ទំព័រផ្លូវការរបស់កម្មវិធីប្រកួតបវរកញ្ញាប្រទេសឥណ្ឌា Femina បានកាន់ទុក្ខចំពោះមរណភាពរបស់នាង ដោយបង្ហាញ ការចូលរួមរំលែកទុក្ខដ៏ក្រៀមក្រំដល់ក្រុមគ្រួសារ និងមិត្តភក្តិរបស់នាងក្នុងគ្រាដ៏លំបាកនេះ ហើយសង្ឃឹមថាព្រលឹងនាងនឹងបានសុខជារៀងរហូត។ ពួកគេបានចងចាំ Rinky ថាជាកេរដំណែលនៃគោលបំណង និងភាពស្រស់ស្អាត ដោយទទួលស្គាល់នូវអារម្មណ៍នៃការបាត់បង់យ៉ាងខ្លាំងពីសំណាក់អ្នកដែលស្គាល់នាង។

យ៉ាងណាក៏ដោយ ការប្រយុទ្ធរបស់អតីតបវរកញ្ញាឥណ្ឌារូបនេះ បានចាប់ផ្តើមជាមួយនឹងការធ្វើរោគវិនិច្ឆ័យមហារីកសុដន់ ដែលនាំទៅដល់ការអន្តរាគមន៍វះកាត់។ ទោះបីជាយ៉ាងណាក៏ដោយ ជំងឺមហារីកបានរាលដាលដល់សួតរបស់នាង ហើយក្រោយមកទៀតដល់ខួរក្បាល វិវត្តទៅជាដុំសាច់កាច ដូចដែលបានរៀបរាប់ដោយទស្សនាវដ្តី Femina កាលកន្លងមក។

ស្ថានភាពរបស់នាងកាន់តែអាក្រក់ទៅៗ ដែលធ្វើឲ្យនាងមិនអាចបន្តការព្យាបាលដោយប្រើគីមីបាន។ នាងត្រូវបានគេបញ្ជូនទៅមន្ទីរពេទ្យក្នុងស្ថានភាពធ្ងន់ធ្ងរកាលពីថ្ងៃទី ២២ខែកុម្ភៈ ដោយពឹងផ្អែកលើជំនួយខ្យល់ក្នុងបន្ទប់ ICU ដោយសារបញ្ហាសួតធ្ងន់ធ្ងរ។

សូមជម្រាបជូនថា យោងតាមគេហទំព័រ India Today បានសរសេរដែរថា ការចូលរួមរបស់នាងនៅក្នុងកម្មវិធីប្រកួតបវរកញ្ញាឥណ្ឌាឆ្នាំ ២០១៧ បានតំណាងឲ្យ Tripura ធ្វើឲ្យនាងទទួលបានពានរង្វាន់បវរកញ្ញាសម្រស់ដោយបញ្ជាក់ពីការប្តេជ្ញាចិត្តរបស់នាងក្នុងអាជីពរាជិនីសម្រស់មួយនេះ៕

អត្ថបទ៖ សាង ស្រីល័ក្ខ

ចុចអាន៖Lee Dong Wook ទម្លាយថា ប្ដូរចិត្តលាឈប់ពីអាជីពសម្ដែងដោយ​សារ Gong Yoo

The post អតីតបវរកញ្ញាឥណ្ឌា ទទួលមរណភាពក្នុងវ័យ ២៨ឆ្នាំ appeared first on Kampuchea Thmey Daily.