ប្រទះឃើញអាវុធ Archives - Kampuchea Thmey Daily

ប្រទះឃើញអាវុធ អាកា៤៧មួយដើម និងគ្រាប់១០០គ្រាប់ ក្នុងស្រះទឹក

Kang Tola — Fri, 19 May 2023 14:36:26 +0000

បាត់ដំបង ៖ អាវុធអាកា៤៧ មួយដើម ប្រភេទស្វ័យបត់ ត្រូវបានប្រជាពលរដ្ឋដែលដើរបង់សំណាញ់តាមស្រះ ប្រទះឃើញ រួមជាមួយនឹងគ្រាប់ចំនួន១០០គ្រាប់ផងដែរ ដែលជនមិនស្គាល់មុខបានយកទៅប្លុងចោលនៅក្នុងស្រះទឹកនោះ។

ការប្រទះឃើញអាវុធដែលនៅមានគុណភាពល្អនេះ គឺនៅថ្ងៃទី១៨ ខែឧសភា ឆ្នាំ២០២៣ វេលាម៉ោង ០៩និង០០នាទីព្រឹក នៅចំណុចខាងត្បូងភូមិគរ ឃុំព្រៃស្វាយ ស្រុកមោងឫស្សី ខេត្តបាត់ដំបង ដោយមានប្រជាពលរដ្ឋចំនួន ២នាក់ ១.ឈ្មោះ សឿន សុវណ្ណា ភេទប្រុស អាយុ ២៨ឆ្នាំ និង២.ឈ្មោះ សឺន ឆៃឡេង ភេទប្រុស អាយុ ១១ឆ្នាំ អ្នកទាំង២ រស់នៅភូមិអូរគ្រៀត ឃុំគារ ស្រុកមោងឫស្សី ខេត្តបាត់ដំបង (ត្រូវជាបង ប្អូនថ្លៃ) បាននាំគ្នាជិះម៉ូតូ ទៅបង់ត្រីនៅស្រះ (មិនស្គាល់ម្ចាស់) ពីរខាងត្បូងភូមិគរ ឃុំព្រៃស្វាយ ខាងលិចផ្លូវលំគ្រួសក្រហមចំងាយប្រហែល ១០ម៉ែត្រ។

លុះនៅពេលពួកគេ បង់បានចំនួន ៣សំណាញ់ ក៏អូសបានជាប់ថង់ផ្លាស្ទិកធំមួយ ដែលអាចមើលឃើញថា ជាអាវុធ ហើយបានមករាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលព្រៃស្វាយ នៃអធិការដ្ឋាននគរបាលស្រុកមោងឫស្សី ដើម្បីចុះត្រួតពិនិត្យ។

ក្រោយទទួលដំណឹង សមត្ថកិច្ចបានចុះត្រួតពិនិត្យប្រទះឃើញកាំភ្លើង ០១ដើម ម៉ាក AK47 (បត់) ផលិតនៅប្រទេសចិន មានបង់ចំនួន០៤ និងគ្រាប់ចំនួន ១០០គ្រាប់ រុំដោយកន្សែងពោះគោព៌ណ ស ច្រកក្នុងថង់ផ្លាស្ទិច ព៌ណ ស រួចសមត្ថកិច្ចបានរាយការណ៍បន្តជូនមជ្ឈមណ្ឌលសកម្មភាពកំចាត់មីនកម្ពុជា CMAC ដើម្បីយកទៅកម្ទេចចោល។

ឆ្លៀតក្នុងឱកាសនោះ នគរបាលស្រុកមោងឫស្សី អំពាវនាវដល់ប្រជាពលរដ្ឋដែលរស់នៅក្នុងមូលដ្ឋានទាំងអស់ សូមអោយមានការប្រុងប្រយ័ត្នខ្ពស់នូវយុទ្ធភ័ណ្ឌមិនទាន់ផ្ទុះ រឺអាវុធខូចគុណភាពផ្សេងៗត្រូវរាយការណ៍ជាបន្ទាន់ជូនសមត្ថកិច្ចជៀសវាងការកើតមានគ្រោះថ្នាក់ដោយសារយុទ្ធភ័ណ្ឌនិងអាវុធទាំងនោះជាយថាហេតុ៕

អត្ថបទ ៖ សោ និយមរ័ត្ន

The post ប្រទះឃើញអាវុធ អាកា៤៧មួយដើម និងគ្រាប់១០០គ្រាប់ ក្នុងស្រះទឹក appeared first on Kampuchea Thmey Daily.

អាវុធដ៏ថ្មីស្រឡាងជាច្រើនដើម ត្រូវពលរដ្ឋប្រទះឃើញ ក្នុងស្រុកភ្នំព្រឹក

Sorn Phanith — Sat, 13 Nov 2021 03:41:27 +0000

នេះជាលើកដំបូង ដែលមានអាវុធនៅថ្មីៗជាច្រើនដើម ដែលត្រូវប្រជាពលរដ្ឋបានប្រទះឃើញនឹងមានការភ្ញាក់ផ្អើលដល់សមត្ថកិច្ច ក្រោយពីទទួលបានសេចក្តីរាយការណ៍ពីប្រជាពលរដ្ឋ។

ការប្រទះឃើញអាវុធតាមរយៈប្រជាពលរដ្ឋនេះ បានកើតមាននៅត្រង់ចំណុចក្នុងចម្ការមៀន១កន្លែងស្ថិតក្នុងក្រុមទី២ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង កាលពីរសៀលថ្ងៃទី១២ ខែវិច្ឆិកា ឆ្នាំ២០២១ម្សិលមិញនេះ ដែលគេដាក់ការសង្ស័យថា មិនមែនអាវុធ។

សមត្ថកិច្ចប្រាប់ថា អាវុធដ៏ថ្មីស្រឡាងដែលប្រជាពលរដ្ឋបានប្រទះឃើញមានចំនួនសរុប៣៣ដើម នៅមានគុណភាពមួយរយភាគរយ ក្នុងនោះមានអាវុធធន់អាកាស្វ័យ៣០ដើមនិង៤០បង់គ្រាប់និងអាវុធធន់M79ចំនួន០៣ដើមផង។

សមត្ថកិច្ចបានបញ្ជាក់ថា ក្រោយសមត្ថកិច្ចទទួលព័ត៌មានបានក្នុងករណីខាងលើពីពលរដ្ឋ ហើយបានរាយការណ៍បន្ទាន់ជូនថ្នាក់ដឹកនាំសម្ដេចក្រឡាហោម ស ខេង ក៏បានដាក់វិធានការដល់សមត្ថកិច្ចពាក់ព័ន្ធជាពិសេសសមត្ថកិច្ចខេត្តបាត់ដំបង ធ្វើការស្រាវជ្រាវរកប្រភពបន្ថែមទៀត និងបន្តស្រាវជ្រាវរកមុខសញ្ញាឲ្យបានច្បាស់លាស់លើករណី១នេះ ក្រោយពីយកអាវុធទាំងអស់មករក្សាទុកនៅអធិការដ្ឋាននគរបាលស្រុកភ្នំព្រឹកបណ្តោះអាសន្ន។

ពាក់ព័ន្ធនឹងវិធានការរបស់ថ្នាក់ដឹកនាំខាងលើ នៅព្រឹកថ្ងៃទី១៣ខែវិច្ឆិកានេះ លោក សាត គឹមសានស្នងការខេត្តបានប្រាប់កម្ពុជាថ្មីថា រឿងអាវុធដែលពលរដ្ឋប្រទះឃើញនេះ មិនអាចបំភ្លឺបានទេមកដល់ថ្ងៃនេះ ទុកពេលវេលាឲ្យកម្លាំងជំនាញពាក់ព័ន្ធបើកការស្រាវជ្រាវសិន។

បទបញ្ជាពីថ្នាក់ដឹកនាំឲ្យកម្លាំងជំនាញ ពាក់ព័ន្ធធ្វើការបើកការស្រាវជ្រាវជាបន្ទាន់នេះ ក៏ស្របតាមមតិពលរដ្ឋ និងមហាជនដែលបានដាក់ការសន្និដ្ឋានផងដែរថា អាវុធទាំងនេះ គឺមិនទំនងជាអាវុធយុទ្ធភណ្ឌបានកប់ក្នុងដីដែលសេសសល់ពីសម័យសង្គ្រាមស៊ីវិលនោះទេ៕

អត្ថបទ៖ សៅ សារិទ្ធ

The post អាវុធដ៏ថ្មីស្រឡាងជាច្រើនដើម ត្រូវពលរដ្ឋប្រទះឃើញ ក្នុងស្រុកភ្នំព្រឹក appeared first on Kampuchea Thmey Daily.

អាវុធសង្គ្រាមចំនួន ៣៣ ដើម ត្រូវបានប្រជាពលរដ្ឋប្រទះឃើញក្នុងចំការ ក្នុងស្រុកភ្នំព្រឹក

Kang Tola — Fri, 12 Nov 2021 15:10:22 +0000

បាត់ដំបង ៖ ប្រជាពលរដ្ឋបានប្រទះឃើញអាវុធ ចំនួន ៣៣ ដើម ដែលនៅមានគុណភាព១០០% ដែលបានបង្កឲ្យមានការភ្ញាក់ផ្អើលយ៉ាងខ្លាំង ដល់សមត្ថកិច្ច។

ការប្រទះឃើញអាវុធនេះ គឺនៅចំណុច ក្នុងចំការមៀន ស្ថិតក្នុងក្រុមទី២ ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង នារសៀលថ្ងៃទី១២ ខែវិច្ឆិកា ឆ្នាំ២០២១ នេះ។

បន្ទាប់ពីបាន ឃើញអាវុធ ប្រជាពលរដ្ឋបានរាយការណ៍ទៅអាជ្ញាធរមានសមត្ថកិច្ចដើម្បីចុះទៅពិនិត្យ ដោយសមត្ថកិច្ចបានបញ្ជាក់ថា នាល្ងាចថ្ងៃទី១២ ខែវិច្ឆិកា ឆ្នាំ២០២១នេះថា សមត្ថកិច្ចបានរកឃើញអាវុធចំនួន៣៣ដើម ស្ថិតក្នុងចម្ការមៀនមួយកន្លែង នៅស្រុកភ្នំព្រឹក ខេត្តបាត់ដំបង។

តាមការបញ្ជាក់របស់សមត្ថកិច្ចអាវុធចំនួន៣៣ ដើមដែលសមត្ថកិច្ចរកឃើញនេះជាប្រភេទអាកា (AK)ស្វ័យ៣០ដើម បង់៤០បង់ និងអាវុធM79 ចំនួន០៣ ដើម។ សមត្ថកិច្ចបាន បញ្ជាក់ថា បន្ទាប់ពីបានទទួលដំណឹងនេះសម្ដេចក្រឡាហោមស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានចាត់ឲ្យសមត្ថកិច្ចពាក់ព័ន្ធ ជាពិសេសសមត្ថកិច្ច ខេត្តបាត់ដំបងស្រាវជ្រាវរកប្រភពបន្ថែមទៀត និងបន្តស្រាវជ្រាវរកមុខសញ្ញា ។ ពេលនេះសមត្ថកិច្ច បានយកអាវុធទាំងអស់មករក្សាទុកនៅអធិការដ្ឋាននគរបាលស្រុកភ្នំព្រឹកហើយ៕

អត្ថបទ ៖ សោ និយមរ័ត្ន

The post អាវុធសង្គ្រាមចំនួន ៣៣ ដើម ត្រូវបានប្រជាពលរដ្ឋប្រទះឃើញក្នុងចំការ ក្នុងស្រុកភ្នំព្រឹក appeared first on Kampuchea Thmey Daily.

ប្រទះឃើញអាវុធ Archives - Kampuchea Thmey Daily

ប្រទះ​ឃើញ​អាវុធ អាកា៤៧មួយដើម និងគ្រាប់១០០គ្រាប់ ក្នុងស្រះទឹក

អាវុធដ៏ថ្មីស្រឡាងជាច្រើនដើម ត្រូវពលរដ្ឋប្រទះឃើញ ក្នុងស្រុកភ្នំព្រឹក

អាវុធ​សង្គ្រាម​ចំនួន ៣៣ ដើម ត្រូវ​បាន​ប្រជាពលរដ្ឋ​ប្រទះឃើញ​ក្នុង​ចំការ ក្នុងស្រុក​ភ្នំព្រឹក

ប្រទះឃើញអាវុធ អាកា៤៧មួយដើម និងគ្រាប់១០០គ្រាប់ ក្នុងស្រះទឹក

អាវុធសង្គ្រាមចំនួន ៣៣ ដើម ត្រូវបានប្រជាពលរដ្ឋប្រទះឃើញក្នុងចំការ ក្នុងស្រុកភ្នំព្រឹក