យ៉ាងណាមិញក្នុងនោះមានតារាអាស៊ី៥រូប ខិតខំប្រឹងប្រែងនាំខ្លួនឯងឲ្យទៅដល់ទីផ្សាអឺរ៉ុប រហូតក្លាយជាទូតសុឆន្ទៈឲ្យម៉ាក់យីហោល្បីៗរបស់ពិភពលោក។

១ XIAO ZHAN យីហោ SAIC AUDI

ឆ្នាំនេះគឺជាការចាប់ផ្តើមដ៏ខ្លាំងមួយ សម្រាប់អ្នកគាំទ្ររបស់តារាសម្តែងនិងតារាចម្រៀងចិន Xiao Zhan ខណៈ​ដែល​លោក​ត្រូវបានប្រកាស​ថា ជា​អ្នកនាំពាក្យម៉ាក SAIC Audi កាលពីថ្ងៃទី ០១ខែមករា។ ភ្លាមៗ​បន្ទា​ប់ពីការ​ប្រកាសរបស់ SAIC Audi របាយការណ៍បានអះអាងថា​ អ្នកគាំទ្រ​របស់​លោក​បាន​ចាប់ផ្ដើម​បង្ហោះ​ការ​បញ្ជាទិញ​របស់​ពួកគេ​ សម្រាប់​រថយន្ត sedan តាម​អ៊ីនធឺណិត។ ក្រៅ​ពី​ក្រុមហ៊ុន Audi តារា​ចម្រៀង​រូប​នេះ​ ក៏​ជា​តំណាង​ម៉ាក​យីហោប្រណីត Gucci និង Tod’s ព្រម​ទាំង​ផលិត​នាឡិកា Zenith ផង​ដែរ។

២ KRYSTAL JUNG យីហោ CHARLES & KEITH

ម៉ាកយីហោស្បែកជើង កាបូប និងគ្រឿងបន្លាស់របស់សិង្ហបុរី Charles & Keith បានប្រកាសទូត​សុឆន្ទៈ​ពិភពលោក​លើកដំបូងរបស់ខ្លួននៅថ្ងៃទី ០៣ ខែមករា ដោយជ្រើសរើស Krystal Jung ។ ពីមុន​ម៉ាក​នេះ​ធ្លាប់​ធ្វើការ​ជាមួយ​តារា​ល្បីលំដាប់ឈានមុខ​ដូចជា Hailey Bieber និង Lily McMenamy ក្នុងយុទ្ធនាការខាងមុខដូចគ្នា។

៣ KEITA MACHIDA យីហោTOD’S

ក្នុង​ខែ​ដដែល​នោះ​ដែរ តារា​សម្ដែង​ជប៉ុន Keita Machida បាន​ទទួល​ការ​គាំទ្រ​សម្រាប់​ស្បែក​ជើង​ប្រណីត​អ៊ីតាលី និង​ម៉ាក Tod’s។ Machida គឺជាសមាជិកនៃក្រុម Gekidan Exile ហើយថ្មីៗនេះ​លោក​ទទួលបានភាពល្បីល្បាញជាមួយនឹងខ្សែភាពយន្តដ៏ល្បីរបស់ Netflix គឺ Alice In Borderland ។ ខ្សែ​ភាពយន្តថ្មីរបស់លោក Cherry Magic The Movie ក៏គ្រោងនឹងចេញ​នៅចុង​ឆ្នាំនេះ​ផងដែរ។

៤ SON HEUNG-MIN យីហោ TUMI

ក្រៅ​ពីខាង​កម្សាន្ត តារា​ល្បី​ខាង​កីឡា​ក៏​មានមានមុខឲ្យម៉ាយីហោ​​​ប្រណីត​ដែរ។ Son Heung-min ត្រូវបានក្រុមហ៊ុន TUMI ចាប់​ដៃ​ឲ្យ​ចាប់ផ្ដើម​ការ​ប្រមូល Alpha Brava ថ្មីរបស់ខ្លួន។​​​ កីឡាករបាល់ទាត់​ដ៏​ល្បីរូបនេះ ក៏ត្រូវបានគេដឹងថា លេង​ឲ្យ​ក្លឹប​មាន់ខ្នាយមាស Tottenham Hotspur នៃក្របខ័ណ្ឌ Premier League និង​ជា​ប្រធាន​ក្រុមបាល់ទាត់ជម្រើសជាតិកូរ៉េខាងត្បូង។​ លោក​ក៏​បាន​បង្ហើប​ដែរ​ថា“ក្នុងនាម​ជាកីឡាករបាល់​ទាត់អាជីព ការធ្វើដំណើរគឺជា​ផ្នែក​មួយ​ដ៏​ធំ​នៃ​ជីវិត​របស់​ខ្ញុំ។ វា​មាន​ន័យ​ថា​ខ្ញុំ​ត្រូវ​ការ​កាបូប​ដែល​អាច​ប្រើ​បាន​ និង​អាច​ទុក​ចិត្ត​បាន​ពេល​ខ្ញុំ​ចេញ​ពី​ទីវាល ហើយ​ TUMI គឺវិសេសបំផុត។”

៥ LAY ZHANG យីហោ HUBLOT

Lay Zhang សមាជិក​ក្រុម EXO ត្រូវ​បាន​ប្រកាស​ជា​ទូតសុឆន្ទៈ​ ​សម្រាប់​​នាឡិកា​ស្វីស Hublot។ បន្ទាប់ពីការប្រកាសរបស់ Hublot តារារូបនេះ​បានក្លាយជាប្រធានបទ​ពេញនិយមលេខ ១នៅលើប្រព័ន្ធផ្សព្វផ្សាយ​សង្គមចិន Weibo ។​ អ្នក​គាំទ្រ​ថែម​ទាំង​បាន​ដាក់​ឈ្មោះ​តារា​រូប​នេះ​ថា​ជា “ស្ដេច​នៃ​ការ​គាំទ្រ”។ ក្រៅពី Hublot តារារូបនេះក៏ជាមុខមាត់ឲ្យម៉ាក​គ្រឿងអលង្ការ​បារាំង Chaumet ក៏​ដូចជាផ្ទះប្រណីត Valentino ។ គាត់​ក៏​នាំ​មុខ​ម៉ាកយីហោ​របៀបរស់នៅផ្សេងទៀត​ដូចជា Bang & Olufsen, MAC Cosmetics និង Calvin Klein ៕

ប្រែសម្រួល៖ សាង ស្រីល័ក្ខ

ចុចអាន៖តារាប្រុសចិន ៥ រូប ធ្លាប់ធ្វើជាទូតសុឆន្ទៈឲ្យម៉ាកយីហោគ្រឿងសម្អាង

ចុចអាន៖ហ្វាន ពីងពីង ឈ្នះពានរង្វាន់តារាសម្តែងឆ្នើមប្រចាំអាស៊ីពីមហោស្រពភាពយន្តប៊ូសាន

The post តារាអាស៊ី ៥ រូប ប្រឹងជ្រៀតខ្លួន រហូតក្លាយទូតសុឆន្ទៈឲ្យម៉ាកយីហោបរទេស appeared first on Kampuchea Thmey Daily.