គង់ ណៃ Archives - Kampuchea Thmey Daily

សម្តេចធិបតី ហ៊ុន ម៉ាណែត ចាត់តាំងក្រុមជំនួយការនាំយកសារលិខិតរំលែកមរណទុក្ខ និងថវិកាជូនដល់គ្រួសារសពលោកព្រឹទ្ធាចារ្យ គង់ ណៃ

Sokhom Khon — Sun, 30 Jun 2024 14:19:23 +0000

នារសៀលថ្ងៃទី៣០ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី បានចាត់តាំងក្រុមជំនួយការនាំយកសារលិខិតរំលែកមរណទុក្ខ និងថវិកាមួយចំនួនជូនដល់ក្រុមគ្រួសារសពរបស់លោកព្រឹទ្ធាចារ្យកោសល្យវោហារ គង់ ណៃ មត៌កមនុស្សរស់ចាបុីដងវែង ដែលបានទទួលមរណភាព នាថ្ងៃទី២៨ ខែមិថុនា ឆ្នាំ២០២៤ ស្ថិតនៅក្នុងភូមិដូង ឃុំស្វាយទង ស្រុកកំពង់ត្រាច ខេត្តកំពត ដោយរោគាពាធ ក្នុងជន្មាយុ ៨០ឆ្នាំ ។

ក្រុមគ្រួសារសព បានគោរពថ្លែងអំណរគុណចំពោះ សម្តេចធិបតី និងលោកជំទាវបណ្ឌិត ជាអនេក នូវទឹកចិត្តដ៏មហាវិសេសវិសាល និងក្តីសប្បុរសជាពន់ពេកដល់លោកព្រឹទ្ធាចារ្យ ជាពិសេស បានឧបត្ថម្ភដល់ការព្យាបាលកន្លងមក ដែលជាការតបស្នងនូវគុណូបការៈដ៏ថ្លៃថ្លានេះ មានតែលើកម្រាមដៃប្រណមបួងសួងដល់វត្ថុស័ក្តិសិទ្ធិក្នុងលោក តាមជួយបីបាច់ថែរក្សា និងប្រសិទ្ធពរជ័យ សិរីមង្គល បវរមហាប្រសើរចំពោះ សម្តេចមហាបរវធិបតី និងលោកជំទាវបណ្ឌិត ព្រមទាំងបុត្រាបុត្រី កុំបីឃ្លៀងឃ្លាតទ្បើយ៕

The post សម្តេចធិបតី ហ៊ុន ម៉ាណែត ចាត់តាំងក្រុមជំនួយការនាំយកសារលិខិតរំលែកមរណទុក្ខ និងថវិកាជូនដល់គ្រួសារសពលោកព្រឹទ្ធាចារ្យ គង់ ណៃ appeared first on Kampuchea Thmey Daily.

ប្រធានសមាគមសិល្បករខ្មែរ ស្កាត់ទៅសួរសុខទុក្ខព្រឹទ្ធាចារ្យកោសល្យវោហារ គង់ ណៃ នៅមន្ទីពេទ្យ

Din Thary — Fri, 10 May 2024 03:26:58 +0000

ស្របពេលដែលទទួលបានដំណឹងនៃការធ្លាក់ខ្លួនឈឺរបស់លោកព្រឹទ្ធាចារ្យកោសល្យវោហារ គង់ ណៃ វីរៈសិល្បករចាប៉ីដងវែងដែលកំពុងសម្រាកព្យាបាលនៅមន្ទីរពេទ្យ ប្រធានសមាគមសិល្បករខ្មែរអាណត្តិថ្មីទើបឡើងកាន់តំណែងលោកជំទាវអ្នកឧកញ៉ា ម៉ៅ ចំណាន បានស្កាត់ទៅសួរសុខទុក្ខដោយផ្ទាល់។

បើតាមការបញ្ជាក់នៅលើទំព័រហ្វេសប៊ុករបស់សមាគមសិល្បករខ្មែរបានឲ្យដឹងថា កាលពីរសៀលថ្ងៃទី០៩ ខែឧសភា ឆ្នាំ២០២៤ម្សិលមិញ គឺលោកជំទាវអ្នកឧកញ៉ា ម៉ៅ ចំណាន បានដឹកនាំក្រុមការងារអញ្ជើញទៅសួរសុខទុក្ខព្រឹទ្ធាចារ្យកោសល្យវោហារលោកតា គង់ ណៃ វីរៈសិល្បករចាប៉ីដងវែងដែលកំពុងសម្រាកព្យាបាលជំងឺនៅឯមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី)ប្រកបដោយសេចក្ដីព្រួយបារម្ភជាទីបំផុត។

ជាមួយគ្នានោះលោកជំទាវអ្នកឧកញ៉ាប្រធានសមាគមសិល្បករខ្មែរបានសាកសួរអំពីស្ថានភាពនានារបស់លោកព្រឹទ្ធាចារ្យ គង់ ណៃ ពីសំណាក់ក្រុមគ្រួសារដែលកំពុងមើលថែលោកព្រឹទ្ធាចារ្យនៅមន្ទីរពេទ្យ ព្រម ទាំងបាននាំយកនូវថវិការបស់សមាគមសិល្បករខ្មែរ និងថវិការបស់លោកជំទាវឧកញ៉ាផ្ទាល់ប្រគល់ជូនដល់ក្រុមគ្រួសារលោកព្រឹទ្ធាចារ្យដើម្បីសម្រាលបន្ទុកចំណាយមួយផ្នែកផងដែរ។

ក្នុងឱកាសនោះលោកជំទាវក៏បានគោរពជូនពរដល់ព្រឹទ្ធាចារ្យកោសល្យវោហារ គង់ ណៃ ដោយសង្ឃឹមថាសុខភាពរបស់លោកព្រឹទ្ធាចារ្យនឹងបានល្អប្រសើរឡើងវិញ ហើយបានជួបលោកតាព្រឹទ្ធាចារ្យសារជាថ្មីម្ដងទៀតនាពេលឆាប់ៗខាងមុខនេះខណៈសមាគមក៏កំពុងត្រៀមរៀបចំកម្មវិធីដ៏ធំមួយសម្រាប់ជួយដល់សិល្បកររៀមច្បង ហើយលោកជំទាវអ្នកឧកញ៉ាពិតជាចង់ឃើញព្រឹទ្ធាចារ្យ គង់ ណៃ បង្ហាញវត្តមាននាឱកាសនោះ។

ទន្ទឹមនោះ លោកព្រឹទ្ធាចារ្យកោសល្យវោហារ គង់ ណៃ បានបង្ហាញអារម្មណ៍រីករាយដោយបានដឹងថាវត្តមានរបស់អ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរមានការយកចិត្តទុកដាក់ពីសុខទុក្ខរបស់លោក ព្រមទាំងបានអញ្ជើញទៅសាកសួរសុខទុក្ខដោយផ្ទាល់ដូច្នេះ។ នេះជាការលើកទឹកចិត្តយ៉ាងធំធេងដល់លោកព្រឹទ្ធាចារ្យ និងក្រុមគ្រួសារ។

គេនៅចាំបានថាកាលពីថ្មីៗនេះសិល្បករ-សិល្បការិនីជាច្រើនបានសម្តែងការចូលរួមអបអរសាទរខណៈដែលលោកជំទាវអ្នកឧកញ៉ា មៅ ចំណាន បានក្លាយជាប្រធានសមាគមសិល្បករខ្មែរ អាណត្តិទី៦ បន្ទាប់ពីការរៀបចំការបោះឆ្នោតកាលពីថ្ងៃទី០២ ខែឧសភា ឆ្នាំ២០២៤ កន្លងទៅនេះ៕

អត្ថបទ៖ ចាន់រ៉ា

The post ប្រធានសមាគមសិល្បករខ្មែរ ស្កាត់ទៅសួរសុខទុក្ខព្រឹទ្ធាចារ្យកោសល្យវោហារ គង់ ណៃ នៅមន្ទីពេទ្យ appeared first on Kampuchea Thmey Daily.

ខាត់ សុឃីម ស្កាត់ទៅសួរសុខទុក្ខវីរ:សិល្បករចាប៉ីដងវែង លោកតា គង់ ណៃ

Joly Heng — Sat, 28 May 2022 09:40:09 +0000

ភ្នំពេញ: បន្ទាប់ពីទទួលដំណឹងថា វិរ:សិល្បករចាប៉ីដងវែងលោកតា គង់ ណៃ ធ្លាក់ខ្លួនឈឺ និងចូលសម្រាកព្យាបាលនៅមន្ទីពេទ្យ តារាចម្រៀងពហុជំនាញអ្នកនាង ខាត់ សុឃីម បានចំណាយពេលផ្ទាល់ខ្លួនទៅសួរសុខទុក្ខដល់មន្ទីពេទ្យរុស្សីតែម្តង។

គេនៅចាំបានថាកាលពីអំឡុងដើម ខែ ឧសភា ឆ្នាំ ២០២២ កន្លងទៅអ្នកគាំទ្រនិងមហាជនមានការភ្ញាក់ ផ្អើលដោយសម្តែងការព្រួយបារម្ភគ្រប់គ្នាក្រោយទទួលបានដំណឹងថា វីរៈសិល្បករជើងចាស់ដ៏ល្បីល្បាញគឺលោកតា គង់ ណៃ ដែលជាព្រឹទ្ធាចារ្យចាប៉ីដងវៃង បានធ្លាក់ខ្លួនឈឺចូលសម្រាកព្យាបាលនៅមន្ទីរពេទ្យ។

យ៉ាងណាមិញ បន្ទាប់ពីលោកតា គង់ ណៃ ចូលសម្រាកព្យាបាលអស់រយៈពេលប្រមាណជាងកន្លះខែទៅនេះ ស្ថានភាពជំងឺរបស់លោកហាក់មានភាពធូរស្រាលច្រើន។ គេក៏សង្កេតឃើញមានបងប្អូនសាច់ញាតិនិងអ្នកសិល្បៈមួយចំនួនបានទៅសួរសុខទុក្ខលោកតាផ្ទាល់នៅមន្ទីរពេទ្យផងដែរ។ ជាក់ស្តែងពេលនេះ តារាស្រីអ្នកនាង ខាត់ សុឃីម ក៏បានទៅសួរសុខទុក្ខលោកតាដោយផ្ទាល់នៅមន្ទីពេទ្យរុស្សី។

អ្នកនាង ខាត់ សុឃីម បានបង្ហោះរូបភាពភ្ជាប់នឹងខ្លឹមសារដូច្នេះថា «ថ្ងៃនេះនាងខ្ញុំនឹងប្អូន វ៉ាន់ថាន់ បានមកសួរសុខទុក្ខលោកតា គង់ណៃ ដែលលោកតាមកសម្រាកព្យាបាលជំងឺនៅមន្ទីពេទ្យរុស្សី សូមជូនពរលោកតាឆាប់ជាសះស្បើយ។ មហាជនជាច្រើនបានផ្ញើសារជួនពរលោកតា គង់ ណៃ ឆាប់ជាសះស្បើយបានត្រឡប់ទៅផ្ទះវិញផងដែរ៕

អត្ថបទដោយ៖ ចាន់រ៉ា

The post ខាត់ សុឃីម ស្កាត់ទៅសួរសុខទុក្ខវីរ:សិល្បករចាប៉ីដងវែង លោកតា គង់ ណៃ appeared first on Kampuchea Thmey Daily.