ញត្តិ Archives - Kampuchea Thmey Daily

តំណាងកម្មករ៤ម៉ឺននាក់ ដាក់ញត្តិនៅស្ថានទូតអាមេរិក ដើម្បីឱ្យពិចារណាឡើងវិញចំពោះការគាំទ្រអង្គការសង់ត្រាល់

Kang Tola — Mon, 24 Jun 2024 10:35:33 +0000

ភ្នំពេញ ៖ សហភាពសហជីពពន្លឺកម្មករ ដែលតំណាងឱ្យកម្មករនិយោជិត៤ម៉ឺននាក់ បានដាក់ញត្តិនៅស្ថានទូតអាមេរិក នៅព្រឹកថ្ងៃទី២៤ ខែមិថុនានេះ ដើម្បីស្នើសុំនាយកអង្គការ USAID ប្រចាំកម្ពុជា គិតគូរឡើងវិញពីការឧបត្ថម្ភកញ្ចប់ថវិកាសម្រាប់ មជ្ឈមណ្ឌលសម្ព័ន្ធភាពការងារ និង សិទ្ធិមនុស្សហៅកាត់ «សង់ត្រាល់»។

អ្នកស្រី សៀ គន្ធា អគ្គលេខាធិការសហភាពសហជីពពន្លឺកម្មករ និងជាប្រធានសហព័ន្ធសហជីពការងារស្ត្រីកម្ពុជា បានឱ្យដឹងថា ការដាក់ញត្តិនេះគោលបំណងសំខាន់បំផុតគឺដើម្បី ឱ្យម្ចាស់ជំនួយ USAID គិតគូរឡើងវិញ អំពីកញ្ចប់ថវិកាឧបត្ថម្ភដល់អង្គការសង់ត្រាល់ និងណែណែនាំឲ្យអង្គការនេះធ្វើ សកម្មភាពប្រកបដោយតម្លាភាព និងស្របតាមលក្ខន្តិកៈរបស់ខ្លួន ជាពិសេសឲ្យស្របតាមច្បាប់របស់កម្ពុជា។

អ្នកស្រីលើកឡើងថា របាយការណ៍សង់ត្រាល់ដែលបានចេញផ្សាយថ្ងៃទី៤ ខែមិថុនា ឆ្នាំ២០២៤ មិនបានឆ្លុះបញ្ចាំងពីស្ថានភាពពិតរបស់កម្មករនិយោជិក នៅកម្ពុជានោះទេ ដោយរបាយការណ៍នោះបានលើកឡើងពីការរឹតត្បិត បំភិតបំភ័យ គំរាមកំហែង បៀតបៀន បិទសិទ្ធិសេរីភាពកាងារកម្មករនិយោជិកនៅកម្ពុជា ដោយសម្ភាសន៍រោងចក្រតែ១៤ ក្នុងចំណោមរោងចក្រដែលមានរហូតដល់៧០៣រោងចក្រ របស់កម្មវិធីរោងចក្រកាន់តែប្រសើរនៅកម្ពុជានៃអង្គការពលកម្មអន្ដរជាតិ (ILO-BFC) ។

អ្នកស្រីបញ្ជាក់ថា ខ្លឹមសារនៃរបាយការណ៍សង់ត្រាល់ គ្មានមូលដ្ឋានច្បាស់លាស់ ធ្វើឲ្យប៉ះពាល់កិត្តិយសជាតិ ប៉ះពាល់ដល់ស្ថិរភាពការងារ និងផល ប្រយោជន៍រួមរបស់កម្មករ និយោជិកនៅកម្ពុជាទាំងមូល។ ជាពិសេសរបាយការណ៍នេះ មានចរិតនយោ បាយ និងញុះញង់ លាបពណ៌ ឱ្យមានការរើសអើងសហជីព និងបំបែកបំបាក់សាមគ្គីភាពរវាងសហជីពនៅ កម្ពុជា។

ក្រៅពីនេះ អង្គការសង់ត្រាល់ជាអង្គការបានចុះបញ្ជិកា នៅក្រសួងមហាផ្ទៃ ប៉ុន្តែបែរជា ទៅលួចផ្ដល់ថវិកាដើម្បីចងក្រងបង្កើតសហជីពនៅតាមរោងចក្រ សហគ្រាសមួយចំនួន ដែលផ្ទុយពីលក្ខន្តិកៈរបស់ខ្លួនថែមទៀតផង។ សកម្មភាពរបស់អង្គការ សង់ត្រាល់ ដែលបានធ្វើនិងកំពុងបន្តធ្វើ គឺមិន បានអនុលោមតាមលក្ខន្តិកៈ ច្បាប់ស្ដីពីសហជីព ច្បាប់ស្ដីពីអង្គការសមាគម និងច្បាប់ស្តីពីការងារកម្ពុជា ឡើយ។

អ្នកស្រីថ្លែងថា «សង់ត្រាល់គឺជាអង្គការមួយដែលចេញរបាយការណ៍មានលក្ខណៈ នយោបាយ អុជអាល បំផុសបំផុល បំបែកបំបាក់សាមគ្គី របស់សហជីពនិងសហជីព និងធ្វើការបំភាន់ ការយល់ឃើញរវាងគ្នានិងគ្នា ប៉ះពាល់ដល់ស្ថេរភាពសហជីពនៅក្នុងប្រទេសកម្ពុជា ប៉ះពាល់ដល់ការងារ និងផលប្រយោជន៍កម្មករនិយោជិតកម្ពុជាទាំងមូល។»

តំណាងកម្មករ និយោជិក អ្នកស្រី អគ្គលេខាធិការសហភាពសហជីពពន្លឺកម្មករ បានបង្ហាញការព្រួយបារម្ភយ៉ាងខ្លាំងពីផលប៉ះពាល់ ដល់ស្ថិរភាពការងារ និង ផលប្រយោជន៍របស់កម្មករ និយោជិត និងស្នើសុំយ៉ាងទទូចដល់នាយក អង្គការUSAID ធ្វើការពិចារណាឡើងវិញចំពោះការឧបត្ថម្ភកញ្ចប់ថវិកាសម្រាប់ធ្វើ សកម្មភាពដល់អង្គការសង់ត្រាល់ និងសូមឱ្យអង្គការសង់ត្រាល់ ធ្វើសកម្មភាពប្រកបដោយតម្លាភាព និងស្របតាមតាមលក្ខន្តិកៈរបស់ខ្លួន៕

The post តំណាងកម្មករ៤ម៉ឺននាក់ ដាក់ញត្តិនៅស្ថានទូតអាមេរិក ដើម្បីឱ្យពិចារណាឡើងវិញចំពោះការគាំទ្រអង្គការសង់ត្រាល់ appeared first on Kampuchea Thmey Daily.

តំណាងកម្មករ ៤ ម៉ឺននាក់ ដាក់ញត្តិស្នើសុំម្ចាស់ជំនួយ ឱ្យពិចារណាឡើងវិញ ចំពោះការគាំទ្រដល់អង្គការសង់ត្រាល់

អ៊ិន ពិសី — Mon, 24 Jun 2024 04:28:25 +0000

សហភាពសហជីពពន្លឺកម្មករ ដែលតំណាងឱ្យកម្មករ-និយោជិត ៤ ម៉ឺននាក់ បានដាក់ញត្តិនៅស្ថានទូតអាមេរិក នាព្រឹកថ្ងៃទី ២៤ ខែមិថុនា នេះ ដើម្បីស្នើសុំនាយកអង្គការ USAID ប្រចាំកម្ពុជា គិតគូរឡើងវិញពីការឧបត្ថម្ភកញ្ចប់ថវិកាសម្រាប់មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ «សង់ត្រាល់»។

អ្នកស្រី សៀ គន្ធា អគ្គលេខាធិការសហភាពសហជីពពន្លឺកម្មករ និងជាប្រធានសហព័ន្ធសហជីពការងារស្ត្រីកម្ពុជា បានឱ្យដឹងថា ការដាក់ញត្តិនេះគោលបំណងសំខាន់បំផុត គឺដើម្បីឱ្យម្ចាស់ជំនួយ USAID គិតគូរឡើងវិញ អំពីកញ្ចប់ថវិកាឧបត្ថម្ភដល់អង្គការសង់ត្រាល់ និងណែនាំឱ្យអង្គការនេះធ្វើ សកម្មភាពប្រកបដោយតម្លាភាព និងស្របតាមលក្ខន្តិកៈរបស់ខ្លួន ជាពិសេសស្របតាមច្បាប់របស់កម្ពុជា។

អ្នកស្រី លើកឡើងថា របាយការណ៍សង់ត្រាល់ដែលបានចេញផ្សាយថ្ងៃទី ៤ ខែមិថុនា ឆ្នាំ ២០២៤ មិនបានឆ្លុះបញ្ចាំងពីស្ថានភាពពិតរបស់កម្មករ-និយោជិត នៅកម្ពុជានោះទេ ដោយរបាយការណ៍នោះបានលើកឡើងពីការរឹតត្បិត បំភិតបំភ័យ គំរាមកំហែង បៀតបៀន បិទសិទ្ធិសេរីភាពការងារកម្មករ-និយោជិត នៅកម្ពុជា ដោយសម្ភាសន៍រោងចក្រតែ ១៤ ក្នុងចំណោមរោងចក្រមានរហូតដល់ ៧០៣ រោងចក្រ របស់កម្មវិធីរោងចក្រកាន់តែប្រសើរនៅកម្ពុជា នៃអង្គការពលកម្មអន្តរជាតិ (ILO-BFC)។

អ្នកស្រី បញ្ជាក់ថា ខ្លឹមសារ នៃរបាយការណ៍សង់ត្រាល់ គ្មានមូលដ្ឋានច្បាស់លាស់ ធ្វើឱ្យប៉ះពាល់កិត្តិយសជាតិ ប៉ះពាល់ដល់ស្ថិរភាពការងារ និងផលប្រយោជន៍រួមរបស់កម្មករ-និយោជិត នៅកម្ពុជា ទាំងមូល។ ជាពិសេសរបាយការណ៍នេះ មានចរិតនយោបាយ និងញុះញង់ លាបពណ៌ ឱ្យមានការរើសអើងសហជីព និងបំបែកបំបាក់សាមគ្គីភាពរវាងសហជីពនៅកម្ពុជា។

ក្រៅពីនេះ អង្គការសង់ត្រាល់ ជាអង្គការបានចុះបញ្ជិកានៅក្រសួងមហាផ្ទៃ ប៉ុន្តែបែរជាទៅលួចផ្ដល់ថវិកាដើម្បីចងក្រងបង្កើតសហជីពនៅតាមរោងចក្រ សហគ្រាសមួយចំនួន ដែលផ្ទុយពីលក្ខន្តិកៈរបស់ខ្លួនថែមទៀតផង។ សកម្មភាពរបស់អង្គការ សង់ត្រាល់ ដែលបានធ្វើ និងកំពុងបន្តធ្វើ គឺមិន បានអនុលោមតាមលក្ខន្តិកៈ ច្បាប់ស្ដីពីសហជីព ច្បាប់ស្ដីពីអង្គការសមាគម និងច្បាប់ស្ដីពីការងារកម្ពុជាឡើយ។

អ្នកស្រី ថ្លែងថា «សង់ត្រាល់ គឺជាអង្គការមួយដែលចេញរបាយការណ៍មានលក្ខណៈ នយោបាយ អុជអាល បំផុសបំផុល បំបែកបំបាក់សាមគ្គី របស់សហជីព និងសហជីព និងធ្វើការបំភាន់ ការយល់ឃើញរវាងគ្នា និងគ្នា ប៉ះពាល់ដល់ស្ថិរភាពសហជីពនៅក្នុងប្រទេសកម្ពុជា ប៉ះពាល់ដល់ការងារ និងផលប្រយោជន៍កម្មករ-និយោជិត កម្ពុជា ទាំងមូល»។

តំណាងកម្មករ-និយោជិត អ្នកស្រីអគ្គលេខាធិការសហភាពសហជីពពន្លឺកម្មករ បានបង្ហាញការព្រួយបារម្ភយ៉ាងខ្លាំងពីផលប៉ះពាល់ដល់ស្ថិរភាពការងារ និងផលប្រយោជន៍របស់កម្មករ-និយោជិត និងស្នើសុំយ៉ាងទទូចដល់នាយកអង្គការ USAID ធ្វើការពិចារណាឡើងវិញចំពោះការឧបត្ថម្ភកញ្ចប់ថវិកាសម្រាប់ធ្វើសកម្មភាពដល់អង្គការសង់ត្រាល់ និងសូមឱ្យអង្គការសង់ត្រាល់ ធ្វើសកម្មភាពប្រកបដោយតម្លាភាព និងស្របតាមតាមលក្ខន្តិកៈរបស់ខ្លួន៕

The post តំណាងកម្មករ ៤ ម៉ឺននាក់ ដាក់ញត្តិស្នើសុំម្ចាស់ជំនួយ ឱ្យពិចារណាឡើងវិញ ចំពោះការគាំទ្រដល់អង្គការសង់ត្រាល់ appeared first on Kampuchea Thmey Daily.

គណៈកម្មាធិការគណបក្សរាជធានីភ្នំពេញ ចេញញត្តិគាំទ្រសេចក្ដីថ្លែងការណ៍ និងវិធានការគណបក្សប្រជាជនកម្ពុជា និងថ្កោលទោសគណបក្សភ្លើងទៀន ដែលធ្វើឲ្យប៉ះពាល់ធ្ងន់ធ្ងរបំផុតដល់សេចក្ដីថ្លៃថ្នូរបក្សប្រជាជន

អ៊ិន ពិសី — Fri, 20 Jan 2023 08:51:25 +0000

គណៈកម្មាធិការគណបក្សរាជធានីភ្នំពេញ បានចេញញត្តិគាំទ្រចំពោះសេចក្ដីថ្លែងការណ៍ និងវិធានការផ្លូវច្បាប់នានារបស់ គណបក្សប្រជាជនកម្ពុជា ហើយបានប្រកាសថ្កោលទោសដល់ គណបក្សភ្លើងទៀន ដែលធ្វើឲ្យប៉ះពាល់ធ្ងន់ធ្ងរបំផុតដល់ភាពត្រឹមត្រូវ និងសេចក្ដីថ្លៃថ្នូរគណបក្សប្រជាជនកម្ពុជា តាមរយៈសេចក្ដីថ្លែងការណ៍ កាលពីថ្ងៃទី ១៦ ខែមករា ឆ្នាំ ២០២៣។

ការថ្លែងការណ៍របស់គណបក្សភ្លើងទៀន គឺជាការប្រមាថកាតទាន និងចោទប្រកាន់ទាំងបំពានខុសពីការពិតទៅលើគណបក្សប្រជាជនកម្ពុជា ដែលយើងខ្ញុំមិនអាចទទួលយកបានឡើយ។ យើងខ្ញុំសូមសំណូមពរឲ្យរាជរដ្ឋាភិបាល និងអាជ្ញាធរមានសមត្ថកិច្ច មានចំណាត់ការចំពោះគណបក្សភ្លើងទៀន និងគ្រប់បុគ្គលបានប្រព្រឹត្តល្មើសច្បាប់ ត្រូវតែទទួលទោសទណ្ឌតាមការកំណត់ នៃច្បាប់ ដែលគ្រប់ប្រទេសនៅក្នុងសកលលោកក៏អនុវត្តដូចគ្នានេះដែរ។

យើងខ្ញុំទាំងអស់គ្នា សូមប្ដេជ្ញាគាំទ្រយ៉ាងពេញទំហឹងលើប្រសាសន៍របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា ចំពោះវិធានការនានា ដើម្បីការពារភាពស្អាតស្អំ និងកិត្តិយសជូនគណបក្សប្រជាជនកម្ពុជា។

យើងខ្ញុំទាំងអស់គ្នា សូមប្ដេជ្ញាចិត្តរួបរួមសាមគ្គីគ្នាជុំវិញរាជរដ្ឋាភិបាល ក្រោមដំបូល នៃរដ្ឋធម្មនុញ្ញ និងក្រោមម្លប់ នៃអង្គព្រះមហាក្សត្រជាទីគោរពសក្ការៈ ដ៏ខ្ពង់ខ្ពស់បំផុត ដើម្បីចូលរួមការពារសន្តិភាព និងបន្តអភិវឌ្ឍន៍ប្រទេសជាតិ៕

The post គណៈកម្មាធិការគណបក្សរាជធានីភ្នំពេញ ចេញញត្តិគាំទ្រសេចក្ដីថ្លែងការណ៍ និងវិធានការគណបក្សប្រជាជនកម្ពុជា និងថ្កោលទោសគណបក្សភ្លើងទៀន ដែលធ្វើឲ្យប៉ះពាល់ធ្ងន់ធ្ងរបំផុតដល់សេចក្ដីថ្លៃថ្នូរបក្សប្រជាជន appeared first on Kampuchea Thmey Daily.

អ្នកគាំទ្របារាំង ដាក់ញត្តិ ទាមទារឲ្យប្រកួតវគ្គផ្តាច់ព្រ័ត្រ World Cup ឡើងវិញ

Sok Sovann — Sat, 24 Dec 2022 00:30:00 +0000

អ្នកគាំទ្របារាំងជាង ២០ម៉ឺននាក់ បានចុះហត្ថលេខាលើញត្តិតាមអនឡាញមួយ ដោយអំពាវនាវឲ្យមានការប្រកួតវគ្គផ្តាច់ព្រ័ត្រ World Cup ឡើងវិញ ដោយសារតែអ្វីដែលពួកគេមើលឃើញថាជាកំហុសរបស់អាជ្ញាកណ្តាល។

កាលពីថ្ងៃអាទិត្យទី១៨ខែធ្នូ អាហ្សង់ទីន បានយកឈ្នះបារាំង ដោយការស៊ុតបាល់ប៉េណាល់ទីកាត់សេចក្តី បន្ទាប់ពីការប្រកួតដ៏ជក់ចិត្តបញ្ចប់ទៅ ក្នុងលទ្ធផល ៣ ទល់នឹង៣ លើទឹកដី កាតា។ អ្នកខ្លះ ចាត់ទុកការប្រកួតនោះ ជាការប្រកួតបាល់ទាត់ល្អមើលបំផុតមួយ មិនធ្លាប់មាន។

ទោះបីជាយ៉ាងណាក៏ដោយ អ្នកគាំទ្រជាច្រើននៃក្រុមដែលចាញ់ បានដាក់ឈ្មោះរបស់ពួកគេទៅកាន់គេហទំព័រញត្តិអនឡាញ MesOpinions ដោយនិយាយថា ការប្រកួតត្រូវតែលេងឡើងវិញ ព្រោះពួកគេគិតថា អាជ្ញាកណ្តាល មានកំហុសពីរដងសម្រាប់គ្រាប់បាល់របស់អាហ្សង់ទីន។

កីឡាករ Lionel Messi បានស៊ុតបាល់ប៉េណាល់ទីគ្រាប់ទី១ បន្ទាប់ពី Ousmane Dembele ទាក់ជើង Angel Di Maria នៅក្នុងប្រអប់។ យ៉ាងណាក្តី ញត្តិនេះនិយាយថា មិនគួរពិន័យទេ ប៉ះតិចតួច តែខ្សែបម្រើក្លិប Juventus វ័យ៣៤ឆ្នាំរូបនេះ ធ្វើដួល។

ញត្តិនេះក៏លើកបញ្ហាជាមួយនឹងគ្រាប់បាល់ទី២ផងដែរ ដោយអះអាងថា Kylian Mbappe ត្រូវបាន Cristian Romero បង្កកំហុសនៅម្ខាងនៃទីលាន តែអាជ្ញាកណ្តាលមិនពិន័យ ហើយក្រោយមក អាហ្សង់ទីន បានវាយបកយ៉ាងលឿន ដោយ Angel Di Maria ស៊ុតនាំមុខ ២-០ នៅនាទីទី៣៦។

ញត្តិនេះអះអាងថា អាជ្ញាកណ្តាលសញ្ជាតិប៉ូឡូញ Szymon Marciniak លក់ការប្រកួតទាំងស្រុង។

កន្លងមក សារព័ត៌មានបារាំងបានអះអាងថា គ្រាប់ទី៣របស់អាហ្សង់ទីនក្នុងការប្រកួត World Cup វគ្គផ្តាច់ព្រ័ត្រ មិនគួររាប់ជាផ្លូវការទេ ព្រោះមានកីឡាករបម្រុងពីរនាក់បានរត់ចូលទីលាន មុនបាល់ពីការស៊ុតរបស់ Messi ឆ្លងផុតបន្ទាត់ Goal-Line។

បច្ចុប្បន្ន ញត្តិនេះបានទទួលហត្ថលេខាដល់ទៅជាង ២០០ ០០០ ហើយវាបានក្លាយទៅជាញត្តិមួយ ក្នុងចំណោមញត្តិដែលមានហត្ថលេខាច្រើនបំផុតទាំង២០នៅលើគេហទំព័រ MesOpinions។

យ៉ាងណាក្តី គេមិនច្បាស់ទេថាតើគេហទំព័រនេះ នឹងមានយុត្តាធិការបែបណាលើ FIFA ដើម្បីឲ្យពួកគេទទួលស្គាល់ញត្តិនេះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ FIFA កើបលុយ ពី World Cup នៅ កាតា

The post អ្នកគាំទ្របារាំង ដាក់ញត្តិ ទាមទារឲ្យប្រកួតវគ្គផ្តាច់ព្រ័ត្រ World Cup ឡើងវិញ appeared first on Kampuchea Thmey Daily.