ក្នុងសារដែលបានចែករំលែកជាសាធារណៈ លោកបានត្អូញត្អែរពីជីវិតយោធា ដែលម្នាក់ៗទៅធ្វើសង្គ្រាមទប់ទល់ជាមួយសៀមឈ្លានពាន បែកប្រពន្ធបែកកូនរាប់ខែ ខណៈគ្រាន់តែផ្លែទុរេននាំចូលសោះ បែរជាមានការចន្លោះប្រហោងឱ្យមានលើទីផ្សារកម្ពុជាទៅវិញ។

ប្រតិកម្មរបស់លោក ទិត្យ វិច្ឆិកា បានកើតឡើងបន្ទាប់ពីមានការសារភាពពីអាជីករម្នាក់ឈ្មោះ អាឡែន ដែលបានទទួលស្គាល់ថា ខ្លួនបាននាំចូលទុរេនពីប្រទេសថៃចូលមកកម្ពុជា តាមច្រកព្រំដែនដោយមិនមានការអនុញ្ញាតត្រឹមត្រូវ ហើយបានចែកចាយទៅកាន់ទីផ្សារនានា នៅតាមខេត្តមួយចំនួនផងដែរ។

បញ្ហានេះកំពុងធ្វើឱ្យមហាជនចាប់អារម្មណ៍ និងពិភាក្សាយ៉ាងក្តៅគគុកលើបណ្តាញសង្គម ខណៈមានការព្រួយបារម្ភពីគុណភាពផលិតផល ការប្រកួតប្រជែងមិនស្មើភាព និងផលប៉ះពាល់ដល់កសិករខ្មែរ។ ជាមួយគ្នានេះ សាធារណជនមួយចំនួនបានអំពាវនាវឱ្យអាជ្ញាធរពាក់ព័ន្ធ បង្កើនការត្រួតពិនិត្យ និងអនុវត្តច្បាប់ឱ្យបានតឹងរឹង ដើម្បីធានាថាផលិតផលនៅលើទីផ្សារមានប្រភពច្បាស់លាស់ និងគុណភាពសុវត្ថិភាព ស្របតាមស្តង់ដារកំណត់៕

The post លោក ទិត្យ វិច្ឆិកា ប្រតិកម្មនឹងករណីទុរេនថៃហូរចូលទីផ្សារកម្ពុជា ក្រោយអ្នកលួចនាំចូលសារភាពប្រាប់សមត្ថកិច្ច appeared first on Kampuchea Thmey Daily.

ការចេញមុខលើកឡើងរបស់លោក ទិត្យ វិច្ឆិកា នាពេលនេះ បន្ទាប់ថ្មីៗ មានការបែកធ្លាយវីដេអូមួយអំពីសកម្មភាពហ្វឹកហ្វឺនកងទ័ពពិសេស ដែលលោកធ្លាប់បង្ហាត់កាលពីប្រមាណជាង ១០ឆ្នាំមុន ខណ:វីដេអូដែលបានបែកធ្លាយនោះ ត្រូវបានអ្នកលេងបណ្តាញសង្គមធ្វើការចែករំលែកឡើងវិញ និងវែកញែករិះគន់ជេរប្រមាថដល់លោកនិងអ្នកម្តាយរបស់លោកទៀតផង។

ជាថ្មីម្តងទៀតលោក ទិត្យ វិច្ឆិកា បានចេញមកឆ្លើយតបដោយសរសេរខ្លឹមសារថា ប្រសិនជាលោកខុសឆ្គងនៅប្រការណា១ បងប្អូនទាំងអស់គ្នាអាចសម្លាប់ឬកាប់ចិញ្ច្រាំលោកឱ្យខ្ទេចសាច់បែបណាក៏បាន គឺលោកសុខចិត្តទទួលយកតែសូមបងប្អូនសិក្សា និងស្វែងយល់ឱ្យបានច្បាស់ពីវិន័យរបស់សាលាហ្វឹកហ្វឺនកងទ័ព និងសំណូមពរកុំជេរប្រមាថអ្នកម្តាយរបស់លោកកប់ៗមាត់ពេក ព្រោះអ្នកម្តាយលោកបានចែកឋានបាត់ទៅយូរឆ្នាំហើយ។

លោក ទិត្យ វិច្ឆិកា ថា “ខ្ញុំសូមជំរាបជូនបងប្អូនពុកម៉ែថា គោលជំហររបស់បងប្អូន យើងខ្ញុំដែលជាគ្រូបង្វឹករបស់ទ័ពពិសេសគឺបង្វឹកសិក្ខាកាមគ្រប់រូបឱ្យមានសេចក្តីសុខសុវត្ថិភាព និងមានគុណភាពខ្ពស់ ដើម្បីការពារប្រទេសជាតិ និងប្រជាជនរស់នៅដោយសុខសាន្ត (ទ័ពខ្លាំង ប្រទេសខ្លាំង)”។

អតីតតារាចម្រៀងលោក ទិត្យ វិច្ឆិកា បានលើកឡើងទៀតថា លោកពិតជាឈឺចាប់ណាស់ តែដោយសារជាជនជាតិខ្មែរដូចគ្នាសុខចិត្តខាំមាត់សង្កត់ចិត្ត ព្រោះគិតថា “ថ្ងៃណាមួយបងៗនិងយល់ទៅចុះ គួរតែដល់ពេលជនជាតិខ្មែរចេះសាមគ្គីគ្នាហើយ”។

ដោយឡែក ក៏មានអ្នកគាំទ្រលោក ទិត្យ វិច្ឆិកា បានបញ្ចេញមតិដែរថា “ខ្លួនពិតជាឈឺចាប់ខ្លាំងបំផុតនៅពេលដែ លឃើញបងប្អូនទាំងអស់គ្នាដែលជាជនស៊ីវិលមិនបានយល់ជ្រាបពីច្បាប់វិន័យទ័ពក្នុងការហ្វឹកហាត់ដែលបានជេរប្រមាថមកលើលោក ទិត្យ វិច្ឆិកា ហើយបើសិនជាបងប្អូនទាំងអស់គ្នាមិនបានស្គាល់ពីគាត់ច្បាស់សូមកុំទាន់អាលវិនិច្ឆ័យគាត់ បងប្អូនត្រូវដឹងថា ការហ្វឹកហាត់យកជំនាញមិនមែនងាយស្រួលដូចទាហានធម្មតានោះទេ”។

អ្នកគាំទ្រដដែលនោះ បានបន្តថា “រូបភាពវីដេអូទាំងបអស់នេះ គ្រាន់តែជាជ្រុងមួយផ្នែកតូចតែប៉ុណ្ណោះ។ តើបងប្អូនមានយល់ពាក្យទេថាទ័ពពិសេសគឺមានការហ្វឹកហាត់និងវិន័យខ្លាំងទ្វេគុណជាមួយនឹងទ័ពធម្មតា បងប្អូនជេរប្រមាថដល់គាត់ទាំងដែលបងប្អូនមិនទាន់ដឹងយល់អ្វីច្បាស់បែបនេះតើគួរគប្បីដល់គាត់ដែរទេ។ រាល់ថ្ងៃមិនត្រឹមតែគាត់ម្នាក់ទេតែថែម ទាំងមានកូនប្រុសៗរបស់គាត់ទៀតដែលលះបង់ដើ ម្បីជាតិមុននឹងជេរប្រមាថគាត់បងប្អូនត្រូវស្វែងយល់ឱ្យច្បាស់សិនហើយគិតខ្លួនឯងថាតើបងប្អូនបានលះបង់អ្វីខ្លះដល់ជាតិហើយឬនៅ”៕ ចាន់រ៉ា

The post លោក ទិត្យ វិច្ឆិកា ស្នើមហាជនស្វែងយល់ឱ្យច្បាស់ពីវិន័យកងទ័ព ក្រោយបែកធ្លាយសកម្មភាពបង្ហាត់ទ័ពពិសេសជាង ១០ឆ្នាំមុន appeared first on Kampuchea Thmey Daily.

ដំណឹងខាងលើនេះ បានធ្វើឲ្យមហាជនអ្នកគាំទ្រ និងមិត្តរួមអាជីពសិល្ប:ជាមួយតារាចម្រៀងលោក ទិត្យ វិច្ឆិកា មានការភ្ញាក់ផ្អើលគ្រប់គ្នាប៉ុន្តែក្រោយមានការយប់ច្រឡំនេះភ្លាមៗ លោក ទិត្យ វិច្ឆិកា បានចេញមុខបញ្ជាក់ថាពុំមែនជារូបលោកទេនេះគ្រាន់ព័ត៌មានយល់ច្រឡំប៉ុណ្ណោះ។

បើតាមគណនីហ្វេសប៊ុករបស់ពិធីករលោក ហេរ៉ូ បានបង្ហោះសារសំឡេងឆ្លើយឆ្លងជាមួយនឹង លោក ទិត្យ វិច្ឆិកា បានឱ្យដឹងថាលោក ទិត្យ វិច្ឆិកា មិនបានបាត់បង់ជីវិតក្នុងគ្រោះថ្នាក់ចរាចរណ៍នោះឡើយ។ លោកថា “សុំកែសម្រួលបងប្អូន​ ទិត្យ​ វិច្ឆិកា​ ដែលស្លាប់នោះមិនមែនជាលោក​ ទិត្យ​ វិច្ឆិកា​ ស៊េរីចាស់ទេ គឺ​ ទិត្យ​ វិច្ឆិកា​ តារាចម្រៀងដែរ តែផ្សេងគ្នាទេ​ សូមកុំយល់ច្រឡំ”។

ចំណែកឯសាមីខ្លួនលោក ទិត្យ វិច្ឆិកា បានឲ្យដឹងដោយសម្តែងការហួសចិត្តជាខ្លាំងថាគ្រាតែឭមិត្តភក្តិនិងបងប្អូនខលទៅសួរនាំភ្លាមៗនោះលោកមានការភ្ញាក់ ខ្លួនព្រឺតតែម្តងព្រោះអត់បានដឹងអីផងហើយអ្នកស្លាប់ក៏មិនដឹងអ្នកដែរ។ លោក ទិត្យ វិច្ឆិកា បានបន្ថែមថា នេះជាការភ័ន្តច្រឡំតែប៉ុណ្ណោះ ចំណែកលោកផ្ទាល់គឺអត់មានកើតអីទេ៕ អត្ថបទ៖ ចាន់រ៉ា

The post ទិត្យ វិច្ឆិកា ហួសចិត្ត ក្រោយមានការយល់ច្រឡំថា លោកជួបគ្រោះថ្នាក់ចរាចរណ៍បាត់បង់ជីវិត យប់មិញ appeared first on Kampuchea Thmey Daily.

គ្រូបង្វឹកលោតឆត្រយោង លោក ទិត្យ វិច្ឆិកា បាននិយាយថា ពេលដែលយន្តហោះ ហោះឆ្ពោះទៅដល់ជិតគោលដៅដែលត្រូវលោតចេញ ត្រចៀករបស់លោក ខំប្រឹងផ្ទៀងស្តាប់ពាក្យពីរម៉ាត់ ដែលលោកវរ:សេនីយ៍ត្រី លឹម សាយ តែងតែស្រែកបញ្ជា គឺពាក្យ Stand-By & Go។ លោកថា ពាក្យពីរម៉ាត់នេះ គឺមានន័យគ្រប់គ្រាន់សំរាប់ឱ្យលោកប្រុងប្រយ័ត្ន នឹងបញ្ជាឱ្យសិក្ខាកាមគ្រប់រូបលោតចេញពីយន្តហោះដោយសុវត្ថិភាព។

បញ្ជាការដ្ឋានទ័ពពិសេស បានឱ្យដឹងថា លោកវរ:សេនីយ៍ត្រី លឹម សាយ ជាគ្រូបង្វឹកលោតឆត្រយោង និងក្រុមគ្រូផ្សេងទៀតចំនួន ១៣ នាក់បានអនុវត្តលោតឆត្របញ្ជាសម្តែងក្នុងពិធីបិទវគ្គហ្វឹកហ្វឺនកម្មុង់ដូរជំនាន់ទី ១០ វគ្គហ្វឹកហ្វឺនឆត្រយោងជំនាន់ទី ២៩ និងបើកវគ្គហ្វឹកហ្វឺនឆត្រយោងជំនាន់ទី ៣០ នៅសាលាហ្វឹកហ្វឺនទ័ពពិសេសតេជោសែនឱរ៉ាល់។ តែគួរឲ្យសោកស្តាយ លោក វីរ:សេនីយ៍ត្រី លឹម សាយ បានខុសលក្ខណ:បច្ចេកទេសក្នុងការបញ្ជាឆត្រ បានធ្វើឲ្យមានគ្រោះថ្នាក់រងរបួសធ្ងន់ បន្ទាប់មកត្រូវបានអង្គភាពដឹកយកទៅសង្រ្គោះបន្ទាន់នៅមន្ទីពេទ្យបង្អែកខេត្តកំពង់ស្ពឺ។

លុះដល់វេលាម៉ោង១២និង៣០ នាទី ទើបអង្គភាពទទួលបានដំណឹងថា លោកវរ:សេនីយ៍ត្រី លឹម សាយ បានពលីជីវិតទៅហើយ៕

The post លោក ទិត្យ វិច្ឆិកា រំលឹកពាក្យពីរម៉ាត់របស់គ្រូឆត្រយោងដែលពលីជីវិត appeared first on Kampuchea Thmey Daily.