តាមប្រភពដដែល  បង្គោលបណ្ដោះអាសន្នដែលបានបោះគឺនៅកំណាត់ខ្សែព្រំដែនចន្លោះបង្គោលលេខ ៥២ និងលេខ៥៩ ក្នុងភូមិសាស្រ្ត ស្រុកកំរៀងខេត្តបាត់ដំបងរបស់កម្ពុជា ជាប់នឹងខេត្តចន្ទបុរីរបស់ថៃ។ តាមការឱ្យដឹង កម្ពុជា-ថៃ នឹងបន្តការងារបោះបង្គោល បណ្តោះអាសន្ន នេះ ឱ្យចប់តាមផែនការនាពេលដ៏ខ្លីខាងមុខ។

គួរកត់សម្គាល់ថា ការងារបោះបង្គោលព្រំដែនដែនបណ្ដោះអាសន្ននៅតាមបន្ទាត់ព្រំដែនកម្ពុជា-ថៃ បានធ្វើឡើងរយៈពេលជាង២សប្ដាហ៍ ក្រោយពីកិច្ចប្រជុំពិសេសគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ រៀបចំឡើងនៅខេត្តចន្ទបុរី ប្រទេសថៃ កាលពីថ្ងៃទី២១-២២ ខែតុលា ឆ្នាំ២០២៥ បានបញ្ចប់ទៅ។

គួររម្លឹកដែរថា នៅក្នុងកិច្ចប្រជុំនោះ ភាគីទាំងពីរ បានឯកភាពប្រគល់ភារកិច្ចជូនអនុគណៈកម្មការបច្ចេកទេសចម្រុះព្រំដែន (JTSC) កម្ពុជា-ថៃ សាងសង់ឡើងវិញនូវបង្គោលព្រំដែនចំនួន ១៥ តាមគំរូដើមបង្គោលជំនាន់បារាំងនៅទីតាំងដែលបានឯកភាពគ្នាលើទីតាំងដើម និងសាងសង់ឡើងវិញនូវបង្គោលព្រំដែនលិចទឹកចំនួន ៣ នៅទីតាំងដែលភាគីទាំងពីរ នឹងឯកភាពគ្នា។

គណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ  ក៏បានឯកភាពពន្លឿនការកែសម្រួលបែបបទបច្ចេកទេស (TOR) ឆ្នាំ២០០៣ ទាក់ទងនឹងការផលិតផែនទីអ័រតូហ្វូតូ (ចំណុចទី ៤ ជំហានទី ២ នៃ TOR ឆ្នាំ ២០០៣) ដោយប្រើប្រាស់បច្ចេកវិទ្យាថ្មី ដូចជា LIDAR (Light Detection and Ranging) ដើម្បីពន្លឿនការងារវាស់វែង និងខណ្ឌសីមាព្រំដែន៕

The post ជាង១សប្ដាហ៍ កម្ពុជា-ថៃបោះបង្គោលព្រំដែនបណ្តោះអាសន្នបាន៩៤បង្គោលនៅចន្លោះបង្គោលលេខ៥២ និង៥៩ appeared first on Kampuchea Thmey Daily.

កិច្ចប្រជុំពិសេសគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ  ជាការជួបប្រជុំគ្នារវាងរដ្ឋមន្ត្រីនៃរដ្ឋលេខាធិការដ្ឋានកិច្ចការព្រំដែននៃកម្ពុជ​ា  លោក ឡាំ ជាជាមួយជា ជាមួយទីប្រឹក្សាក្រសួងការបរទេសថៃ លោក Prasas Prasasvinitchai ដែលក្នុងកិច្ចប្រជុំនោះមានទាំងកិច្ចប្រចុំចង្អៀតផង កិច្ចប្រជុំពេញអង្គផង ​និងកិច្ចប្រជុំផ្ទៃក្នុងរៀងខ្លួនៗផង ដែលធ្វើនៅខេត្តចន្ទបុរី ចាប់ថ្ងៃទី២១ ដល់ទី២២  និងឈានចូលដល់វេលាម៉ោងជាង១រំលងអធ្រាតថ្ងៃទី២៣ ខែតុលាទើបបញ្ចប់ទៅនោះ ត្រូវបានយកមកសរសេរក្នុងសេចក្ដីប្រកាសព័ត៌មានថា« កិច្ចប្រជុំបានធ្វើឡើងក្នុងបរិយាកាសមិត្តភាព និងស្និទ្ធស្នាល»។

បើតាមសេចក្ដីប្រកាសព័ត៌មានរួម គណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ  បានឯកភាពពន្លឿនការកែសម្រួលបែបបទបច្ចេកទេស (TOR) ឆ្នាំ២០០៣ ទាក់ទងនឹង ការផលិតផែនទីអ័រតូហ្វូតូ (ចំណុចទី ៤ ជំហានទី ២ នៃ TOR ឆ្នាំ ២០០៣) ដោយប្រើប្រាស់បច្ចេកវិទ្យាថ្មី ដូចជា LIDAR (Light Detection and Ranging) ដើម្បីពន្លឿនការងារវាស់វែង និងខណ្ឌសីមាព្រំដែន។

តាមរយៈកិច្ចប្រជុំ កម្ពុជា-ថៃ បានឯកភាព៤ចំណុចពាក់ព័ន្ធនឹងករណីការចុះវាស់វែង និងខណ្ឌសីមាព្រំដែននៅលើដីជាក់ស្តែងក្នុងកំណាត់ខ្សែព្រំដែន ចន្លោះបង្គោលលេខ 42-47 នៅក្នុងតំបន់ភូមិជោគជ័យ-ណងចាន់ និងតំបន់ភូមិព្រៃចាន់-ណងយ៉ាកែវ គឺទី១/ ភាគីទាំងពីរបានឯកភាពពិនិត្យកែសម្រួលបញ្ចប់បែបបទណែនាំបច្ចេកទេស (TI) សម្រាប់ការវាស់ វែងរួមគ្នា និងបោះបង្គោលបណ្តោះអាសន្ន នៅកំណាត់ខ្សែព្រំដែនអាទិភាពនៅចន្លោះបង្គោលលេខ 42-47។  ទី២/ បន្ទាប់ពីបញ្ចប់ការវាស់វែងនិងបោះបង្គោលបណ្តោះអាសន្ន ព្រមទាំងទទួលបានការយល់ព្រមពី រដ្ឋាភិបាលរៀងខ្លួន ភាគីទាំងពីរនឹងស្នើសុំយោបល់ពីរដ្ឋាភិបាលរៀងៗខ្លួន ដើម្បីពិនិត្យសម្រេចលើ ការបង្កើតយន្តការសមស្របណាមួយ សម្រាប់ធ្វើការកែសម្រួលការកាន់កាប់និងអាស្រ័យផលរបស់ភាគី ទាំងពីរ។

ទី៣/ ការបោះបង្គោលបណ្តោះអាសន្ន គឺធ្វើឡើងក្នុងគោលបំណងបម្រើឱ្យការវាស់វែងប៉ុណ្ណោះ ដោយមិនត្រូវ ប៉ះពាល់ដល់ខ្សែព្រំដែនអន្តរជាតិកម្ពុជា-ថៃ និងទី៤ /ឯកភាពសម្របសម្រួលណែនាំដល់អាជ្ញាធរមូលដ្ឋាន រួមទាំងកងកម្លាំងយោធា និង ជនស៊ីវិល ដើម្បីចូលរួមធានាសុវត្ថិភាព និងមិនរារាំងដល់ក្រុមវាស់វែងចម្រុះ ព្រមទាំងត្រូវចៀសវាង រាល់សកម្មភាពបង្កហេតុ ដែលអាចបង្កើតភាពតានតឹងបន្ថែមទៀតនៅក្នុងតំបន់នេះ ហើយត្រូវធានាសុវត្ថិភាពពីគ្រាប់មីន ដោយអនុលោមតាមមាត្រា ៣ នៃ MOU ឆ្នាំ ២០០០។

កម្ពុជា-ថៃ បានឯកភាពកំណត់យកសប្តាហ៍ទីមួយនៃខែមករា ឆ្នាំ ២០២៦  ដើម្បីរៀបចំកិច្ចប្រជុំបន្ទាប់របស់គណៈកម្មការចម្រុះខណ្ឌសីមាព្រំដែនគោក (JBC) នៅខេត្តសៀមរាបប្រទេសកម្ពុជា។

​បើ​តាម​រដ្ឋលេខាធិការដ្ឋាន​​កិច្ចការ​ព្រំដែន​ ប្រទេស​កម្ពុជា​និង​ថៃ​មាន​ព្រំដែន​ជាប់​គ្នា​ប្រវែង​ជាង ៨០០ គីឡូម៉ែត្រ ចាប់​ពី​ខេត្ត​កោះកុង​ដល់​ខេត្ត​ព្រះវិហារ។ពាក់ព័ន្ធការបោះបង្គោលព្រំដែនកម្ពុជា​-ថៃ​ តាម​រដ្ឋលេខាធិការដ្ឋាន​​កិច្ចការ​ព្រំដែន កម្ពុជា-ថៃ បាន​ឯកភាពទទួលស្គាល់​បង្គោល​ព្រំដែន​ចំនួន ៤២ បង្គោល ក្នុង​ចំណោម ៧៤ បង្គោល ដែល​បោះ​ក្នុង​​សម័យ​អាណានិគម​បារាំង៕

ដោយ៖ ង៉ិល ណារ៉ាត់

ចុចអាន៖ ស្វែងយល់​ភូមិសាស្រ្ត​ និងការ​បោះបង្គោលព្រំដែន​កម្ពជា​-ថៃ​​ លើ​ខ្សែព្រំដែន​​ប្រវែង​ជាង ៨០០ គីឡូម៉ែត្រ

The post កម្ពុជា-ថៃ ឯកភាពសង់បង្គោលព្រំដែនតាមគំរូបង្គោលជំនាន់បារាំង១៥ដើមឡើងវិញ លើទីតាំងដើមដែលបានឯកភាព appeared first on Kampuchea Thmey Daily.

លោក អ៊ុន ចាន់ដា អភិបាល​នៃ​គណៈអភិបាល​ខេត្ត​កំពង់ចាមបាន​បញ្ជាក់នៅក្នុង​សន្និសីទ​ស្ដី​ពី​​ «ភាព​ជោគជ័យ​ក្នុង​រយៈ​ពេល ៥ ​ឆ្នាំ​​កន្លង​មក​នៃ​​រដ្ឋបាល​ខេត្ត​កំពង់ចាម» កាលពីពេល​ថ្មីៗ​នេះ​ថា ការ​រៀប​ចំ​ដាក់​បង្គោល​ភ្លើង​បំភ្លឺ​ផ្លូវ​តាម​ផ្លូវ​ជាតិ​លេខ ៦ ចាប់ពី​​ស្រុក​បាធាយ​ដល់ទីប្រជុំជនស្គន់​​ កើត​ចេញ​ពី​ចលនា​របស់​រដ្ឋបាល​មូលដ្ឋាន​ផ្ទាល់ ដែល​បាន​​គៀងគរ​ថវិកាពី​សប្បុរស​ជនដើម្បី​ទិញ​បង្គោល​ភ្លើង​ដាក់​បំភ្លឺភូមិ​ឃុំឱ្យមាន​លក្ខណៈ​ស្រស់​ស្អាត។

«តាម​រយៈ​ចលនា​​បណ្ដា​ម្ចាស់​រោង​ចក្រ​មួយ​ចំនួន បានចូលរួម​​ឧបត្ថម្ភ​បង្គោល​ភ្លើង​នីមួយៗ​សុទ្ធ​តែ​មាន​តម្លៃ​ថ្លៃ​ និង​មាន​លក្ខណៈ​ស្តង់ដារ។ យ៉ាងណា​បង្គោល​ភ្លើង​ទើប​តែ​រៀប​ចំ​រួច​ថ្មី​ៗ​ ហើយ​កន្លែង​មួយ​ចំនួន​ទៀត​​នៅ​មាន​ចន្លោះ​ខ្វះ​ខាត​នៅឡើយ»​។ ​

លោកអភិបាល​មាន​ប្រសាសន៍​ថា​ បន្ទាប់​​ពី​ពង្រាយ​​​បង្គោល​ភ្លើង​​រួច​រាល់ ​ត្រូវ​តភ្ជាប់​បន្ថែម​នៅ​បណ្ដាញ​អគ្គិសនីបំភ្លឺ។ ក្នុង​ន័យ​នេះ លោក​បាន​ពន្យល់​ថា រដ្ឋបាល​ខេត្ត​នឹង​​ជួយ​ចេញ​ថ្លៃ​ភ្លើង​ប្រើប្រាស់​រយៈ​ពេល​ ១ ​ឆ្នាំ​ពេញ ដើម្បី​ឱ្យ​រដ្ឋបាល​ស្រុក​​មាន​ភាព​នឹងហ្ន​និង​មាន​ភាព​ជាម្ចាស់​ការ​នៅ​ក្នុង​ការ​គ្រប់គ្រង​ថវិកាសម្រាប់​​ឆ្នាំ​បន្ត​បន្ទាប់​ទៀត​។

បើតាមលោកអភិបាល​ខេត្ត អាជ្ញាធរ​​នឹងខិតខំ​​ត​ភ្ជាប់​ចរន្ត​អគ្គិសនីបំភ្លឺ​​ឱ្យ​ទាន់ឱកាសបុណ្យចូលឆ្នាំខ្មែរ។ លោកអភិបាល​ខេត្តក៏​លើកទឹកចិត្ត​ដល់បណ្តា​​រដ្ឋបាលស្រុកដទៃទៀត ​​រៀបចំ​ឱ្យ​មាន​ភ្លើង​បំភ្លឺ​ផ្លូវ​​ឲ្យ​គ្រប់​គ្រាន់តាម​​ទីតាំង​ទី​ប្រជុំ​ជន ដើម្បី​ចូល​រួម​លើក​កម្ពស់​ភូមិ​ឃុំ​ឱ្យ​កាន់​តែ​មាន​ភាព​ល្អ​ប្រសើរ៕

ដោយ៖ ថារី

The post អភិបាល​ខេត្ត​បំភ្លឺ​បង្កោលភ្លើងពី​ស្រុក​បាធាយ​ទៅ​ស្គន់ យប់​ឡើង​​ងងឹតឈឹងមិន​ទាន់​មាន​ភ្លើង​បំភ្លឺ appeared first on Kampuchea Thmey Daily.

លោក ស៊ុន មានជ័យ បានឲ្យដឹងបន្តថា បង្គោល​ព្រំត្រូវតែបោះ មិន​អាច​អត់​បាន​ទេ ដើម្បី​ធ្វើជាព្រំ​។ លោក​ថា ​បច្ចុប្បន្ននេះ មន្ទីរ​កំពុងតែធ្វើវិញ្ញាបនបត្រសម្គាល់អចលនវត្ថុ ឬប្លង់រឹង ដើម្បីធ្វើជាកម្មសិទ្ធិរបស់​មន្ទីរ ហើយ​នៅ​ពេល​​ធ្វើវិញ្ញាបន បត្រនេះ រួចរាល់​ទូទាំងខេត្ត នោះនឹងលែងមានក្តីបារម្ភទៀតហើយ។

លោកបញ្ជាក់ថា «ច្ចុប្បន្ន​ដើម្បីការពារគ្រប់រូបភាព យើងត្រូវតែធ្វើទៅតាមលទ្ធភាព ដែលយើងអាចធ្វើទៅបាន ទីមួយ គឺយើងចុះធ្វើនិយាមការ ដើម្បីកំណត់ទំហំទីទួលរបស់យើង ទីពីរ ត្រូវបោះបង្គោល​​ ទីបី ​ធ្វើប្លង់រឹង គឺយើងធ្វើគ្រប់រូបភាព តាមលទ្ធភាពដែលយើងអាចធ្វើទៅបាន»។​

បើតាមលោក ស៊ុន មានជ័យ ​​មូលហេតុដែល​ស្ថានីយបុរាណនោះ ​ឈ្មោះអង្គសេះស្លាប់ ​​គឺ​យកទៅតាមការនិយាយតគ្នា​ របស់អ្នកស្រុក ដោយធ្វើការសម្ភាសន៍ច្បាស់លាស់ ហើយ​ធ្វើការផ្គូរ​ផ្គង និងចុងក្រោយ​ទើបសម្រេចសន្និដ្ឋាន ​កំណត់យក​ឈ្មោះអ្វីមួយ​ ហើយការដាក់ឈ្មោះទួលអង្គណាមួយ​ មិនមែនចេះតែកំណត់​ថា ជាទីទួលបុរាណ ទួលកប់សព ​ភូមិបូរាណ ឬទួលអង្គបុរាណនោះទេ គឺមានច្បាប់ចង្អុលបង្ហាញ​​ គឺច្បាប់ស្ដីពីការការពារបេតិកភណ្ឌ។

សូមបញ្ជាក់ថា រហូតមកដល់​ឆ្នាំ​ ២០២១​នេះ​ នៅ​ទូទាំង​ខេត្តកំពង់ស្ពឺ មានសម្បត្តិ​បេតិកភណ្ឌ​វប្បធម៌​ជាតិ ​ជាច្រើន​ត្រូវ​បាន​រក​ឃើញ និង​បាន​អភិរក្ស​​ គឺមាន​​រហូត​ ៤៦៤​កន្លែង ​ដែល​ក្នុងនោះ​មាន ទួល​បុរាណ​, ប្រាសាទ​, ទីសក្ការៈ​បូជា​, ស្រះ​បុរាណ​, បឹង​បុរាណ និង​រមណីយដ្ឋាន​ជាដើម នេះ​បើតាម​ការ​ឲ្យ​ដឹង​ពី​លោក ស៊ុន មានជ័យ​។​

ក្នុងចំណោម​សម្បត្តិ​ បេតិកភណ្ឌ​វប្បធម៌​ជាតិ​ទាំងនោះ ​រួមមាន​៖ ទួល​បុរាណ​ចំនួន​៣៥៥ កន្លែង​, ប្រាសាទ​ចំនួន​០១​កន្លែង​(​ប្រាសាទ​ក្អែ​កពង​), ទួលប្រាសាទ​ចំនួន​៣៥​កន្លែង (​មាន​គ្រឿង​លម្អ​ប្រាសាទ ធ្នឹម ផ្តែរ សសរ​ពេជ្រ​…), គ្រឹះ​ប្រាសាទ​ចំនួន​១៦ កន្លែង (​សំគាល់​ដោយ​រណ្តៅ​គ្រឹះ​ឥដ្ឋ​), ទីសក្ការៈ​បូជា ឬ​ទួល​អ្នកតា​ចំនួន​១៥​កន្លែង (​ទីតាំង​ដី​តូច​ល្មម​ប្រហែល​១​អា​ទៅ​៣​អា​), ទួល​សក្ការៈបូជា​ចំនួន​០៤​កន្លែង (​ប្រភេទ​ជា​ទួល​មាន​រោង​សក្ការៈ និង​មាន​គូ​ទឹក​ជុំវិញ មាន​ទំហំ​ប្រហាក់ប្រហែល​ទួល​បុរាណ ឬ​ទួលប្រាសាទ​), ទួល​សក្ការៈ និង​ទួល​កប់​សព​ចំនួន​០២​កន្លែង (​សណ្ឋាន​ដី​ទួល​ធំ មាន​រោង​អ្នកតា និង​កប់​សព​), កន្លែង​បូជាសព​ចំនួន​០៣ កន្លែង (​ជាទី​តាំង​ប​ច្ឆា​), ដី​កប់​សព​ចំនួន​០៣​កន្លែង (​មាន​សណ្ឋាន​ដី​រាបស្មើ និង​ព្រៃ​), ទួល​កប់​សព​ចំនួន​០៤ កន្លែង (​មាន​សណ្ឋាន​ដី​ជា​ទួល គូ​ទឹក​ជុំវិញ​), ដី​វត្ត​ចាស់​ចំនួន​០២​កន្លែង​, ស្ពាន​បុរាណ​ចំនួន​០២ កន្លែង​, ស្រះ​បុរាណ​ចំនួន​០៧ កន្លែង​, ស្រះ​ទឹក​ចំនួន​០៣​កន្លែង​, បឹង​បុរាណ​ចំនួន​០៤​កន្លែង​, ទួល និង​បឹង​ចំនួន​០២​កន្លែង​, រំលេច​ចំនួន​០៨​កន្លែង និង​រមណីយដ្ឋាន​ចំនួន​០៣​កន្លែង (​ភ្នំ​ចាស់ ភ្នំ​ព្រះ និង​គុហារ​មាន​ឫទ្ធិ​)​។​

ការងារ​បោះបង្គោល​ ព្រំ​ការពារ​ទួល​អង្គ​នេះ កន្លងមកធ្លាប់បាន​ធ្វើ​ចំនួន ​១៦​កន្លែងរួចហើយ​ ក្នុងនោះ​រួមមាន​៖ ១. ស្រុក​សំរោង​ទង​ចំនួន​ ២​កន្លែង ២. ស្រុក​បសេដ្ឋ​ចំនួន​ ៣​កន្លែង ៣. ស្រុក​គងពិសី​ចំនួន​ ៨​កន្លែង ៤. ស្រុក​ឧដុង្គ​ចំនួន​ ៣​កន្លែង​៕

អត្ថបទ៖ កោះកែវ​​

The post បោះបង្គោលព្រំ ការពារស្ថានីយបុរាណ មួយ​កន្លែងទៀត ដើម្បីបញ្ចៀសការ​រំលោភ​បំពាន appeared first on Kampuchea Thmey Daily.

​យោងតាម​សេចក្តីរាយការណ៍​ពី​លោក​ ហ៊​ត គឹម​នី អភិបាលរងខណ្ឌ​ច្បារអំពៅ​បាន​ឲ្យ​ដឹងថា​ ការចុះ​បង្គោល​ដើម្បី​កំណត់​ទីតាំង​ធ្វើ​ច្រាំងទន្លេ​និង​ស្ថាបនា​ផ្លូវ​ចាប់ពី​គល់ស្ពាន​ព្រះមុនីវង្ស​ចាស់​ ក្នុង​ទឹកដី​សង្កាត់​ច្បារអំពៅ​ទី​២​រហូតដល់​តំបន់​អភិវឌ្ឍន៍​កោះនរា ​ស្ថិត​ក្នុង​សង្កាត់​និរោធ​ខណ្ឌ​ច្បារអំពៅ ​គឺ​ប្រព្រឹត្តិទៅ​បាន​ដោយ​រលូន​គ្មាន​ការជំទាស់​ពី​ប្រជាពលរដ្ឋ​ឡើយ​។​ ក្នុងនោះដែរ​បង្គោល​កំណត់​ភាគច្រើន​នៅក្នុង​ទឹក​។

​ទាក់ទិន​ទៅ​និង​បង្គោល​ដែល​បោះ​រួចរាល់​ហើយ​ គឺ​អាជ្ញាធរ​បាន​សំណូមពរ​ឲ្យ​បងប្អូន​ប្រជាពលរដ្ឋ​ជួយ​ថែរក្សា​បង្គោល​ដែល​បាន​បោះ​រួច​។​ ករណី​បុគ្គល​ណាមួយ​បំពាន​ដក​ឬ​បំផ្លិចបំផ្លាញ រដ្ឋបាល​ខណ្ឌ​ច្បារអំពៅ​និង​ចាត់​វិធានការណ៍​តាម​ផ្លូវ​ច្បាប់​ដោយ​គ្មាន​ការលើកលែង​៕

អត្ថបទ៖ ​ន​រា​

សូមចុចអាន៖ វត្តអារាមនៅខេត្តស្វាយរៀងចូលរួមវាយគង ជួង រគាំង និងទូងស្គរ ដើម្បីទប់ស្កាត់ជំងឺកូវីដ១៩

The post អាជ្ញាធរ​ចុះ​បោះបង្គោល​ព្រំ ​ដើម្បី​ធ្វើ​ច្រាំងទន្លេ​និង​ស្ថាបនា​ផ្លូវ​បាន​តាម​កំណត់​គ្មាន​ការ​តវ៉ា​ពី​ប្រជាពលរដ្ឋ appeared first on Kampuchea Thmey Daily.

គម្រោងសាងសង់ផ្លូវ និងច្រាំងទន្លេនេះ នឹងត្រូវស្ថាបនាឡើងពីបេតុង ហើយអាជ្ញាធរស្នើឲ្យអ្នកពាក់ព័ន្ធទីតាំងដីចំណីទន្លេទាំងអស់ត្រូវចូលរួមសហការជាមួយក្រុមការងារចុះបោះបង្គោលព្រំ ចាប់ពីព្រឹកម៉ោង ៨៖៣០ នាទីព្រឹកថ្ងៃទី ២៤ ខែមីនានេះ រហូតឲ្យគម្រោងបញ្ចប់ជាស្ថាពរ។

រដ្ឋបាលខណ្ឌបញ្ជាក់ថា ប្រសិនបើបុគ្គលណាមួយ ដកបំផ្លាញបង្គោលដែលអាជ្ញាធរបានបោះរួចហើយ អាជ្ញាធរនឹងចាត់វិធានការផ្លូវច្បាប់៕

ពិស្តារ៖

The post គម្រោងសាងសង់ផ្លូវច្រាំងទន្លេបាសាក់​ចាប់ផ្តើមអនុវត្តបោះបង្គោល​កំណត់ទីតាំង appeared first on Kampuchea Thmey Daily.