ក្នុងនោះព្រឹត្តិការណ៍វប្បធម៌ «ខ្លឹមនៃព្រះនគរ»គេកត់ សម្គាល់ឃើញមានមហាជនអ្នកគាំទ្រនិងសិល្បករសិ ល្បការិនីខ្មែរជាច្រើនបានបង្ហាញវត្តមានចូលរួមគាំទ្រយ៉ាងច្រើនកុះករអមដោយសំឡេងចូលរួមអបអរសាទរចំពោះព្រឹត្តិការណ៍វប្បធម៌ដ៏អស្ចារ្យ «ខ្លឹមនៃព្រះនគរ» ដែលតារាចម្រៀងទេព បូព្រឹក្សបានរៀបចំឡើងយ៉ាងលេចធ្លោបំផុត។

តាមការអះអាងពីសំណាក់តារាចម្រៀង ទេព បូព្រឹក្ស បានឱ្យដឹងថា សម្រាប់ថវិកាដែលប្រមូលបានពីការលក់សំបុត្រនឹងត្រូវបរិច្ចាគជូនទៅមូលនិធិសប្បុរសធម៌ដើម្បីជួយដល់វីរកងទ័ពជួរមុខ។ អ្នកនាង ទេព បូព្រឹក្ស បានបញ្ជាក់ឱ្យដឹងទៀតថា “ពួកយើងនឹងរួបរួមគ្នាបង្កើតប្រវត្តិសាស្រ្ត នៃយុគសម័យថ្មីក្នុងស្មារតីខ្មែររួបរួម”។

អ្នកនាងនិយាយបន្តថាប្រាសាទព្រះវិហារ ,ប្រាសាទ អង្គរវត្ត ,ប្រាសាទតាមាន់តូច, ប្រាសាទតាមាន់ធំ និង ប្រាសាទតាក្របីបានដាក់បង្ហាញនៅក្នុងព្រឹត្តិការណ៍ខាងលើផងដែរ។ នាងបន្តថាសម្បត្តិវប្បធម៌ដែលជាដួងព្រលឹងជាតិគឺត្រូវបានយកចិត្តទុកដាក់ថែរក្សាជាមួយនឹងសកម្មភាពយ៉ាងសកម្មអំពីពួកយើងដែលជាកូនចៅនៃព្រះចៅក្រុងកម្ពុជា។

គួរបញ្ជាក់ថាព្រឹត្តិការណ៍វប្បធម៌ «ខ្លឹមនៃព្រះនគរ» ធ្វើឡើងក្នុងគោលបំណង ដើម្បីដាស់ស្មារតីស្នេហាជាតិ និងវប្បធម៌ជាតិក៏ដូចជាក្រើនរំឭក និងលើកតម្កើងនូវសម្បត្តិវប្បធម៌ជាតិយើងឱ្យកាន់តែខ្លាំងជាងមុន។ តាមរយ:សកម្មភាពនេះ គឺជាចលនាវប្បជាតិនិយមដ៏អស្ចារ្យមួយចូលខ្មែរមានស្មារតីជាចង្កឹះមួយបាច់ (វប្បធបម៌រលត់ ជាតិរលាយ វប្បធម៌ពណ្ណ រាយជាតិថ្កើងថ្កាន)៕ ដោយ៖ ចាន់រ៉ា

The post រំភើបបិទមាត់មិនជិត! ព្រឹត្តិការណ៍វប្បធម៌ «ខ្លឹមនៃព្រះនគរ» របស់ ទេព បូព្រឹក្ស ទទួលបានការគាំទ្រយ៉ាងច្រើនកុះករ appeared first on Kampuchea Thmey Daily.

ក្នុងឱកាសប្រជុំដោយសិល្បករសិល្បការិនីល្បីៗ មន្ត្រីជាន់ខ្ពស់នៃក្រសួងវប្បធម៌ ពិសេសភ្ញៀវកិត្តិយសដែលជាអ្នកស្រលាញ់លើកស្ទួយវប្បធម៌ តាមរយៈការចូលរួមកម្មវិធីខាងលើនេះជាមួយឈុតប្រពៃណី បុរាណខ្មែរ ឬសហសម័យ លោក ឯម រៀម ក៏បានចូលរួមផងដែរ ដោយបង្ហាញខ្លួនជាមួយនឹងការច្នៃម៉ូដសម្លៀកបំពាក់ប្លែកពីគេ។ តែគំនិតនៃការច្នៃប្រឌិតរបស់លោក ធ្វើឱ្យមានមតិជាច្រើនសម្តែងការមិនពេញចិត្ត ដោយយល់ថា ឈុតរបស់លោក ពិតជាមិនស័ក្តិសមយកមកបង្ហាញក្នុងកម្មវិធីមួយនេះនោះទេ។

មតិសាធារណជនមួយចំនួនលើកឡើងថា លោក ឯម រៀម ធ្វើនេះគឺផ្ទុយស្រឡះពីកម្មវិធីដែលគេបានរៀបចំដែលមានអត្ថន័យថា «ខ្លឹមនៃព្រះនគរ» និងយល់ថា ទង្វើនេះហាក់បំផ្លាញវប្បធម៌ដ៏ល្អផូរផង់ខ្មែរផងដែរ។

ទោះបីជាយ៉ាងណាគិតមកដល់ពេលនេះនៅមិនទាន់ឃើញមានការចេញមុខបកស្រាយពីសំណាក់សាមីខ្លួនលោក ឯម រៀម នៅឡើយទេ។ ទន្ទឹមនឹងមតិរិះគន់ ក៏មានមតិស្នើដល់ក្រសួងវប្បធម៌ និងវិចិត្រសិល្ប: គួរពិនិត្យមើលករណីអ្នកច្នៃម៉ូដរូបនេះផងដែរ៕ ដោយ ៖ ចាន់រ៉ា

The post ផ្ទុះការរិះគន់ឈុតអ្នកច្នៃម៉ូដ ឯម រៀម ថាផ្ទុយអត្ថន័យពិត នៃកម្មវិធី «ខ្លឹមនៃព្រះនគរ» appeared first on Kampuchea Thmey Daily.