក្កតា សៀវភៅផាត់ពណ៌ នំចំនីកុមារ និងវីតាល់ចំណុះ ១៥០០លីត្រផងដែរ។

មិនត្រឹមតែយកជំនួយទៅដោយផ្ទាល់នៅជំរុំភៀសសឹកនោះទេ ក្រោយមកទៀតថ្ងៃទី១៨ ធ្នូ វីតាល់ បានបន្តជំនួយបន្ទាន់ទឹកពិសាចំនួន ១០,០០០កេស សម្រាប់ជូនទៅដល់វីរកងទ័ពជួរមុខដ៏អង់អាចក្លាហាន និងជនភៀសសឹកជាច្រើនគ្រួសារបន្ថែមទៀត តាមរយៈមូលនិធិជាច្រើនដែលដឹកនាំដោយអ្នកបង្កើតមាតិកាល្បីៗក្នុងបណ្តាញសង្គម។ មូលនិធិទាំងនោះរួមមានដូចជា មូលនិធិ EatMore ចំនួន ៣០០០កេស, មូលនិធិលោក ពាក់មី ចំនួន ១០០០កេស, មូលនិធិវិមាន៧មករា ចំនួន ១០០០កេស, មូលនិធិ គិតជាមួយប៉េងអាន ចំនួន ១០០០កេស មូលនិធិ លោកប៉ីប៉ីឌី ចំនួន ១០០០កេស, មូលនិធិ លោក តាំង គីមឡេង ចំនួន ១០០០កេស, មូលនិធិ អ្នកនាងទីនីន ចំនួន ៥០០កេស, មូលនិធិ លោក រិន សុក្រិត ចំនួន ៥០០កេស, មូលនិធិ អ្នកស្រី ផន សុផារី ចំនួន ៥០០កេស, មូលនិធិ អ្នកស្រី យូរ៉ា ចំនួន ៥០០កេស, និងមូលនិធិ អ្នកស្រី យាយសួយ ចំនួន ៥០០កេសផងដែរ ដើម្បីចូលរួមជួយសម្រាលការលំបាក និងបន្តផ្តល់កំលាំងចិត្តដល់បងប្អូនប្រជាពលរដ្ឋភៀសសឹក ក៏ដូចជាវីរកងទ័ពជួរមុខកម្ពុជា។ បន្តបន្ទាប់ទៀតថ្ងៃទី ២២ ធ្នូ វីតាល់បានយកចិត្តទុកដាក់ខ្ពស់ដល់ក្រុមគ្រូពេទ្យឈរជើងនៅមូលដ្ឋាន ដោយវីតាល់បាននាំយកស្បៀងចាំបាច់រួមមានទឹកពិសាវីតាល់ និងមីជាតិ សរុបប្រមាណ ២០០០កេស ទៅជូនដោយផ្ទាល់តាមរយៈមន្ទីរសុខាភិបាលខេត្ត ព្រះវិហារ ឧត្តរមានជ័យ បន្ទាយមានជ័យ បាត់ដំបង ពោធិ៍សាត់។

គួរបញ្ជាក់ផងដែរថា លោកជំទាវ ជឹង សុគន្ធាវី នាយិកាប្រតិបត្តិ ក្រុមហ៊ុនទឹកពិសាវីតាល់ ក៏បានចូលរួមឧបត្ថម្ភថវិកាចំនួន ៥០០,០០០ដុល្លារ (៥០ម៉ឺនដុល្លារ) និងថ្នាំសង្កូវជាច្រើន ដល់រាជរដ្ឋាភិបាលកម្ពុជា ក្នុងការរួមចំណែកជួយប្រើប្រាស់ក្នុងការរៀបចំទំនុកបម្រុងស្បៀងអាហារចាំបាច់ និងចូលរួមលើកទឹកចិត្ត ដល់កងទ័ពកម្ពុជា ដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំនៅសមរភូមិ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សូមបញ្ជាក់ថា វីតាល់ ជាផលិតផលនៃក្រុមហ៊ុន វ័ន ម៉រ តែងតែចូលរួមយកចិត្តដាក់លើកិច្ចការងារសង្គម និងសកម្មភាពសប្បុរសធម៌-មនុស្សធម៌នានា។ ដរាបណាប្រទេសជាតិ និងប្រជាជននៅតែត្រូវការជំនួយ នោះវត្តមាន វីតាល់ រមែងតែងតែនៅក្បែរជាមួយប្រជាជាតិនេះជានិច្ច។ សកម្មភាពទាំងនេះក៏កើតឡើងបានដោយសារ វីតាល់មានមូលនិធិ ២៥រៀលដែលជាមូលនិធិកើតចេញពីការចូលរួមដោយផ្ទាល់របស់អ្នកប្រើប្រាស់ រាល់ពេលអតិថិជនជាវវីតាល់ ១ដប នោះអតិថិជនបានចូលរួមចំណែកផ្ដល់ ២៥រៀលជាមូលធនយកទៅប្រើប្រាស់លើគ្រប់ការងារសង្គមរបស់វីតាល់។ ឆ្លៀតក្នុងឱកាសនេះដែរ វីតាល់សូមបួងសួងដល់ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុស័ក្តិសិទ្ធិក្នុងលោក សូមតាមថែរក្សាការពារកងទ័ពរបស់យើង និងប្រជាពលរដ្ឋកម្ពុជាឱ្យមានសុខសុវត្ថិភាព និងឆ្លងផុតនូវដំណាក់កាលមួយនេះ៕

យើងសង្ឃឹម និងជឿជាក់យ៉ាងមុតមាំ លើរាជរដ្ឋាភិបាលថាមាតុភូមិកម្ពុជានៃយើងនឹងវិលត្រឡប់មកាន់ស្ថេរភាព និងសន្តិភាពនាពេលដ៏ខ្លីខាងមុខនេះ។ «វីតាល់មោទនភាព ផលិតផលជាតិ»

The post វីតាល់ផ្ដល់ “ជំនួយបន្ទាន់” ជាទឹកពិសាចំនួន ១០,០០០កេស និងសម្ភារចាំបាច់ ជាបន្តបន្ទាប់ដល់គ្រួសារភៀសសឹក កងទ័ពអាវស និងកងទ័ពជួរមុខ appeared first on Kampuchea Thmey Daily.

កម្មវិធីនេះទទួលបានការចូលរួមក្រោមអធិបតីភាពពីសំណាក់ ឯកឧត្តម ឡាវ វ៉ាន់ រដ្ឋលេខាធិការ ក្រសួងសាធារណការ និងដឹកជញ្ជូន និងជាទីប្រឹក្សាជាន់ខ្ពស់របស់ ក្រុមហ៊ុន វ័ន ម៉រ លីមីតធីត, លោកជំទាវ ជឹង សុគន្ធាវី នាយិកាប្រតិបត្តិ ក្រុមហ៊ុន វ័ន ម៉រ លីមីតធីត, ឯកឧត្ដមបណ្ឌិត ប៊ុន ភារិន នាយកវិទ្យាស្ថានជាតិពហុបច្ចេកទេសកម្ពុជា, លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម, ចៅសង្កាត់, មន្ត្រីមូលដ្ឋាន សាស្ត្រាចារ្យ គណៈគ្រប់គ្រងក្រុមហ៊ុន បុគ្គលិកគ្រប់ជាន់ថ្នាក់ សិស្ស-និស្សិតនៃវិទ្យាស្ថានពហុបច្ចេកវិទ្យា ប្រជាពលរដ្ឋ និងសប្បុរសជនក្នុងតំបន់យ៉ាងច្រើនកុះករ។

លោកជំទាវ ជឹង សុគន្ធាវី នាយិកាប្រតិបត្តិក្រុមហ៊ុន វ័ន ម៉រ លីមីតធីត បានមានប្រសាសន៍ថា ថ្ងៃនេះក្នុងនាម ក្រុមហ៊ុន វ័ន ម៉រ លីមីតធីត និងសហគមន៍គោករកា ពិតជាមានសេចក្ដីសោមនស្សរីករាយឥតឧបមា និងសូមថ្លែងអំណរគុណយ៉ាងជ្រាលជ្រៅនូវវត្តមាននៃការចូលរួមសហការយ៉ាងស្និទ្ធស្នាលក្នុងការរៀបចំកម្មវិធីបរិច្ចាគឈាមដោយស្ម័គ្រចិត្ត។ កម្មវិធីបរិច្ចាគឈាមត្រូវបានផ្ដួចផ្ដើមឡើងជាប្រចាំឆ្នាំ ក្នុងគោលបំណងចូលរួម និងបំផុសគំនិតបរិច្ចាគឈាមដោយស្ម័គ្រចិត្ត ចេញពីបុគ្គលិកគ្រប់ជាន់ថ្នាក់ ដើម្បីបំពេញស្តុកឈាមសុវត្ថិភាព ជួយសង្គ្រោះជនរងគ្រោះនៅតាមមន្ទីរពេទ្យនានា ដែលគម្រោងនេះគឺភ្ជាប់ទៅនឹងសកម្មភាពជាប្រចាំរបស់ វីតាល់ និងមូលនិធិ២៥រៀល ដែលជានិច្ចកាល ចូលរួមឧបត្ថម្ភគាំទ្រដល់កិច្ចការងារបរិច្ចាគឈាម។ លោកជំទាវបានបន្តថា ការផ្ដល់ឈាមដោយស្ម័គ្រចិត្ត គឺពិតជាមានសារៈសំខាន់ជូនដល់ជនរងគ្រោះប្រកបដោយក្ដីសង្ឃឹម គឺមានតម្លៃពុំអាចកាត់ថ្លៃបាន ព្រោះឈាមពុំអាចផលិតឡើងបានតាមបណ្តារោងចក្រនោះទេ។

ឆ្លៀតក្នុងឱកាសដ៏វិសេសវិសាលនេះ លោកជំទាវនាយិកាប្រតិបត្តិបានប្រគល់ជូនរថយន្តក្រុងមួយគ្រឿងជូនមជ្ឈមណ្ឌលជាតិផ្ដល់ឈាម សម្រាប់ជួយសម្រួលដល់ប្រតិបត្តិការប្រចាំថ្ងៃ និងជាគុណប្រយោជន៍ដល់មន្ត្រីសុខាភិបាល ក្នុងការចុះយកអំណោយឈាមចល័តនៅគ្រប់ទីតាំងទូទាំងប្រទេស។

គួរបញ្ជាក់ផងដែរថា វីតាល់ ជាបុត្រសម្ព័ន្ធក្រុមហ៊ុន វ័ន ម៉រ លីមីតធីត តែងតែចូលរួម និងបំផុសនូវសកម្មភាពសប្បុរសធម៌ និងការចូលរួមថ្មីៗលើសកម្មភាពសង្គម។ ជាក់ស្ដែងសកម្មភាពផ្ដល់ឈាមថ្ងៃនេះ អាចកើតឡើងមានបានក៏ដោយសារការគាំទ្រពីសំណាក់អតិថិជន និងអ្នកប្រើប្រាស់របស់ វីតាល់ផ្ទាល់ ដែលជានិច្ចកាល វីតាល់ បានបន្តរក្សាបេសកកម្មក្នុងការកាត់ប្រាក់ចំណេញ២៥៛ ពីវីតាល់១ដប មកប្រើប្រាស់ជាមូលធនសម្រាប់ការងារសង្គម។ វីតាល់ នឹងបន្តរក្សានូវមូលដ្ឋាននៃការរៀបចំ និងឧបត្ថម្ភគាំទ្រដល់គ្រប់រូបភាពនៃសកម្មភាព និងយុទ្ធនាការនៃការបរិច្ចាគអំណោយឈាម ពីគ្រប់ស្ថាប័ន ដើម្បីចូលរួមចំណែកក្នុងការជួយសង្គ្រោះជីវិតអ្នកជំងឺដែលត្រូវការឈាមនៅតាមស្ថាប័នសុខាភិបាលនានា៕

«វីតាល់មោទនភាព ផលិតផលជាតិ»

The post វីតាល់ ផ្ដួច​ផ្ដើម​រៀប​ចំ​កម្មវិធី​បរិច្ចាគ​ឈាម​ដោយ​ស្ម័គ្រចិត្តជាមួយសហគមន៍គោករកា និង​ប្រគល់​រថយន្តក្រុងមួយគ្រឿងជូន មជ្ឈមណ្ឌលជាតិផ្ដល់ឈាម appeared first on Kampuchea Thmey Daily.

ក្នុងនាមឈាមជ័រខ្មែរដែលជ្រកក្រោមទង់ជាតិតែមួយនៃព្រះរាជាណាចក្រកម្ពុជា វីតាល់ និងមីជាតិ ពិតជាមិនអាចមើលរំលងនូវសេចក្ដីត្រូវការ និងកង្វះខាតនានា ដែលបងប្អូនប្រជាពលរដ្ឋគ្រប់គ្នានៅទីនេះ កំពុងជួបប្រទះនោះទេ។ អំណោយស្បៀងអាហារ និងសម្ភារចាំបាច់សម្រាប់ប្រើប្រាស់ប្រចាំថ្ងៃ ដែលបានយកផ្តល់ជូនគ្រួសារភៀសសឹកនាថ្ងៃនេះ កើតចេញពីក្ដីស្រឡាញ់ និងការយកចិត្តទុកដាក់យ៉ាងជ្រាលជ្រៅពីសំណាក់ បុគ្គលិកវីតាល់-មីជាតិ គ្រប់លំដាប់ថ្នាក់ ទាំងអស់ដែលបានចូលរួមជាសកម្មរៀបចំដោយផ្ទាល់តែម្ដង ត្រឹមតែក្នុងរយៈពេល ១២ម៉ោងតែមុននេះប៉ុណ្ណោះ កាលពីថ្ងៃទី២៧ កក្កដានេះ។

គួរបញ្ជាក់ថា ក្រោមមូលបទ “ខ្មែរដើម្បីខ្មែរ” អំណោយនាំមកជូនថ្ងៃនេះរួមមាន៖ តង់, អង្រឹង, មុង, ភួយ, ក្រម៉ា, ដែកកេស, អំពូលសូឡា, សាប៊ូកក់សក់ និងដុសខ្លួន, ទឹកដោះគោ, អាហារសម្ងួត, ខ្សែចង រួមជាមួយ ទឹកពិសាវីតាល់, មីជាតិ ដែលសុទ្ធសឹងជាស្បៀងអាហារ និងសម្ភារចាំបាច់ខ្វះពុំបានក្នុងគ្រាដ៏លំបាកនេះ។

ឆ្លៀតឱកាសនេះ យើងខ្ញុំសូមបួងសួងដល់គុណបុណ្យបារមីវត្ថុស័ក្តិសិទ្ធិក្នុងលោកជួយ ប្រោសព្រំពរជ័យដល់វីរកងទ័ពរបស់យើង ដែលកំពុងឈរជើងការពារទឹកដីនៅសមរភូមិជួរមុខ ឱ្យជួបប្រទះតែសេចក្តីសុខ និងជ័យជំនះ ៕

The post វីតាល់ និងមីជាតិ នាំស្បៀងអាហារ  និងសម្ភារចាំបាច់ប្រចាំថ្ងៃជូនជនភៀសសឹក ១,៨០០ គ្រួសារ នៅស្រុកអូរជ្រៅខេត្តបន្ទាយមានជ័យ appeared first on Kampuchea Thmey Daily.