បិទខ្ទប់ Archives - Kampuchea Thmey Daily

សម្ដេចតេជោ ហ៊ុន សែន ៖ គ្មានតម្រូវការណាមួយ ត្រូវបិទខ្ទប់រាជធានីភ្នំពេញ ទៀតនោះទេ

sopheak khoun — Tue, 22 Feb 2022 02:36:54 +0000

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ថា គ្មានការចាំបាច់សម្រាប់ការបិទខ្ទប់រាជធានីភ្នំពេញទៀតនោះទេ ទោះបីជារាជធានីភ្នំពេញ កំពុងរងការរាតត្បាតដោយសារតែជំងឺកូវីដ-១៩ ប្រភេទបំប្លែងខ្លួនថ្មី ក៏ដោយ។

នៅក្នុងពិធីបើកការដ្ឋានសាងសង់ ស្ថានីយ៍ប្រព្រឹត្តកម្មទឹកកខ្វក់បឹងជើងឯក នាព្រឹកថ្ងៃទី ២២ ខែកុម្ភៈ ឆ្នាំ ២០២២នេះ សម្ដេចតេជោនាយករដ្ឋមន្ត្រី បានថ្លែងថា ក្នុងរយៈពេលប៉ុន្មានថ្ងៃចុងក្រោយនេះ មានមតិមួយចំនួន ជាពិសេសនៅតាមបណ្ដាផ្សារនានា បានលើកឡើងថា នឹងអាចមានការបិទរាជធានីភ្នំពេញឡើងវិញ។

ត្រង់ចំណុចនេះ សម្ដេតេជោ ហ៊ុន សែន បានបញ្ជាក់ថា សម្ដេចសម្រេចចិត្តបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្ដាល កាលពីអំឡុងឆ្នាំ ២០២១កន្លងទៅនេះ គឺដោយសារតែស្ថិតក្នុងពេលមួយ ដែលលំបាក ក៏ព្រោះតែយើងមិនទាន់បាន ចាក់វ៉ាក់សាំងបង្ការជំងឺកូវីដ-១៩ តែឥឡូវនេះ យើងមិនមានតម្រូវការណា ដែលត្រូវបិទខ្ទប់រាជធានីភ្នំពេញ ទៀតនោះទេ។

សម្ដេចតេជោនាយករដ្ឋមន្ត្រី បានថ្លែងបញ្ជាក់ថា «ប៉ុន្តែឥឡូវនេះ យើងអត់មានតម្រូវការណាមួយ សម្រាប់ការបិទទីក្រុង ឬបិទគោលដៅទេ ឧទាហរណ៍កាលពីមុនផ្សារឆ្លង ៤ ១០តូប យើងឲ្យបិទផ្សារទាំងមូល ឥឡូវអត់ទេ ឆ្លង អ្នកឆ្លងទៅព្យាបាលទៅ ហើយបាញ់ថ្នាំសម្លាប់ទៅ លក់បន្តទៀតទៅៗ»៕

អត្ថបទ៖ ឃួន សុភ័ក្រ

The post សម្ដេចតេជោ ហ៊ុន សែន ៖ គ្មានតម្រូវការណាមួយ ត្រូវបិទខ្ទប់រាជធានីភ្នំពេញ ទៀតនោះទេ appeared first on Kampuchea Thmey Daily.

គេហទំព័រចំនួន ៧៩ ដែលផ្តល់សេវាលេងល្បែង ស៊ីសងខុសច្បាប់តាមអនឡាញ ត្រូវបានបិទខ្ទប់

sopheak khoun — Tue, 16 Nov 2021 07:26:16 +0000

និយ័តករទូរគមនាគមន៍កម្ពុជា (ន.ទ.ក.) នៅថ្ងៃទី ១៦ ខែវិច្ឆិកា ឆ្នាំ ២០២១នេះ បានចេញសេចក្ដីប្រកាសព័ត៌មានមួយ ស្ដីពី ការចាត់វិធានការបិទខ្ទប់គេហទំព័រចំនួន ៧៩ ដែលបានធ្វើប្រតិបត្តិការ និងផ្តល់សេវាលេងល្បែងស៊ីសងខុសច្បាប់ តាមប្រព័ន្ធអនឡាញ នៅក្នុងព្រះរាជាណាចក្រកម្ពុជា។

សេចក្ដីប្រកាសព័ត៌មាន បានឲ្យដឹងថា ក្នុងកិច្ចសហការ ជាមួយអគ្គស្នងការដ្ឋាននគរបាលជាតិ និយ័តករទូរគមនាគមន៍កម្ពុជា បានចាត់វិធានការបិទខ្ទប់គេហទំព័រចំនួន ៧៩ បន្ទាប់ពីបានរកឃើញថា គេហទំព័រទាំងនេះ បានធ្វើប្រតិបត្តិការ និងផ្ដល់សេវាលេងល្បែងស៊ីសងខុសច្បាប់ តាមប្រព័ន្ធអនឡាញនៅកម្ពុជា៕

The post គេហទំព័រចំនួន ៧៩ ដែលផ្តល់សេវាលេងល្បែង ស៊ីសងខុសច្បាប់តាមអនឡាញ ត្រូវបានបិទខ្ទប់ appeared first on Kampuchea Thmey Daily.

ចាប់ពីម៉ោង១២នេះទៅ សង្កាត់៣ ក្នុងក្រុងសៀមរាប ដែលជាតំបន់ក្រហម ត្រូវបិទខ្ទប់មិនឲ្យពលរដ្ឋចេញក្រៅលំនៅឋាន

Sorn Phanith — Tue, 28 Sep 2021 04:37:07 +0000

នៅបន្តិចទៀតនេះ គណៈបញ្ជាការឯកភាពរដ្ឋបាលប្រើវិធានការរដ្ឋបាលខេត្តសៀមរាប បានដាក់ចេញនៅវិធានការក្តៅបិទខ្ទប់ នៅតំបន់ក្រហមមិនឲ្យចាកចេញពីលំនៅឋាន ចាប់ពីថ្ងៃទី២៨ ដល់៣០កញ្ញា ឆ្នាំ២០២១នេះ ដើម្បីប្រយុទ្ធប្រឆាំងទប់ស្កាត់ និងកាត់ផ្តាច់ការចំលងរាលដាលជំងឺកូវីដ១៩ ចូលទៅក្នុងសហគមន៍។

លោក នួន ពុទ្ធារ៉ា អភិបាលក្រុងសៀមរាប បានប្រាប់កម្ពុជាថ្មីយើងតាមទូរស័ព្ទដៃ នៅម៉ោងជាង១០ព្រឹក ក្នុងថ្ងៃទី២៨ ខែកញ្ញា ឆ្នាំ២០២១នេះថា សង្កាត់ដែលជាតំបន់ក្រហម ហើយដែលត្រូវបិទខ្ទប់មិនឲ្យប្រជាពលរដ្ឋចាកចេញពីលំនៅឋាន មាន៣សង្កាត់ ១គឺសង្កាត់ ស្លក្រាម ២សង្កាត់ស្វាយដង្គំ ៣សង្កាត់គោកចក គឺមិនឲ្យចេញពីផ្ទះឡើយ។ លោកអភិបាលក្រុងបានបន្តទៀតថា បញ្ហាស្បៀង ក្រុមការងារនិងចុះទៅតាមតំបន់ដែលបិទខ្ទប់ ដើម្បីយកបន្លែបង្ការ ត្រីសាច់ ជូនដល់ផ្ទះរបស់ពួកគាត់ ដូច្នេះហើយសូមការយោកយល់ពីប្រជាពលរដ្ឋ ដែលរស់នៅក្នុងតំបន់ក្រហមបិទខ្ទប់ ដើម្បីកាត់ផ្តាច់នៅខ្សែចំលងនៃជំងឺកូវីដ១៩នេះ។

ក្នុងនាមលោកជាអភិបាលក្រុងសៀមរាប សូមអំពាវនាវបងប្អូនប្រជាពលរដ្ឋទាំង៣សង្កាត់ខាងលើ ត្រូវចូលរួមនៅវិធានការនេះឲ្យបាន ដើម្បីទប់ស្កាត់នៃការចំលងពីមនុស្សម្នាក់ទៅមនុស្សម្នាក់ទៀត។ ក្នុងនោះដែរលោកអភិបាលក្រុងសៀមរាប ក៏បានធ្វើការផ្តាំផ្ញើដល់បងប្អូនកុំប្រព្រឹត្តខុសទៅនឹងបម្រាមគោចរ របស់រដ្ឋបាលខេត្ត ក៏ដូចប្រជាពលរដ្ឋទូទៅក្នុងខេត្តសៀមរាប សំខាន់នៅសង្កាត់ទាំង៣ ដែលជាតំបន់ក្រហមបិទខ្ទប់ នៅក្រុងសៀមរាបនេះតែម្តង។ ម្យ៉ាងទៀត សូមឲ្យបងប្អូនសហការចូលរួម ជាមួយអាជ្ញាធរមូលដ្ឋានគ្រប់ជាន់ថ្នាក់ ក្នុងការប្រយុទ្ធប្រឆាំងបង្ការទប់ស្កាត់ និងកាត់ផ្តាច់ខ្សែចម្លងជំងឺកូវីដ១៩ ចូលទៅក្នុងសហគមន៍ខ្លួន និងអនុវត្តឲ្យបានខ្ជាប់ខ្ជួន វិធានការ ៣កុំ ៣ការពារ និងសេចក្តីណែនាំរបស់រាជរដ្ឋាភិបាល៕

អត្ថបទ៖ គឿនវេត

The post ចាប់ពីម៉ោង១២នេះទៅ សង្កាត់៣ ក្នុងក្រុងសៀមរាប ដែលជាតំបន់ក្រហម ត្រូវបិទខ្ទប់មិនឲ្យពលរដ្ឋចេញក្រៅលំនៅឋាន appeared first on Kampuchea Thmey Daily.

រដ្ឋបាលរាជធានី សម្រេចបិទខ្ទប់វត្តចំពុះក្អែក រយៈពេល ១៤ថ្ងៃ គិតចាប់ពីថ្ងៃទី២៣ ខែកញ្ញារហូតដល់ថ្ងៃទី៦ ខែតុលា ក្រោយពីផ្ទុះកូវីដ-១៩

Kang Tola — Thu, 23 Sep 2021 13:19:20 +0000

ភ្នំពេញ ៖ រដ្ឋបាលរាជធានីភ្នំពេញបានសម្រេចបិទខ្ទប់មិនឲ្យចេញ-ចូលវត្តមុនីសុវណ្ណ (ហៅក្រៅវត្តចំពុះ៖ក្អែក) ស្ថិតនៅភូមិ ចំពុះក្អែក សង្កាត់ព្រែកថ្មី ខណ្ឌច្បារអំពៅ រយៈពេល ១៤ (ដប់បួន) ថ្ងៃ ដោយគិតចាប់ពីថ្ងៃទី២៣ ខែកញ្ញា ឆ្នាំ២០២១នេះ រហូតដល់ថ្ងៃទី៦ ខែតុលា ឆ្នាំ២០២១ ដើម្បីទប់ស្កាត់ និង កាត់ផ្ដាច់ការឆ្លងរាលដាលជំងឺកូវីដ-១៩ នៅក្នុងសហគមន៍ និងដើម្បីទុកជាគំរូដល់បណ្តាវត្តអារាមដទៃទៀត ស្របតាម ព្រះថេរៈដីការបស់ សម្ដេចព្រះពោធិ៍វង្ស អំ លឹមហេង ព្រះចៅអធិការវត្តមុនីសុវណ្ណ ក្រោយពីអារាមវត្តនេះបានឆ្លងរីករាលដាលជំងឺកូវីដ-១៩។

នេះបើយោងតាមសេចក្តីសម្រេចរបស់រដ្ឋបាលរាជធានីភ្នំពេញដែលសារព័ត៌មានយើងទទួលបាននៅរាត្រីថ្ងៃទី២៣ កញ្ញានេះ ដែលក្នុងសេចក្តីសំរេចនេះមានន័យថា៖ រដ្ឋបាលរាជធានីភ្នំពេញសម្រេចបិទខ្ទប់មិនឱ្យមានការចេញ-ចូលវត្តមុនីសុវណ្ណ (ហៅក្រៅវត្តចំពុះ៖ក្អែក) មានទីតាំងស្ថិតនៅភូមិ ចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ដែលមានការឆ្លងរាលដាលនៃជំងឺកូវីដ-១៩ សម្រាប់រយៈពេល ១៤ (ដប់បួន) ថ្ងៃ គិតចាប់ពីថ្ងៃទី២៣ ខែកញ្ញា ឆ្នាំ២០២១ រហូតដល់ថ្ងៃទី៦ ខែតុលា ឆ្នាំ២០២១ ដើម្បីទប់ស្កាត់ និង កាត់ផ្ដាច់ការឆ្លងរាលដាលជំងឺកូវីដ-១៩ នៅក្នុងសហគមន៍ ដើម្បីទុកជាគំរូដល់បណ្តាវត្តអារាមដទៃទៀត ស្របតាម ព្រះថេរៈដីការបស់ សម្ដេចព្រះពោធិ៍វង្ស អំ លឹមហេង ព្រះចៅអធិការវត្តមុនីសុវណ្ណ។

ព្រះសង្ឃ អាចារ្យ-អាចារិនី យាយជី-តាជី ពុទ្ធបរិស័ទ និងអ្នកពាក់ព័ន្ធទាំងអស់ ត្រូវនិមន្ត និងអញ្ជើញ ចូលរួមសហការជាមួយអាជ្ញាធរមូលដ្ឋាន មន្ត្រីជំនាញ និងមន្ត្រីសុខាភិបាល ដើម្បីយកសំណាកវិភាគរកមេរោគ និងធ្វើ ចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល។

ព្រះចៅអធិការ និងគណៈកម្មការវត្ត ត្រូវនិមន្ត និងអញ្ជើញចូលរួមសហការជាមួយអាជ្ញាធរមូលដ្ឋាន មន្ត្រី ជំនាញ និងមន្ត្រីសុខាភិបាល ដើម្បីស្រាវជ្រាវ និងកំណត់អ្នកប៉ះពាល់ផ្សេងៗទៀត ព្រមទាំងសហការអនុវត្តរាល់ វិធានការរដ្ឋបាល និងវិធានការសុខាភិបាលឱ្យបានម៉ឺងម៉ាត់។

ក្នុងអំឡុងពេលនៃការអនុវត្តវិធានការបិទខ្ទប់ ត្រូវបានហាមឃាត់រាល់ការនិមន្ត និងការចេញ-ចូល និងរាល់ការជួបជុំ ឬ ការប្រមូលផ្តុំមនុស្ស ក្នុងទីតាំងវត្តខាងលើ លើកលែងតែករណីចាំបាច់ ដូចខាងក្រោម ៖ – ការនិមន្ត និងការចេញ-ចូល ដោយមូលហេតុសុខភាពបន្ទាន់

– ការនិមន្ត និងការចេញ-ចូល ដើម្បីផ្តល់វត្ថុសំណាកធ្វើតេស្តរកជំងឺកូវីដ-១៩ តាមការណែនាំរបស់អាជ្ញាធរមូលដ្ឋាន

– ការចេញ-ចូល និងការជួបជុំរបស់បុគ្គលិកសុខាភិបាល និងអាជ្ញាធរមានសមត្ថកិច្ច ដើម្បីអនុវត្តវិធានការ សុខាភិបាល ក្នុងការស្រាវជ្រាវ ទប់ស្កាត់ និងកាត់ផ្ដាច់ការឆ្លងរាលដាលជំងឺកូវីដ-១៩ នៅក្នុងសហគមន៍ – ការចេញ-ចូល និងការជួបជុំរបស់អាជ្ញាធរមានសមត្ថកិច្ច ដើម្បីផ្គត់ផ្គង់ចង្ហាន់ និងគ្រឿងឧបភោគ-បរិភោគ ចាំបាច់ ក្នុងអំឡុងពេលបិទខ្ទប់

– ការចេញ-ចូល នឹងការជួបជុំរបស់អាជ្ញាធរមានសមត្ថកិច្ច និងកម្លាំងគណៈបញ្ជាការឯកភាពរដ្ឋបាលគ្រប់ លំដាប់ថ្នាក់ ក្នុងការបំពេញការងារថែរក្សាសន្តិសុខ សណ្តាប់ធ្នាប់ និងរបៀបរៀបរយសាធារណៈ។

រាល់ការនិមន្ត និងការចេញ-ចូល និងការជួបជុំ ឬ ការប្រមូលផ្តុំមនុស្សដែលត្រូវបានលើកលែងខាងលើនេះ ត្រូវអនុវត្តវិធានការសុវត្ថិភាពផ្នែកសុខាភិបាលឱ្យបានម៉ឺងម៉ាត់ ជាអាទិ៍ កាតព្វកិច្ចពាក់ម៉ាស កាតព្វកិច្ចរក្សាគម្លាត សុវត្ថិភាព ការធ្វើអនាម័យដើម្បីសម្លាប់មេរោគ ការវាស់កម្ដៅ និងត្រូវអនុវត្តតាមការណែនាំរបស់ក្រសួងសុខាភិបាល ជាពិសេសត្រូវប្រកាន់ខ្ជាប់ជានិច្ចនូវវិធានការ “៣ ការពារ និង ៣កុំ” របស់ សម្តេចអគ្គមហាសេនាបតីតេជោ ប៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ត្រូវបានប្រគល់ភារកិច្ចជូន រដ្ឋបាលខណ្ឌច្បារអំពៅ និង មន្ទីរធម្មការ និងសាសនារាជធានីភ្នំពេញ ដើម្បី បង្កើតក្រុមការងារប្រចាំការនៅទីតាំងវត្តដែលត្រូវបិទខ្ចប់ ក្នុងនោះ ក្រៅពីភារកិច្ចអនុវត្តវិធានការរដ្ឋបាលក្នុងការ បិទខ្ទប់ ត្រូវបំពេញការងារអាទិភាព ជាអាទិ៍៖

– ការងារផ្នែកសន្តិសុខ និងសណ្តាប់ធ្នាប់សាធារណៈ

– ការងារផ្គត់ផ្គង់ចង្ហាន់ និងគ្រឿងឧបភោគ-បរិភោគចាំបាច់

– ការងារទាក់ទងនឹងការអនុវត្តវិធានការសុខាភិបាល និងការផ្តល់សេវាសុខាភិបាលទូទៅ។

បន្ថែមលើនេះ ក្រុមការងារប្រចាំការ ត្រូវរៀបចំទីកន្លែងសមស្រប នៅខាងមុខខ្លោងទ្វារវត្ត ដើម្បីទទួល យកចង្ហាន់ និងទេយ្យវត្ថុទាំងឡាយដែលពុទ្ធបរិស័ទ បាននាំយកមកប្រគេនដល់ព្រះសង្ឃក្នុងទីវត្តអារាមនេះ ដោយ មិនត្រូវអនុញ្ញាតឱ្យមានការចេញ-ចូលក្នុងអំឡុងពេលនៃការបិទខ្ចប់ឡើយ។

បុគ្គល ឬ នីតិបុគ្គលទាំងឡាយណា ដែលមិនអនុវត្តតាមប្រការ២ នៃសេចក្តីសម្រេចនេះ នឹងត្រូវកសាង សំណុំរឿងបញ្ជូនទៅសា្ថប័នតុលាការ ដើម្បីផ្តន្ទាទោសដាក់ពន្ធនាគារ និងទោសពិន័យជាប្រាក់ ស្របតាមមាត្រា១០ និងមាត្រា១១ នៃច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកប ដោយគ្រោះថ្នាក់ធ្ងន់ធ្ងរផ្សេងទៀត និងលិខិតបទដ្ឋានគតិយុត្តិពាក់ព័ន្ធជាធរមាន។

បទប្បញ្ញត្តិទាំងឡាយណា ដែលបានដាក់ចេញដើម្បីប្រយុទ្ធ និងទប់ស្កាត់ការឆ្លងរាលដាលនជំងឺកូវីដ-១៩ មុនពេលសេចក្ដីសម្រេចនេះចូលជាធរមាន ហើយដែលមិនផ្ទុយនឹងសេចក្តីសម្រេចនេះ ត្រូវមានអានុភាពអនុវត្ត បន្តរហូតដល់មានលិខិតបទដ្ឋានគតិយុត្តថ្មីមកជំនួស៕

ដោយ ៖ ស្រីរ័ត្ន

The post រដ្ឋបាលរាជធានី សម្រេចបិទខ្ទប់វត្តចំពុះក្អែក រយៈពេល ១៤ថ្ងៃ គិតចាប់ពីថ្ងៃទី២៣ ខែកញ្ញារហូតដល់ថ្ងៃទី៦ ខែតុលា ក្រោយពីផ្ទុះកូវីដ-១៩ appeared first on Kampuchea Thmey Daily.

រដ្ឋបាលខេត្តកំពង់ចាម សម្រេចបិទផ្សារស្ពឺស្រុកចំការលើរយៈពេល១៤ថ្ងៃសិន ខណៈរកឃើញវិជ្ជមានកូវីដ-១៩

Kang Tola — Wed, 22 Sep 2021 13:46:19 +0000

កំពង់ចាម ៖ រដ្ឋបាលខេត្តកំពង់ចាម ចេញសេចក្តីសម្រេច ស្តីពីការបិទខ្ទប់ផ្សារស្ពឺ ស្រុកចំការលើ រយៈពេល ១៤ថ្ងៃសិន ខណៈមានអាជីវករលក់ដូរក្នុងផ្សារ រកឃើញវិជ្ជមានជាបន្តបន្ទាប់។

យោងតាមសេចក្តីប្រកាសព័ត៌មានរបស់រដ្ឋបាលសាលាខេត្តកំពង់ចាមនៅថ្ងៃទី២២ ខែកញ្ញា នេះ រហូតដល់ថ្ងៃទី៥ ខែតុលា ឆ្នាំ២០២១ គឺរយៈពេល១៤ថ្ងៃ ត្រូវបិទខ្ទប់ផ្សារស្ពឺ ស្ថិតក្នុងឃុំស្ពឺ ស្រុកចំការលើ ដោយសារតែ មានបងប្អូនអាជីវករលក់ដូរនៅផ្សារមានវិជ្ជមានកូវីដ-១៩ ជាបន្តបន្ទាប់។

ដូច្នោះ អាជ្ញាធរខេត្តកំពង់ចាម ក៏ផ្សព្វផ្សាយអំពាវនាវបន្ថែមដល់បងប្អូនប្រជាពលរដ្ឋបង្កើនការប្រុងប្រយ័ត្នខ្ពស់ និងបន្តអនុវត្តន៍ វិធានការសុខាភិបាល បីកុំ និង បីការពារ ឲ្យខ្ជាប់ខ្ជួន៕

អត្ថបទរូបភាព ៖ ហុង ម៉េងហ៊ា

The post រដ្ឋបាលខេត្តកំពង់ចាម សម្រេចបិទផ្សារស្ពឺស្រុកចំការលើរយៈពេល១៤ថ្ងៃសិន ខណៈរកឃើញវិជ្ជមានកូវីដ-១៩ appeared first on Kampuchea Thmey Daily.

បន្ទាន់!! រដ្ឋបាលខេត្តតាកែវសម្រេចបិទខ្ទប់ភូមិសាស្ត្រមួយចំនួនដោយសារមានឆ្លងរាលដាលកូវីដដែលតា

Kang Tola — Tue, 21 Sep 2021 13:01:57 +0000

តាកែវ ៖ នាថ្ងៃទី២១ ខែកញ្ញា ឆ្នាំ២០២១នេះ រដ្ឋាលខេត្តតាកែវ បានធ្វើការសម្រេចបិទខ្ទប់ភូមិសាស្ត្រ ភូមិសាមគ្គី ភូមិស្ទឹងកំបុត ភូមិព្រៃសំបួរ ភូមិទួលសាំង ភូមិទួលសាំង ឃុំអង្គរបូរី និងបិទខ្ទប់ផ្នែកខ្លះនៃភូមិសាស្ត្រភូមិធ្លកយុល ភូមិអំពិល ឃុំពន្លៃ និងភូមិព្រែកតាផ ឃុំគោកធ្លក ក្នុងស្រុកអង្គរបូរី ដែលមានការឆ្លងរាលដាលនៃមេរោគកូវីដ១៩ នេះបើតាមសេចក្តីសម្រេចរដ្ឋបាលខេត្តតាកែវដែលកម្ពុជាថ្មីទទួលបាន។

អានពិស្តារ ៖

កែសម្រួលដោយ ៖ នាគព័ន្ធ

The post បន្ទាន់!! រដ្ឋបាលខេត្តតាកែវសម្រេចបិទខ្ទប់ភូមិសាស្ត្រមួយចំនួនដោយសារមានឆ្លងរាលដាលកូវីដដែលតា appeared first on Kampuchea Thmey Daily.

អាជ្ញាធរប្រើធម៌ក្តៅចំពោះ អ្នកដែលមិនគោរពច្បាប់បិទខ្ទប់ នៅក្នុងតំបន់ក្រហម ក្នុងសង្កាត់ទាំង៤ នៅក្រុងសៀមរាប

Sorn Phanith — Sun, 19 Sep 2021 02:34:14 +0000

កាលពីយប់ថ្ងៃទី១៨ ខែកញ្ញា ឆ្នាំ២០២១នេះ គណៈបញ្ជាការឯកភាពរដ្ឋបាលក្រុង ប្រើវិធានការក្តៅ ចំពោះអ្នកមិនគោរពច្បាប់ ក្នុងពេលដែលរដ្ឋបាលខេត្តសៀមរាប សម្រេចបិទខ្ទប់ភូមិសាស្ត្រសង្កាត់មួយចំនួនកំណត់ជាតំបន់ក្រហម។

ដើម្បីអនុវត្តនូវសេចក្តីសម្រេចរបស់រដ្ឋបាលខេត្តសៀមរាប ក្នុងការកំណត់ ជាតំបន់ក្រហម នៅភូមិសាស្ត្រ សង្កាត់ ស្លក្រាម ,សង្កាត់ស្វាយដង្គំ , សង្កាត់គោកចក , សង្កាត់ជ្រាវ និង ភូមិ តាវៀន សង្កាត់សាលាកំរើក ,ភូមិព្រៃធំ ភូមិស្រង៉ែ សង្កាត់ស្រង៉ែ ក្រុងខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ១៩ គណៈបញ្ជាការឯកភាពរដ្ឋបាលក្រុង សៀមរាប បានអនុវត្តវិធានការក្តៅ ចំពោះបងប្អូនដែលមិនគោរពនូវបម្រាម ដែលរដ្ឋបាលខេត្ត បានសម្រេចកំណត់ជា “តំបន់ក្រហម” ហើយត្រូវបានហាមឃាត់មិនឲ្យធ្វើដំណើរចេញពីលំនៅឋាន ទីសំណាក់របស់ខ្លួន រួមទាំងការមិន អនុញ្ញាតឲ្យធ្វើសកម្មភាពផ្សេងៗ ចេញក្រៅពីលំនៅដ្ឋានរបស់ខ្លួនឡើយ។

ចំពោះករណីដែលបងប្អូនបំពានវិធានការ ការហាមឃាត់ ក្នុងពេលដែលកំពុងបិទខ្ទប់ជាបណ្តោះអាសន្ត រយៈពេលមួយសប្តាហ៍នេះ គិតចាប់ពីវេលាម៉ោង១៣រសៀល នាថ្ងៃទី១៧ ខែកញ្ញា រហូតដល់ថ្ងៃទី២៣ ខែកញ្ញា ឆ្នាំ២០២១ ក្នុងគោលបំណងធានាដល់ប្រសិទ្ធភាពនៃការ គ្រប់គ្រងការឆ្លងរាលដាលនៃជំងឺកូវីដ-១៩ រហូតមានការចេញសេចក្តីសម្រេចជាថ្មី។ ចំពោះបងប្អូនមិនគោរពវិធានការនេះ កម្លាំងសមត្ថកិច្ចនៅគ្រប់គោលដៅ និងធ្វើការឃាត់ទុកជាបណ្តោះអាសន្ន នូវមធ្យោបាយទាំងឡាយ ដោយ អនុលោមតាមបទប្បញ្ញត្តិ និង នីតិវិធីជាធរមាន។ ចំពោះការចេញចូលនៅតំបន់ក្រហម និងលឿងទុំ គឺត្រូវបានអនុញ្ញាត ក្នុងករណីចាំបាត់។

ក្នុងសកម្មភាពការបិទខ្ទប់ នៅថ្ងៃទី១៨ ខែកញ្ញានេះ កម្លាំងគណៈបញ្ជាការឯកភាពរដ្ឋបាលខេត្ត សហការជាមួយកម្លាំងគណៈបញ្ជាការឯកភាពរដ្ឋបាលក្រុងសៀមរាប បានធ្វើការឃាត់ទុកនូវមធ្យោបាយធ្វើដំណើរ ជាច្រើនគ្រឿង ដែលល្មើសទៅនឹងបម្រាម យកទៅរក្សាទុកនៅអធិការដ្ឋាននគរបាលក្រុងសៀមរាបមួយរយៈផងដែរ។

រដ្ឋបាលខេត្ត មានការព្រួយបារម្ភយ៉ាងខ្លាំង ចំពោះស្ថានភាពរីករាលដាលនៃជំងឺកូវីដ-១៩ ការដាក់ជាតំបន់ក្រហម នៅក្នុងក្រុងសៀមរាបនេះ ដោយមូលហេតុថា បងប្អូនប្រជាពលរដ្ឋមួយចំនួនមិនបានសហការ មិនអនុវត្តតាមការណែនាំ មិនចេះការពារខ្លួន និងក្រុមគ្រួសាររបស់ខ្លួន ដែលជាហេតុនាំមេរោគចម្លងបន្តទៅដល់អ្នកដទៃក្នុងសហគមន៍។ ដូច្នេះ សូមបងប្អូនប្រជាពលរដ្ឋ មេត្តាចូលរួមអនុវត្តតាមវិធានការរបស់ប្រមុខរាជរដ្ឋាភិបាល ៣កុំ ៣ការពារ និងការ ណែនាំរបស់ក្រសួងសុខាភិបាល ក៏ដូច រដ្ឋបាលខេត្ត ដែលបានដាក់ចេញនាពេលកន្លងមក៕

អត្ថបទ៖ គឿនវេត

The post អាជ្ញាធរប្រើធម៌ក្តៅចំពោះ អ្នកដែលមិនគោរពច្បាប់បិទខ្ទប់ នៅក្នុងតំបន់ក្រហម ក្នុងសង្កាត់ទាំង៤ នៅក្រុងសៀមរាប appeared first on Kampuchea Thmey Daily.

ប្រធានយុវជនបក្សស្រុកអន្លង់វែង ចុះសួរសុខទុក្ខសមាជិកយុវជន ដែលកំពុងបិទខ្ទប់ ១៥គ្រួសារ

Sorn Phanith — Thu, 16 Sep 2021 09:19:28 +0000

នៅរសៀលថ្ងៃទី១៥ ខែកញ្ញា ឆ្នាំ២០២១ ក្រុមការងារយុវជនបក្សឃុំ ថ្លាតចំនួន ០៤នាក់ ដឹកនាំដោយ លោក ងួន ទ្ធិរិទ្ធ ប្រធានយុវជនបក្ស ស្រុកអន្លង់វែង ដោយមានការចូលរួមលោក ដុំ ឈុន្នី អនុប្រធានបក្សស្រុក លោកប្រធានបក្សឃុំថ្លាត លោកប្រធានបក្សភូមិថ្មី បានចុះសួរសុខទុក្ខ គ្រួសារសមាជិកយុវជន ដែលកំពុងបិទខ្ទប់ នៅភូមិថ្មី ឃុំថ្លាត ស្រុកអន្លង់វែង ដោយសារជំងឺកូវីដ ចំនួន ១៥គ្រួសារ ដែលមានជីវភាពខ្វះខាត។

ក្រុមគ្រួសារសមាជិកយុវជនទាំង១៥មាន៖១.ឈ្មោះ ជៀម រស្មី ភេទប្រុស អាយុ២៧ឆ្នាំ, ២. កុយ លាវ ភេទស្រី អាយុ៤០ឆ្នាំ, ៣. ឃៀង តៃអ័រ ភេទប្រុស អាយុ៣៥ឆ្នាំ, ៤. ហយ ហុន ភេទប្រុស អាយុ៣៣ឆ្នាំ, ៥. ឈុត សុផល ភេទស្រី អាយុ២១ឆ្នាំ, ៦. សាំង គន្ធា ភេទស្រី អាយុ១៨ឆ្នាំ, ៧. ភ័ណ ចាន់ធា ភេទស្រី អាយុ២២ឆ្នាំ, ៨. ផល សុផាត ភេទស្រី អាយុ២៩ឆ្នាំ, ៩. ធឿន មករា ភេទប្រុស អាយុ២១ឆ្នាំ, ១០. ឈាន សុខលី ភេទប្រុស អាយុ២៩ឆ្នាំ, ១១. គង់ យ័ន ភេទស្រី អាយុ៣០ឆ្នាំ, ១២. មុំ ប៊ុនតឺម ភេទប្រុស អាយុ២៩ឆ្នាំ, ១៣. ខៃ ភា ភេទប្រុស អាយុ២៨ឆ្នាំ, ១៤. ណុប ស៊ិន ភេទស្រី អាយុ៣៦ឆ្នាំ, ១៥. ជរ ពេញសិទ្ធ ភេទប្រុស អាយុ៣១ឆ្នាំ។

ក្នុងនោះ លោក ងួន ទ្ធិរិទ្ធ ប្រធានយុវជនបក្ស ស្រុកអន្លង់វែង ក៏បាននាំយកអំណោយ របស់ ឧត្តម ទេសរដ្ឋមន្ត្រី គន់ គីម សមាជិកអចិន្ត្រៃយ៍ គណៈកម្មាធិការកណ្តាល និងជាប្រធានក្រុមការងារថ្នាក់ជាតិចុះជួយខេត្តឧត្ដរមានជ័យ និងអំណោយរបស់ ក្រុមការងារយុវជនបក្សស្រុកទៅផ្តល់ជូន ដោយក្នុងមួយគ្រួសារៗទទួលបាន

– អង្ករ ២៥ គីឡូ ក្រាម

– មីម៉ាម៉ា ០១ ក

– ទឹកសុទ្ធ ៥យួរ

– ថ្នាំពេទ្យ ០២ មុខ

– ទឹកត្រី ០១ យួរ

– ទឹក ស៊ីអ៉ីវ ០១ យួរ

– ត្រីខ ០១ យួរ

– ប៊ីចេង ០,៥០ គីឡូក្រាម

– ខ្ទឹមស ០,៥០ គីឡូក្រាម

– អំបិល ០,៥០ គីឡូក្រាម

– ម៉ាស ១ប្រអប់

សរុបថវិកា ចំនួន ៣,១៥០,០០០៛(បីលានដប់ប្រាំម៉ឺនរៀលគត់)៕

អត្ថបទ៖ ចាន់ ធី

The post ប្រធានយុវជនបក្សស្រុកអន្លង់វែង ចុះសួរសុខទុក្ខសមាជិកយុវជន ដែលកំពុងបិទខ្ទប់ ១៥គ្រួសារ appeared first on Kampuchea Thmey Daily.