ព័ត៌មានអន្ដរជាតិ
កប៉ាល់ដឹកកុងតឺន័រមួយគ្រឿង ជាប់កឿង ស្ទះចរាចរណ៍ពេញព្រែកជីក ស៊ុយអែស
យោងតាមក្រុមហ៊ុនដឹកជញ្ចូន GAC និងទិន្នន័យលើក្រុមហ៊ុន Refinitiv Eikon បានឲ្យដឹងថា កប៉ាល់ដឹកកុងតឺន័រមួយគ្រឿង ដែលកំពុងធ្វើដំណើរឆ្ពោះទៅកាន់ទីក្រុង Rotterdam បានជាប់កឿងនៅក្នុងព្រែកជីក ស៊ុយអែស នៃប្រទេសអេហ្ស៊ីប ដោយបិទផ្លូវកប៉ាល់ដទៃទៀតពីការធ្វើដំណើរឆ្លងកាត់ផ្លូវទឹកដ៏មមាញឹកបំផុតនៅលើពិភពលោកមួយនេះ។
GAC បាននិយាយលើគេហទំព័ររបស់ខ្លួនថា កប៉ាល់ទម្ងន់២០០,០០០តោនមួយគ្រឿងនេះ បានធ្វើដំណើរចេញពីសមុទ្រក្រហមឆ្ពោះទៅកាន់សមុទ្រមេឌីទែរ៉ាណេ។ វាបានជាប់កឿងនៅម៉ោង៧និង៤០នាទីព្រឹកថ្ងៃអង្គារ បន្ទាប់ពីកប៉ាល់នេះបានដាច់ចរន្តអគ្គិសនី។
GAC បន្ថែមទៀតថា កប៉ាល់ចំនួន១៥គ្រឿងផ្សេងទៀតក៏ត្រូវកកស្ទះផងដែរ។
កប៉ាល់ដឹកកុងតឺន័រដែលមានឈ្មោះថា Ever Given មានប្រវែង៤០០ម៉ែត្រនិងទទឹង៥៩ម៉ែត្រហើយអាចផ្ទុកកុងតឺន័របានរហូតដល់ទៅ២០,០០០ទូ។
ក្រុមហ៊ុន Evergreen Marine Corp របស់កោះតៃវ៉ាន់ ដែលជួលកប៉ាល់នេះ បាននិយាយថា ម្ចាស់កប៉ាល់បានជូនដំណឹងថា កប៉ាល់ត្រូវបានគេសង្ស័យថាត្រូវខ្យល់ខ្លាំងបោកបក់ ដែលជាហេតុបណ្តាលឲ្យកប៉ាល់ ងាកចេញពីផ្លូវទឹកហើយក៏កឿងតែម្តង។
ក្រុមហ៊ុន Evergreen បាននិយាយនៅក្នុងសេចក្តីថ្លែងការណ៍មួយថា “ក្រុមហ៊ុនបានជំរុញឲ្យម្ចាស់កប៉ាល់ រាយការណ៍អំពីមូលហេតុនៃគ្រោះថ្នាក់នេះ និងធ្វើការជាមួយអង្គភាពពាក់ព័ន្ធដូចជារដ្ឋបាលព្រែកជីក ដើម្បីជួយកប៉ាល់ក្នុងការដោះស្រាយបញ្ហាឲ្យបានឆាប់។
យ៉ាងណាក្តី អាជ្ញាធរព្រែកជីក ស៊ុយអែស មិនអាចទាក់ទងសុំការអត្ថាធិប្បាយបានភ្លាមៗទេ។
ដោយមានអាយុកាលជាង១៥០ឆ្នាំ, ព្រែកជីកស៊ុយអែស គឺជាផ្លូវពាណិជ្ជកម្មដ៏សំខាន់បំផុតមួយរបស់ពិភពលោក ហើយប្រហែល១០ភាគរយនៃពាណិជ្ជកម្មតាមសមុទ្រអន្តរជាតិទាំងអស់ គឺបានឆ្លងកាត់ទីនោះ។
យោងតាមអាជ្ញាធរព្រែកជីកស៊ុយអែសបានឲ្យដឹងថា កប៉ាល់ជិត១៩,០០០គ្រឿង ឬជាមធ្យម៥១.៥គ្រឿងក្នុងមួយថ្ងៃដែលមានចំណុះ១.១៧ពាន់លានតោន បានឆ្លងកាត់ព្រែកជីកនេះក្នុងអំឡុងឆ្នាំ២០២០៕
ប្រែសម្រួលដោយ៖ Vann Vann
ប្រភព៖ Al Jazeera
ចុចអាន៖ កងទ័ពអាមេរិក៦នាក់ស្ថិតក្នុងចំណោមអ្នកស្លាប់ក្នុងហេតុការណ៍ធ្លាក់ឧទ្ធម្ភាគចក្រនៅ អេហ្ស៊ីប
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»