GAC បាននិយាយលើគេហទំព័ររបស់ខ្លួនថា កប៉ាល់ទម្ងន់២០០,០០០តោនមួយគ្រឿងនេះ បានធ្វើដំណើរចេញពីសមុទ្រក្រហមឆ្ពោះទៅកាន់សមុទ្រមេឌីទែរ៉ាណេ។ វាបានជាប់កឿងនៅម៉ោង៧និង៤០នាទីព្រឹកថ្ងៃអង្គារ បន្ទាប់ពីកប៉ាល់នេះបានដាច់ចរន្តអគ្គិសនី។

GAC បន្ថែមទៀតថា កប៉ាល់ចំនួន១៥គ្រឿងផ្សេងទៀតក៏ត្រូវកកស្ទះផងដែរ។

កប៉ាល់ដឹកកុងតឺន័រដែលមានឈ្មោះថា Ever Given មានប្រវែង៤០០ម៉ែត្រនិងទទឹង៥៩ម៉ែត្រហើយអាចផ្ទុកកុងតឺន័របានរហូតដល់ទៅ២០,០០០ទូ។

ក្រុមហ៊ុន Evergreen Marine Corp របស់កោះតៃវ៉ាន់ ដែលជួលកប៉ាល់នេះ បាននិយាយថា ម្ចាស់កប៉ាល់បានជូនដំណឹងថា កប៉ាល់ត្រូវបានគេសង្ស័យថាត្រូវខ្យល់ខ្លាំងបោកបក់ ដែលជាហេតុបណ្តាលឲ្យកប៉ាល់ ងាកចេញពីផ្លូវទឹកហើយក៏កឿងតែម្តង។

ក្រុមហ៊ុន Evergreen បាននិយាយនៅក្នុងសេចក្តីថ្លែងការណ៍មួយថា “ក្រុមហ៊ុនបានជំរុញឲ្យម្ចាស់កប៉ាល់ រាយការណ៍អំពីមូលហេតុនៃគ្រោះថ្នាក់នេះ និងធ្វើការជាមួយអង្គភាពពាក់ព័ន្ធដូចជារដ្ឋបាលព្រែកជីក ដើម្បីជួយកប៉ាល់ក្នុងការដោះស្រាយបញ្ហាឲ្យបានឆាប់។

យ៉ាងណាក្តី អាជ្ញាធរព្រែកជីក ស៊ុយអែស មិនអាចទាក់ទងសុំការអត្ថាធិប្បាយបានភ្លាមៗទេ។

ដោយមានអាយុកាលជាង១៥០ឆ្នាំ, ព្រែកជីកស៊ុយអែស គឺជាផ្លូវពាណិជ្ជកម្មដ៏សំខាន់បំផុតមួយរបស់ពិភពលោក ហើយប្រហែល១០ភាគរយនៃពាណិជ្ជកម្មតាមសមុទ្រអន្តរជាតិទាំងអស់ គឺបានឆ្លងកាត់ទីនោះ។

យោងតាមអាជ្ញាធរព្រែកជីកស៊ុយអែសបានឲ្យដឹងថា កប៉ាល់ជិត១៩,០០០គ្រឿង ឬជាមធ្យម៥១.៥គ្រឿងក្នុងមួយថ្ងៃដែលមានចំណុះ១.១៧ពាន់លានតោន បានឆ្លងកាត់ព្រែកជីកនេះក្នុងអំឡុងឆ្នាំ២០២០៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ កងទ័ពអាមេរិក៦នាក់ស្ថិតក្នុងចំណោមអ្នកស្លាប់ក្នុងហេតុការណ៍ធ្លាក់ឧទ្ធម្ភាគចក្រនៅ អេហ្ស៊ីប

The post កប៉ាល់ដឹកកុងតឺន័រមួយគ្រឿង ជាប់កឿង ស្ទះចរាចរណ៍ពេញព្រែកជីក ស៊ុយអែស appeared first on Kampuchea Thmey Daily.

រដ្ឋមន្រ្តីស្តីទីនៃក្រសួងការពារជាតិអាមេរិកលោក Chris Miller បាននិយាយនៅក្នុងសេចក្តីថ្លែងការណ៍មួយថា “ក្រសួងការពារជាតិមានការសោកស្តាយយ៉ាងខ្លាំងចំពោះការបាត់បង់កងទ័ពអាមេរិកចំនួន៦នាក់និងដៃគូចំនួន២នាក់ក្នុងហេតុការណ៍ធ្លាក់ឧទ្ធម្ភាគចក្រនៅឧបទ្វីបស៊ីណៃខណៈពេលប្រតិបត្តិការជាមួយកងកម្លាំងចម្រុះនិងអ្នកសង្កេតការណ៍ពហុភាគី (MFO) របស់អង្គការសហប្រជាជាតិ”។

យោងតាមសេចក្តីថ្លែងការណ៍របស់ MFO បានឲ្យដឹងថា ការធ្លាក់នេះបានកើតឡើងក្នុងអំឡុងពេលបេសកកម្មធម្មតាមួយនៅក្បែរតំបន់ Sharm el-Sheikh ដែលក៏បានសម្លាប់ជនជាតិបារាំងនិងឆែកម្នាក់ផងដែរ។

ស្របពេលជាមួយគ្នានោះ អ្នកនាំពាក្យមន្ទីរបញ្ចកោណលោក Jonathan Hoffman បាននិយាយថា ទីភ្នាក់ងារនេះកំពុងមានទំនាក់ទំនងជិតស្និទ្ធជាមួយថ្នាក់ដឹកនាំរបស់ MFO ហើយកំពុងគាំទ្រការស៊ើបអង្កេតរបស់ពួកគេ។

លោក Hoffman បានបន្ថែមទៀតថា “យើងនឹងផ្តល់ព័ត៌មានលម្អិតបន្ថែមទៀតនៅពេលដែលយើងមានហើយយើងនឹងមិនបញ្ចេញឈ្មោះអ្នកដែលបាត់បង់ជីវិតទេរហូតដល់មានការជូនដំណឹងបន្ទាប់”៕

ប្រែសម្រួលដោយ៖ Vann Vann

ប្រភព៖ Anadolu

The post កងទ័ពអាមេរិក៦នាក់ស្ថិតក្នុងចំណោមអ្នកស្លាប់ក្នុងហេតុការណ៍ធ្លាក់ឧទ្ធម្ភាគចក្រនៅ អេហ្ស៊ីប appeared first on Kampuchea Thmey Daily.