ក្រុមហ៊ុន ហ៊ួត ជា Archives - Kampuchea Thmey Daily

លោកឧកញ៉ា ហ៊ួត ជា «ការទិញលក់សិទ្ធិអាជីវកម្មលក់បន្ត ម៉ាកអាជីវកម្មក្នុងស្រុកបានកើនឡើងប្រមាណ៣០%»

Sorn Phanith — Mon, 27 Jun 2022 06:44:36 +0000

លោកឧកញ៉ា ហ៊ួត ជា បានលើកឡើងថា បច្ចុប្បន្ននេះការទិញលក់សិទ្ធិអាជីវកម្មលក់បន្ត ឬហ្វ្រេនឆាយ (Franchise) ដែលជាម៉ាកអាជីវកម្ម បង្កើតឡើងនៅក្នុងស្រុក បានរីកលូតលាស់គួរកត់សម្គាល់ ដោយសារម្ចាស់អាជីវកម្មភាពច្រើនបានរៀបចំឱ្យមានស្តង់ដារ អាជីវកម្ម ខណៈដែលហ្វ្រេនឆាយក្នុងស្រុកមានតម្លៃសមរម្យជាងបរទេស និងត្រូវជាមួយនឹងការធ្វើអាជីវកម្មសម្រាប់បរិបទក្នុងស្រុក។

អ្នកជំនួញខាងលើ ដែលជាស្ថាបនិកក្រុមហ៊ុន ហ៊ួត ជាគ្រុប បានថ្លែងថា ការទិញសិទ្ធិអាជីវកម្មលក់បន្ត ដែលគេហៅថា Franchise កំពុងតែពេញនិយមនៅលើសកលលោក និងជាជម្រើសល្អមួយសម្រាប់អ្នកមានបំណងចង់បើអាជីវកម្មថ្មីៗ ដែលមិនសូវមានគំនិតក្នុងការចាប់អាជីវកម្ម និងរៀបចំអាជីវកម្មឱ្យមានស្តង់ដារ។ បច្ចុប្បន្ននេះ ការបើកអាជីវកម្មនៅកម្ពុជាដែលទិញហ្វ្រេនឆាយពីបរទេសមានប្រមាណ ៧០% និងហ្វ្រេនឆាយក្នុងស្រុកដែលបង្កើតដោយម្ចាស់អាជីវកម្មកម្ពុជាមានប្រមាណ៣០% បើប្រៀបធៀបកាលពី ៣ ឆ្នាំមុន មានតែប្រមាណ ៥% ប៉ុណ្ណោះ ពោលគឺក្នុងមួយឆ្នាំកើនប្រមាណ ១០% ដែលជាសញ្ញាណដ៏ល្អមួយបង្ហាញពីភាពល្អប្រសើរនៃគំរូអាជីវកម្មដែលបង្កើតឡើងដោយកូនខ្មែរ។

លោកឧកញ៉ាលើកឡើងថា នាពេលខាងមុខ ហ្វ្រេនឆាយក្នុងស្រុកនឹងកាន់តែរឹងមាំ ដោយសារតែបច្ចុប្បន្ននេះ ម្ចាស់អាជីវកម្មភាគច្រើនបានរៀបចំ និងដើរទៅរកស្តង់ដារនៃការធ្វើអាជីវកម្មមួយឱ្យត្រូវជាមួយស្តង់ដារពិភពលោក។

ឧកញ៉ា ហ៊ួត ជា ថ្លែងបែបនេះ ធ្វើឡើងក្នុងវេទិកាជំនួបម្ចាស់អាជីវកម្ម និងហ្វ្រេនឆាយ ២០២២ ដែលវេទិកានេះ ត្រូវបានរៀបចំឡើងនៅថ្ងៃទី ២៦ ខែមិថុនា ឆ្នាំ ២០២២ ដើម្បីចែករំលែកចំណេះដឹងអាជីវកម្ម ពីអ្នកជំនួញល្បីៗ។ ហើយវេទិកានេះក៏រៀបឡើងវេទិការនេះ គឺដើម្បីដាស់អារម្មណ៍ម្ចាស់អាជីវកម្មដែលរងគ្រោះដោយសារវិបត្តិជំងឺកូវីដ១៩ ឱ្យក្រោកឈរឡើងវិញ ក្នុងចាប់ផ្តើមរៀបចំដំណើរការអាជីវកម្មរបស់ខ្លួន និងជំនួបរវាងអ្នកចង់ចាប់ផ្តើមអាជីវកម្ម និងម្ចាស់ហ្រេ្វនឆាយល្បីៗ ដោយមានការចូលរួមពីបណ្តារោងចក្រ និងអ្នកផ្គត់ផ្គង់ប្រមាណជាង ៦០ ក្រុមហ៊ុន និងអ្នកចូលរួមជាង ១ ពាន់នាក់។

សម្រាប់អ្នកដែលចង់ចាប់ផ្តើមអាជីវកម្ម ប៉ុន្តែមិនមានគំនិតក្នុងការធ្វើអាជីវកម្ម គួរតែទិញហ្វ្រេនឆាយ ដែលអត្រាទទួលបានភាពជោគជ័យ ក្នុងការធ្វើអាជីវកម្មច្រើនជាងការចាប់ផ្ដើមអាជីវកម្មថ្មីស្រឡាងមួយដោយខ្លួនឯងដែរ ព្រោះការចាប់ផ្តើមអាជីវកម្មដោយទិញហ្វ្រេនឆាយ មានស្តង់ដារនៃការធ្វើការ ការគ្រប់គ្រងបុគ្គលិកមានឡូហ្គោច្បាស់លាស់ និងមានគុណតម្លៃនៃក្រុមហ៊ុនផលិតផល ក៏ដូចជាគុណតម្លៃនៃអាជីវកម្ម។

លោកឧកញ៉ាបានបន្ថែមទៀតថា «អាស្រ័យទៅលើម្ចាស់អាជីវកម្មថា តើគាត់ចេះរៀបចំស្តង់ដាររបស់គាត់អត់? ប្រសិនបើគាត់មិនសូវយល់ មិនសូវស្គាល់អ្នកផ្គត់ផ្គង់ មិនសូវចេះរៀបទីផ្សារអីខ្ញុំគិតថា ៩០% គួរតែទិញហ្វ្រេនឆាយ »។ សូមជម្រាបថា ការទិញហ្វ្រេនឆាយគ្រាន់បំពេញនូវចំណុចមួយចំនួន ប្រសិនបើសិក្សាអត់ជាប់ ក៏គេមិនឱ្យបើកដែរ។ ដូចករណីហ្វ្រេនឆាយក្រុមហ៊ុន ហ៊ួត ជា ពីលេខរៀងទី ១ ដល់ ១៣៧ ចំណុចហ្នឹង គឺមានន័យថា ក្រុមហ៊ុនបានធ្វើវាជាង ១០ ឆ្នាំមកហើយទាល់តែជោគជ័យបាន យកវាមកលក់ជាហ្វ្រេនឆាយ។

ហ្វ្រេនឆាយរបស់កម្ពុជាកំពុងតែរីក ដោយសារការវិនិយោគត្រូវហើយ បច្ចុប្បន្នហ្វ្រេនឆាយរបស់ក្រុមហ៊ុនលក់គ្រឿងសំណង់ ហ៊ួត ជា បានចែកចាយប្រមាណ ៩៩ ហើយនៅឆ្នាំក្រោយនេះ ក្រុមហ៊ុននឹងនាំយកហ្វ្រេនឆាយនេះទៅចែកចាយនៅ ឡាវ និង ភូមាផងដែរ៕

The post លោកឧកញ៉ា ហ៊ួត ជា «ការទិញលក់សិទ្ធិអាជីវកម្មលក់បន្ត ម៉ាកអាជីវកម្មក្នុងស្រុកបានកើនឡើងប្រមាណ៣០%» appeared first on Kampuchea Thmey Daily.

ចំណាយទុនចាប់ពី ៥ ពាន់ដុល្លារឡើងអាចចាប់ផ្តើមអាជីវកម្មលក់សម្ភារៈគ្រឿងសំណង់សាខា ហ៊ួត ជា បានហើយ

Sorn Phanith — Mon, 20 Jun 2022 09:46:30 +0000

បើទោះបីជាវិបត្តិកូវីដ១៩ រយៈពេលជាង ២ ឆ្នាំកន្លងមកនេះ បានធ្វើឲ្យសេដ្ឋកិច្ចពិភពលោក និងតំបន់អាស៊ានជះឥទ្ធិពលខ្លាំងក៏ពិតមែន ប៉ុន្តែក្រឡេកមកមើលកម្ពុជាវិញ ចំពោះក្រុមហ៊ុន ហួត ជា ស្ទើរគ្រប់សាខា នៅបន្តផ្គត់ផ្គង់សម្ភារ´រឿងសំណង់ ហ៊ួត ជា អាចគ្រប់គ្រងបាននូវស្ថិរភាពអាជីវកម្មបានជាធម្មតា។

ឥឡូវនេះ លោកអ្នកគ្រាន់តែចំណាយទុនចាប់ពី ៥ ពាន់ដុល្លារឡើង គឺអាចចាប់ផ្តើមអាជីវកម្ម នឹងក្លាយជាម្ចាស់សាខា លក់សម្ភារៈគ្រឿងសំណង់សាខា ហ៊ួត ជា បានហើយដោយមិនពិបាកទៀតទេ គឺគ្រាន់តែទំនាក់ទំនងមកក្រុមហ៊ុនរួចអ្នកជំនាញ នឹងពន្យល់លម្អិតពីគោលការណ៍ចាំបាច់មួយចំនួន ដើម្បីបញ្ចៀសហានិភ័យផ្សេងៗ។

ដោយថ្មីៗនេះ ដោយមើលឃើញពីសក្តានុពលវិស័យសំណង់មានការរីកចម្រើនគួរឲ្យកត់សម្គាល់ ក្រុមហ៊ុន ហ៊ួត ជា បានប្រកាសជ្រើសរើសសាខាបន្ថែមទូទាំងប្រទេស ដើម្បីពង្រីកសាខាខ្លួនឲ្យដល់ ១០០ ទីតាំង មុនបំណាច់ឆ្នាំ ២០២២ នេះ។

សូមបញ្ជាក់ផងដែរថា ក្រុមហ៊ុន ហ៊ួត ជា គឺជាក្រុមហ៊ុនផ្គត់ផ្គង់សម្ភារៈគ្រឿងសំណង់ ដែលមានសាខាច្រើនជាងគេក្នុងប្រទេសកម្ពុជា ដែលកំពុងដំណើរការ ៧២ សាខាទូទាំងប្រទេសហើយ ឈរជើងលើទីផ្សារបានចំនួន ១២ ឆ្នាំហើយមកដល់ឆ្នាំ ២០២២ នេះ។ អត្ថប្រយោជន៍ជាច្រើនក្នុងអាជីវកម្មដ៏មានសុវត្ថិភាពមួយនេះដែលមានដូចជា ទទួលសិទ្ធិលក់ផ្តាច់មុខក្នុងតំបន់លោកអ្នកបទដ្ឋានស្តង់ដារអាជីវកម្ម ដែលមាននិរន្តរភាពតកូនតចៅ ការហ្វឹកហាត់អំពីផលិតផលច្បាស់លាស់ ការគាំទ្រយុទ្ធសាស្ត្រទីផ្សារ មានប្រព័ន្ធគ្រប់គ្រងច្បាស់លាស់ មានអីវ៉ាន់សម្បូរបែបជាងគេ។

លោកអ្នកនឹងមានដៃគូផ្គត់ផ្គង់រួចស្រេច មានផ្តល់ជួនសម្ភារធ្វើទីផ្សារ មានផេកហ្វេសប៊ុក ១ ម៉ឺននាក់រួចជាស្រេច ជួយជ្រោមជ្រែងធ្វើទីផ្សារ និងលក់ផលិតផល រៀបចំផ្ទាំងស្លាកយីហោ ជួយរៀបតាំងបង្ហាញទំនិញ ប្រឹក្សាពីការផ្តល់ទុនបន្ថែមដើម្បីចាប់ផ្តើមសម្រាប់អាជីវកម្ម នឹងទទួលបានវគ្គបណ្តុះបណ្តាលសហគ្រិនភាពជាប្រចាំ។

តោះទាក់ទងមកឥលូវនេះ៖ 077888810 / 087888820 / 0718888100

The post ចំណាយទុនចាប់ពី ៥ ពាន់ដុល្លារឡើងអាចចាប់ផ្តើមអាជីវកម្មលក់សម្ភារៈគ្រឿងសំណង់សាខា ហ៊ួត ជា បានហើយ appeared first on Kampuchea Thmey Daily.

អ្នកជំនាញអាជីវកម្ម ឥណ្ឌូចិន និងក្រុមហ៊ុន ហ៊ួត ជា រៀបចំវេទិកាជំនួបម្ចាស់អាជីវកម្ម និងហ្វ្រេនឆាយដ៏ធំជាងគេប្រចាំឆ្នាំ ២០២២

Sorn Phanith — Mon, 20 Jun 2022 04:02:14 +0000

អ្នកជំនាញអាជីវកម្ម ឥណ្ឌូចិន សហការជាមួយក្រុមហ៊ុន ហ៊ួត ជា រៀបចំវេទិការជំនួបម្ចាស់អាជីវកម្ម និងហ្វ្រេនឆាយដ៏ធំជាងគេមិនធ្លាប់មាននៅកម្ពុជា ប្រចាំឆ្នាំ២០២២ ដែលនឹងរៀបចំឡើងនៅថ្ងៃអាទិត្យទី ២៦ ខែមិថុនា ឆ្នាំ ២០២២នេះ ក្នុងសណ្ឋាគារសុខាស្ថិតនៅជ្រោយចង្វារ រាជធានីភ្នំពេញ គឺចាប់ពីម៉ោង ៨ ព្រឹក ដល់ ៥ រសៀល។

វាគ្មិនល្បីៗនឹងចូលរួមក្នុងវេទិកា ធ្វើបទបង្ហាញអំពីសហគ្រិនភាព ប្រេន ហ្វ្រេនឆាយ ការផ្គត់ផ្គង់ ការងារចែកចាយ ការបំប្លែងអាជីវកម្ម ការពង្រីកអាជីវកម្ម ការចាប់ផ្តើមអាជីវកម្មថ្មីថ្មោង ស្តង់ដារអាជីវកម្ម និងទុនសម្រាប់អាជីវកម្ម។ សម្រាប់អ្នកចូលរួមនឹងជួបដោយផ្ទាល់ជាមួយម្ចាស់អាជីវកម្ម ១២០០ ស្ថាប័នជួបផ្ទាល់ជាមួយអ្នកវិនិយោគ ១២ ស្ថាប័ន ជួបផ្ទាល់ជាមួយអ្នកផ្តល់ទុន ៦ ស្ថាប័នជួបផ្ទាល់ជាមួយអ្នកប្រឹក្សាអាជីវកម្ម ៥ ស្ថាប័ន ជួបផ្ទាល់ជាមួយនឹងប្រេនល្បីៗ ។

វេទិកានេះ នឹងមានការចូលរួមពី ១២០០ – ១៥០០ ស្ថាប័ន/នាក់មកពីតំណាង ដេប៉ូអាជីវករស្ថាបត្យករប្រធានកម្មករអ្នកអភិវឌ្ឍន៍អចលនទ្រព្យម្ចាស់គម្រោង ក្រុមហ៊ុនសាងសង់ ម្ចាស់ហាងលក់រាយ អ្នកវិនិយោគ ធនាគារម្ចាស់កម្មសិទ្ធិបញ្ញា ម្ចាស់ម៉ាកយីហោ អ្នកចែកចាយ/លក់បន្ត អ្នកនាំចូលផ្តាច់មុខរោងចក្រអ្នកផ្គត់ផ្គង់។

សម្រាប់អ្នកចង់ចូលរួម៖អ្នកចូលរួម៖ ហ្វ្រីសំបុត្រចូលរួមដោយគ្រាន់តែខលមកឲ្យបានមុនថ្ងៃទី ២៤ ខែមិថុនា ឆ្នាំ ២០២២ តាមលេខទូរសព្ទសម្រាប់ចុះឈ្មោះ៖ 077 8888 20 / 066 6789 01 / 096 88 73 339 ។

The post អ្នកជំនាញអាជីវកម្ម ឥណ្ឌូចិន និងក្រុមហ៊ុន ហ៊ួត ជា រៀបចំវេទិកាជំនួបម្ចាស់អាជីវកម្ម និងហ្វ្រេនឆាយដ៏ធំជាងគេប្រចាំឆ្នាំ ២០២២ appeared first on Kampuchea Thmey Daily.

ឧកញ៉ា ហ៊ួត ជា តែងតាំងតំណែងធំមួយជូននាយពែកមី ព្រមទាំងផ្ដល់រង្វាន់ជាច្រើន ដល់គ្រប់សាខាផ្គត់ផ្គង់សម្ភារៈសំណង់ ហ៊ួត ជា ទាំងអស់ទូទាំងប្រទេស

Sorn Phanith — Mon, 17 Jan 2022 07:00:02 +0000

នៅថ្ងៃទី ១៦ ខែមករា ឆ្នាំ ២០២២ ក្រុមហ៊ុន ហ៊ួត ជា ដែលជាក្រុមហ៊ុនធំមួយ ផ្គត់ផ្គង់សម្ភារៈសំណង់គ្រប់ប្រភេទ នៅទូទាំងប្រទេសកម្ពុជា បានធ្វើពិធីចាប់រង្វាន់ចុងឆ្នាំ ២០២១ ប្រកាសរង្វាន់ថ្មីឆ្នាំ ២០២២ ជាមួយគ្នានោះ ក្រុមហ៊ុន ក៏បានប្រកាសលោកចែម ចាន់រ៉ា ហៅ ពែក មី ជាប្រធានកិត្តិយសរបស់សមាគមជាងសំណង់កម្ពុជា។

ក្នុងពិធីនេះ បានធ្វើនៅសណ្ឋាគារហ៊ីម៉ាវ៉ារី ក្រោមវត្តមាន តំណាងគ្រប់សាខាផ្គត់ផ្គង់សម្ភារៈសំណង់គ្រប់ប្រភេទទាំងអស់ របស់ក្រុមហ៊ុន ហ៊ួត ជា នៅទូទាំងប្រទេសកម្ពុជា។ កម្មវិធីនេះ មានការអញ្ជើញចូលរួមពីលោកអគ្គនាយក គឺលោក ឧកញ៉ា ហ៊ួត ជា ក្នុងនោះដែរ លោក ឧកញ៉ា ហ៊ួត ជា បានធ្វើបទបង្ហាញ ពីការបង្ហាត់បង្រៀនពីវិធីសាស្ត្រ យុទ្ធសាស្ត្រស្តីអំពីការលក់ផលិតផលគ្រឿងសំណង់ ឱ្យទទួលបានភាពជោគជ័យ និងធ្វើបទបង្ហាញពីផលិតគ្រឿងសំណង់បន្ថែមទៀត គឺផលិតផល ALL IN ONE និងបងប្អូន ដែលបានទិញសិទ្ធិ អាជីវកម្មលក្ខណៈហ្វ្រេនឆាយ ក៏ដូចបងប្អូនដែលមានបំណងបង្កើតអាជីវកម្មថ្មីៗ តែមិនដឹងថា រកស៊ីអ្វីនោះ បងប្អូនអាចទំនាក់ទំនងទិញសិទ្ធិបើកអាជីវកម្មលក្ខណៈហ្វ្រេនឆាយ ដោយមិនចំណាយអ្វីច្រើននោះឡើយ។

បងប្អូន នឹងទទួលបានបទពិសោធន៍ ជាក់ស្តែងផ្ទាល់ពី លោក ឧកញ៉ា ហ៊ួត ជា។ ប្រសិនបើបងប្អូនចាប់អារម្មណ៍សូមទំនាក់ទំនងមកក្រុមការងារ តាមរយៈទូរស័ព្ទលេខ 077 500000៕

The post ឧកញ៉ា ហ៊ួត ជា តែងតាំងតំណែងធំមួយជូននាយពែកមី ព្រមទាំងផ្ដល់រង្វាន់ជាច្រើន ដល់គ្រប់សាខាផ្គត់ផ្គង់សម្ភារៈសំណង់ ហ៊ួត ជា ទាំងអស់ទូទាំងប្រទេស appeared first on Kampuchea Thmey Daily.

ក្រុមហ៊ុន ហ៊ួត ជា Archives - Kampuchea Thmey Daily

លោកឧកញ៉ា ហ៊ួ​ត ជា «ការទិញលក់សិទ្ធិអាជីវកម្មលក់បន្ត ម៉ាកអាជីវកម្មក្នុងស្រុកបានកើនឡើងប្រមាណ៣០%»

ចំណាយទុនចាប់ពី ៥ ពាន់ដុល្លារឡើងអាចចាប់ផ្តើមអាជីវកម្មលក់សម្ភារៈគ្រឿងសំណង់សាខា ហ៊ួត ជា បានហើយ

លោកឧកញ៉ា ហ៊ួត ជា «ការទិញលក់សិទ្ធិអាជីវកម្មលក់បន្ត ម៉ាកអាជីវកម្មក្នុងស្រុកបានកើនឡើងប្រមាណ៣០%»