កិច្ចប្រជុំគណៈកម្មាធិការអចិន្ត្រៃយ៍រដ្ឋសភារកម្ពុជា ដែលប្រព្រឹត្តទៅក្រោមអធិបតីសម្តេច ឃួន សុដារី ប្រធានរដ្ឋសភា បានអនុម័តកំណត់កាលបរិច្ឆេទបើកសម័យប្រជុំរដ្ឋសភា លើកទី៣ នីតិកាលទី៧ នៅព្រឹកថ្ងៃទី៣១​ ខែតុលា ឆ្នាំ២០២៤ ដោយមានរបៀបវារៈ ស្ដាប់ព្រះរាជសារព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ជូនសម័យប្រជុំរដ្ឋសភា លើកទី៣ នីតិកាលទី៧ និងរបាយការណ៍សង្ខេបស្តីពីសកម្មភាពការងាររបស់រដ្ឋសភាចន្លោះសម័យប្រជុំរដ្ឋសភាលើកទី២ និង លើកទី៣ នីតិកាលទី៧។

បន្ថែមពីនេះ សម័យប្រជុំរដ្ឋសភា ក៏នឹងប្រកាសអំពីសុពលភាពនៃអាណត្តិរបស់លោក ហ៊ី វីរៈ ជាតំណាងរាស្ត្រមណ្ឌលខេត្តកំពង់ឆ្នាំង ជំនួសសម្តេចចៅហ្វាវាំង គង់ សំអុល ដែលបានទទួលមរណភាព ការបោះឆ្នោតជ្រើសតាំងលោក អ៊ុត រ៉ាឌី ជាសមាជិកឧត្តមក្រុមប្រឹក្សានៃអង្គចៅក្រម សម្រាប់អាណត្តិទី៣ ជ្រើសតាំងដោយរដ្ឋសភា ព្រមទាំងការពិភាក្សា និងអនុម័តសេចក្តីស្នើវិសោធនកម្មបទបញ្ជាផ្ទៃក្នុង នៃរដ្ឋសភាកម្ពុជា។

ដោយឡែក សេចក្ដីព្រាងច្បាប់ចំនួនពីរ ដែលស្នើឡើងដោយរាជរដ្ឋាភិបាល ក៏ត្រូវបានដាក់បញ្ចូលក្នុងរបៀបវារៈប្រជុំពេញអង្គរដ្ឋសភា នៅថ្ងៃទី៣១ ខែតុលាផងដែរ។ ក្នុងនោះ មានការពិភាក្សា និងអនុម័តសេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជាចូលជាភាគីនៃកិច្ចព្រមព្រៀងស្តីពីការទទួលយកបទប្បញ្ញត្តិបច្ចេកទេសរួមនៃអង្គការសហប្រជាជាតិសម្រាប់យានយន្ត បរិក្ខារ និងគ្រឿងបន្លាស់ ដែលអាចបំពាក់ និង/ឬប្រើប្រាស់ទៅលើយានយន្តនិងលក្ខខណ្ឌសម្រាប់ការទទួលស្គាល់ទៅវិញ ទៅមកនៃការផ្តល់អនុលោមភាពដោយឈរលើមូលដ្ឋាននៃបទប្បញ្ញត្តិអង្គការសហប្រជាជាតិ និងការពិភាក្សា និងអនុម័តសេចក្តីព្រាងច្បាប់ស្តីពីប្រព័ន្ធទឹកកខ្វក់៕

The post រដ្ឋសភានឹងបើកសម័យប្រជុំពេញអង្គ នៅថ្ងៃទី៣១ ខែតុលា ដែលមានរបៀបវារៈចំនួន៧ appeared first on Kampuchea Thmey Daily.

នៅក្នុងកិច្ចប្រជុំគណៈកម្មាធិការអចិន្ត្រៃយ៍រដ្ឋសភា កាលពីថ្ងៃទី៤ ខែកក្កដា ឆ្នាំ២០២៤ ក្រោមវត្តមានដឹកនាំរបស់សម្ដេច ឃួន សុដារី ប្រធានរដ្ឋសភា បានសម្រេចអនុម័តយល់ព្រមលើលិខិតបទដ្ឋានគតិយុត្តចំនួន៣ដាច់ដោយឡែកពីគ្នា គឺរួមមាន ១) សេចក្តីសម្រេចស្តីពីបែបបទ នីតិវិធី និងវិធាននៃការតាំងសំណួរ ចម្លើយ និងការបំភ្លឺនៅរដ្ឋសភា ២) សេចក្តីសម្រេចស្តីពីបែបបទ និងនីតិវិធីនៃការចុះបំពេញបេសកកម្មរបស់គណៈកម្មការនានានៃរដ្ឋសភា និង៣) សេចក្តីសម្រេចស្តីពីបែបបទការងាររបស់គណៈកម្មការនានានៃរដ្ឋសភា។ នេះបើតាមសេចក្ដីប្រកាសព័ត៌មានរបស់អគ្គលេខាធិការដ្ឋានរដ្ឋសភា។

សេចក្តីសម្រេចស្តីពីបែបបទ នីតិវិធី និងវិធាននៃការតាំងសំណួរ ចម្លើយ និងការបំភ្លឺនៅរដ្ឋសភា គឺមានគោលបំណងកំណត់អំពីបែបបទ នីតិវិធី និងវិធាននៃការតាំងសំណួរ ចម្លើយ និងការបំភ្លឺនៅរដ្ឋសភា ដូចមានចែងក្នុងមាត្រា៨៩ថ្មី មាត្រា៩៦ មាត្រា៩៧ នៃរដ្ឋធម្មនុញ្ញ និងប្រការ៣២ ប្រការ៣៣ថ្មី (ពីរ) ប្រការ៣៤ថ្មី ប្រការ៣៥ថ្មី (មួយ) នៃបទបញ្ជាផ្ទៃក្នុងនៃរដ្ឋសភា។ សេចក្តីសម្រេចនេះ មិនអនុវត្តចំពោះញត្តិបន្ទោសដែលមានចែងក្នុងមាត្រា៩៨ថ្មី(មួយ) នៃរដ្ឋធម្មនុញ្ញ និងប្រការ៣៥ថ្មី (មួយ) នៃបទបញ្ជាផ្ទៃក្នុងនៃរដ្ឋសភាទេ។ ការតាំងសំណួរ ចម្លើយ និងការបំភ្លឺនៅរដ្ឋសភា ត្រូវធ្វើតាម រយៈប្រធានរដ្ឋសភា ជូននាយករដ្ឋមន្ត្រី ហើយតំណាងរាស្ត្រមានសិទ្ធិដាក់សំណួរដល់រាជរដ្ឋាភិបាល ដោយសំណួរនេះត្រូវសរសេរជាលាយលក្ខណ៍អក្សរជូននាយករដ្ឋមន្ត្រី តាមរយៈប្រធានរដ្ឋសភា។

ចំណែក សេចក្តីសម្រេចស្តីពីបែបបទ និងនីតិវិធីនៃការចុះបំពេញបេសកកម្មរបស់គណៈកម្មការនានានៃរដ្ឋសភា គឺមានបំណងកំណត់អំពីបែបបទ និងនីតិវិធីនៃការចុះបំពេញបេសកកម្មរបស់គណៈកម្មការនានារដ្ឋសភា ដើម្បីអនុវត្តឱ្យបានត្រឹមត្រូវនូវបញ្ញត្តិនៃរដ្ឋធម្មនុញ្ញកម្ពុជា បទបញ្ជាផ្ទៃក្នុងនៃរដ្ឋសភា ច្បាប់ស្តីពីលក្ខន្តិកៈតំណាងរាស្ត្រ និងលិខិតបទដ្ឋាន គតិយុត្តនានារបស់រដ្ឋសភា ក្នុងការចុះបំពេញបេសកកម្មរបស់គណៈកម្មការនានានៃរដ្ឋសភា ដើម្បីសិក្សា ស្វែងយល់ និងប្រមូលព័ត៌មានពាក់ព័ន្ធនឹងវិស័យទទួលខុសត្រូវរបស់ខ្លួននៅតាមក្រសួងស្ថាប័ននានាចំណុះរាជរដ្ឋាភិបាល និងថ្នាក់រាជធានីខេត្ត។

ដោយឡែក គោលបំណងនៃសេចក្តីសម្រេចស្តីពីបែបបទការងាររបស់គណៈកម្មការនានានៃរដ្ឋសភា គឺដើម្បីកំណត់អំពីបែបបទការងាររបស់គណៈកម្មការនានានៃរដ្ឋសភា។ គណៈកម្មការនានារដ្ឋសភា ត្រូវពិនិត្យសេចក្តីព្រាងច្បាប់ ឬសេចក្តីស្នើច្បាប់ ដែលគណៈកម្មាធិការអចិន្ត្រៃយ៍រដ្ឋសភាបានប្រគល់ជូនតាមបែបបទ និងនីតិវិធី ជាអាទិ៍៖ បើកកិច្ចប្រជុំផ្ទៃក្នុងគណៈកម្មការ កិច្ចពិគ្រោះយោបល់របស់គណៈកម្មការ និងបើកកិច្ចប្រជុំគណៈកម្មការជាមួយម្ចាស់សេចក្តីព្រាងច្បាប់ ឬសេចក្តីស្នើច្បាប់ ជាដើម៕

The post បែបបទ នីតិវិធី និងវិធានថ្មីពាក់ព័ន្ធនឹងការងាររបស់រដ្ឋសភា ត្រូវបានអនុម័តឱ្យប្រើជាផ្លូវការ appeared first on Kampuchea Thmey Daily.

ជា​លទ្ធផល កិច្ចប្រជុំ​គណៈកម្មាធិការ​អចិន្ត្រៃយ៍​រដ្ឋសភា បាន​អនុម័ត​ទទួល​យក​សេចក្ដីព្រាងច្បាប់​ស្ដីពី​ការ​បង្កើត​ក្រសួង​អធិការកិច្ច និង​សេចក្ដីព្រាងច្បាប់​ស្ដីពី​ការ​បង្កើត​រដ្ឋលេខាធិការដ្ឋាន​កិច្ចការ​ព្រំដែន ដែល​ជា​សំណើ​របស់​រាជរដ្ឋាភិបាល ប្រគល់​ជូន​គណៈកម្មការ​ជំនាញ​រដ្ឋសភា ដើម្បី​ពិនិត្យ​សិក្សា។

នៅ​ពេល​បាន​ពិនិត្យ​សិក្សា​ចប់​សព្វគ្រប់ គណៈកម្មការ​ជំនាញ​រដ្ឋសភា ត្រូវ​ធ្វើ​របាយការណ៍​ជូន​គណៈកម្មាធិការ​អចិន្ត្រៃយ៍​រដ្ឋសភា ដើម្បី​ចាត់ចែង​បន្ត​នីតិវិធី​ទៀត៕

The post គណៈកម្មាធិការអចិន្ត្រៃយ៍រដ្ឋសភា ទទួលយកសេចក្ដីព្រាងច្បាប់ស្ដីពី​ការបង្កើតក្រសួងអធិការកិច្ច និងរដ្ឋលេខាធិការដ្ឋានកិច្ចការព្រំដែន មកពិនិត្យសិក្សា appeared first on Kampuchea Thmey Daily.