នាយ ក្រឹប បាន​បង្ហោះ​ភ្ជាប់​រូបភាព​ដូច្នេះ​ថា «អត់​ពី​ពុក​ម៉ែ​ទៅ បងប្អូន​យើង​មាន​តែ​បី​នាក់ ពេលនេះ​គឺ​បងស្រី​ឈឺ​ធ្ងន់​ត្រូវការ​ឈាម​ចំនួន ៣ សាក់»។ តារា​កំប្លែង​នាយ ក្រឹប បញ្ជាក់​ថា «បងប្អូន​អាច​ធ្វើការ​ទំនាក់ទំនង​តាមរយៈ​លេខ​ទូរស័ព្ទ​, ០៩៨ ៦៧ ៧២ ៧៥»។ បើ​តាម​ការ​ឲ្យ​ដឹង​បន្ថែម​ពី​នាយ ក្រឹប បងស្រី​របស់​លោក​បច្ចុប្បន្ន​កំពុង​សម្រាក​នៅ​មន្ទីរពេទ្យ​កាល់ម៉ែត។

ជាមួយគ្នា នៃ​ដំណឹង​នេះ បាន​ធ្វើ​ឲ្យ​អ្នកគាំទ្រ ព្រមទាំង​សិល្បករ​-​សិល្ប​ការិនី​មួយ​ចំនួន ផ្ញើ​សារ​ចូលរួម​សួរសុខទុក្ខ និង​ជូនពរ​ឲ្យ​បងស្រី​របស់​តារា​កំប្លែង​នាយ ក្រឹប ឆាប់​បាន​ជា​សះស្បើយ​ពី​ជំងឺ​ផង​ដែរ។ ក្នុង​នោះ ក៏​មាន​ខ្លះ​ទៀត មាន​បំណង​បរិច្ចាគ​ឈាម​ជួយ​សង្គ្រោះ​បង​ស្រី​នាយ ក្រឹប ដែរ។

គួរ​ជម្រាប​ថា តារា​កំប្លែង​នាយ ក្រឹប មាន​ទីកន្លែង​កំណើត​នៅ​ទឹកដី​ឃុំ​ត្រពាំង​ស្ដៅ ស្រុក​រមាស​ហែក ខេត្ត​ស្វាយរៀង ហើយ​បច្ចុប្បន្ន​មាន​ប្រពន្ធ និង​កូន​ចំនួន ៣ នាក់។ កន្លង​មក ត្រូវ​បាន​គេ​បង្ហើប​ថា គ្រួសារ នាយ ក្រឹប មិនសូវ​ជា​មាន​ជីវភាព​ធូរធារ​ប៉ុន្មាន​ទេ ព្រោះ​អាជីព​សិល្បៈ​មួយ​រយៈ​ចុង​ក្រោយ​នេះ​ហាក់​ពុំ​សូវ​មាន​ទីផ្សារ​សម្ដែង៕

អត្ថបទ ៖ ចាន់រ៉ា

The post តារាកំប្លែង នាយ ក្រឹប ប្រកាសសុំជំនួយឈាម ៣ ប្លោក សង្គ្រោះបងស្រីឈឺធ្ងន់ appeared first on Kampuchea Thmey Daily.