ជាមួយគ្នានេះ កញ្ញាចាត់ទុកការគាំទ្រយ៉ាងពេញលេញនេះ មិនត្រឹមតែចំពោះត្រឹមរូបកញ្ញាផ្ទាល់នោះទេ តែក៏បានផ្តល់ឱ្យស្ត្រី និងក្មេងស្រីទាំងអស់ដែលសិក្ត័សមទទួលនូវការគាំពារពីរាជរដ្ឋាភិបាល ក៏ដូចជាសង្គមដែលត្រូវតែលុបបំបាត់ឱ្យបានដាច់ខាតនូវការរេីសអេីងភេទ ការបៀតបៀនផ្លូវភេទ អំពេីបំពានច្បាប់ និងសកម្មភាពពិរុទ្ធទាំងឡាយណា ដែលផ្ទុយនឹងច្បាប់ការពារសិទ្ធិមនុស្ស។

កញ្ញារស្មី សង្កត់ធ្ងន់ដែរថា ទោះបីជាកញ្ញាមិនបន្តដេញដោលដាក់ពាក្យបណ្តឹងក៏ដោយ តែមិនមានអត្ថន័យថា រឿងនេះតូចមិនធំនោះទេ កញ្ញាគ្រាន់តែចង់ស្ងប់ស្ងាត់ និងមិនចង់ឱ្យរឿងរ៉ាវនេះវែងឆ្ងាយដល់ជីវភាពគ្រួសារ ឬប្រភពចំណូលរបស់ MC រូបនោះឡេីយ។

តួយ៉ាង អ្វីដែលនាងចង់បាន គឺនឹងមិនចង់ឃេីញមានរូបភាព ឬសកម្មភាពណាមួយ បៀតបៀនស្ត្រី និងកុមារី ជាពិសេស សិល្បការនីណាមួយកេីតឡេីងបន្តទៀត តាមរយៈរូបភាពបែបនេះឡើយ។ កញ្ញាថា “សង្ឃឹមថាបងពិធីករ បានទទួលមេរៀនមួយនេះ នឹងកែប្រែកុំឱ្យមានរឿងនេះកើតឡើងម្តងទៀត”។

កញ្ញាបន្ថែមថា “សំឡេងមហាជន ដែលបានលេីកទឹកចិត្ត និងគាំទ្រដល់នាងខ្ញុំ ជាកំលាំងចិត្តដ៏ធំធេង ដែលឲ្យនាងខ្ញុំក្លាហាន តតាំងបាន នូវរឿងមួយដ៏យ៉ាប់យុឺនជាប់មកជាប់ខ្លួនរហូតមកមួយរយះនេះ។ ជឿថា បងប្អូននារីផ្សេងៗទៀតដែលធ្លាប់ជួបរឿងដូចគ្នានេះ អាចក្លាហាន និយាយចេញរកជំនួយដោយមិនខ្មាសអៀន យករឿងមួយនេះជាឧទាហរណ៍”។

មុនីរស្មី សន្យាដែរថា កញ្ញានឹងប្រតិបត្តិខ្លួនល្អ និងប្រឹងប្រែងធ្វេីជាប្រជាជនល្អ សិល្បការនីល្អដេីម្បីបុព្វហេតុជាតិ និងផ្សព្វផ្សាយតំបន់ទេសចរណ៍កម្ពុជាទៅកាន់បងប្អូនជនរួមជាតិ និងអន្តរជាតិឱ្យបានស្គាល់ពីវប្បធម៍ និងតំបន់អេកូទេសចរណ៍របស់កម្ពុជា៕

តាមពិត ឆឹង ច័ន្ទមុនីរស្មី ជាម្ចាស់ផេក “ដើរលេង” ដ៏ល្បី និងជាតួឯកស្រីដ៏លេចធ្លោក្នុងភាពយន្តអប់រំខ្លី

The post មុនីរស្មី សង្ឃឹមថា ករណីរបស់ខ្លួន ជាសារមួយដាស់តឿនដល់មនុស្សគ្រប់រូប បញ្ឈប់នូវការបៀតបៀនគ្រប់រូបភាព appeared first on Kampuchea Thmey Daily.

តាមរយៈ Facebook Page ដ៏ល្បី “ដើរលេង” កញ្ញា ឆឹង ច័ន្ទមុនីរស្មី តែងតែផ្សព្វផ្សាយពីទីកន្លែងទេសចរណ៍ ក៏ដូចជាអាហារតាមតំបន់ ខណៈរាល់វីដេអូដែលកញ្ញាចែករំលែក ពិតជាទទួលបានការគាំទ្រខ្លាំងមិនធម្មតា រហូតទទួលបានលិខិតថ្លែងអំណរគុណពីរដ្ឋមន្ត្រីក្រសួងទេសចរណ៍ ចំពោះកិច្ចការជួយសង្គមជាតិរបស់ខ្លួន កាលពីថ្ងៃទី២៦ កុម្ភៈ ឆ្នាំ២០២៥ ។

ក្រៅពីកិច្ចការជួយផ្សព្វផ្សាយទេសចរណ៍កម្ពុជា កញ្ញាក៏ជាតារាសម្តែងដ៏លេចធ្លោមួយរូប ក្នុងភាពយន្តអប់រំខ្លី ក្រោមការផលិតរបស់លោក ឈាង ដាវុធ ដែលគេស្គាល់ថាជាពិធីករ និងជាអ្នកផលិតរឿងខ្លីៗបែបអប់រំម្នាក់ ដែលតែងត្រូវបានមហាជនស្ងើចសរសើរនូវស្នាដៃនៃការនិពន្ធរបស់លោក។

មិនមែនត្រឹមតែជាតារាសម្តែង ឆឹង ច័ន្ទមុនីរស្មី ក៏ជាអ្នកផ្សព្វផ្សាយផលិតផលក្រុមហ៊ុនមួយចំនួនផងដែរ។ មិនតែប៉ុណ្ណោះ កញ្ញា ក៏មានការងារជាផ្សេងទៀតក្នុងរង្វង់សិល្បៈ និងធ្លាប់ថតម៉ូដសម្លៀកបំពាក់ឱ្យសំអាងការផងដែរ៕

The post តាមពិត ឆឹង ច័ន្ទមុនីរស្មី ជាម្ចាស់ផេក “ដើរលេង” និងជាតួឯកស្រីដ៏លេចធ្លោក្នុងភាពយន្តអប់រំខ្លី appeared first on Kampuchea Thmey Daily.