ពិធីនេះបានប្រព្រឹត្តទៅនាព្រឹកថ្ងៃទី០៥ ខែមីនា ឆ្នាំ២០២៥ និមន្ត/អញ្ជើញរួមមាន ព្រះមុនីសត្ថាចារ្យកោសល កែវ ចន្ថា ព្រះមេគណខេត្ត គណៈមហានិកាយ ព្រះ មុនីតាលវ័ន មួង ចក្រី ព្រះមេគណខេត្ត គណៈធម្មយុត្តិកនិកាយ ឯកឧត្តម លោកជំទាវ សមាជិករដ្ឋសភា ព្រឹទ្ធសភា ថ្នាក់ដឹកនាំ ក្រុមការងារចុះជួយមូលដ្ឋាន ឯកឧត្តមអភិបាល នៃគណៈអភិបាលខេត្តកំពង់ស្ពឺ មន្រ្តីរាជការ អាជ្ញាធរមូលដ្ឋាន និងលោកយាយលោកតា ពលរដ្ឋ និងពុទ្ធបរិស័ទទាំងអស់ ចំនួន ៧០៦ អង្គ/នាក់។

ជាកិច្ចចាប់ផ្តើម ឯកឧត្តម ហ៊ុន ម៉ានី បាននាំយកការសួរសុខទុក្ខ និងសេចក្តីនឹករលឹកពីសំណាក់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក៏ដូចជាសម្តេចមហាបវរធិបតី ហ៊ុន ម៉ាណែត ប្រគេន និងជូន ព្រះថេរានុថេរៈគ្រប់ព្រះអង្គ ព្រមទាំងពលរដ្ឋ និងពុទ្ធបរិស័ទអ្នកខេត្តកំពង់ស្ពឺផងដែរ។

ជាមួយគ្នានេះ ឯកឧត្តមបានកោតសរសើរ និងថ្លែងអំណរគុណដោយស្មោះចំពោះព្រះថេរានុថេរៈគ្រប់ព្រះអង្គ និងគណៈកម្មការអាចារ្យវត្តទាំងអស់ ដែលបានខិតខំប្រឹងប្រែងកៀរគរ បច្ច័យពីសប្បុរជន និងពុទ្ធបរិស័ទគ្រប់ទិសទី ដែលបានលះបង់ទាំងកម្លាំង កាយចិត្ត និងសម្ភារ ចូលរួមចាប់មគ្គផលកសាងសមិទ្ធផលយ៉ាងច្រើនសន្ធឹកសន្ធាប់ នៅក្នុងទីវត្តអារាមនេះផងដែរ។

ឯកឧត្តមឧបនាយករដ្ឋមន្រ្តី បានមានប្រសាសន៍រំលេចពីការលះបង់របស់អ្នកដឹកនាំជំនាន់មុន ដោយលោកបានលះបង់អាយុជីវិតជាដើមទុន ដើម្បីស្វែងរកសុខសន្តិភាពជូនជាតិ ដូចនេះក្នុងនាមជាអ្នកជំនាន់ក្រោយយើងមានកាតព្វកិច្ចជាអ្នកបន្តវេនការពារថែរក្សាសុខសន្តិភាព និងបន្តអភិវឌ្ឍប្រទេសជាតិឲ្យមានការរីកចម្រើនក្រោមការដឹកនាំរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាចក្រកម្ពុជា រាជរដ្ឋាភិបាលបានអនុវត្តយ៉ាងស្វាហាប់នូវយុទ្ធសាស្ត្របញ្ចកោណ។

ទន្ទឹមនេះ ឯកឧត្តមក៏បានអំពាវនាវឱ្យពលរដ្ឋ សូមបន្តជំនឿទុកចិត្តមកលើរាជរដ្ឋាភិបាល ជាពិសេសផ្ដល់ជំនឿទុកចិត្តមកលើក្រសួងមុខងារសាធារណៈ ដោយលើកទឹកចិត្តដល់ប្អូនៗដែលមានបំណងចង់ក្លាយជាមន្រ្តីរាជការចូលរួមដាក់ពាក្យប្រឡងប្រជែងធ្វើជាមន្ត្រីរាជការបានដោយមិនចាំបាច់មានខ្សែ ឱ្យតែមានសមត្ថភាពពិតប្រាកដ។ ឯកឧត្ដមឧបនាយករដ្ឋមន្ត្រី ក៏បានអំពាវនាវឱ្យពលរដ្ឋទាំងអស់ សូមកុំចាញ់បោកការធានាអះអាងរបស់នរណាម្នាក់ក្នុងការជួយឱ្យទទួលបានក្របខណ្ឌមន្ត្រីរាជការ។

សូមជម្រាបជូនថា វត្តត្រពាំងស្នោរនេះ គឺជាទីកន្លែងដែលកងទ័ពស្នាក់នៅកាលពីសម័យសង្គ្រាម។ វត្តត្រពាំងស្នោរបានកសាងឡើងតាំងពីឆ្នាំ១៨០១ បច្ចុប្បន្ននេះមានអាយុកាល២២៤ឆ្នាំ និងមានសមិទ្ធផលជាច្រើនបានរីកដុះដាលពេញបរិវេណវត្ត រួមមាន ៖ ព្រះវិហារថ្មី ដងទង់ ១គូ ខ្លោងទ្វារ ២ សាលាធម្មសភា១ខ្នង រួមទាំងសមិទ្ធផល និងហេដ្ឋារចនាសម្ព័ន្ធជា ច្រើនទៀត ដែលគិតជាទឹកប្រាក់សរុបអស់ ១,១២២,៣៧០$៕

The post ឯកឧត្ដម ហ៊ុន ម៉ានី អញ្ជើញជាអធិបតីក្នុងពិធីបុណ្យបញ្ចុះខណ្ឌសីមាព្រះវិហារថ្មី និងសម្ពោធសមិទ្ធិផលវត្តត្រពាំងស្នោរ ក្នុងខេត្តកំពង់ស្ពឺ appeared first on Kampuchea Thmey Daily.

ពិធីបុណ្យ​នេះ បាន​ផ្តួចផ្តើម​ឡើង​ដោយ​ព្រះសង្ឃ គណៈកម្មការ អាចារ្យ ក្រុម​គ្រួសារ​ត្រកូល​ហ៊ុន និង​រដ្ឋបាល​រាជធានី​ភ្នំពេញ ដោយមាន​រយៈពេល​៣​យប់​៤​ថ្ងៃ ពោលគឺ​ចាប់ពី​រសៀល​ថ្ងៃទី ២១ មេសា រហូតដល់​ថ្ងៃ​២៤ ខែមេសា ឆ្នាំ​២០២៣ ហើយ​នៅក្នុង​៣​រាត្រី​នោះ​ក៏មាន​ការសម្តែង​សិល្បៈ​កំសាន្ត​រាល់​យប់​ផងដែរ​។

សម្រាប់​កម្មវិធី​បុណ្យ នៅ​ថ្ងៃទី​១ ពោលគឺ​កាល​រសៀល​ថ្ងៃ​សុក្រ​ទី ២១ ខែមេសា មាន​ពិធី​រៀបចំ​ឫស​សីមា ពិធី​ក្រុង​ពាលី និង​បង្ហូតទង់ ,​ដង្ហែ​ដុំ​និម្មិត​សីមា និង​គ្រឿង​បរិក្ខារ​ប្រទក្សិណ​៣​ជុំ​ព្រះវិហារ ,​នមស្ការ​ព្រះ​រតនត្រ័យ សមាទាន​សីល ,​វេរ​ព្រះវិហា និង​វរ​ដុំ​និម្មិត​សីមា ប្រគេន​ចំពោះ​ព្រះសង្ឃ ,​និមន្ត​ព្រះសង្ឃ​ចម្រើន​ព្រះ​បរិត្ត បន្ទាប់មក​នៅពេល​ល្ងាច​សម្តេចព្រះ​វនរ័ត កិត្តិ​បណ្ឌិត ណ​យ ច្រឹ​ក សម្តេចព្រះ​សង្ឃនាយករ​ង​ទី​២ ប្រទាន​ព្រះ​ធម្ម​វិសេស​ទេសនា ។

សម្រាប់​នៅ​ល្ងាច​ថ្ងៃទី​២២ មេសា ដែល​ត្រូវ​នឹង​ថ្ងៃទី​២ នៃ​ពិធីបុណ្យ​នេះ មាន​ពិធី​ពុទ្ធា​ភិ​សេក​ព្រះអង្គ​ធំ និង​គំនូរ​បុរាណ​ក្នុង​ព្រះវិហារ ។ សម្រាប់​ថ្ងៃទី​៣ គឺ​ចំ​ព្រឹក​ថ្ងៃអាទិត្យ ទី ២៣ ខែមេសា ឆ្នាំ​២០២៣ មាន​ពិធី​និមន្ត​ព្រះសង្ឃ​ចំនួន ១០៨​អង្គ ធ្វើ​សីមា​កម្ម ក្រោម​ព្រះអធិបតីភាព សម្តេចព្រះ​ពុទ្ធ​ជ័យ​មុនី ឃឹម សន ព្រះប្រធាន​លេខាធិការដ្ឋាន​គណៈ សង្ឃនាយក និង​ជា​ព្រះ​មេគណ​រាជធានី​ភ្នំពេញ ប្រគេន​យាគូ​ចំពោះ​ព្រះសង្ឃ​ចំនួន ១០៨ អង្គ ប្រគេន​ចង្ហាន់​ចំពោះ​ព្រះសង្ឃ​។ លុះដល់​ថ្ងៃទី​៤ ត្រូវ​នឹង​ថ្ងៃ​ច័ន្ទ​ទី ២៤ ខែមេសា ឆ្នាំ​២០២៣ (​ថ្ងៃ​កាត់​ឫស​សីមា​) សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង សម្ដេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុនសែន ប្រធាន​កាកបាទក្រហមកម្ពុជា អញ្ជើញ​អុជ​ទៀនធូប​គោរព បូជា​ជូន​ដួង​វិញ្ញាណក្ខន្ធ អ្នកឧកញ៉ា មហា​ភក្តី​សប្បុរិស​ភោ​គា ធិបតី ហ៊ុន នាង និង មហា​ឧបាសិកា ឌី ប៉ុក នៅ​មហា​ចេតិយ ។ បន្ត​មក​សម្ដេច​តេ​ជោ និង សម្ដេច​កិត្តិ​ព្រឹទ្ធ​បណ្ឌិត នឹង​អញ្ជើញ​ជា​អធិបតី​ក្នុង​អង្គពិធី​សំណេះសំណាល , កាត់​ខ្សែបូ និង​កាត់​ឫស​សីមា វេរ​រណ្តាប់​កាន់​អង្គ​ប្រគេន​ព្រះសង្ឃ និង​ដារ​ឆ្លង​ជា​កិច្ច​បង្ហើយ​បុណ្យ​៕

ដោយ ៖ ស្រីរ័ត្ន

The post ថ្ងៃទី​២​នៃ​ពិធីបុណ្យ​បញ្ចុះ ខណ្ឌសីមា ព្រះវិហារ ពុទ្ធា​ភិ​សេក និង​ឆ្លង​សមិទ្ធផល​នានា​នៅ​វត្ត​ព្រះ​បារមី​វង្កត​បុរី មាន​ពិធី​ពុទ្ធា​ភិ​សេក​ព្រះអង្គ​ធំ និង​គំនូរ​បុរាណ​ក្នុង​ព្រះវិហារ appeared first on Kampuchea Thmey Daily.

បន្ទាប់មក ឯកឧត្តម ប៉ុល រតនា ក៏បានអញ្ជើញចុះពិនិត្យទីតាំងសាលាបឋមសិក្សាឧត្តមមានជ័យ សម្រាប់សាងសង់អគារសិក្សាចំនួន ១ខ្នង ស្មើនឹង ៤បន្ទប់ (បណ្ណាល័យ ១បន្ទប់), បន្ទប់ទឹកអនាម័យ ១ខ្នង ស្មើនឹង ៣បន្ទប់ និងក្លោងទ្វា ដែលជាអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន ៕

អត្ថបទ៖ មករា

The post បញ្ចុះខណ្ឌសីមា និងឆ្លងសមិទ្ធិផលវត្តឧត្តមមានជ័យ appeared first on Kampuchea Thmey Daily.