ក្រសួងវប្បធម៌ និងវិចិត្រសិល្បៈបានឱ្យដឹងបន្ថែមថា សិក្ខាសាលានេះរៀបចំនៅសាល អង្គរវត្ត នៃក្រសួងវប្បធម៌ និងវិចិត្តសិល្បៈ ក្រោមអធិបតីភាព លោក ប្រាក់ សុណ្ណារ៉ា រដ្ឋលេខាធិការ តំណាង បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។

ក្រសួងវប្បធម៌ បញ្ជាក់ថា គោលបំណងនៃសិក្ខាសាលានេះ គឺពិគ្រោះយោបល់អំពីខ្លឹមសារ នៃទម្រង់ពាក្យស្នើសុំ បែបបទណែនាំ និងលក្ខខណ្ឌផ្សេងៗ គឺធ្វើយ៉ាងណាប្រមូលព័ត៌មាន និងធាតុចូលពីសិក្ខាកាមទាំងអស់ ដើម្បីមានការឯកភាពគ្នាមុននឹងយកទៅប្រើប្រាស់សម្រាប់ការចុះបញ្ជីស្មារតីចងចាំពិភពលោកថ្នាក់ជាតិ។

ការបង្កើតទម្រង់ពាក្យស្នើ សុំបញ្ចូលបេតិកភណ្ឌឯកសារក្នុងបញ្ជីស្មារតីចងចាំពិភពលោកថ្នាក់ជាតិនឹងផ្តល់ជាអត្ថប្រយោជន៍ ផ្ដល់ភាពងាយស្រួលដល់ស្ថាប័នរដ្ឋ ឬឯកជនក្នុងការស្នើសុំ បញ្ចូលបេតិកភណ្ឌឯកសារ ដែលស្ថាប័នទាំងនោះ យល់ថាមានសារៈសំខាន់ និង ជាយន្តការប្រើប្រាស់ក្នុងការស្រង់ព័ត៌មានបឋមទាក់ទង បេតិកភណ្ឌឯកសារថ្នាក់ខេត្ត ស្ថាប័នរដ្ឋ ឬឯកជន ដើម្បីពិចារណាក្នុងការចុះបញ្ជីស្មារតីចងចាំពិភពលោកថ្នាក់ជាតិ។

គួរបញ្ជាក់ថា សិក្ខាសាលាប្រព្រឹត្តទៅរយៈពេល ១ថ្ងៃពេញ ដោយមានការចូលរួមពីថ្នាក់ដឹកនាំក្រសួងវប្បធម៌ និងវិចិត្រសិល្បៈ, ប្រធាន និងអគ្គលេខាធិការ នៃគណៈកម្មាធិការស្មារតី ចងចាំពិភពលោក ថ្នាក់តំបន់អាស៊ីប៉ាស៊ីហ្វិក, ប្រធានអនុគណៈកម្មាធិការចុះបញ្ជី ស្មារតីចងចាំពិភពលោកតំបន់អាស៊ីប៉ាស៊ីហ្វិក, អ្នកជំនាញដែលធ្លាប់អនុវត្តកិច្ចការបង្កើតទម្រង់ពាក្យស្នើសុំថ្នាក់ជាតិនេះ ឬមានចំណេះដឹងលើដំណើរការ នៃការចុះបញ្ជីថ្នាក់តំបន់ ឬអន្តរជាតិ ដូចជា សារមន្ទីរទួលស្លែង បណ្ណាល័យជាតិ មជ្ឈមណ្ឌលធនធានសោតទស្សន៍បុប្ផាណា និងស្ថាប័នពាក់ព័ន្ធនានា ដែលត្រូវយកទៅអនុវត្ត និងផ្សព្វផ្សាយ៕

The post សិក្ខាសាលា បង្កើតទម្រង់ពាក្យស្នើសុំចុះ បេតិកភណ្ឌក្នុងបញ្ជីស្មារតីចងចាំពិភពលោកថ្នាក់ជាតិ appeared first on Kampuchea Thmey Daily.

សិក្ខាសាលាមានគោលបំណង បង្កើនការយល់ដឹង និងផ្សព្វផ្សាយឱ្យបានទូលំទូលាយដល់សិក្ខាកាម អំពីបេតិកភណ្ឌឯកសារ និងកម្មវិធីស្មារតីចងចាំពិភពលោក។ ជាពិសេស ប្រមូលព័ត៌មាន និងធាតុចូលពីសិក្ខាកាមទាំងអស់ ដើម្បីធ្វើព្រាងសម្រង់បេតិកភណ្ឌឯកសារ ថ្នាក់ខេត្ត និងពិនិត្យលទ្ធភាពលើការរៀបចំបញ្ជីថ្នាក់ជាតិ ដែលជាជំហានដំបូង និងតៀមចុះបញ្ជីថ្នាក់តំបន់ ឬ/និងថ្នាក់អន្តរជាតិនាពេលអនាគត។ ការរៀបចំបញ្ជីបេតិកភណ្ឌឯកសារ ថ្នាក់ជាតិនេះ គឺដើម្បីការពារ និងអភិរក្សឱ្យគង់វង្សឋិតថេរសម្រាប់កូនចៅជំនាន់ក្រោយ។

សិក្ខាសាលានេះ មានរបៀបវារៈដូចតទៅ៖

– បទបង្ហាញ ស្ដីពីគោលការណ៍ណែនាំ និងច្បាប់នានា អំពីបេតិកភណ្ឌឯកសារ និង បេតិកភណ្ឌឯកសារកម្ពុជាដែលបានចុះបញ្ជី

– កិច្ចពិភាក្សា ដើម្បីពិនិត្យលទ្ធភាពក្នុងចងក្រងបញ្ជីបេតិកភណ្ឌឯកសារថ្នាក់ជាតិ

– ការតាំងពិព័រណ៍ ដើម្បីរំលឹកខួប ៣០ឆ្នាំ នៃការបង្កើតកម្មវិធីស្មារតីចងចាំពិភពលោក

– ដំណើរទស្សនកិច្ចដល់ទីតាំងផ្ទាល់ មានសារមន្ទីរប្រល័យពូជសាសន៍ទួលស្លែង និងមជ្ឈមណ្ឌលសោតទស្សន៍បុប្ផាណា ដើម្បីស្វែងយល់បន្ថែមពីរបៀបទុកដាក់ កិច្ចការពារ និងអភិរក្ស បេតិកភណ្ឌឯកសារ រួមមាន បណ្ណសារ និងឯកសារសំឡេងដែលមានតម្កល់នៅទីនោះ៕

The post ពហុភាគី សហការផ្សព្វផ្សាយ បេតិកភណ្ឌឯកសារដែលបានចុះបញ្ជីក្នុង “ស្មារតីចងចាំពិភពលោក” appeared first on Kampuchea Thmey Daily.