និយតករទីផ្សារកំពូល​ប្រចាំប្រទេសដដែល​ ក៏​បាន​ឱ្យដឹង​ផងដែរថា​ ​ខ្លួន​នឹង​ធ្វើ​ឱ្យ​ប្រសើរ​ឡើង​នូវ​ប្រព័ន្ធ​ដំណើរការរបាយការណ៍ និងដោះស្រាយ​បញ្ហា​ ក្នុង​វិស័យអ្នកប្រើប្រាស់ប្រកបដោយប្រសិទ្ធភាព​។ និយតករ​មានបំណងលើកកម្ពស់​ហាងលក់ទំនិញទូទៅ​ ​ទីផ្សារ ហាងទំនិញ​អនឡាញ ភោជនីយដ្ឋាន និងកន្លែងទេសចរណ៍ផ្សេងៗ​ នៅឆ្នាំក្រោយ។

Xinhua មិន​បាន​ផ្សាយ​លម្អិត​ពីផែនការសកម្ម ៣ ឆ្នាំ​នោះ​ទេ​។ ទិន្នន័យពីការិយាល័យស្ថិតិជាតិ បង្ហាញ​ថា​ ក្នុងរយៈពេល ១១ ខែដំបូងនៃឆ្នាំ ២០២៤ ការលក់រាយទំនិញប្រើប្រាស់របស់ប្រទេស មាន​ចំនួន ៤៤,៣ ទ្រីលាន​យន់ (​ប្រហែល ៦,១៦ ទ្រីលានដុល្លារ​) កើន​ឡើង​ ៣,៥ ភាគរយ​ ក្នុងអត្រាប្រចាំឆ្នាំ​ ខណៈ​ការលក់រាយតាមអ៊ិនធឺណិតនៃទំនិញប្រើប្រាស់សរុបមាន ចំនួនប្រមាណ ​១៤ ទ្រីលានយន់ កើនឡើង ៧,៤ ភាគរយ​។ ​

​ទោះ​ជា​យ៉ាង​ណា​ក៏ដោយ​ ​ការ​ប្រកាស​​របស់​និយតករ​ចិន​ ធ្វើ​ឡើង​ចំពេល​ដែល​សេដ្ឋកិច្ច​របស់​ប្រទេស​កំពុង​បន្ត​ស្ថិត​នៅ​ក្នុងស្ថានភាព​ស្រពិច​ស្រពិល ដោយសារ​តែ​ការ​ជាប់គាំង​នៃ​វិបត្តិ​អចលនទ្រព្យ​ និង​កម្សោយ​នៃ​តម្រូវការ​ប្រើ​ប្រាស់​ក្នុងស្រុក​ ដែល​បន្ត​អូស​បន្លាយ ហើយ​ធ្វើ​ឱ្យ​ការ​រឹតត្បឹត​​ប្រាក់របស់​ពលរដ្ឋ​កើនឡើង​ ខណៈ​ការ​វិនិយោគធ្លាក់ចុះ​​។

គេ​មើលឃើញ​ថា ដោយសារ​តែ​​បញ្ហា​នេះ​ រដ្ឋាភិបាល​ចិន​បាន​ដាក់ចេញ​នូវ​គោលនយោបាយ​ជំរុញ​សេដ្ឋកិច្ច​ផ្សេង​ៗ​ ក្នុង​នោះ​រួម​មាន​ទាំង​យុទ្ធសាស្រ្ត​ជំរុញ​ការ​ប្រើ​ប្រាស់​ក្នុង​ស្រុក​ ដែល​គេ​ចាត់​ទុក​ថា​ជា​ កត្តានាំមុខ​ក្នុង​កំណើន​សេដ្ឋកិច្ចរបស់​ប្រទេស​៕

The post ចិន​គ្រោងអនុវត្តផែនការ «សកម្ម​ភាព៣ឆ្នាំ» ដើម្បី​​ជំរុញ​ការ​ប្រើ​ប្រាស់​ក្នុង​ស្រុក appeared first on Kampuchea Thmey Daily.