ការព្យាករនេះបញ្ជាក់ថា ក្នុងរយៈពេល ២៤ម៉ោង ខាងមុខ នៅកម្ពុជាអាចនឹងមានភ្លៀងធ្លាក់ច្រើននៅខេត្តកំពង់ស្ពឺ ខេត្តឧត្តរមានជ័យ ខេត្តបាត់ដំបង ខេត្តពោធិ៍សាត់ ខេត្តកំពង់ចាម ខេត្តព្រះវិហារ ខេត្តស្ទឹងត្រែង ខេត្តរតនគិរី និងខេត្តមណ្ឌលគិរី។ នេះបើយោងតាមការព្យករទឹកទន្លេមេគង្គររបស់គណៈកម្មការទន្លេមេគង្គ ដែលបានចុះផ្សាយនៅថ្ងៃទី ០៧ ខែកញ្ញានេះ៕

The post ការព្យាករ៖ខេត្តចំនួន ៩នៅកម្ពុជា នឹងមានភ្លៀងធ្លាក់ច្រើនក្នុងរយៈពេល ២៤ម៉ោងខាងមុខ appeared first on Kampuchea Thmey Daily.

ថ្លែងទៅកាន់អង្គសមាជ និងជម្រាបជូនសម្ដេចតេជោប្រធានព្រឹទ្ធសភា, សម្ដេច ហ៊ុន ម៉ាណែត បញ្ជាក់ដូច្នេះ៖« ខ្ញុំបានឱ្យធ្វើការជាមួយនឹងរដ្ឋាភិបាលកូរ៉េ តាមរយៈKOICA ឱ្យសិក្សាអំពីការធ្វើប្រឡាយតភ្ជាប់ពីទន្លេមេគ្គងលើទៅទន្លេសាប។ ដើម្បីភ្ជាប់ពីទន្លេមេគង្គលើទៅស្ទឹងសែន ហើយចាក់ចូលទៅទន្លេសាប ដើម្បីធានាតុល្យភាពទឹក ព្រោះឥឡូវយើងផ្ដាច់អត់មានអីជាប់អីទេ។ ទឹកហូរមកក្រោម ខែប្រាំងគឺហូរមកអស់។ អ៊ីចឹងយើងនឹងសិក្សាកន្លែងនេះ។»។

បើតាមសម្ដេចធិបតី ទៅថ្ងៃអនាគតរដ្ឋាភិបាលក៏មានគម្រោងតភ្ជាប់បឹងទន្លេសាបទៅកាន់ភូមិសាស្ត្រក្រុងប៉ោយប៉ែត ខេត្តបន្ទាយមានជ័យបន្តទៀត ដើម្បីកាត់បន្ថយចម្ងាយនៃការដឹកជញ្ជូនឱ្យកាន់តែជិតមួយផ្នែកទៀត ពីព្រោះក្រោយពេលព្រែកជីកហ្វូណនតេជោសាងសង់រួចរាល់ ប្រព័ន្ធដឹកជញ្ជូនតាមផ្លូវទឹកនឹងកាន់តែមមាញឹកថែមមួយកម្រិតទៀត និងសំខាន់ថែមទៀត។

សម្ដេចធិបតី ហ៊ុន ម៉ាណែត អះអាងថា សម្ដេចបញ្ចាឱ្យសិក្សាជាជំហានដំបូងទៅលើបរិស្ថាន និងប្រព័ន្ធបច្ចេកទេស ដើម្បីជីកប្រឡាយភ្ជាប់ពីទន្លេមេគង្គលើក្នុងភូមិសាស្ត្រខេត្តស្ទឹងត្រែង ទៅកាន់បឹងទន្លេសាប ដែលមានចម្ងាយប្រមាណ៧០គីឡូម៉ែត្រ។

សម្ដេចធិបតី នាយករដ្ឋមន្ត្រីរំពឹងទុកថា បើសិនគម្រោងជីកប្រឡាយនៃជោគជ័យលេចចេញជារូបរាងនោះ គឺរដ្ឋាភិបាលអាចធានាតុល្យភាពទឹករវាងទន្លេមេគង្គ និងទន្លេសាបបាន និងអាចជួយដល់ការធានាប្រព័ន្ធធារាសាស្ត្រ និងទឹកប្រើប្រាស់របស់ពលរដ្ឋនៅទូទាំងប្រទេស៕

The post រដ្ឋសិក្សាជីកប្រឡាយពីទន្លេមេគង្គទៅបឹងទន្លេសាប ដើម្បីកុំឱ្យទឹកហូរចោលអស់នៅរដូវប្រាំង និងធានាតម្រូវការពលរដ្ឋ appeared first on Kampuchea Thmey Daily.

​តាមការព្យាករណ៍របស់ក្រសួងធនធានទឹក និងឧតុនិយមចេញផ្សាយនៅថ្ងៃទី ០៧ ខែសីហានេះ បង្ហាញថា ទន្លេមេគង្គ-ស្ទឹងត្រែងមានកម្ពស់ ៨,៦០ ម៉ែត្រ ស្រកចុះ ០,២៣ ម៉ែត្រ ប្រៀបធៀបថ្ងៃម្សិលមិញ។ ទន្លេមមេគង្គ-ក្រចេះ ទឹកមានកម្ពស់ ១៨,៨៦ ម៉ែត្រ ស្រកចុះ ០,១២ ម៉ែត្រ។

ទន្លេមេគង្គ-កំពង់ចាម ១២,០៨ ម៉ែត្រ កើនឡើង ០,១៤ ម៉ែត្រ។ ទន្លេបាសាក់-ចតុមុខ ទឹកមានកម្ពស់ ៧,១៧ ម៉ែត្រ កើនឡើង ០,១៨ ម៉ែត្រ។ ទន្លេមេគង្គ-អ្នកលឿង មានកម្ពស់ ៥,១០ ម៉ែត្រ កើនឡើង ០,១៧ ម៉ែត្រ។ ទន្លេបាសាក់-កោះខែលទឹកមានកម្ពស់ ៦,៦៤ ម៉ែត្រ កើនឡើង ០,៣០ ម៉ែត្រ ទន្លេសាបព្រែកក្ដាម កម្ពស់ទឹក ៥,៧១ កើនឡើង ០,១៤ ម៉ែត្រ។

ក្រសួងធនធានទឹក និងឧតុនិយមបានប្រកាសថា ស្ថានភាពអាកាសធាតុមានការប្រែប្រួល​កើតឡើង​ដោយសារឥទ្ធិពលនៃប្រព័ន្ធសម្ពាធទាប (ITCZ) បណ្តាលឲ្យនៅតំបន់ផ្ទៃរងទឹកភ្លៀងនៃទន្លេមេគង្គ ក្នុងប្រទេសថៃ ឡាវ និងប្រទេសកម្ពុជា មានភ្លៀងធ្លាក់ច្រើននៅក្នុងអាងទន្លមេគង្គ៕

The post ​កម្ពស់ទឹកទន្លេមេគង្គកើនឡើងតិចតួច​ក្រោយហក់ឡើងច្រើនថ្ងៃជាប់ៗគ្នា appeared first on Kampuchea Thmey Daily.