ក្រសួង​ការងារ ​បាន​ណែនាំ​ដល់​ម្ចាស់ ឬ​នាយក​សហគ្រាស ក្រុមហ៊ុន រោងចក្រ​ ត្រូវ​អនុញ្ញាតឱ្យ​កម្មករ-និយោជិត​របស់​ខ្លួន​ឈប់​សម្រាក​ដោយមាន​ប្រាក់​ឈ្នួល​នាឱកាស​ព្រះរាជ​ពិធីបុណ្យ​អុំទូក បណ្តែតប្រទីប និង​សំពះ​ព្រះ​ខែ អកអំបុក ខាងមុខ​នេះ រយៈពេល ៣ ថ្ងៃ គឺ ​ថ្ងៃទី ​៤-៥-៦ ខែវិច្ឆិកា ឆ្នាំ ២០២៥ និង​ត្រូវ​សម្របសម្រួល​រៀបចំ​បើកប្រាក់​ឈ្នួល ខែតុលា ដែល​កម្មករ-និយោជិត​ត្រូវ​ទទួល​បាន​ឱ្យបាន​មុន​ថ្ងៃ​ឈប់សម្រាក​នេះ។

ក្នុងករណី​មានការ​ព្រមព្រៀងគ្នា​រវាង​កម្មករ-និយោជិត​សាមី ​និង​និយោជក ឬ​មានចែង​ក្នុង​បទ​បញ្ជា​ផ្ទៃក្នុង​របស់​សហគ្រាស ក្រុមហ៊ុន រោងចក្រ​ដែល​ត្រូវបាន​ចុះ​ទិដ្ឋាការ​ដោយ​អធិការ​ការងារ ឬ​អនុសញ្ញា​រួម​ដែល​ត្រូវបានចុះបញ្ជី​នៅ​ក្រសួង ការឈប់​សម្រាក​របស់​កម្មករ-និយោជិត​អាចអនុវត្ត​នៅពេល​ណាមួយ​ផ្សេងទៀត ដែល​ខុសពី​ថ្ងៃ​ឈប់សម្រាក​បុណ្យ​ដូច​មានកំណត់​ខាងលើ។

ចំពោះ​សហគ្រាស ក្រុមហ៊ុន រោងចក្រ​ទាំងឡាយណា ដែល​កម្មវត្ថុ​អាជីវកម្ម​មាន​ចរិតលក្ខណៈ​សកល ត្រូវ​ប្រព្រឹត្តទៅ​ជាប្រចាំ និង​មិនអាច​បញ្ឈប់​សកម្មភាព​បាន ហើយ​ការឈប់​សម្រាក​បុណ្យ​ នៃ​កម្មករ-និយោជិត​ទាំងអស់ ព្រម​គ្នា​ក្នុងពេល​តែមួយ​នាំឱ្យ​ខូចប្រយោជន៍​ដល់​សាធារណជន ឬក៏​ធ្វើ​ឱ្យ​ខូច​ដំណើរការ​របស់​សហគ្រាស ក្រុមហ៊ុន រោងចក្រ ម្ចាស់ ឬ​នាយក​សហគ្រាស ក្រុមហ៊ុន រោងចក្រ​ត្រូវ​រៀបចំ​បែងចែក​ឱ្យ​កម្មករ-និយោជិត​បាន​ឈប់សម្រាកទៅតាម​ថ្ងៃ​ឈប់សម្រាក​បុណ្យ​ដោយ​ផ្លាស់ប្ដូរ​វេន​គ្នា។

ប្រសិនបើ​ការផ្លាស់ប្តូរ​វេន​គ្នា​នេះ មិនអាច​គាំទ្រ​ដល់​ដំណើរការ អាជីវកម្ម​របស់​សហ​គ្រាស ក្រុមហ៊ុន រោងចក្រ ម្ចាស់ ឬ​នាយក​សហគ្រាស ក្រុមហ៊ុន រោងចក្រ និង​តំណាង​កម្មករ-និយោជិត​អាច​ពិភាក្សា និង​ព្រមព្រៀងគ្នា​ឱ្យ​កម្មករ-និយោជិត​ទាំងអស់​នៅ​ធ្វើការ​នៅ​ថ្ងៃ​ឈប់សម្រាក​បុណ្យ​នេះ ដោយ​ត្រូវ​រៀបចំ​ឱ្យមាន​ការឈប់​សម្រាក​ជំនួស​នៅពេល​ណាមួយ​ផ្សេងទៀត​បាន។ ម្ចាស់ ឬ​នាយក​សហគ្រាស ក្រុមហ៊ុន រោងចក្រ ត្រូវ​រៀបចំ​បញ្ជី​ឈ្មោះ​កម្មករ-និយោជិត ដែល​ត្រូវ​ផ្លាស់ប្ដូរ​គ្នា​ឈប់​សម្រាក​តាម​កាលបរិច្ឆេទ​នីមួយៗ​ ខាងលើ និង​រក្សាទុក​ជាប្រចាំ​សម្រាប់​ការ​ត្រួតពិនិត្យ​របស់​អធិការ​ការងារ។

ក្នុងករណី​ដែល​កម្មករ-និយោជិត​មិន​ទទួលបាន​ការ​ឈប់​សម្រាក​ដោយមាន​ប្រាក់​ឈ្នួល​ត្រឹមត្រូវ សូម​ផ្តល់​ព័ត៌មាន​មក​ក្រសួង​ការងារ និង​បណ្តុះបណ្តាល​វិជ្ជាជីវៈ ​តាមរយៈ​ប្រព័ន្ធ Hotline លេខ ១២៨៦” ឬ​តាមរយៈ​ប្រអប់ បណ្តឹង​អនាមិក​របស់​ក្រសួង​(https://feedback.mlvt.gov.kh/feedback) ដើម្បី​ក្រសួង​ចាត់វិធានការ​តាមច្បាប់​ជា​ធរមាន៕

អត្ថបទ ៖ សំអឿន

The post ក្រសួងការងារ អនុញ្ញាតឱ្យកម្មករ-និយោជិតឈប់សម្រាកចំនួន ៣ ថ្ងៃ នាព្រះរាជពិធីបុណ្យអុំទូក ខាងមុខ appeared first on Kampuchea Thmey Daily.

ឧបនាយករដ្ឋមន្ត្រី Phumtham Wechayachai និយាយកាលពីថ្ងៃចន្ទទី១៨ខែវិច្ឆិកាថា ថ្ងៃឈប់សម្រាកបន្ថែមនៅឆ្នាំក្រោយ គឺបូកទាំងថ្ងៃចន្ទទី២ខែមិថុនាដើម្បីភ្ជាប់ជាមួយថ្ងៃទី៣ខែមិថុនាដែលជាពិធីបុណ្យចម្រើនព្រះជន្មព្រះមហាក្សត្រិយានី ហើយថៃនឹងឲ្យឈប់នៅថ្ងៃទី១១ខែសីហាទៀត ដើម្បីភ្ជាប់ជាមួយថ្ងៃទី១២ខែសីហាដែលជាទិវាមាតា ដើម្បីឲ្យចុងសប្តាហ៍មានរយៈពេលរហូតដល់ទៅ៤ថ្ងៃ ឬគេនិយមហៅថា Long Weekend ងាយស្រួលសម្រាប់អ្នកទេសចរណ៍ធ្វើដំណើរកម្សាន្ត ជាពិសេសអ្នកចង់ទៅលេងឆ្ងាយៗ។

ថ្ងៃឈប់សម្រាកបន្ថែមមួយទៀតគឺថ្ងៃសុក្រទី២ខែមករាឆ្នាំ២០២៦ ដូច្នេះគេអាចឈប់សម្រាកចូលឆ្នាំថ្មីឆ្នាំសកលបានដល់ទៅ៥ថ្ងៃ ពោលគឺចាប់ពីថ្ងៃទី៣១ខែធ្នូឆ្នាំ២០២៥ ដល់ថ្ងៃទី៤ខែមករាឆ្នាំ២០២៦។

ការ​ប្រកាស​ថ្ងៃ​ឈប់​សម្រាក​បន្ថែម​នេះ ​ក៏​ស្រប​នឹង​ចំណាត់​ការ​របស់​រដ្ឋបាល​របស់នាយក​រដ្ឋមន្ត្រី Paetongtarn Shinawatra ផងដែរដែលប្រកាសដាក់​ឆ្នាំ​ក្រោយ​ ឲ្យក្លាយជា​ឆ្នាំ​ទេសចរណ៍ និង​កីឡា​។

សូមបញ្ជាក់ថា គិតត្រឹមពេលនេះ ប្រទេសថៃ បានទទួលភ្ញៀវទេសចរប្រហែល៣០លាននាក់ហើយ ពោលគឺជិតសម្រេចបានគោលដៅពេញមួយឆ្នាំរបស់រដ្ឋាភិបាល ដែលកំណត់ទទួលទេសចរចំនួន៣៦.៧លាននាក់៕

អត្ថបទ៖ សុខ សុវណ្ណ

ចុចអាន៖ ឆ្នាំ២០២៤ មន្ត្រីរាជការ និយោជិត កម្មករ ឈប់សម្រាកលើសឆ្នាំមុន ១ថ្ងៃ

The post ឆ្នាំក្រោយ ថៃ បន្ថែមថ្ងៃឈប់សម្រាករឹតច្រើន ដើម្បីឲ្យទេសចរដើរលេង ជួយសេដ្ឋកិច្ច appeared first on Kampuchea Thmey Daily.

ប្រតិទិនឈប់សម្រាក ឆ្នាំ២០២៤ មានដូចខាងក្រោម៖

ថៃ្ងទី១ មករា ទិវាចូលឆ្នាំសកល សម្រាក ១ថ្ងៃ

ថៃ្ងទី៧ មករា ទិវាជ័យជំនះលើរបបប្រល័យពូជសាសន៍ សម្រាក ១ថ្ងៃ

ថៃ្ងទី៨ មីនា ទិវាអន្តរជាតិនារី សម្រាក ១ថ្ងៃ

ថៃ្ងទី១៣-១៤-១៥-១៦ មេសា ពិធីបុណ្យចូលឆ្នាំថ្មី ប្រពៃណីជាតិ ឆ្នាំរោង ឆស័ក សម្រាក ៤ថ្ងៃ

ថៃ្ងទី១ ឧសភា ទិវាពលកម្មអន្តរជាតិ សម្រាក ១ថ្ងៃ

ថៃ្ងទី១៤ ឧសភា ព្រះរាជពិធីបុណ្យចម្រើនព្រះជន្ម ព្រះករុណ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្រាក ១ថ្ងៃ

ថៃ្ងទី១៨ មិថុនា ព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ សម្រាក ១ថ្ងៃ

ថៃ្ងទី២២ ឧសភា ពិធីបុណ្យវិសាខបូជា សម្រាក ១ថ្ងៃ

ថៃ្ងទី២៦ ឧសភា ព្រះរាជពិធីច្រត់ព្រះនង្គ័ល សម្រាក ១ថ្ងៃ

ថៃ្ងទី២៤ កញ្ញា ទិវាប្រកាសរដ្ឋធម្មនុញ្ញ សម្រាក ១ថ្ងៃ

ថៃ្ងទី១-២-៣ តុលា ពិធីបុណ្យភ្ជុំបិណ្ឌ សម្រាក ៣ថ្ងៃ

ថៃ្ងទី១៥ តុលា ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្ដេច ព្រះនរោត្ដម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” សម្រាក ១ថ្ងៃ

ថៃ្ងទី២៩ តុលា ព្រះរាជពិធីបុណ្យគ្រងព្រះបរមរាជសម្បត្តិរបស់ ព្រះករុណ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្រាក ១ថ្ងៃ

ថៃ្ងទី៩ វិច្ឆិកា ពិធីបុណ្យឯករាជ្យជាតិ សម្រាក ១ថ្ងៃ

ថៃ្ងទី១៤-១៥-១៦ វិច្ឆិកា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក សម្រាក ៣ថ្ងៃ។

The post ឆ្នាំ២០២៤ មន្ត្រីរាជការ និយោជិត កម្មករ ឈប់សម្រាកលើសឆ្នាំមុន ១ថ្ងៃ appeared first on Kampuchea Thmey Daily.

ដោយឡែក​ចំពោះក្រសួង ស្ថាប័នមាន​ភារកិច្ចទំនាក់ទំនង​អន្តរជាតិ ត្រូវរក្សា​មន្រ្តីប្រចាំការជាអចិន្រ្តៃយ៍​សម្រាប់​ដោះស្រាយ​ការងារ៕

The post តោះ! មក​ដឹង​ថ្ងៃឈប់សម្រាកប្រចាំ​ឆ្នាំ ២០២៣ appeared first on Kampuchea Thmey Daily.

សេចក្ដីណែនាំរបស់ក្រសួងការងារ លើកឡើងថា “សូមណែនាំដល់ម្ចាស់ ឬនាយករោងចក្រ សហគ្រាស បងប្អូនកម្មករ និយោជិត និងអង្គការវិជ្ជាជីវៈ គ្រប់ជាន់ថ្នាក់ទាំងអស់ឱ្យបានជ្រាបថា ថ្ងៃឈប់បុណ្យដែលមានប្រាក់ឈ្នួលចំលើថ្ងៃអាទិត្យ មិនត្រូវបានលើកទៅឈប់សម្រាកនៅថ្ងៃបន្ទាប់ឡើយ”។

ក្រសួងការងារបញ្ជាក់ថា ប្រសិនបើកម្មករនិយោជិត និងនិយោជកឯកភាពគ្នាមកធ្វើការបន្ថែមម៉ោងនៅថ្ងៃឈប់បុណ្យ ដែលមានប្រាក់ឈ្នួលចំលើថ្ងៃអាទិត្យ នោះនិយោជកត្រូវគិតការធ្វើការបន្ថែមម៉ោងក្នុងអត្រាស្មើនឹង ២០០ ភាគរយ ឬ ២ ដងនៃប្រាក់ឈ្នួលថ្ងៃធ្វើការធម្មតា៕

The post ក្រសួង​ការងារ​ប្រកាស​ឈប់​លើក​ថ្ងៃបុណ្យ​ចំលើថ្ងៃអាទិត្យ​ទៅឈប់​ថ្ងៃបន្ទាប់ appeared first on Kampuchea Thmey Daily.

ខាងក្រោមនេះគឺជាចំនួនថ្ងៃឈប់សម្រាករបស់ប្រទេសទាំង ១០ នៅតំបន់អាស៊ីអាគ្នេយ៍ (អាស៊ាន) សម្រាប់ឆ្នាំ ២០២២ នេះ ៖

១. សិង្ហបុរី ១៥ ថ្ងៃ

២. ឡាវ ១៥ ថ្ងៃ

៣. ឥណ្ឌូណេស៊ី ១៦ ថ្ងៃ

៤. ហ្វីលីពីន ១៦ ថ្ងៃ

៥. វៀតណាម ១៧ ថ្ងៃ

៦. ព្រុយណេ ១៨ ថ្ងៃ

៧. កម្ពុជា ២១ ថ្ងៃ

៨. ថៃ ២៨ ថ្ងៃ

៩. មីយ៉ាន់ម៉ា ៣០ ថ្ងៃ

១០. ម៉ាឡេស៊ី ៥៩ ថ្ងៃ

គួរបញ្ជាក់ថា ប្រទេសសិង្ហបុរី និងប្រទេសឡាវមានថ្ងៃឈប់សម្រាកតិចជាងគេបំផុតនៅតំបន់អាស៊ាន ពោលមាន ១៥ ថ្ងៃដូចគ្នា ខណៈម៉ាឡេស៊ីច្រើនជាងគេមានរហូតដល់ ៥៩ ថ្ងៃសម្រាប់ឆ្នាំ ២០២២ នេះ ៕

អត្ថបទ ៖ ជីវ័ន្ត

ប្រភព ៖ Public Holidays

ចុចអាន ៖ មកស្គាល់ ឈ្មោះក្រដាសប្រាក់ប្រទេសទាំង ១០ នៅ អាស៊ាន

The post នេះចំនួនថ្ងៃឈប់សម្រាកប្រទេសទាំង ១០ នៅ អាស៊ាន សម្រាប់ឆ្នាំ ២០២២ appeared first on Kampuchea Thmey Daily.

ពិស្តារ ៖

កែសម្រួលដោយ ៖ នាគព័ន្ធ

The post ឆ្នាំ២០២២ ​ថ្ងៃឈប់​សម្រាក​មាន​ចំនួន២១ថ្ងៃ​ appeared first on Kampuchea Thmey Daily.

ត្រង់ចំណុច១ ​នៃខ្លឹមសារគោលបំណងសេចក្តីព្រាងច្បាប់ ស្តីពី វិសោធនកម្មមាត្រាមួយចំនួន នៃច្បាប់ស្តីពីការងារ បានសរសេរថា លុបការឈប់នៅថ្ងៃបន្ទាប់ សម្រាប់ថ្ងៃឈប់សម្រាកបុណ្យចំថ្ងៃអាទិត្យ ដែលដូចគ្នាទៅនឹង ការមិនលើកពេលឈប់សម្រាកបុណ្យចំថ្ងៃអាទិត្យរបស់មន្ត្រីរាជការ ដើម្បីឆ្លើយតបទៅនឹងការវិវឌ្ឍផ្នែកសង្គម-សេដ្ឋកិច្ចកម្ពុជា។

នៅក្នុងកិច្ចប្រជុំពេញគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃ កម្ពុជា នៅព្រឹកថ្ងៃទី៩ ខែកក្កដា ឆ្នាំ២០២១នេះ បានសម្រេចអនុម័តទាំងស្រុងលើ «សេចក្តីព្រាងច្បាប់ ស្តីពីវិ​សោ​ធនកម្មមាត្រា១២៣ មាត្រា១៣៨ មាត្រា១៦២ មាត្រា៣០០ មាត្រា៣៤៣ មាត្រា៣៥០ មាត្រា៣៦៣ មាត្រា៣៥០ មាត្រា៣៦៣ និងមាត្រា៣៦៧ នៃច្បាប់ស្តីពីការងារ ដែលត្រូវប្រកាសឲ្យប្រើ ដោយព្រះរាជក្រមលេខ ជស/រកម០៣៩៧/០១ ចុះថ្ងៃទី១៣ ខែមីនា ឆ្នាំ១៩៩៧»។

បើតាមលោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានឲ្យ​ដឹងថា ច្បាប់ស្តីពីការងារដែលរួមមាន១៩ជំពូក និង៣៩៦មាត្រា​ ត្រូវបានប្រកាសឲ្យប្រើដោយព្រះរាជក្រមលេខ ជស/រកម/០៣៩៧/០១ ចុះថ្ងៃទី១៣ ខែមីនា ឆ្នាំ១៩៩៧ គឺជាក្របខណ្ឌគតិយុត្តដ៏សំខាន់ ក្នុងការលើកកម្ពស់សិទ្ធិការងារនិងភាពសុខដុមរមនា ក្នុងទំនាក់ទំនងវិជ្ជាជីវៈ ស្របពេលដែលកម្ពុជាចាប់ផ្តើមអភិវឌ្ឍវិស័យ ការងារដោយផ្សារភ្ជាប់ជាមួយពាណិជ្ជកម្មអន្តរជាតិ តាមរយៈការរីកចំរើនការវិនិយោគ នៃវិស័យឯកជន ជាពិសេសការវិនិយោគលើវិស័យឧស្សាហកម្មកាត់ដេរ សម្លៀកបំពាក់ និងផលិត ស្បែកជើង។

ច្បាប់ស្តីពីការងារ ត្រូវបានធ្វើវិសោធនកម្មចំនួន២លើក រួចមកហើយ ដោយព្រះរាជក្រមលេខ នស/រកម/០៧០៧/០២០ចុះថ្ងៃទី២០ ខែកក្កដា ឆ្នាំ២០០៧ ចំនួន២មាត្រា ពាក់ព័ន្ធនឹងអត្រាប្រាក់ ឈ្នួលបន្ថែមម៉ោងនិង ការងារពេលយប់ និងដោយ ព្រះរាជក្រមលេខ នស/រកម/០៦១៨/០១០ ចុះថ្ងៃទី២៦ ខែមិថុនា ឆ្នាំ២០១៨ ចំនួន៨មាត្រាពាក់ព័ន្ធនឹង ប្រាក់បំណាច់អតីតភាពការងារ។

សេចក្តីព្រាងច្បាប់នេះ ត្រូវបានរៀបចំឡើង ដើម្បីកែសម្រួលបញ្ញត្តិមាត្រាចំនួន៨ នៃច្បាប់ស្តីពីការងារក្នុងគោលបំណង៖ -កែសម្រួលបទប្បញ្ញត្តិពាក់ព័ន្ធ នឹងវេនការងាររបស់រោងចក្រ សហគ្រាស ដែលមានដំណើរការលើសពី១វេនជាប្រចាំ ដើម្បីបង្កើនភាពទាក់ទាញឧស្សាហកម្មទំនើបដូចជា៖ រោងចក្រផលិតបរិក្ខារអគ្គិសនី គ្រឿងអេឡិចត្រូនិច និងការកែច្នៃម្ហូបអាហារ ជាដើម និងបង្កើនការងារជូនប្រជាពលរដ្ឋ។ – ពង្រីកវិសាលភាពសេវាកម្មរបស់ក្រុមប្រឹក្សាអាជ្ញាកណ្តាលក្នុងការដោះស្រាយវិវាទបុគ្គល ដើម្បីពង្រឹងប្រសិទ្ធភាពនៃយន្តការដោះស្រាយវិវាទការងារ និងឆ្លើយតបនឹងតម្រូវការរបស់ភាគីវិវាទ ព្រមទាំងកាន់តែធានាបាននូវសុខដុមរមនា ក្នុងទំនាក់ទំនងវិជ្ជាជីវៈ។

– លុបការឈប់នៅថ្ងៃបន្ទាប់ សម្រាប់ថ្ងៃឈប់សម្រាកបុណ្យចំថ្ងៃអាទិត្យ ដែលដូចគ្នាទៅនឹង ការមិនលើកពេលឈប់សម្រាកបុណ្យចំថ្ងៃអាទិត្យរបស់មន្ត្រីរាជការ ដើម្បីឆ្លើយតបទៅនឹងការវិវឌ្ឍផ្នែកសង្គម-សេដ្ឋកិច្ចកម្ពុជា សំដៅលើកកម្ពស់ផលិតភាពការងារ និងពង្រឹងភាពប្រកួតប្រជែងសេដ្ឋកិច្ចកម្ពុជា ទាំងក្នុងតំបន់និងសកលលោក។ – ផ្តល់នីតិសម្បទាជានគរបាលយុត្តិធម៌ដល់អធិការការងារឱ្យពិនិត្យបទល្មើស នៃច្បាប់ស្តីពីការងារស្របតាមបទប្បញ្ញត្តិនៃក្រមនីតិវិធីព្រហ្មទណ្ឌ និងស្របតាមភារកិច្ច ដែលមន្ត្រីរអធិការកិច្ចការងារត្រូវធ្វើ និងបានកំពុងធ្វើ។ – កែសម្រួលមាត្រាពាក់ព័ន្ធនឹងមាត្រា ដែលត្រូវបានធ្វើវិសោធនកម្មក្នុងឆ្នាំ២០០៧ និងឆ្នាំ២០១៨ ហើយមិនទាន់ត្រូវបានធ្វើវិសោធនកម្មឲ្យមានសង្គតិភាពនឹងគ្នា។

លោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល បានសរសេរ​នៅលើគណនីហ្វេសប៊ុករបស់លោកថា សេចក្តីព្រាងច្បាប់នេះ ពិតជាមានសារៈសំខាន់ណាស់ ដើម្បីចូលរួមចំណែកក្នុងការរក្សាឲ្យបាន នូវភាពប្រកួតប្រជែងរបស់ប្រទេស ស្របតាមការវិវត្តផ្នែកសង្គម-សេដ្ឋកិច្ច ក្នុងតំបន់ និងសកលលោក និងក្នុងបរិបទ នៃការរាតត្បាតនៃជំងឺកូវីដ-១៩៕ (ដោយ)៖ ឃួន សុភ័ក្រ

The post ឈប់សម្រាក ក្នុងថ្ងៃបុណ្យជាតិ ចំថ្ងៃអាទិត្យ នឹងលែងលើកទៅថ្ងៃបន្ទាប់ទៀតហើយ appeared first on Kampuchea Thmey Daily.