លោកវេជ្ជបណ្ឌិត មាស ថា អនុប្រធានមជ្ឈមណ្ឌលជាតិប្រយុទ្ធប្រឆាំងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ នៃក្រសួងសុខាភិបាលបានថ្លែងថា រាជរដ្ឋាភិបាលកម្ពុជាបានដាក់គោលដៅលុបបំបាត់ជំងឺគ្រុនចាញ់ប្រភេទ ហ្វាស៊ីប៉ារ៉ូម ឲ្យអស់នៅកម្ពុជា និងលុបបំបាត់ជំងឺគ្រុនចាញ់ប្រភេទវីវ៉ាក់នៅឆ្នាំ២០២៥ ដូចនេះយើងត្រូវពិនិត្យ និងតាមដានជាប្រចាំពិនិត្យនូវនិន្នាការនៃជំងឺ បើឃើញមានអត្រា កើនឡើងត្រូវរិះរកយុទ្ឋសាស្ត្រថ្មី និងរួមគ្នាដោះស្រាយ
ដើម្បីឈានទៅលុបបំបាត់ជំងឺគ្រុនចាញ់តាមការកំណត់ប្រកបដោយប្រសិទ្ឋភាព និងទទួលបានលទ្ឋផលគាប់ប្រសើរ។

លោក សោ សុវណ្ណ អភិបាលរងខេត្តប៉ៃលិន និងជាប្រធានក្រុមការងារពិសេសសម្រាប់លុបបំបាត់ជំងឺគ្រុនចាញ់ខេត្ត បានមានប្រសាសន៍លើកឡើងថា រាជរដ្ឋាភិបាលកម្ពុជាមានគោលដៅលុបបំបាត់ជំងឺគ្រុនចាញ់នៅឆ្នាំ២០២៥ ខណៈដែលមកដល់បច្ចុប្បន្ន ករណីជំងឺគ្រុនចាញ់នៅខេត្តប៉ៃលិនទាំងមូល មានចំនួនថយចុះគួរឲ្យកត់សម្គាល់ស្ទើរតែគ្មានករណីកើតឡើង។

ជាក់ស្ដែងសម្រាប់ត្រីមាសទី១ និងទី២ សម្រាប់ឆ្នាំ២០២៤នេះ (គិតចាប់ខែមករា ដល់ខែមិថុនា) ខេត្តប៉ៃលិនមាន​ករណីគ្រុនចាញ់តែ ៤ករណីប៉ុណ្ណោះ ហើយក្នុងនោះគឺបានជាសះស្បើយទាំងអស់។ ដូច្នេះរដ្ឋបាលខេត្តប៉ៃលិន ក៏ដូចជារាជរដ្ឋាភិបាល សង្ឃឹម និងជឿជាក់ថា ការលុបបំបាត់ជំងឺគ្រុនចាញ់ក្នុងឆ្នាំ២០២៥ ច្បាស់ជាលុបបំបាត់បានជាក់ជាមិនខាន។ ជាពិសេសខេត្តប៉ៃលិន នឹងក្លាយជាខេត្តគំរូឈានមុខគេផងដែរក្នុងការលុបបំបាត់ជំងឺគ្រុនចាញ់អស់មុនគេ ក្រោមការដឹកនាំដ៏ឈ្លាសវៃរបស់លោកស្រី បាន ស្រីមុំ អភិបាលនៃគណៈអភិបាលខេត្តប៉ៃលិន។

លោកអភិបាលរងខេត្ត ក៏បានណែនាំដល់មន្ត្រីគ្រប់លំដាប់ថ្នាក់ ជាពិសេសមន្ទីរសុខាភិបាលខេត្ត ត្រូវមានទំនួលខុសត្រូវខ្ពស់លើការងារបញ្ហាប្រឈម និងដំណោះស្រាយផ្សេងៗ ក្នុងការបញ្ច្រាបការយល់ដឹងពីជំងឺគ្រុនចាញ់។ ជាពិសេសក្រុមការងារពិសេសថ្នាក់ខេត្តបន្តការអប់រំពីវិធានការបង្ការជំងឺគ្រុនចាញ់ និងបំផុសលើកទឹកចិត្តចលនាចូលរួមរបស់ប្រជាជន
ក្នុងការអនុវត្តសកម្មភាពលុបបំបាត់ ប្រភពកកើតសត្វមូស ដង្កូវទឹក អនាម័យ បរិស្ថាន និងត្រូវស្វែងរកសេវាពិនិត្យពិគ្រោះ និងព្យាបាលជំងឺឲ្យបានត្រឹមត្រូវ ទាន់ពេលវេលានៅមូលដ្ឋានសុខាភិបាលសាធារណៈដូចជា មណ្ឌលសុខភាព ឬមន្ទីរពេទ្យបង្អែក ដែលនៅជិតលំនៅដ្ឋានបំផុត ដើម្បីកាត់បន្ថយអត្រាឈឺ និងស្លាប់ដោយសារជំងឺគ្រុនចាញ់ឲ្យទទួលបាននូវប្រសិទ្ធភាពខ្ពស់ផងដែរ៕

អត្ថបទ៖ សេង សុវណ្ណារិទ្ធ

The post រយៈពេល៦ខែ ឆ្នាំ២០២៤ ខេត្តប៉ៃលិនមានករណីជំងឺគ្រុនចាញ់តែ៤ករណីប៉ុណ្ណោះ appeared first on Kampuchea Thmey Daily.

ក្រោយពីបានស្តាប់ការលើកឡើងពីរបៀបវារៈ និងបញ្ហាសំខាន់ៗក្នុងកិច្ចប្រជុំរួចមក លោកស្រី បាន ស្រីមុំ អភិបាល
នៃគណៈអភិបាលខេត្តប៉ៃលិន បានមានប្រសាសន៍ក្រើនរំលឹកដល់មន្ទីរជំនាញស្ថាប័នជុំវិញខេត្ត និងអាជ្ញាធរក្រុង/ស្រុក
ត្រូវមើលឡើងវិញនូវរាល់បញ្ហានាពេលកន្លងមក មិនត្រូវទុកចោលនោះទេ គឺត្រូវដោះស្រាយជូនពលរដ្ឋឱ្យបានទាន់ពេលវេលា ដោយមិនត្រូវរើសអើង ប្រកាន់បក្សពួកនិយម និងគ្រួសារនិយមជាពិសេសត្រូវខិតខំដុសខាត់ទាំងចំណេះដឹង និងសមត្ថភាព ក្នុងនាមជាតំណាងសាធារណៈ ស្វ័យភាពរបស់មូលដ្ឋានដើម្បីអនុវត្តតួនាទី និងភារកិច្ចរបស់ខ្លួន ឆ្លើយតបទៅនឹងតម្រូវការចាំបាច់របស់ប្រជាពលរដ្ឋ ប្រកបដោយសមធម៌ បរិយាប័ន្ន និងមានចីរភាព ឈានឆ្ពោះទៅរួមចំណែកជាមួយរាជរដ្ឋាភិបាលក្នុងការកាត់បន្ថយភាពក្រីក្រ។

លោកស្រី បាន ស្រីមុំ ក៏បានមានប្រសាសន៍កោតសរសើរដល់ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធទាំង
៣ប្រភេទ ដែលកន្លងមកបានខិតខំអនុវត្តតួនាទីភារកិច្ចរបស់ខ្លួនប្រកបដោយប្រសិទ្ធិភាពព្រមទាំងបានចូលរួមក្នុងការថែរក្សាសន្តិសុខ សណ្តាប់ធ្នាប់សាធារណៈ ការបម្រើសេវាសាធារណៈនានាបានល្អប្រសើ និងបានកសាងសមិទ្ធផលនានា នៅតាមមូលដ្ឋានឱ្យលេចឡើងជារូបរាង ដែលជាការរួមចំណែកឲ្យខេត្តប៉ៃលិនមានភាពរីកចម្រើន ស្របតាមគោលនយោបាយដ៏ត្រឹមត្រូវរបស់រាជរដ្ឋាភិបាល អាណត្តិទី៧ដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា។

មានប្រសាសន៍បូកសរុបក្នុងកិច្ចប្រជុំ លោក ជា ចាន់ឌិន ប្រធានក្រុមប្រឹក្សាខេត្តប៉ៃលិន បានមានប្រសាសន៍វាយ​តម្លៃខ្ពស់ចំពោះរដ្ឋបាលខេត្តប៉ៃលិន ដែលមានលោកស្រី បាន ស្រីមុំ ជាអភិបាលខេត្តបានខិតខំប្រឹងប្រែងធ្វើការដោះស្រាយនូវរាល់បញ្ហានានាជូនដល់ប្រជាពលរដ្ឋ និងការអនុវត្តនូវគោលនយោបាយភូមិ/ឃុំមានសុវត្តិភាព នៅតាមមូលដ្ឋានប្រកបដោយប្រសិទ្ធិភាពខ្ពស់ និងបានធ្វើការអភិវឌ្ឍខេត្ត ឱ្យមានការរីកចំរើនជាបន្តបន្ទាប់គួរជាទីមោទន។

ជាក់ស្តែងការរៀបចំសោភ័ណ្ឌភាពខេត្តយ៉ាងស្រស់ស្អាត គួរអោយទាក់ទាញ ដែលធ្វើអោយភ្ញៀវជាតិ និងអន្តរជាតិមកកំសាន្ត មានការស្ងើចសសើរមិនដាច់ពីមាត់ ចំពោះការកែប្រែមុខមាត់ថ្មីរបស់ខេត្តប៉ៃលិន។ ជាមួយគ្នានេះលោក ក៏បានស្នើសុំដល់ថ្នាក់ដឹកនាំ មន្ត្រីរាជការទាំងអស់ ត្រូវបន្តខិតខំបន្ថែមទៀតក្នុងន័យបម្រើផលប្រយោជន៍ និងសេចក្តីត្រូវការរបស់ប្រជាពលរដ្ឋដោយត្រូវយកចិត្តទុកដាក់ខ្ពស់ទៅលើការដោះស្រាយបញ្ហាប្រឈមនានាក៏ដូចជាបំរើសេវាសាធារណៈជូនប្រជាពលរដ្ឋ ឱ្យបានឆាប់រហ័សទាន់សភាពការណ៍ និងមានប្រសិទ្ធភាពខ្ពស់ស្របទៅនឹងគោលនយោបាយយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលអាណត្តិទី៧ នេះជាពិសេសត្រូវខិតខំដុសខាត់ទាំងចំណេះដឹង និងសមត្ថភាព ក្នុងនាមជាតំណាងសាធារណៈ ស្វ័យភាពរបស់មូលដ្ឋានដើម្បីអនុវត្តតួនាទី និងភារកិច្ចរបស់ខ្លួន ឆ្លើយតបទៅនឹងតម្រូវការចាំបាច់របស់ប្រជាពលរដ្ឋ ប្រកបដោយសមធម៌បរិយាប័ន្ន និងមានចីរភាព ឈានឆ្ពោះទៅរួមចំណែកជាមួយរាជរដ្ឋាភិបាលក្នុងការកាត់បន្ថយភាពក្រីក្រ៕

អត្ថបទ៖ សេង សុវណ្ណារិទ្ធ

The post អភិបាលខេត្តប៉ៃលិន ជំរុញដល់ថ្នាក់ដឹកនាំត្រូវខិតខំអនុវត្តតួនាទីភារកិច្ចរបស់ខ្លួនប្រកបដោយប្រសិទ្ធិភាព appeared first on Kampuchea Thmey Daily.

លោកស្រីអភិបាលខេត្ត បានមានប្រសាសន៍លើកឡើងថា រាជរដ្ឋាភិបាលកម្ពុជា អាណត្តិទី៧ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត គឺបានបន្តខិតខំប្រឹងប្រែងដោះស្រាយនូវរាល់ការលំបាក និងសំណូមពររបស់ប្រជាពលរដ្ឋព្រមទាំងបានបន្តការកសាងអភិវឌ្ឍន៍ប្រទេសជាតិ ឱ្យមានការរីកចម្រើនលើគ្រប់វិស័យ ជាពិសេសការកសាងហេដ្ឋារចនាសម្ព័ន្ធរូបវ័ននានាដូចជា ផ្លូវ ស្ពាន សាលារៀន មន្ទីរពេទ្យ ជាដើមហើយបច្ចុប្បន្ននេះ រដ្ឋបាលខេត្តប៉ៃលិន បានខិតខំកែលម្អហេដ្ឋារចនាសម្ព័ន្ធសាធារណៈក្នុងខេត្ត រួមទាំងការអភិវឌ្ឍន៍តំបន់រមណីយដ្ឋានទេសចរណ៍នានា ឱ្យបានកាន់តែល្អឡើង ដើម្បីទាក់ទាញភ្ញៀវជាតិ និងអន្តរជាតិ មកកំសាន្តក្នុងខេត្តប៉ៃលិនយើង ឱ្យបានកាន់តែច្រើនឡើងដែលជាចលករចូលរួមចំណែកក្នុងការជំរុញកំណើនសេដ្ឋកិច្ចជីវភាពរបស់ប្រជាពលរដ្ឋឱ្យបានកាន់តែប្រសើរឡើង។

លោកស្រីអភិបាលខេត្ត ក៏បានបញ្ជាក់ដែរថា ដោយមើលឃើញពីសក្តានុពល នៃវិស័យទេសចរធម្មជាតិ និងដើម្បីលើកកម្ពស់សោភ័ណភាព រមណីដ្ឋានធម្មជាតិទឹកធ្លាក់ភ្នំខៀវអូរតាវ៉ៅ លោកស្រី បានណែនាំអោយយុវជន ស.ស.យ.ក ខេត្ត សហការជាមួយមន្ត្រីជំនាញ និងអាជ្ញាធរមូលដ្ឋាន រួមគ្នាធ្វើការរៀបចំសណ្តាប់ធ្នាប់ អនាម័យ និងកែរលម្អហេដ្ឋារចនា​សម្ព័ន្ធ ព្រមទាំងរុះរើកញ្ចុះដែលពុកផុយចេញ និងដាក់ជំនួសដោយកញ្ចុះថ្មីដែលមានរចនាបថបែបទាក់ទាញប្រកបដោយសុវត្ថិភាព សម្រាប់ទទួលភ្ញៀវទេសចរ ចូលមកកម្សាន្តនៅលើទឹកដីដ៏តូចច្រឡឹង នៃខេត្តត្បូងពេជ្រ មួយនេះ។ ជាមួយគ្នានេះលោកស្រីក៏បានសំណូមពរដល់ប្រជាពលរដ្ឋ និងភ្ញៀវទេសចរណ៍ទាំងអស់ ដែលមកកំសាន្តតាមរមណីយដ្ឋាននានា ក្នុងខេត្តប៉ៃលិន ត្រូវរួមគ្នាសំអាតអនាម័យបរិស្ថាន ដោយត្រូវវេចខ្ចប់កាកសំណល់សំរាមឲ្យបានល្អ និងនាំយកទៅទុកដាក់ឲ្យបានត្រឹមត្រូវតាមក្បួនខ្នាត ជៀសវាងការបោះចោលសំរាមគ្មានសណ្តាប់ធ្នាប់ ដែលធ្វើឱ្យប៉ះពាល់ដល់សោភ័ណភាព និងអនាម័យសាធារណៈ។ ដោយឡែកបងប្អូនអាជីវករដែលលក់ដូរម្ហូបអាហារនៅតាមរមណីយដ្ឋាននានា ត្រូវមានអនាម័យ និងតម្លៃសមរម្យ ដើម្បីទាក់ទាញសម្រាប់ភ្ញៀវទេសចរជាតិ អន្តរជាតិ មកកំសាន្តអោយបានកាន់តែច្រើនថេមទៀត៕

អត្ដបទ៖ សេង សុវណ្ណារិទ្ធ​

The post អភិបាលខេត្តប៉ៃលិន ជំរុញការដាំដើមក្ងោកតាមដងផ្លូវដើម្បីទាក់ទាញទេសចរណ៍ និងសោភ័ណ្ឌភាពក្នុងខេត្ត appeared first on Kampuchea Thmey Daily.

​សិប្បកម្មរបស់លោក វួច ធុច ស្ថិតនៅភូមិតាង៉ែនលើ សង្កាត់ប៉ៃលិន ក្រុងប៉ៃលិន ខេត្តប៉ៃលិនបានចាប់ផ្ដើមដំណើរការអាជីវកម្មស្រាមៀនប៉ៃលិន​នៅឆ្នាំ ២០១៨ ​ដែលជាផ្នែកមួយ​ជួយដល់កសិករដាំមៀន ​និងមានគម្រោងច្នៃផ្លែឈើផ្សេងៗទៀត ​ដូចជាផ្លែស្វាយកែវរមៀត ​និងផ្លែ​ទំពាំងបាយជូរជាដើម។

​ក្រៅពីស្រាមៀន ​បច្ចុប្បន្នសិប្បកម្មរបស់លោក ​ត្រៀមចេញផលិតផលស្រាដែលផលិតចេញ​ពីស្វាយ​កែវរមៀត​មួយមុខទៀត ​នៅខែសីហា ឆ្នាំ ​២០២៤ ​ខាងមុខនេះ ​បន្ទាប់ពីធ្វើតេស្ត​សាកល្បង​ម្ដងរួច​មក​ហើយ។

​លោក វួច ធុច ​ប្រាប់ថា ​បច្ចុប្បន្នលោកឃើញផ្លែស្វាយសល់ច្រើន ​មានអារម្មណ៍ថាស្ដាយ ​ក៏ចាប់ផ្ដើម​បន្តពង្រីក​ការកែច្នៃ ​បន្ថែម ​ខណៈលំនាំនៃការកែច្នៃប្រហាក់ប្រហែល ​និងស្រាទំពាំង​បាយ​ជូរ ​គ្រាន់តែ​ស្វាយ​មានជាតិអាស៊ីតច្រើនជាងបន្តិច។

​បច្ចុបន្ន​សង្វាក់ផលិតកម្ម​ស្រាមៀន​ផលិតបានប្រមាណ ​១.០០០ ដប ក្នុងមួយខែ ​សិប្បកម្មបាន​កាត់​បន្ថយការផលិត ​ខណៈការលក់​ចេញ​ធ្លាក់​ចុះ​ ដោយសារបញ្ហាសេដ្ឋកិច្ច។​

​ផលិតផលស្រាមៀនប៉ៃលិន ​ត្រូវបានឆ្លងកាត់ការធ្វើតេស្តពីមន្ទីរពិសោធន៍ របស់ក្រសួងឧស្សាហកម្ម និងរចនាឡូហ្គូជាបន្តបន្ទាប់។​

​បរិមាណ​ផ្លែ​មៀនរាយ ១ ​តោន ​អាចផលិត​ស្រា​បាន ៥០០ ​ដប ផ្លែ​មៀន​​​ល្អ ​អាច​ផលិត​បាន​រហូត​ដល់ ១ ០០០​ ដប​ក្នុង​បរិមាណ​មៀន ១​ តោន​ដូច​គ្នា។ ស្រាមៀន​ប៉ៃលិន​មានតម្លៃ ៦ ម៉ឺនរៀល (១៥ដុល្លារ) ១ ដបនាពេលបច្ចុប្បន្ន៕

អត្ថបទ៖ ឡេង ដេត

​

The post ​ម្ចាស់សិប្បកម្មច្នៃស្រាពីផ្លែឈើ ចាក់ដើមទុនជាង ៥ ម៉ឺនដុល្លារ appeared first on Kampuchea Thmey Daily.

លោក ជួន ជីវិន រដ្ឋលេខាធិការក្រសួងអប់រំ យុវជននិងកីឡា បានលើកឡើងថា រាជរដ្ឋាភិបាលកម្ពុជា បានចាត់ទុកការអភិវឌ្ឍន៍ធនធានមនុស្ស ជាអាទិភាព នៃការអនុវត្តយុទ្ធសាស្ត្រគោលនយោបាយ នៅគ្រប់ដំណាក់កាល សំដៅលើកកម្ពស់ចំណេះដឹង ជំនាញវិជ្ជាជីវៈសមត្ថភាព សហគ្រិនភាព ការច្នៃប្រឌិតនវានុវត្តន៍ គុណធម៌ សីលធម៌ មនសិកាស្នេហាជាតិ និងស្មារតី ទទួលខុសត្រូវ សុខភាពល្អ និងកាយសម្បទារឹងមាំ តួនាទីស្ត្រី និងកិច្ចគាំពារសង្គម។

ការបើកសន្និបាតបូកសរុប និងវាយតម្លៃលទ្ធផលការងារអប់រំ យុវជន និងកីឡា នាពេលនេះ ពិតជាមានសារៈសំខាន់ ហើយសង្ឃឹមថា សមាជិកសមាជិកា នៃអង្គសន្និបាត នឹងខិតខំចូលរួមបញ្ចេញមតិយោបល់ ធ្វើបទបង្ហាញ និងពិភាក្សាក្នុងរយៈពេលពីរថ្ងៃនេះ ដើម្បីរកឱ្យឃើញនូវបញ្ហាចម្បងៗ ដើម្បីដាក់ចេញជាអនុសាសន៍សម្រាប់អនុវត្តនាឆ្នាំសិក្សាថ្មី ២០២៣-២០២៤ ឱ្យបានសម្រេចទៅតាមផែនការដែលបានគ្រោងទុក។

លោករដ្ឋលេខាធិការ បានជំរុញដល់បុគ្គលិកអប់រំទាំងអស់ ពិសេសលោកគ្រូ អ្នកគ្រូ និងនាយកសាលានានា ត្រូវពង្រឹងនូវការគ្រប់គ្រងសាលារៀនឱ្យមានវិន័យល្អ ដើម្បីឱ្យប្រព័ន្ធអប់រំ ក្នុងខេត្ត កាន់តែមានភាពរឹងមាំ និងល្អប្រសើបន្ថែមទៀត ជាពិសេសត្រូវចូលរួមចំណែកអនុវត្ដគោលនយោបាយភូមិ-ឃុំ សង្កាត់មានសុវត្ដិភាព ដែលធ្វើឱ្យស្របគ្នាទាំងការអប់រំក្នុងប្រព័ន្ធ និងក្រៅប្រព័ន្ធ ដើម្បីពង្រឹងសកម្មភាពអប់រំ កីឡា និងជំរុញឱ្យមានការចូលរួម ព្រមទាំងបន្ដពង្រឹងកិច្ចសហការ និងពង្រីកទំនាក់ទំនងជាមួយដៃគូអភិវឌ្ឍន៍នានា។

លោក សុខ ពិសី អភិបាលរងខេត្តប៉ៃលិន បានមានប្រសាសន៍ថា រដ្ឋបាលខេត្តប៉ៃលិន ក្រោមការដឹកនាំ និងការយកចិត្តទុកដាក់ខ្ពស់ពីសំណាក់ លោកស្រីអភិបាលខេត្ត បានអនុវត្តយ៉ាងសកម្ម និងប្រកបដោយស្មារតីទទួលខុសត្រូវ នូវគោលនយោបាយ និងគោលការណ៍នានារបស់រាជរដ្ឋាភិបាលកម្ពុជា។ វិស័យអប់រំ យុវជន និងកីឡា ពិតជាមានសារៈសំខាន់សម្រាប់សង្គម និងប្រទេសជាតិយើងទាំងមូល ក្នុងការអភិវឌ្ឍន៍លើគ្រប់វិស័យមិនអាចខ្វះបាន ហើយដោយផ្អែកតាមកម្មវិធីនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំដ៏ស្វាហាប់ និងឈ្លាសវៃរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដើម្បីកំណើន, ការងារ សមធម៌ ប្រសិទ្ធភាព និង ចីរភាព ដោយផ្តោតជាសំខាន់លើរបៀបវារៈ ធានា «ប្រសិទ្ធភាពសមិទ្ធកម្ម» តាមរយៈការអនុវត្តអភិក្រម «ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់» ដែលនេះជាគតិបណ្ឌិតដឹកនាំដ៏ឈ្លាសវៃរបស់ប្រមុខរាជរដ្ឋាភិបាលកម្ពុជា ក្នុងការអភិវឌ្ឍន៏លើគ្រប់វិស័យ។

បើតាមរបាយការណ៍របស់ លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្ត បានឱ្យដឹងថា ក្នុងឆ្នាំសិក្សាថ្មី ២០២៣-២០២៤ ខេត្តប៉ៃលិន មានបុគ្គលិកអប់រំសរុបចំនួន ៨៦៩នាក់ ស្រី ៤២១នាក់ និង មានសិស្សទូទាំងខេត្តសរុបចំនួន ២០ ១២៧នាក់ ស្រី ១០ ១៦១នាក់ មត្តេយ្យសិក្សា ២៧សាលា មានសិស្សចំនួន ១ ២១៧នាក់ ស្រី ៦៦៤នាក់ បឋមសិក្សា ៥៣សាលា មានសិស្សចំនួន ១ ១១២៤ នាក់ ស្រី ៥ ៤១៩នាក់, អនុវិទ្យាល័យ ៦សាលា មានសិស្សចំនួន ១ ៧០១នាក់ ស្រី ៨៧៦នាក់, វិទ្យាល័យ ៣សាលា មានសិស្សចំនួន ៣ ៦៩៤នាក់ ស្រី ២០៥៦នាក់, មត្តេយ្យសិក្សាសហគមន៍ ១២សាលា មានសិស្សចំនួន ២៦៣នាក់ ស្រី ១២៣នាក់ មត្តេយ្យសិក្សាឯកជន ១០សាលា មានសិស្សចំនួន ៦១៤នាក់ ស្រី ២៩៥នាក់, បឋមសិក្សាឯកជន ១១សាលា មានសិស្សចំនួន ១ ៤១៣នាក់ ស្រី ៦៦៦នាក់ និងអនុវិទ្យាល័យឯកជន ១សាលា មានសិស្សចំនួន ១០១នាក់ ស្រី ៦២នាក់៕​

អត្ថបទ សេង សុវណ្ណារិទ្ធ

The post មន្ត្រីជាន់ខ្ពស់ក្រសួងអប់រំ ជំរុញបុគ្គលិកអប់រំប៉ៃលិន ពង្រឹងប្រព័ន្ធអប់រំឱ្យប្រសើរថែមទៀត appeared first on Kampuchea Thmey Daily.

ការលើកឡើងរបស់ លោក ម៉េត រ៉សេត ធ្វើនៅថ្ងៃទី៧ ខែកុម្ភៈ ឆ្នាំ២០២៤ ស្ថិតតាមបណ្តោយផ្លូវជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ។ លោក ម៉េត រ៉សេត បានឱ្យដឹងថា ការដឹកនាំក្រុមការងារ និងយុវជន ដើររើសសម្រាមសម្អាតបរិស្ថាន រក្សាសោភ័ណភាពនេះ គឺធ្វើចាប់ពីមុខច្រកទ្វារព្រំដែនអន្តរជាតិព្រំ រហូតដល់ទីរួមស្រុកសាលាក្រៅ ក្នុងគោលបំណង ឱ្យស្រុកសាលាក្រៅ ក្លាយជាស្រុកស្រស់ស្អាតពណ៌បៃតង និងដើម្បីទាក់ទាញភ្ញៀវទេសចរ។

ចំណែក លោក នឹម អឿន ប្រធានយុវជន ស.ស.យ.ក មូលដ្ឋានសង្កាត់ប៉ៃលិន បានឱ្យដឹងថា ដោយមានការណែនាំ ចង្អុលបង្ហាញពី លោកស្រី បាន ស្រីមុំ អភិបាលខេត្តប៉ៃលិន និងជាប្រធាន ស.ស.យ.ក ខេត្តប៉ៃលិន បានជំរុញដល់រដ្ឋបាលក្រុង/ស្រុក និងក្រុមការងារ ស.ស.យ.ក ខេត្ត ត្រូវចុះសម្អាតអនាម័យបរិស្ថាន និងផ្សព្វផ្សាយអប់រំ ដល់ប្រជាពលរដ្ឋ និងអាជីវករលក់ដូរទាំងអស់ នៅតាមទីផ្សារអំពីការសម្អាតអនាម័យ ការវេចខ្ចប់សំរាម និងកាកសំណល់ផ្សេងៗឱ្យបានត្រឹមត្រូវ ដើម្បីងាយស្រួលក្នុងការគ្រប់គ្រងផងដែរ។

លោក នឹម អឿន បានបន្តថា ក្នុងការសម្អាតអនាម័យនេះ គឺក្រុមការងារ ស.ស.យ.ក ខេត្ត សហការជាមួយរដ្ឋបាលក្រុងប៉ៃលិន អាជ្ញាធរមូលដ្ឋាន កងកម្លាំងសមត្ថកិច្ច ហើយម្យ៉ាងវិញទៀត ការដើររើសសំរាមនេះ គឺចង់បង្ហាញឱ្យប្រជាពលរដ្ឋ ដែលរស់នៅតាមផ្ទះក្បែរដងផ្លូវមានការអៀនខ្មាស កុំឱ្យបន្តបោះចោលសំរាមពាសវាលពាសកាល ព្រោះជាគំរូមិនល្អដល់ក្មេងជំនាន់ក្រោយ និងភ្ញៀវទេសចរជាតិ និងអន្តរជាតិ។

លោក នឹម អឿន បន្តថា ដើម្បីឱ្យទីក្រុងប៉ៃលិនទាំងមូលមានភាពស្រស់បំព្រង និងស្អាតល្អ ទាល់តែប្រជាពលរដ្ឋម្នាក់ៗ មានការរួមសហការគ្នា មិនត្រូវហូបអាហាររួច បោះចោលកាកសំណល់ចង់ប្លាស្ទិក កញ្ចប់ ឬដបធំរ ផ្តសផ្តាស។ ជាមួយគ្នានេះ លោកបានសូមអំពាវនាវ ដល់ប្រជាពលរដ្ឋរស់នៅក្នុងក្រុងប៉ៃលិន លះបង់ចោលនូវទម្លាប់មិនល្អ ដែលបោះចោលសំរាមគ្មានសណ្ដាប់ធ្នាប់ មិនដាក់ក្នុងធុងសំរាម ជាពិសេសអ្នករស់នៅតាមភូមិ សូមចាប់ផ្ដើមចេះសម្អាតអនាម័យមុខផ្ទះរបស់ខ្លួនជារៀងរាល់ថ្ងៃ មិនត្រូវទុកសំរាមរហូតដល់ក្លាយជាគំនរ នាំឱ្យបាត់បង់នូវសណ្ដាប់ធ្នាប់សាធារណៈ ព្រមទាំងបង្កទៅជាជំងឺផ្លូវដង្ហើមផ្សេងៗ៕

អត្ថបទ៖ សេង សុវណ្ណារិទ្ធ

The post ស.ស.យ.ក ប៉ែលិន អំពាវនាវប្រជាពលរដ្ឋ ចេះទុកដាក់សំរាម ដើម្បីភាពស្រស់ស្អាតខេត្ត appeared first on Kampuchea Thmey Daily.

លោកស្រីអភិបាលខេត្ត មានប្រសាសន៍បន្តថា ក្នុងសម័យកាលបច្ចុប្បន្ននេះ បច្ចេកវិទ្យាកាន់តែទំនើប និងជឿនលឿន ក្នុងនោះដែរក៏ទាមទារឱ្យមន្រ្តីសុខាភិបាលត្រូវខិតខំបង្កើនសមត្ថភាពទៅតាមជំនាញរបស់ខ្លួនឱ្យបានខ្លាំងជាងមុនដើម្បីដើរឱ្យទាន់វិស័យសុខាភិបាល និងប្រទេសជិតខាង ឬប្រទេសនានាលើសកលលោកព្រោះវិស័យសុខាភិបាល ពិតជាសំខាន់ខ្លាំងណាស់ សម្រាប់មនុស្សជាតិរបស់យើង។

លោកស្រី បាន ស្រីមុំ មានប្រសាសន៍បន្ថែមទៀតថា ការពង្រឹងសមត្ថភាពលើជំនាញវិជ្ជាជីវៈ របស់លោកគ្រូ អ្នកគ្រូពេទ្យនេះវានឹងធ្វើឱ្យវិស័យសុខាភិបាលកាន់តែមានទំនុកចិត្តមកលើបងប្អូនប្រជាពលរដ្ឋពិសេសវាអាចធ្វើឱ្យពលរដ្ឋមួយចំនួន​ងាកមកទទួលសេវាសុខាភិបាលនៅក្នុងស្រុកវិញ ដូច្នេះហើយទន្ទឹមនឹងការពង្រឹងទាំងសមត្ថភាព ក្រមសីលធម៌នេះផងដែរ ក្រុមគ្រូពេទ្យមួយចំនួនតូចក៏ត្រូវតែកែប្រែឬផ្លាស់ប្តូរឥរិយាបទ សំដីសំដៅមួយចំនួនមិនសមរម្យចេញ​ ហើយយកចិត្តទុកដាក់ខិតខំបម្រើសេវាសុខាភិបាលនេះជូនបងប្អូនប្រជាពលរដ្ឋឱ្យបានកាន់តែល្អប្រសើរឡើងថែមទៀត។

ជាមួយគ្នានេះ លោកស្រីអភិបាលខេត្ត ក៏បានកោតសរសើរចំពោះក្រុមគ្រូពេទ្យជំនាញដែលកន្លងបានខិតខំបំពេញភារកិច្ចរបស់ខ្លួន ប្រកបដោយការយកចិត្តទុកដាក់ និងការទទួលខុសត្រូវខ្ពស់ក្នុងការពិនិត្យតាមដានសុខភាពជូនប្រជាពលរដ្ឋព្រមទាំងបានសម្ដែងការលើកទឹកចិត្តខ្ពស់ដល់អាជ្ញាធរមូលដ្ឋានដែលបានរួមសហការគ្នាចុះធ្វើការអប់រំផ្សព្វផ្សាយ និងណែនាំបងប្អូនប្រជាពលរដ្ឋ ដែលមានការសង្ស័យឬទើបវិលមកពីក្រៅប្រទេស ឱ្យមកពិនិត្យសុខភាព និងចូលរួមអនុវត្តន៍តាមការណែនាំ របស់ក្រសួងសុខាភិបាលដើម្បីរួមគ្នាបង្ការ និងទប់ស្កាត់ ការរីករាលដាលនៃជំងឺកូវីដ-១៩នាពេលកន្លងមកផងដែរ៕

អត្ថបទ៖ សេង សុវណ្ណារិទ្ធ

The post អភិបាលខេត្តប៉ៃលិន ណែនាំមន្រ្តីសុខាភិបាលត្រូវពង្រឹងសមត្ថភាព ក្រមសីលធម៌ និងបង្កើនភាពអត់ធ្មត់ appeared first on Kampuchea Thmey Daily.

លោកប្រធានមន្ទីរបញ្ជាក់បន្ថែមថា នាឱកាសបុណ្យភ្ជុំបិណ្ឌ ថ្ងៃទី១៥ ខែតុលា ឆ្នាំ២០២៣ ម្សិលមិញ សម្រាប់រមណីយដ្ឋាន និងតំបន់ទេសចរណ៍ ក្នុងខេត្តប៉ៃលិនទាំង០៧កន្លែង ភ្ញៀវទេសចរណ៍មានចំនួន៣៦,៨៨៩នាក់ ក្នុងនោះមានទេសចរជាតិមានចំនួន ៣៣,៩៣៧ នាក់ និងទេសចរអន្តរជាតិ មានចំនួន ២៩៥២ នាក់។ បើប្រៀបធៀបនឹងរយៈពេល៣ថ្ងៃដូចគ្នា នៃពិធីបុណ្យភ្ជុំឆ្នាំ២០២២ ភ្ញៀវទេសចរមានការកើនឡើងជាង២ម៉ឺននាក់ ដោយទេសចរណ៍ឆ្នាំមុន មានចំនួន ៤៩,៧៤៨ នាក់។

បើតាមលោកឧត្តមសេនីយ៍ត្រី ឡាំ សំរិទ្ធ ស្នងការរងទទួលផែនការសេនាធិការ និងជាអ្នកនាំពាក្យ នៃស្នងការដ្ឋាននគរបាលខេត្តប៉ៃលិន បានឱ្យដឹងថា លោកស្រី បាន ស្រីមុំ អភិបាលខេត្តប៉ៃលិន និងដោយមានការដឹកនាំបញ្ជាផ្ទាល់ពីលោកស្នងការនគរបាលខេត្ត កម្លាំងនគរបាលក្រោមឱវាទ នៃស្នងការដ្ឋាននគរបាលខេត្តប៉ៃលិន បានចុះត្រួតពិនិត្យតាមគោលដៅនីមួយៗ មានដូចជាតាមរមណីយដ្ឋានធម្មជាតិ និងកែច្នៃ ដើម្បីថែរក្សាសន្តិសុខសណ្តាប់ធ្នាប់ ជូនដល់ប្រជាពលរដ្ឋ។

លោកបន្តថា ចាប់តាំងពីវេណទី១ នៃពិធីបុណ្យកាន់បិណ្ឌ និងភ្ជុំបិណ្ឌ កងកម្លាំងនគរបាលស្នងការខេត្តទាំងអស់ ត្រូវបានបែងចែកទៅតាមគោលដៅនីមួយៗ ពោលគឺចុះការពារទាំងយប់ទាំងថ្ងៃ ក្នុងការថែរក្សាសន្តិសុខ សុវត្ថិភាពជូនដល់ប្រជាពលរដ្ឋនៅក្នុងខេត្ត ក៏ដូចជាមកពីបណ្តាខេត្តនានាចូលមកធ្វើបុណ្យទានក្នុងខេត្តប៉ៃលិន៕

អត្ថបទ៖ សេង សុវណ្ណារិទ្ធ

The post ខេត្តប៉ៃលិន ទទួលបានភ្ញៀវទេសចរជាង៧ម៉ឺននាក់ ក្នុងឱកាសបុណ្យភ្ជុំបិណ្ឌរយៈពេល៣ថ្ងៃ appeared first on Kampuchea Thmey Daily.