«វចនានុក្រមខ្មែរ» ថ្មី នឹងសម្ពោធដាក់ឱ្យប្រើប្រាស់ជាផ្លូវការជិតចុងខែកញ្ញានេះ

«វចនានុក្រមខ្មែរ» ថ្មី ដែលរៀបរៀងដោយក្រុមប្រឹក្សាជាតិភាសាខ្មែរ នឹងសម្ពោធដាក់ឱ្យប្រើប្រាស់ជាផ្លូវការ នៅថ្ងៃចន្ទ ទី២៥ ខែកញ្ញា ឆ្នាំ២០២៣ នៅសាលមហាស្របខេមរវិទូ នៃរាជបណ្ឌិត្យសភាកម្ពុជា។

វចនានុក្រមថ្មីនេះ មានពាក្យសរុបចំនួន ៤៤ ៦៩៧ពាក្យ និងមានមេពាក្យចំនួន ៣១ ០៧៣ពាក្យ ដោយមានបោះពុម្ព និងមានដាក់ឱ្យប្រើប្រាស់តាម App ទូរសព្ទអាយអូអេស និងអនត្រយ ព្រមទាំងអាចដំឡើងប្រើនៅលើកុំព្យូទ័របានផងដែរ។

វចនានុក្រមខ្មែរថ្មី បានបង្កើតពាក្យបច្ចេកទេស និងថ្មីៗជាច្រើនសម្រាប់តម្រូវតាមការប្រើប្រាស់ពាក្យក្នុងសម័យបច្ចុប្បន្ន។ ទន្ទឹមនោះ ក៏មានការចូលរួមត្រួតពិនិត្យ និងកែតម្រូវ ពីភាគីពាក់ព័ន្ធទាំងអស់មុននឹងសម្រេចថាបង្កើតពាក្យអ្វីមួយដាក់ឱ្យប្រើប្រាស់៕