ក្នុងពិធីនេះក៏មានការចូលរួមពី លោកស្រី យ៉សមីន ស៊ីដឌីហ្គី (Ms. YASMIN SIDDIQI) នាយិកាធនាគារ អភិវឌ្ឍន៍អាស៊ីប្រចាំព្រះរាជាណាចក្រកម្ពុជា សមាជិក សមាជិកានៃព្រឹទ្ធសភា រដ្ឋសភា និង រាជរដ្ឋាភិបាល អភិបាលខេត្ត ឯកឧត្តម លោកជំទាវ ថ្នាក់ដឹកនាំក្រសួង មន្ទីរខេត្ត និងប្រជាពលរដ្ឋជាច្រើនរូប។

កំណាត់ផ្លូវជាតិលេខ២៣ មានប្រវែង ១៩,៨៣ គីឡូម៉ែត្រ ចាប់ផ្តើមពីគីឡូម៉ែត្រលេខ ៣៤+៤០០ (ពីគល់ស្ពានកោះធំ) ស្ថិតក្នុងឃុំ ជ្រោយតាកែវ ឆ្លងកាត់ ឃុំលើកដែក ស្រុកកោះធំ រហូត ដល់ឃុំពាមរាំង ស្រុកលើកដែក (តភ្ជាប់ជាមួយផ្លូវជាតិលេខ១៤) ត្រង់គីឡូម៉ែត្រ លេខ៥៤+២៣៣ នៃភូមិសាស្រ្តខេត្តកណ្តាល។ គម្រោងនេះ មានទទឹងតួផ្លូវ  ប្រវែង ១១ម៉ែត្រ ជាប្រភេទផ្លូវ ក្រាលកៅស៊ូ AC កម្រាស់ ៨សង់ទី ម៉ែត្រ មានគន្លងផ្លូវសម្រាប់រថយន្តនិងទោចក្រយានធ្វើចរាចរណ៍ (២គន្លង ទៅ-មក)។

គម្រោងនេះ រួមបញ្ចូលនូវការស្ថាបនាស្ពានចំនួន ៣កន្លែង ប្រវែងសរុប ១១៦,៤០ម៉ែត្រ ការដាក់លូគ្រប់ប្រភេទ កាត់ទទឹងផ្លូវ ចំនួន ៤៨កន្លែង និងលូតាមប្រឡាយផ្លូវ ចំនួន ៨កន្លែងប្រវែងសរុប ២ ៣៤២ម៉ែត្រ បំពាក់អំពូលសូឡា  LED ចំនួន ៨០កន្លែង ព្រមទាំងការបំពាក់ផ្លាកសញ្ញា គូសគំនូសសញ្ញា ដាំបង្គោល គីឡូម៉ែត្រ និងបង្គោលសុវត្ថិភាពទៅតាមបទដ្ឋានបច្ចេកទេសផ្លូវថ្នល់។ លើសពីនេះ គម្រោងនេះ ក៏មានការស្ថាបនារង្វង់ មូល១កន្លែង នៅត្រង់ចំណុចផ្លូវ ប្រសព្វទិស ចុះពីស្ពានកោះធំ ដើម្បី សម្រួល និងបញ្ចៀសទិសដៅ ចរាចរណ៍ទៅមក ប្រកបដោយសុវត្ថិភាព។

គួរបញ្ជាក់ថា កំណាត់ផ្លូវជាតិលេខ២៣ ត្រូវបានបើកការដ្ឋានសាងសង់ កាលពីថ្ងៃទី២០ ខែមិថុនា ឆ្នាំ២០២៣ ក្រោមអធិបតីភាពអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ៕

The post កំណាត់ផ្លូវជាតិលេខ២៣ សម្ពោធបើកឱ្យប្រើប្រាស់ជាផ្លូវ ចាប់ពីគល់ស្ពានកោះធំដល់ស្រុកលើកដែក មានប្រវែងជាង១៩គីឡូម៉ែត្រ appeared first on Kampuchea Thmey Daily.

វចនានុក្រមថ្មីនេះ មានពាក្យសរុបចំនួន ៤៤ ៦៩៧ពាក្យ និងមានមេពាក្យចំនួន ៣១ ០៧៣ពាក្យ ដោយមានបោះពុម្ព និងមានដាក់ឱ្យប្រើប្រាស់តាម App ទូរសព្ទអាយអូអេស និងអនត្រយ ព្រមទាំងអាចដំឡើងប្រើនៅលើកុំព្យូទ័របានផងដែរ។

វចនានុក្រមខ្មែរថ្មី បានបង្កើតពាក្យបច្ចេកទេស និងថ្មីៗជាច្រើនសម្រាប់តម្រូវតាមការប្រើប្រាស់ពាក្យក្នុងសម័យបច្ចុប្បន្ន។ ទន្ទឹមនោះ ក៏មានការចូលរួមត្រួតពិនិត្យ និងកែតម្រូវ ពីភាគីពាក់ព័ន្ធទាំងអស់មុននឹងសម្រេចថាបង្កើតពាក្យអ្វីមួយដាក់ឱ្យប្រើប្រាស់៕

The post «វចនានុក្រមខ្មែរ» ថ្មី នឹងសម្ពោធដាក់ឱ្យប្រើប្រាស់ជាផ្លូវការជិតចុងខែកញ្ញានេះ appeared first on Kampuchea Thmey Daily.

លោក Hu Chaohui អគ្គនាយករោងចក្រផលិតស្បែកជើង អល វីន ស៊ូ មានប្រសាសន៍ថា ថ្ងៃនេះជាថ្ងៃដ៏វិសេសវិសាលដែលមិនអាចបំភ្លេចបាន ក្រោមការគាំទ្រពីសំណាក់រាជរដ្ឋាភិបាលកម្ពុជានិងក្រសួង ស្ថាប័នពាក់ព័ន្ធ រោងចក្រផលិតស្បែកជើង អល វីន ស៊ូ នៃក្រុមហ៊ុន Xingjia គ្រុប បានបើកដំណើរការជាផ្លូវការ ចាប់ផ្តើមប្រតិបត្តិការនៅកម្ពុជាម្តងទៀត ជាមួយនឹងបុគ្គលិកខ្មែរចិនជាគ្រួសារតែមួយ រួមគ្នាបង្កើតវិបុលភាពនិងអនាគតត្រចះត្រចង់នៅកម្ពុជា។

លោក Hu Chaohui ថ្លែងថា ក្រោយពេលបើកដំណើរការជាផ្លូវការនៅកម្ពុជា រោងចក្រផលិតស្បែកជើង អល វីន ស៊ូ មានផែនការបង្កើតខ្សែសង្វាក់ផលិតកម្មដែលមានគុណភាពនិងស្តង់ដាខ្ពស់ចំនួន៨នៅឆ្នាំក្រោយ ដែលមានតម្លៃទិន្នផលប្រចាំឆ្នាំចំនួន ៥០ លានដុល្លារអាម៉េរិក និងបង្កើនបុគ្គលិកកម្ពុជាដល់ចំនួន ២០០០ នាក់។ តាមផែនការរយៈពេល៥ឆ្នាំរបស់យើងគឺអភិវឌ្ឍខ្លួនជាមួយគ្រឹះដ៏រឹងមាំ ហើយផលិតស្បែកជើងចំនួន ៣ លានគូក្នុងមួយឆ្នាំ និងផ្តល់សេវាកម្មជូនអតិថិជនកាន់តែច្រើន។ គោលដៅរយៈពេលវែងរបស់ អល វីន ស៊ូ គឺ ខិតខំកសាងមូលដ្ឋានផលិតស្បែកជើងសុវត្ថិភាពនិងស្បែកជើងការងារដ៏មានឥទ្ធិពល។

លោកសង្កត់ធ្ងន់ថា ក្រុមហ៊ុននឹងប្រកាន់ខ្ជាប់នូវគោលការណ៍ “គុណភាពជាចម្បង ចូលរួមទាំងអស់គ្នា យកប្រសិទ្ធភាពជាគោល អតិថិជនពេញចិត្ត” ដែលជាគោលនយោបាយគុណភាពទំនិញ និង “ការច្នៃប្រឌិតប្រកបដោយប្រសិទ្ធភាព ការស្វែងរកភាពអស្ចារ្យ” ដែលជាស្មារតីសហគ្រាសនៃក្រុមហ៊ុន Xingjia គ្រុប នៅក្នុងផ្ទៃក្នុងសហគ្រាសខិតខំអនុវត្តប្រព័ន្ធគ្រប់គ្រងគុណភាពយ៉ាងតឹងរ៉ឹង គ្រប់គ្រងរោងចក្រដោយតឹងរ៉ឹង បង្កើតកេរ្តិ៍ឈ្មោះល្អ បង្កើតអត្តសញ្ញាណ អល វីន ស៊ូ។ ផ្តល់សេវាកម្មប្រកបដោយគុណភាពល្អតាមរយៈគុណភាពល្អបំផុត តម្លៃល្អបំផុត និង ពេលវេលាដឹកជញ្ជូនល្អបំផុត។ ក្រុមហ៊ុននឹងគោរពច្បាប់និងបទប្បញ្ញត្តិជាធរមាននៃព្រះរាជាណាចក្រកម្ពុជា ប្រកាន់ខ្ជាប់នូវគោលការណ៍ “ទទួលប្រយោជន៍ពីប្រជាជន បម្រើប្រជាជនវិញ” ដើម្បីចូលរួមជាវិភាគទានក្នុងការជួយជំរុញវិបុលភាពសេដ្ឋកិច្ចនិងស្ថិរភាពសង្គម។

លោក Hu Chaohui ជឿជាក់យ៉ាងមុតមាំថា ក្រោមការគាំទ្ររបស់រាជរដ្ឋាភិបាលកម្ពុជានិងការគាំទ្រជាមួយទំនុកចិត្តពីសំណាក់អតិថិជន ព្រមទាំងការខិតខំប្រឹងប្រែងរបស់ក្រុមការងារ រោងចក្រផលិតស្បែកជើង អល វីន ស៊ូ ប្រាកដជាមានអនាគតភ្លឺស្វាង មានវឌ្ឍនភាពជាបន្តបន្ទាប់។

លោកបញ្ជាក់ថា ក្នុងនាមជាក្រុមហ៊ុនមេនៃក្រុមហ៊ុនផលិតស្បែកជើង អល វីន ស៊ូ ក្រុមហ៊ុន Xingjia គ្រុប ត្រូវបានបង្កើតឡើងក្នុងឆ្នាំ២០០៨ ហើយបានឆ្លងកាត់បទពិសោធន៍រយៈពេល ១៥ ឆ្នាំមកហើយ។ បច្ចុប្បន្ននេះ មានរោងចក្រផលិតស្បែកជើង Xingjia នៅទីក្រុង Zhongshan ខេត្តក្វាងតុងប្រទេសចិន ដែលមានចង្វាក់ផលិតកម្មចំនួន ៦ ខ្សែ មានបុគ្គលិកជាង ១០០០ នាក់។ នៅទីក្រុង Changsha ខេត្តហ៊ូណានប្រទេសចិន មានរោងចក្រផលិតស្បែកជើង Luge ដែលមានចង្វាក់ផលិតកម្មចំនួន ៦ ខ្សែ មានបុគ្គលិកជាង ១០០០ នាក់។ នៅទីស្នាក់ការកណ្តាលក្រុមហ៊ុនមានក្រុមស្រាវជ្រាវផលិតជាង ២០០ នាក់ អាចតាមទាន់សម័យកាល រចនានិងស្រាវជ្រាវផលិតនូវស្បែកជើងច្រើនប្រភេទនិងពហុមុខងារ ដើម្បីបំពេញតម្រូវការផ្សេងៗរបស់អតិថិជន។

លោក វ៉ី សំណាង អភិបាលខេត្តកំពង់ស្ពឹបានស្វាគមន៍និងអបអរសាទរដល់ការបើកដំណើរការជាផ្លូវការនៃរោងចក្រផលិតស្បែកជើង អល វីន ស៊ូ ធ្វើឱ្យវិស័យវិនិយោគរបស់ខេត្តកំពង់ស្ពឺទទួលបានការអភិវឌ្ឍថ្មីថែមមួយកម្រិតទៀត។

លោកមានប្រសាសន៍ថា ក្នុងរយៈពេលប្រមាណជាង ២ ទសវត្សន៍ចុងក្រោយនេះ កម្ពុជាបានក្លាយជាគោលដៅសំខាន់នៃការវិនិយោគផ្ទាល់ពីបរទេស ដែលកត្តាទាំងនេះបាននាំឱ្យកម្ពុជាស្ថិតក្នុងចំណោមប្រទេសដែលមានកំណើនសេដ្ឋកិច្ចឆាប់រហ័សគួរឱ្យកត់សម្គាល់។ ដោយឡែក ខេត្តកំពង់ស្ពឺបានប្រែក្លាយទឹកដីពីសង្គ្រាមរ៉ាំរ៉ៃ ប្រឈមមុខគ្នាដោយអាវុធ មកជាខេត្តស៊ីវិល័យនិងមានសក្តានុពលទាក់ទាញអ្នកវិនិយោគផ្នែកឧស្សាហកម្មនិងវាយនភណ្ឌនានាមកបណ្តាក់ទុនជាបន្តបន្ទាប់។ រហូតមកដល់ពេលបច្ចុប្បន្ននេះ ទូទាំងខេត្តកំពង់ស្ពឺមានរោងចក្រ សហគ្រាសសរុប ៣៨៥ កន្លែង មានកម្មករនិយោជិត ១៥៧ ០២៧ នាក់ ក្នុងនោះផ្នែកវាយនភណ្ឌកាត់ដេរសម្លៀកបំពាក់ ដេរស្បែកជើង ផលិតកាបូប និង ផលិតផលធ្វើដំណើរ ១៩១ កន្លែង មានកម្មករនិយោជិត ១៤៣ ៩៦៧ នាក់ មានប្រាក់ឈ្នួលសរុបចំនួន ៤៨១ លានដុល្លារអាម៉េរិកក្នុងមួយឆ្នាំ។ ខេត្តកំពង់ស្ពឺមានតំបន់សេដ្ឋកិច្ចពិសេសចំនួន១និសួនឧស្សាហកម្មចំនួន៣ ជាខេត្តដែលមានរោងចក្រ សហគ្រាស និង រោងចក្រកាត់ដេរច្រើនជាងគេទីពីរបន្ទាប់ពីភ្នំពេញ។

លោកថ្លែងថា ការបើកសម្ពោធជាផ្លូវការនៃរោងចក្រផលិតស្បែកជើង អល វីន ស៊ូ ជាសក្ខីភាពមួយបញ្ជាក់ថាខេត្តកំពង់ស្ពឺទទួលបានគម្រោងវិនិយោគថ្មីមួយបន្ថែមទៀត ដែលនឹងបង្កើតឱកាសការងាររហូតដល់ជាង ២០០០ កន្លែង បានដើរតួនាទីយ៉ាងសំខាន់ក្នុងការចូលរួមអនុវត្តគោលនយោបាយកាត់បន្ថយភាពក្រីក្ររបស់កម្ពុជា ជាពិសេសខេត្តកំពង់ស្ពឺផ្ទាល់តែម្តង។

លោក វ៉ី សំណាង សង្ឃឹមថា រោងចក្រ អល វីន ស៊ូ ប្រកាន់ខ្ជាប់នូវគោលការណ៍ “ទទួលអត្ថប្រយោជន៍ពីប្រជាជន បម្រើប្រជាជនវិញ” រស់នៅជាមួយរាជរដ្ឋាភិបាលនិងប្រជាជនកម្ពុជាដោយសុខដុមរមនា ឆ្ពោះទៅមុខជាមួយគ្នា រួមគ្នាបង្កើតភាពត្រចះត្រចង់ ចូលរួមជាវិភាគទានចំពោះវិបុលភាពសេដ្ឋកិច្ចសង្គមនិងមិត្តភាពកម្ពុជា-ចិន។

លោក អ៉ិត សំហេង រដ្ឋមន្ត្រីក្រសួងការងារបានលើកឡើងថា ការវិនិយោគរបស់ក្រុមហ៊ុន អល វីន ស៊ូ (ខេមបូឌា) ឯ.ក ជាការវិនិយោគថ្មីមួយទៀតសម្រាប់ការផលិត នាំចេញស្បែកជើង ទាំងស្បែកជើងសុវត្ថិភាពនិងស្បែកជើងសម្រាប់រដូវរងាស្តង់ដាអន្តរជាតិ។ នេះក៏ជាការបន្ថែមឱកាសការងារដល់កម្មករនិយោជិតក្នុងស្រុកជាច្រើនសន្ធឹកសន្ធាប់ បង្កើតប្រាក់ចំណូលនិងលើកកម្ពស់ជីវភាពរស់នៅទាំងកម្រិតបុគ្គលនិងកម្រិតសហគមន៍ផងដែរនោះ។

លោកបានបន្តថា សមិទ្ធផលខាងលើនេះគឺជាជោគជ័យនៃគោលនយោបាយទាក់ទាញវិនិយោគ ការប្រែក្លាយតំបន់ដីចម្ការមីន ដីគ្មានប្រជាពលរដ្ឋរស់នៅ តំបន់អតីតសមរភូមិ តំបន់ជម្លោះព្រំដែនទៅជាតំបន់សន្តិភាព សហប្រតិការនិងការអភិវឌ្ឍ ក្លាយទៅទៅជាតំបន់ប្រជុំជន មានហេដ្ឋារចនាសម្ពន្ធផ្លូវ ថ្នល់ ស្ពាន មានផ្សារ សាលារៀន មន្ទីរពេទ្យ វត្តអារាម មានរោងចក្រពង្រាយរហូតដល់តាមបណ្តាខេត្ត ប្រជាពលរដ្ឋមានការងារធ្វើ មានមុខរបរចិញ្ចឹមជីវិត មានប្រាក់ចំណូល ក្រៅពីធ្វើស្រែធ្វើចម្ការ។

គួររម្លឹកថា ក្រុមហ៊ុន អល វីន ស៊ូ ជាក្រុមហ៊ុនបុត្រសម្ព័ន្ធនៃក្រុមហ៊ុន Xinjia គ្រុបក្រុង Zhongshan បានបង្កើតឡើងកាលពីថ្ងៃទី៣ ខែកុម្ភៈ ឆ្នាំ២០២៣ ស្ថិតនៅភូមិរោងគោ ឃុំសំរោងទង ស្រុកសំរោងទង ខេត្តកំពង់ស្ពឺ មានផ្ទៃដី ៣៥ ០០០ ម៉ែត្រក្រឡា ទំហំសាងសង់ ២០ ០០០ ម៉ែត្រក្រឡា ហើយនៅមានផ្ទៃដី ១០ ០០០ ម៉ែត្រក្រឡាទៀតដែលអាចបន្តអភិវឌ្ឍបាន។

នៅក្នុងដំណាក់កាលទីមួយ ក្រុមហ៊ុនដាក់ទុន ៦,៤ លានដុល្លារអាមេរិក។ ក្រុមហ៊ុនផ្តោតលើការផលិតស្បែកជើងសុវត្ថិភាពនិងស្បែកជើងការពារទឹកជាដើមដែលមានគុណភាពខ្ពស់ ទិន្នផលប្រចាំឆ្នាំជាង ៣ លានគូ។ បច្ចុប្បន្នក្រុមហ៊ុនមានម៉ាកយីហោដូចជា JUSIT, BB និង Yunhao ហើយបានឈានដល់កិច្ចព្រមព្រៀងជាមួយអតិថិជនម៉ាកល្បីៗលើពិភពលោកដូចជា DLP, Matt, Dragonair និង Martin។

ក្រុមហ៊ុនបានប្តេជ្ញាចិត្តក្នុងការស្វែងរកឧត្តមភាព បន្តលើកកម្ពស់ស្តង់ដាផ្ទាល់ខ្លួន ប្រកាន់ខ្ជាប់នូវគោលនយោបាយគុណភាព “គុណភាពចម្បង ចូលរួមទាំងអស់គ្នា ស្វែងរកប្រសិទ្ធភាព អតិថិជនពេញចិត្ត” របស់ក្រុមហ៊ុន Xingjia Group អនុវត្តយ៉ាងតឹងរ៉ឹងតាមស្តង់ដា ISO9001 វិញ្ញាបនបត្រសិទ្ធិមនុស្ស SEDEX សហភាពអឺរ៉ុប វិញ្ញាបនបត្រ EN345 សហភាពអឺរ៉ុប វិញ្ញាបនបត្រ ASTM ស្តង់ដាអាម៉េរិក វិញ្ញាបនបត្រ CSA ស្តង់ដាកាណាដាជាដើម។ តាំងចិត្តដើម្បីក្លាយជាអ្នកដឹកនាំក្នុងឧស្សាហកម្ម និងបង្កើតអត្តសញ្ញាណយីហោជាលក្ខណៈអន្តរជាតិរបស់ក្រុមហ៊ុន អល វីន ស៊ូ។ ក្រុមហ៊ុននឹងអភិវឌ្ឍយ៉ាងស៊ីជម្រៅនិងចែករំលែកទីផ្សារជាមួយម៉ាកល្បីៗលើពិភពលោក និងសហការជាមួយអតិថិជនទូទាំងពិភពលោក៕

The post រោងចក្រផលិតស្បែកជើង អល វីន ស៊ូ បើកសម្ពោធជាផ្លូវការ បណ្តាក់ទុន ៦,៤ លានដុល្លារអាមេរិក បង្កើតឱកាសការងារប្រមាណ ២០០០ កន្លែង appeared first on Kampuchea Thmey Daily.

ការចុះពិនិត្យ​នៅ​ទីតាំង​ផ្ទាល់​នេះ​លោក ងួន រតនៈ​អភិបាលខេត្ត​កំពង់ធំ​បាន បញ្ជាក់​ថា​ស្ពានបេតុង​ឆ្លងស្ទឹង​សែន​ដែល​បាន​សាងសង់​រួចរាល់​ជា​ស្ថាពរ​នាពេលនេះ មាន​ប្រវែង ១៨០​ម៉ែត្រ ទទឹង​៨.៨​ម៉ែត្រ កំពស់​កណ្តាល​ស្ពាន​ដល់​ធ្នឹម បណ្ដោយ ១២.២​ម៉ែត្រ សសរស្ពាន​មាន​ចំនួន ៣០​ដើម សសរ​បង្កាន់ដៃស្ពាន​ចំនួន ១៣២​ដើម និង​កំពស់​បង្កាន់ដៃស្ពាន​១.៣​ម៉ែត្រ​(​បូក​ទាំង​ឃឿន​)​។ ស្ពាន​នេះ ជា​ចំណុច​ត​ភ្ជាប់​រវាង​ភូមិ កាល់​មេឃ ឃុំ​ត្បូង​ក្រពើ ស្រុក​សន្ទុក ទៅ​ឃុំ​ព្រៃ​គុយ ស្រុក​កំពង់ស្វាយ ខេត្តកំពង់ធំ សម្រាប់​សម្រួលការ​ធ្វើដំណើ​រ​របស់​បងប្អូន​ប្រជាពលរដ្ឋ​មាន​ភាពងាយស្រួល និង​មាន​សុវត្ថិភាព ក្នុងការ​ដឹកជញ្ជូន​ផលិតផល​ផ្សេងៗ​នៅក្នុង​មូលដ្ឋាន​។​

​លោក​អភិបាលខេត្ត​កំពង់ធំ បាន​ជំរុញ​ឱ្យ​អាជ្ញាធរ​មូលដ្ឋាន​ត្រូវតែ​ចូលរួម​ថែរក្សា​នៅ​ហេដ្ឋារចនាសម្ព័ន្ធ​ជាច្រើន​ដែលមាន​នៅក្នុង​សហគមន៍ ដែលជា​សារៈប្រយោជន៍​ដល់​បងប្អូន​ប្រជាពលរដ្ឋ​ក្នុងការ​ធ្វើដំណើរ ដើម្បី​កាត់បន្ថយ​ការចំណាយ​ផ្សេងៗ​។ សមិទ្ធផល​មួយចំនួន​ដែល​កើតចេញ ពី​ការយកចិត្តទុកដាក់រ​បស់​រាជរដ្ឋាភិបាល ក្នុងការ​អភិវឌ្ឍ​ប្រទេសជាតិ ឲ្យ​មានការ​រីកចម្រើន​ជា​លំដាប់ ប្រកបដោយ​គុណភាព និង​ប្រសិទ្ធភាព​ខ្ពស់៕

អត្ថបទ ​៖ ឈាង មករា

The post ស្ពាន​ឆ្លង​ស្ទឹងសែន ជា​អំណោយ​សម្តេច​តេ​ជោ និង​សម្តេច​កិ​តិ្ត​ព្រឹទ្ធ​បណ្ឌិត នឹង​រៀបចំ​ពិធី​សម្ពោធ​ដាក់ឱ្យ​ប្រើប្រាស់​នៅ​ថ្ងៃ​ទី​២៦ ខែមីនា ខាងមុខនេះ appeared first on Kampuchea Thmey Daily.

​ការលុបចោល​នូវ​ឧបសគ្គ​ ក្នុងការ​ជាវ​ផលិតផល​ធានារ៉ាប់រង​អត្រា​នៃ​ការប្រើប្រាស់​ធានារ៉ាប់រង​អាយុជីវិត​ គឺមាន​ចំនួន​តិចជាង ១% [​ក្នុង​ឆ្នាំ​២០២១] នៅ​កម្ពុជា ឯការ​ចំណាយលុយ​ផ្ទាល់ខ្លួន​ទៅលើ​ផ្នែក​វេជ្ជសាស្ត្រ​វិញ មាន​ចំនួន​ប្រមាណ​ជាង ១,២ ពាន់​លាន​ដុល្លារ​អាមេរិក [​ក្នុង​ឆ្នាំ​២០១៩]​។ ជាមួយនឹង​ចក្ខុវិស័យ​ក្នុងការ​ធ្វើ​ឲ្យ​គ្រប់គ្នា​ទទួលបាន​ជីវិត​មួយ​ដែល​ល្អប្រសើរ​បំផុត ក្រុមហ៊ុន​ព្រូ​ដិ​នស​ល បាន​ពង្រីក​ពហុ​បណ្ដាញ​ចែកចាយ​តាម​ប្រព័ន្ធ​ឌីជីថល​របស់ខ្លួន ដើម្បី​ធ្វើ​ឲ្យ​គ្រប់គ្នា​អាចមាន​លទ្ធភាព​ទទួល​បានការ​ថែទាំ​សុខភាព​ដែលមាន​តម្លៃ​សមរម្យ និង អាច​ចូល​រូ​ម​លើកកម្ពស់​បរិ​យា​ប័ន្ន​ផ្នែក​ហិរញ្ញវត្ថុ​ផងដែរ​។

​លោក Sanjay Chakrabarty អគ្គនាយក​ប្រតិបត្តិ​នៃ​ក្រុមហ៊ុន​ព្រូ​ដិ​នស​ល​កម្ពុជា​ បាន​មានប្រសាសន៍​ក្នុង​ពិធី​ដាក់ឱ្យ​ដំណើរការ​ម៉ាស៊ីន​លក់​ផលិតផល​ធានារ៉ាប់រង​នៅ​ថ្ងៃទី​ ២​ កញ្ញា​ថា​«​ក្នុងនាម​ជា​ក្រុមហ៊ុន​ធានារ៉ាប់រង​ឈានមុខ​គេ ​លើ​ផ្នែក​ផលិតផល​ធានារ៉ាប់រង​ឌីជីថល​នៅ​កម្ពុជា ពួកយើង​ចង់​ការពារ​អ្នក​គ្រប់គ្នា​ពី​ការ​ប្រឈម​លើ​ការ​គំរាមកំហែង​ផ្នែក​សុខភាព និងសុខុមាលភាពព្រមទាំង​ជួយ​គាំទ្រ​អ្នក​គ្រប់គ្នា​ ដើម្បី​សម្រេច​គោលដៅ​ជីវិត​រៀងៗ​ខ្លួន​។ ពួកយើង​ក៏បាន​បង្កើត​ផលិតផល​តាមបែប​ឌីជីថល​ជាច្រើន ដែល​អាចឲ្យ​អតិថិជន​ដែល​ជាវ​ផលិតផល​ធានារ៉ាប់រង​លើកដំបូង​អាច​ទទួលបាន​ការការពា​រ​ដែលមាន​តម្លៃ​សមរម្យ ប្រកបដោយ​ភាពងាយស្រួល​តាមរយៈ​ទូរស័ព្ទ​របស់​ពួកគេ​»​។

​លោក Sanjay Chakrabarty បាន​បន្តថា «​ដោយសារ​មិនមែន​ប្រជាជន​កម្ពុជា​គ្រប់រូប​សុទ្ធតែ​អាចមាន​លទ្ធភាព​ប្រើប្រាស់​អ៊ី​ន​ធើ​ណេ​ត​ដែលមាន​ស្ថិរភាព​និង​ល្បឿន​ខ្ពស់​នោះទេ ដូច្នេះ​ឥលូវ​នេះ​ពួកយើង​ជំរុញ​ការគិត​របស់​យើង​បន្ថែមទៀត ដើម្បី​នាំមក​នូវ​ដំណោះស្រាយ​ក្នុងការ​ការពារ​ផ្តល់ជូន​ទៅដល់​ក្នុង​សហគមន៍​មូលដ្ឋាន តាមរយៈ​ម៉ាស៊ីន​លក់​ផលិតផល​ធានារ៉ាប់រង​របស់​យើង​»​។

​ការធ្វើឱ្យ​គ្រប់គ្នា​នៅ​ទូទាំងប្រទេស ​អាច​ទទួល​បានការ​ធានារ៉ាប់រង​ជាមួយនឹង​ការតភ្ជាប់​អ៊ីនធើណិត និងការផ្គត់ផ្គង់​ថាមពល​ដោយ​ខ្លួនឯង ម៉ាស៊ីន​លក់​ផលិតផល​ធានារ៉ាប់រង​អាចដាក់​បម្រើ​អតិថិជន​នៅតាម​គ្រប់​ទីតាំង​ក្នុងប្រទេស​កម្ពុជា​។ ការបង្កើត​ថ្មី​នេះ​ អាច​ឲ្យ​អតិថិជន​ជាវ​ផលិតផល​ធានារ៉ាប់រង​ប្រកបដោយ​ភាពងាយស្រួល​ក្នុងតម្លៃ​ចាប់ផ្ដើម​តិចជាង ១០ ដុល្លារ​ប៉ុណ្ណោះ​ក្នុង​មួយឆ្នាំ ដែល​សូម្បីតែ​អតិថិជន​ដែល​នៅ​ទីតាំង ឬសាខា​ធនាគារ​ដែល​មិនមាន​អ៊ីនធើណេត​ក៏ដោយ​ក៏​អាច​ជាវ​បានដែរ​។ ការ​រចនា​ដោយ​ផ្តោតលើ​បទពិសោធន៍​អ្នកប្រើប្រាស់​ជា​ចម្បង​ ដែល​ត្រូវបាន​បង្កើតឡើង​សម្រាប់​ម៉ាស៊ីន​លក់​ផលិតផល​ធានារ៉ាប់រង​នេះ​ គឺ​សម្រាប់​អតិថិជន​ដែល​តម្រូវឱ្យមាន​ភាពងាយស្រួល​ជាង​មុន ដូចជា ការបង្ហាញ​ទំហំ​អក្សរ​ឱ្យបាន​ធំ​ងាយស្រួល​អាន សម្រាប់​អ្នកប្រើប្រាស់​វ័យ​ចំណាស់​ជាដើម​។

​នៅ​ចុងបញ្ចប់​នៃ​ដំណើរការ​នៃ​ការទិញ អតិថិជន​នឹង​ទទួលបាន​វិក្កយបត្រ​លើ​ការទិញ​របស់​ពួកគេ ពី​ម៉ាស៊ីនបោះពុម្ព​ដែល​ត​ភ្ជាប់​ទៅនឹង​ម៉ាស៊ីន​លក់​ផលិតផល​ធានារ៉ាប់រង​ជាស្រេច ដែល​នេះ​ជា​ជំហាន​ដ៏​សំខាន់​មួយ​សម្រាប់​អ្នកទិញ​ជា​លើកដំបូង​។ នៅពេលដែល​ការស្នើរ​ប័ណ្ណ​សន្យា​រ៉ាប់រង​ទទួលបាន​ជោគជ័យ អតិថិជន​អាច​គ្រប់គ្រង និងដាក់សំណើ​ទាមទារ​សំណង​ភ្លាមៗ តាមរយៈ​កម្មវិធី Pulse ដែលជា​កម្មវិធី​ទូរស័ព្ទ​ ដែលមាន​រួមបញ្ចូល​ការថែទាំ​សុខភាព និងហិរញ្ញវត្ថុ​។ អតិថិជន​អាចធ្វើ​តាម​ព័ត៌មាន​ ដែល​បានបង្ហាញ​លើ​អេក្រង់​ម៉ាស៊ីន​លក់​ផលិតផល​ធានារ៉ាប់រង​ ដើម្បី​ទាញយក​និង​ចុះឈ្មោះ​ប្រើប្រាស់​កម្មវិធី Pulse ។

​លោក Sanjay បាន​បន្ថែមថា «​បន្ទាប់ពី​ការចាប់ផ្តើម​បើក​ដំណើរការ​ម៉ាស៊ីន​លក់​ផលិតផល​ធានារ៉ាប់រង​ទាំងនេះ​នៅ​ជាង ៥០ កន្លែង យើង​នឹង​ធ្វើការ​យ៉ាង​ជិតស្និទ្ធ​ជាមួយ​អតិថិជន​របស់​យើង ដើម្បី​កែលម្អ​បទពិសោធន៍​របស់​អតិថិជន​ជា​បន្តបន្ទាប់ មុនពេល​ដាក់​ឲ្យ​ដំណើរការ​នៅ​ទូទាំងប្រទេស​។ »

​លោក ប៊ូ ច័ន្ទ​ភី​រូ អគ្គនាយក នៃ​និយ័ត​ករ​ធានារ៉ាប់រង​កម្ពុជា​បាន​ប្រសាសន៍ថា​ក្រុមហ៊ុន ព្រូ​ដិ​នស​ល ខេ​ម​បូ​ឌា កំពុង​ប្រារព្ធ​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ​នូវ​ម៉ាស៊ីន​លក់​ធានារ៉ាប់រង (ISM) ដែលជា​ម៉ាស៊ីន​លក់​ធានារ៉ាប់រង​តាម​បច្ចេកវិទ្យា​ដំបូង​គេ​ក្នុងប្រទេស​កម្ពុជា ជាការ​បន្ថែម​លើ​ការលក់​តាមរយៈ​កម្មវិធី​ទូរស័ព្ទ និង​គេហទំព័រ​របស់​ក្រុមហ៊ុន ដើម្បី​លើកកម្ពស់​ការលក់​ផលិតផល​ធានារ៉ាប់រង​នៅក្នុង ទីផ្សារ​សក្តានុពល​នេះ​។

​លោក​បាន​បន្តថា​ក្រុមហ៊ុន ព្រូ​ដិ​នស​ល ខេ​ម​បូ​ឌា ដែលជា​ក្រុមហ៊ុន​ធានារ៉ាប់រង​អាជីព​លំដាប់​ពិភពលោក បាន​ដំណើរការ​អាជីវកម្ម​ធានារ៉ាប់រង​អាយុជីវិត​នៅ​កម្ពុជា​អស់​រយៈពេល​ ៩ ​ឆ្នាំ​ចាប់តាំងពី​ឆ្នាំ ​២០១៣ ដែលជា​កត្តារួម​ចំណែក​ដល់​ការបង្កើត​ការងារ​ជាច្រើន​សម្រាប់​ប្រជាជន​កម្ពុជា ហើយក៏​ជាការ​រួមចំណែក​គួរឱ្យកត់សម្គាល់​ក្នុងការ​អភិវឌ្ឍន៍​វិស័យ​ធានារ៉ាប់រង​នៅ​កម្ពុជា​ផងដែរ​។ លោក​បាន​បន្តទៀតថា​ទោះជា​យ៉ាងណាក៏ដោយ ការបើក​ដំណើរការ​ម៉ាស៊ីន​លក់​ធានារ៉ាប់រង (ISM) របស់​ក្រុមហ៊ុន​ព្រូ​ដិ​នស​ល​កម្ពុជា​ គឺជា​ការច្នៃប្រឌិត​ចម្រុះ ដែល​ធ្វើ​ឲ្យ​ការទិញ​ផលិតផល​ធានារ៉ាប់រង​កាន់​តែមាន​ភាព​បត់បែន និង​ងាយស្រួល​សម្រាប់​អតិថិជន​ក្នុង​យុគសម័យ​ឌីជីថល​។

​លោក​សូម​ថ្លែងអំណរគុណ​យ៉ាង​ជ្រាលជ្រៅ​ ចំពោះ​ក្រុមហ៊ុន​ព្រូ​ដិ​នស​ល​កម្ពុជា​ សម្រាប់​ការប្តេជ្ញាចិត្ត​យ៉ាង​មុតមាំ​របស់ខ្លួន​ក្នុងការ​ពង្រឹង​សកម្មភាព​ធុរកិច្ច និង​ការរួមចំណែក​ក្នុងការ​អភិវឌ្ឍន៍​វិស័យ​ធានារ៉ាប់រង​នៅ​កម្ពុជា ដែលជា​ផ្នែក​មួយ​របស់​កសាង​សំណាញ់​សុវត្ថិភាព​សង្គម ជំរុញ​កំណើន​សេដ្ឋកិច្ចជាតិ និង​រួមចំណែក​កាត់បន្ថយ​ភាពក្រីក្រ​នៅ​កម្ពុជា​និង​សូម​លើកទឹកចិត្ត​យ៉ាងខ្ពស់​ដល់​ថ្នាក់​គ្រប់គ្រង​កំពូល និង​និយោជិត​របស់​ក្រុមហ៊ុន​ក្នុងការ​រួមចំណែក​យ៉ាងសកម្ម​ក្នុងការ​អភិវឌ្ឍន៍​ប្រកបដោយ​ចីរភាព​នៃ​វិស័យ​ធានារ៉ាប់រង​នៅ​កម្ពុជា​។

​គួរបញ្ជាក់​ថា​ ពិធី​សម្ពោធ​ជា​ផ្លូវការ​នៅថ្ងៃនេះ ម៉ាស៊ីន​លក់​ផលិតផល​ធានារ៉ាប់រង​ត្រូវបាន​ដាក់​ឲ្យ​ដំណើរការ​នៅ​សាខា​ព្រូ​ដិ​នស​ល ក្នុង​រាជធានី​ភ្នំពេញ សៀមរាប បាត់ដំបង និង ក្រចេះ​៕​

The post ក្រុមហ៊ុន ព្រូដិនសល ដាក់ដំណើរការម៉ាស៊ីនលក់ផលិតផលធានារ៉ាប់រងនៅទូទាំង ៥០ កន្លែង ដើម្បីជួយឲ្យប្រជាជនកម្ពុជា អាចទទួលបានការការពារប្រកបដោយភាពងាយស្រួល appeared first on Kampuchea Thmey Daily.

ក្រោយ​ពិធី​ក្រុង​ពាលី ដើម្បី​សុំ​ម្ចាស់​ទឹក​ម្ចាស់​ដី​សុំ​សេចក្តីសុខ​សេចក្តី​ចម្រើន​ហើយ នៅ​ព្រឹក​ថ្ងៃទី​ ៣១ មករា សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នឹង​អញ្ជើញ​ជា​អធិបតីភាព បើក​ការដ្ឋាន​ស្ថាបនា​ស្ពាន​អាកាស​នេះ​ជា​ផ្លូវការ​តែម្តង​។​

ពាក់ព័ន្ធ​បើក​ការដ្ឋាន​ស្ថាបនា​ស្ពាន​អាកាស​នេះដែរ ដើម្បីឱ្យ​កម្មវិធី​ខាងលើ​ប្រព្រឹត្ត​ទៅដោយ​រលូន រក្សាបាន​នូវ​សន្តិសុខ សុវត្ថិភាព សណ្ដាប់ធ្នាប់ និង​មាន​របៀបរៀបរយ​សាធារណៈ ព្រមទាំង​បញ្ចៀស​បាន​នូវ​ការកកស្ទះ​ចរាចរ នៅក្នុង​ថ្ងៃទី​ ៣១ ខែមករា ឆ្នាំ​ ២០២២ ចាប់ពី​ម៉ោង ០៦​ និង​ ០០​ នាទី រដ្ឋបាល​រាជធានី​ភ្នំពេញ​នឹងធ្វើ​ការផ្អាក​ចរាចរ ជា​បណ្ដោះអាសន្ន នៅ​ជុំវិញ​ទីតាំង​ប្រារព្ធ​ពិធី ដោយ​បាន​ឲ្យ​យានយន្ត​គ្រប់​ប្រភេទ ​ដែល​ចរាចរ​តាមផ្លូវ​ជាតិ​លេខ​ ៥ ចូល​រាជធានី​ភ្នំពេញ ត្រូវ​បង្វែរ​ទិស​ចរាចរ​តាម​ស្ពាន​ព្រែក​ព្នៅ ឬ​តាមផ្លូវ​លេខ​ ៥៩៨ ចំពោះ​យានយន្ត​ចេញពី រាជធានី​ភ្នំពេញ​ត្រូវ​បញ្ចៀស​ចរាចរ​ឡើង​ស្ពាន​មិត្តភាព​កម្ពុជា​-​ជប៉ុន ហើយ​យានយន្ត​ដែល​ធ្វើដំណើរ​ឆ្លងកាត់ ស្ពានដែក​បេ​ឡេ​ត្រូវ​បង្វែរ​ទិស​តាមផ្លូវ​ជាតិ​លេខ​ ៦ ឬ​មហាវិថី​អូ​ស៊ី​អាយ​ស៊ី​ឆ្លងកាត់​ស្ពាន​មិត្តភាព​កម្ពុជា​-​ចិន​វិញ​។

គួរបញ្ជាក់​ផងដែរ​ថា ប្រធាន​មន្ទីរ​សាធារណការ​និង​ដឹកជញ្ជូន​រាជធានី​ភ្នំពេញ លោក សាំ ពិសិដ្ឋ បាន​បញ្ជាក់​ឲ្យ​ដឹង​ហើយ​ថា​ ស្ពាន​អាកាស​ថ្មី​ដែល​គ្រោង​នឹង​បើក​ការដ្ឋាន​ស្ថាបនា​នេះ មាន​បណ្ដោយ​ ៤៨៣​ ម៉ែត្រ ទទឹង​ ១៥,៨​ ម៉ែត្រ​កម្ពស់ ៥ ​ម៉ែត្រ ដោយ​ហោះ​នៅលើ​បណ្ដោយ​ផ្លូវជាតិ​លេខ​៥ នៅ​ចន្លោះ​ស្ពានបេតុង​ឆ្លងកាត់​ទន្លេសាប​ថ្មី ដែល​បាន​នឹង​កំពុង​សាងសង់​បាន​ជាង​ ៦៣ ​ភាគរយ​ហើយ ។ គម្រោង​នៃ​ការសាងសង់​ស្ពាន​អាកាស​ថ្មី ដោយ​ហោះ​នៅលើ​បណ្ដោយ​ផ្លូវជាតិ​លេខ​ ៥ ​នេះ គ្រោង​នឹង​សាងសង់ ដោយ​ប្រើ​រយៈពេល ១៥​ខែ ពោល​គឺ​ឲ្យ​រួចរាល់​នៅ​ចុងខែ​មេសា​ឆ្នាំ​ ២០២៣ នៅមុន​ពេលដែល​កម្ពុជា​ធ្វើជា​ម្ចាស់ផ្ទះ​នៃ​ព្រឹត្តិការណ៍​ប្រកួត​កីឡា SEA GAME ២០២៣៕

អត្ថបទ៖ ​ស្រីរ័ត្ន​

The post អភិបាលភ្នំពេញ អញ្ជើញក្នុងពិធីក្រុងពាលី និងបញ្ចុះបឋមសិលា មុនការបើកការដ្ឋានសាងសង់ស្ពានអាកាសថ្មី appeared first on Kampuchea Thmey Daily.

​នេះ​បើតាម​ការបង្ហាញ​ឱ្យដឹង​នៅក្នុង​កិច្ចប្រជុំ​តាមរយៈ​ការបញ្ជូន​រូបភាព និង​សំឡេង ( Video Conference ) ជាមួយ​អាជ្ញាធរ​ខណ្ឌ​ទាំង​ ១៤ មន្ទីរ​ពាក់ព័ន្ធ​នៅ​ព្រឹក​ថ្ងៃទី ​០៧ ​ខែធ្នូ​ ឆ្នាំ​ ២០២១​ នេះ នៅ​សាលា​រាជធានី​ភ្នំពេញ ក្រោម​វត្តមាន​អភិបាលរង​ចំនួន​ ៤ ​រូបនោះ ​គឺ លោក​ កើត ឆែ​,​ លោក​ មាន ចាន់​យ៉ា​ដា,​ លោក​ នួន ផា​រ័ត្ន និង​លោក​ ហួត ហៃ តំណាងឱ្យ​លោក​ ឃួ​ង ស្រេង​អភិបាល​នៃ​គណៈ​អភិបាល​រាជធានី​ភ្នំពេញ។

​លោក​ កើត ឆែ អភិបាលរង​រាជធានី​ភ្នំពេញ បាន​មានប្រសាសន៍​ឲ្យ​ដឹងថា ពហុ​កីឡដ្ឋាន​មរតក​តេ​ជោ មាន​ទីតាំង​នៅលើ​វិថី​ឈ្នះ​ឈ្នះ​ ក្នុង​សង្កាត់​បាក់​ខែង​ ខណ្ឌ​ជ្រោយចង្វា រាជធានី​ភ្នំពេញ គ្រោង​នឹង​បើក​សម្ពោធ​ដាក់​ឲ្យ​ប្រើប្រាស់​នៅ​ថ្ងៃទី ​១៨ ខែ​ធ្នូ ​ឆ្នាំ​ ២០២១ ខាងមុខនេះ ក្រោម​អធិបតីភាព​សម្ដេច​តេ​ជោ​ ហ៊ុន សែន​ និង​សម្ដេច​កិត្តិព្រឹទ្ធ​បណ្ឌិត​ ប៊ុន រ៉ានី​ ហ៊ុនសែន​ ព្រម​ជាមួយនឹង​ការចូលរួម​ពី​តំណាង​ភាគី​ចិន​ផងដែរ។​ ដើម្បី​ឲ្យ​ដំណើរការ​នៃ​ពិធី​សម្ពោធ​នេះ ទទួលបាន​នូវ​ភាពជោគជ័យ​ និង​រលូន​ទៅមុខ លោក ​ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​បាន​​ចាត់តាំង​ឲ្យ​អភិបាលរង​ចំនួន​៤​រូប ដឹកនាំ​កិច្ចប្រជុំ​សំដៅ​ធ្វើយ៉ាងណា​ឲ្យ​ការរៀប​កម្មវិធី​នេះ​ ដំណើរការ​ទៅដោយ​រលូន ទាំង​ការរៀបចំ​សន្តិសុខ សណ្តាប់ធ្នាប់​និង​មហាជន​ចូលរួម​។

​លោក​ មាន ចាន់​យ៉ា​ដា អភិបាលរង​រាជធានី​ភ្នំពេញ​បាន​បញ្ជាក់​ថា ពិធី​នេះ​យើង​នឹង​រៀបចំ​ឲ្យ​មានការ​ចូលរួម​ពី​មហាជន កងកម្លាំង មន្ត្រីរាជការ​ និង​ក្រុមយុវជន​សរុប​ប្រមាណ​ជា​ ១ ​ម៉ឺន​ ៥ ​ពាន់​នាក់ ខណៈ​ដែរ​ពហុកីឡាដ្ឋាន​ម​រត​តេ​ជោ​នេះ ​អាច​ទទួល​មនុស្ស​បាន​ប្រមាណ​ ៦​ ម៉ឺន​នាក់។ ការស្ថាបនា​ឡើង ពហុ​កីឡដ្ឋាន​មរតក​តេ​ជោ​នេះ គឺ​ដើម្បី​យើង​មានលទ្ធភាព ក្នុង​ការរៀបចំ​ការប្រកួត​កីឡា​ស៊ី​ហ្គេម​ឆ្នាំ​ ២០២៣ ដែល​កម្ពុជា​យើង​ត្រូវ​ធ្វើជា​ម្ចាស់ផ្ទះ ហើយ​នៅ​ឆ្នាំ​បន្ទាប់មកទៀត ពហុ​កីឡដ្ឋាន​ម​រត​តេ​ជោ​នេះ ក៏​គ្រោង​នឹង​រៀបចំ​ការប្រកួត​ជាច្រើន​ទៀតផង​ដែរ​។

​គួរ​បញ្ជាក់ថា ពហុ​កីឡដ្ឋាន​មរតក​តេ​ជោ កសាង​លើ​ផ្ទៃដី​ទំហំ​ ៨៥ ​ហិកតា ដែលជា​ជំនួយឥតសំណង​របស់​រដ្ឋាភិបាល​ចិន បើតាម​ការគ្រោងទុក​ គឺ​ចំណាយ​ក្នុងការ​សាងសង់​អស់​ ១៥៧​ លាន​ដុល្លារ មាន​ដាក់បញ្ចូល​នូវ​ធាតុ​ផ្សំ​សំណង់​បុរាណ​ខ្មែរ​មួយ​ចំនួន មាន​ទំហំ​សំណង់​ចំនួន​ជាង ៨ ម៉ឺន​ម៉ែត្រការ៉េ ដែល​អាច​ទទួល​អ្នកទស្សនា​បាន​ប្រមាណ​ ៦ ម៉ឺន​នាក់​៕

អត្ថបទ៖ ​ស្រីរ័ត្ន​

​

The post ពហុកីឡាមរតកតេជោ គ្រោងនឹងបើកសម្ពោធនៅថ្ងៃទី ១៨ ធ្នូខាងមុខនេះ ដោយមានអ្នកចូលរួម ១ ម៉ឺន ៥ ពាន់នាក់ appeared first on Kampuchea Thmey Daily.

លោក វ៉ា​ត់ ចំរើន អគ្គលេខាធិការ​គណៈ​ក​ម្មា​ធិការ​ជាតិ​រៀបចំ​ការប្រកួត​កីឡា​អាស៊ីអាគ្នេយ៍ លើក​ទី​ ៣២ ឆ្នាំ​ ២០២៣ (CAMSOC) បាន​ប្រាប់​ឲ្យ​ដឹង​បន្ទាប់ពី​បញ្ចប់​កិច្ចប្រជុំ​ប្រចាំ​សប្តាហ៍ នៅ​ព្រឹក​ថ្ងៃទី​ ៣០ ខែវិច្ឆិកា ឆ្នាំ ​២០២១ ក្រោម​វត្តមាន​លោក​បណ្ឌិត ថោង ខុន អនុប្រធាន​អចិន្ត្រៃយ៍ CAMSOC​។​

ក្នុង​ពិធី​រាប់​ថយក្រោយ​ ៥០០ ​ថ្ងៃនេះ ក៏មាន​ការអញ្ជើញ​ចូលរួម​ពី​ឯកអគ្គរដ្ឋទូត​ចិន​តំណាង​ឲ្យ​រដ្ឋាភិបាល​ចិន​ក្រោម​អធិបតី​សម្តេច​តេ​ជោ​ នាយករដ្ឋមន្ត្រី​ ហ៊ុន សែន​ ដោយ​គ្រោង​នឹង​រៀបចំ​កម្មវិធី​៣ បញ្ចូល​គ្នា​នឹង​ការបើក​សម្ពោធ​ដាក់​ឲ្យ​ប្រើប្រាស់​ជា​ផ្លូវការ ​នូវ​វិមាន​កីឡដ្ឋាន​ជាតិ​មរតក​តេ​ជោ​, ពិធី​អបអរសាទរ​ពិធី​រាប់​ថយក្រោយ ៥០០​ ថ្ងៃ និង​ការ​ប្រកាស​យុទ្ធនាការ​ជាតិ​ផ្សព្វផ្សាយ​ឆ្ពោះទៅ​ស៊ី​ហ្គេម​-​អាស៊ាន​ប៉ា​រ៉ា​ហ្គេម ឆ្នាំ​ ២០២៣ របស់​កម្ពុជា។

លោក វ៉ា​ត់ ចំរើន បញ្ជាក់ថា ហេតុនេះ​ចាប់ពី​ថ្ងៃទី​ ១៨​ ខែធ្នូ ​ឆ្នាំ​ ២០២១ ការផ្សព្វផ្សាយ​នឹងត្រូវ​ចាប់ផ្តើម​ ដោយ​ត្រូវ​រួមគ្នា​គ្រប់​សមាសភាព​ក្រសួង​ស្ថាប័ន​បូក​ជាមួយ​ការងារ​បរទេស ការងារ​កីឡា ការទូត​ក្រៅប្រទេស​នឹងត្រូវ​ផ្គុំ​គ្នា​ក្នុង​សំឡេង​តែ មួយ​ជួយ​គាំទ្រ ឆ្ពោះទៅ​ការប្រកួត​កីឡា​ស៊ី​ហ្គេម​- អាស៊ាន​ប៉ា​រ៉ា​ហ្គេម ឆ្នាំ​ ២០២៣ ក្រោម​ប្រធានបទ «​កីឡា​រស់ក្នុង​សន្តិភាព​។ នេះ​គឺជា​កំណត់ត្រា​ប្រវត្តិសាស្ត្រ​ថ្មី​ សម្រាប់​ការកត់ត្រា​ក្នុង​ដំណើរ​ឆ្ពោះ​ទៅធ្វើ​ម្ចាស់ផ្ទះ​ឆ្នាំ​ ២០២៣ ផង​និង​ជា​កំណត់ត្រា​មួយ​ប្រចាំ​ឲ្យ​ប្រវត្តិ​ ក្នុងការ​សាង​សង់​ពហុ​កីឡដ្ឋាន​ជាតិ​មរតក​តេ​ជោ​ផង​។ នៅក្នុង​កម្មវិធី​ដ៏​ធំ​នា​ថ្ងៃទី​ ១៨ ខែធ្នូ ឆ្នាំ​២ ០២១​ នេះ គឺមាន​កម្មវិធី​ច្រើន ដូចជា​ការ​កាត់​ខ្សែបូ​សម្ពោធ ការបង្ហាញ​កីឡា ការសម្តែង​សិល្បៈ​វប្បធម៌ បង្ហាញ​អំពី​ចំណងមិត្តភាព​ដែកថែប កម្ពុជា​-​ចិន និង​មាន​បទ​ចម្រៀង​ក្នុង​កម្មវិធី​អបអរ​នេះ​ផងដែរ​។

លោក​បណ្ឌិត ថោង ខុន បាន​ឯកភាព​នូវ​គម្រោង​សម្រាប់​ការចូលរួម​ក្នុង​កម្មវិធី​នេះ មាន​ចំនួន ១៥,០០០ ​នាក់ ដោយ​ដាក់ចេញ​នូវ​វិធានការ​សុខាភិបាល ដើម្បី​បង្ការ​ជំងឺ​កូ​វីដ​-១៩​។ ក្នុង​ចំនួន​នេះ គឺមាន​ជាង ១០០០ ​នាក់ ជា​សិល្បករ សិល្បការិនី និង​កីឡាករ កីឡាការិនី ដែល​ត្រូវ​សម្តែង​បង្ហាញ នៅលើ​ទីលាន​បាល់ទាត់​នៃ​វិមាន​កីឡដ្ឋាន ដោយ​ទិដ្ឋភាព​នេះ​នឹង​បង្ហាញ​ចេញ​នូវ​ភាព​អស្ចារ្យ ជាពិសេស​គឺ​ការផ្សព្វផ្សាយ​ដោយផ្ទាល់​ពី​បណ្តាញ​ទូរទស្សន៍​ទាំងអស់​។ លោក​បណ្ឌិត ថោង ខុន ដែលជា​ថ្នាក់ដឹកនាំ​មានបទពិសោធន៍​ខ្ពស់ ក្នុង​ព្រឹត្តិការណ៍​ធំៗ ទាំង​ទេសចរណ៍ ទាំង​កីឡា គឺ​លោក​បណ្ឌិត​តែងតែ​ចង្អុលបង្ហាញ​ពី​ភាព​ល្អិតល្អន់​បំផុត​នូវ​តួនាទី​ភារកិច្ច​ចាប់ពី​ចំណុចសូន្យ​ដល់​ចំណុច​បញ្ចប់​។

​ដូច្នេះ​អ្វីដែល​លោក​បណ្ឌិត ថោង ខុន បានដាក់ចេញ​ គឺ​គ្រប់​សមាសភាព​ពាក់ព័ន្ធ​ទាំងអស់​ប្តេជ្ញាចិត្ត​ធ្វើ​ឲ្យ​បាន ដើម្បី​ធ្វើ​ឲ្យ​កម្មវិធី​ជា​ប្រវត្តិសាស្ត្រ​ថ្មី​ឆ្ពោះ​ទៅធ្វើ​ម្ចាស់ផ្ទះស៊ី​ហ្គេម​-​អាស៊ាន​ប៉ា​រ៉ា​ហ្គេម​ឆ្នាំ​ ២០២៣ មានដំណើរ​ការល្អ​ប្រកបដោយ​ប្រសិទ្ធភាព​ខ្ពស់ ដើម្បី​ឲ្យ​ស័ក្ដិសម​នឹង​វិមាន​កី​ឡដ្ឋា​ន​ដ៏​មហិមា​និង​ឲ្យ​ស័ក្ដិសម​នឹង​ការចំណាយ​ទឹកប្រាក់​ដ៏​ច្រើនសន្ធឹក​សន្ធាប់​របស់រ​ដ្ឋា​ភិ​បាល​សាធារ​ណ​រដ្ឋ​ប្រជាមានិត​ចិន​ជូន​កម្ពុជា៕

អត្ថបទ៖ ​វិ​សិទ្ធ​

The post កម្មវិធី៣ បញ្ចូលគ្នានឹងការបើកសម្ពោធដាក់ឲ្យប្រើប្រាស់ជាផ្លូវការ នូវវិមានកីឡដ្ឋានជាតិមរតកតេជោ appeared first on Kampuchea Thmey Daily.