គុណខ្មែរ Archives - Kampuchea Thmey Daily

សាវិន ហ្វីលីព ស្នើសប្បុរសជនជួយអតីតកីទ្បាករប្រដាល់ជម្រើសជាតិ សួន សាម៉ៃ កំពុងជួបការលំបាក

Din Thary — Wed, 31 Jan 2024 02:40:49 +0000

តារាសម្ដែងល្បីឈ្មោះលោក សាវិន ហ្វីលីព នៅរសៀលថ្ងៃទី៣០ ខែមករា នេះ បានទម្លាយប្រាប់ឲ្យដឹងពីស្ថានភាពយ៉ាងលំបាករបស់អតីតកីទ្បាករប្រដាល់ជម្រើសជាតិឆ្នាំ ២០១១ សួន សាម៉ៃ ដែលកំពុងជួបជីវភាពខ្វះខាតរស់នៅចិញ្ចឹមកូនតូចដ៏កម្សត់ក្រោយប្រពន្ធចុះចោល។

បើតាមការរៀបរាប់របស់លោក សាវិន ហ្វីលីព បានបញ្ជាក់ថា សូមជួយស៊ែផងព្រឹកនេះប្អូនប្រុស សួន សាម៉ៃ អតីតកីទ្បាករប្រដាល់ជម្រើសជាតិឆ្នាំ២០១១ បានដាច់ចិត្តដឹកដៃកូនមកសុំលុយពួកខ្ញុំដើម្បីទិញបាយហូបនៅហាងលោក សាន ផានិត។ គាត់ថា គាត់ធ្លាប់ទទួលបានមេដាយសំរិទ្ធចំនួន ២ ពី Sea Game 2013 តំណាងឲ្យកម្ពុជានៅប្រទេសភូមា។

លោក ហ្វីលីព បាននិយាយបន្តថា ប្រពន្ធគាត់ (សួន សាម៉ៃ) បានចុះចោលគាត់តាំងពីកូននៅតូចហើយពេលនេះជីវភាពគាត់លំបាកវេទនាគឺនៅផ្ទះជួលញ៉ាំមីកញ្ចប់ និងមានថ្ងៃខ្លះក៏ត្រូវដេកអត់បាយទាំងឪពុកកូនទៀតផង។ គាត់ថា អង្គការមិត្តសម្លាញ់ បានចេញថ្លៃផ្ទះជួល ៤០ដុល្លារក្នុងមួយខែឲ្យគាត់។

តារាសម្តែង សាវិន ហ្វីលីព បាននិយាយទៀតថា «គាត់ប្រាប់ខ្ញុំក្នុងបទសម្ភាសន៍របស់ខ្ញុំថា គាត់ធ្លាប់ទាក់ទងមកខាងគុនខ្មែរដើម្បីរកការងារធ្វើប៉ុន្តែគេឲ្យរង់ចាំសិនរហូតមកដល់ថ្ងៃនេះ។ ម្យ៉ាងដៃគាត់ធ្លាប់បាក់ហើយ មិនអាចបន្តអាជីពនេះបានទៀតទេ គាត់បន្តប្រាប់ថា សូមឲ្យសហព័ន្ធកីទ្បាអាណិតមេត្តាមើលឃើញដល់គាត់ផងដូចជាផ្ដល់ការងារដល់គាត់ដូចជាធ្វើគ្រូបណ្ដុះបណ្ដាលដល់កីទ្បាករក្មេងៗជាដើម»។

ជាមួយគ្នានេះតារាសម្តែងលោក សាវិន ហ្វីលីព បានបញ្ជាក់បន្ថែមថា សម្រាប់លោកគឺ ទឹកភ្នែកស្រក់ដោយសារអាណិតក្មេង ខណៈក៏មានការអំពាវនាវសប្បុរសជនជួយដល់អតីតកីទ្បាករប្រដាល់ជម្រើសជាតិ សួន សាម៉ៃ ដែលកំពុងមានជីវភាពខ្វះខាត៕

អត្ថបទ៖ ចាន់រ៉ា

The post សាវិន ហ្វីលីព ស្នើសប្បុរសជនជួយអតីតកីទ្បាករប្រដាល់ជម្រើសជាតិ សួន សាម៉ៃ កំពុងជួបការលំបាក appeared first on Kampuchea Thmey Daily.

មកស្គាល់អត្តពលិកគុនខ្មែរ១៤រូបឈ្នះមេដាយមាសស៊ីហ្គេមក្នុងនាមជាម្ចាស់ក្បាច់គុន

Ken Malis — Fri, 12 May 2023 09:33:29 +0000

ក្នុងនាមជាម្ចាស់ក្បាច់គុនអត្តសញ្ញាណជាតិ កម្ពុជាបានដាក់គុនខ្មែរចំនួន១៩វិញ្ញាសាក្នុងកីឡាស៊ីហ្គេម លើកទី៣២ ឆ្នាំ២០២៣។ អត្តពលិកគុនខ្មែរធ្វើបានល្អជាងគេដោយបានឈ្នះមេដាយមាសជូនជាតិ១៤គ្រឿង ឈរចំណាត់ថ្នាក់លេខ១ក្នុងតារាង។

ថ្ងៃនេះ សារព័ត៌មានកម្ពុជាថ្មីសូមបង្ហាញអត្តពលិកគុនខ្មែរទាំង១៤រូបដែលបានដណ្តើមមេដាយមាសជូនជាតិ ក្នុងនាមជាម្ចាស់ក្បាច់គុន។

១. កីឡាករ ម៉ាប់ ធារ៉ា បានឈ្នះកីឡាករវៀតណាម ដណ្តើមបានមេដាយមាស ក្នុងប្រភេទទម្ងន់៤៥គីឡូក្រាម។

២. កីឡាករ ភុន ពិសិដ្ឋ បានឈ្នះកីឡាករវៀតណាម ដណ្តើមបានមេដាយមាស ក្នុងប្រភេទទម្ងន់៤៨កីឡូក្រាម។

៣. កីឡាករ ខាំ ខ្លានាង បានឈ្នះកីឡាករវៀតណាម ដណ្តើមបានមេដាយមាស ក្នុងប្រភេទទម្ងន់៥១គីឡូក្រាម។

៤. កីឡាករ ហ៊ឹម គឹមរៀង បានផ្តួលកីឡាករឡាវឲ្យសន្លប់ ដណ្តើមបានមេដាយមាស ក្នុងប្រភេទទម្ងន់៥៤គីឡូក្រាម។

៥. កីឡាករ ឡៅ ចិត្រា បានឈ្នះកីឡាករវៀតណាម ដណ្តើមបានមេដាយមាស ក្នុងប្រភេទទម្ងន់៦៧គីឡូក្រាម។

៦. កីឡាការិនី មើយ ស៊ឹង បានឈ្នះមេដាយមាស កីឡាគុនខ្មែរ វិញ្ញាសាសម្តែងគុនគ្រូ។

៧. កីឡាករ កាន់ ម៉េងហុង ដណ្តើមបានមេដាយមាស សម្រាប់វិញ្ញាសាសម្តែងគុនគ្រូ។

៨. កីឡាករ ឃួន ឡាំកូស៊ីន បានឈ្នះកីឡាករហ្វីលីពីន ដណ្តើមបានមេដាយមាស ក្នុងវិញ្ញាសាប្រភេទទម្ងន់៥៧គីឡូក្រាម។

៩. កីឡាករ ឈុត វ៉ាន់ថង (ឈុត សេរីវ៉ាន់ថង) បានឈ្នះកីឡាករឡាវ ដណ្តើមបានមេដាយមាស ក្នុងប្រភេទទម្ងន់៦០គីឡូក្រាម។

១០. កីឡាការិនី ទូច ចាន់វត្តី ដណ្តើមបានមេដាយមាស បន្ទាប់ពីយកឈ្នះកីឡាការិនីវៀតណាម ក្នុងប្រភេទទម្ងន់៥៤គីឡូក្រាម។

១១. កីឡាករ ឃុន បូរ៉ា (ឃីម បូរ៉ា) បានឈ្នះកីឡាករឡាវ តាមរយៈការផ្តួលឲ្យសន្លប់នៅទឹកទី១ ដណ្តើមបានមេដាយមាស ក្នុងប្រភេទទម្ងន់៦៣,៥គីឡូក្រាម។

១២. កីឡាករ ទិត សោភ័ណ្ឌ (រឿង សោភ័ណ្ឌ) បានក្លាយជាម្ចាស់មេដាយមាសដោយស្វ័យប្រវត្តិ ក្រោយកីឡាករវៀតណាមមានបញ្ហារបួសមិនអាចឡើងមកប្រកួតបាន ក្នុងប្រភេទទម្ងន់៧១គីឡូក្រាម ។

១៣. កីឡាករ ឡៅ ចន្ទ្រា បានឈ្នះកីឡាករវៀតណាម ដណ្តើបានមេដាយមាសជូនជាតិ ក្នុងប្រភេទទម្ងន់ ៧៥គីឡូក្រាម។

១៤. កីឡាករ រុំ សំណាង (ព្រំ សំណាង) ដណ្តើមបានមេដាយមាស តាមរយៈការឈ្នះកីឡាមីយ៉ាន់ម៉ា ក្នុងប្រភេទទម្ងន់៨១គីឡូក្រាម។

នេះជាជោគជ័យមួយសម្រាប់កម្ពុជាក្នុងនាមជាម្ចាស់ផ្ទះលើកទី១នៃព្រឹត្តិការណ៍កីឡាស៊ីហ្គេម និងជាម្ចាស់ក្បាច់គុនអត្តសញ្ញាណខ្មែរ ដែលទទួលបានមេដាយមាស១៤ ប្រាក់៣ និងសំរឹទ្ធ២៕

អត្ថបទ៖ ម៉ាលីស

The post មកស្គាល់អត្តពលិកគុនខ្មែរ១៤រូបឈ្នះមេដាយមាសស៊ីហ្គេមក្នុងនាមជាម្ចាស់ក្បាច់គុន appeared first on Kampuchea Thmey Daily.