សន្តិសុខសង្គម

អាវុធដ៏ថ្មីស្រឡាងជាច្រើនដើម ត្រូវពលរដ្ឋប្រទះឃើញ ក្នុងស្រុកភ្នំព្រឹក

បានផុស

៥ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

នេះជាលើកដំបូង ដែលមានអាវុធនៅថ្មីៗជាច្រើនដើម ដែលត្រូវប្រជាពលរដ្ឋបានប្រទះឃើញនឹងមានការភ្ញាក់ផ្អើលដល់សមត្ថកិច្ច ក្រោយពីទទួលបានសេចក្តីរាយការណ៍ពីប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រទះឃើញអាវុធតាមរយៈប្រជាពលរដ្ឋនេះ បានកើតមាននៅត្រង់ចំណុចក្នុងចម្ការមៀន១កន្លែងស្ថិតក្នុងក្រុមទី២ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង កាលពីរសៀលថ្ងៃទី១២ ខែវិច្ឆិកា ឆ្នាំ២០២១ម្សិលមិញនេះ ដែលគេដាក់ការសង្ស័យថា មិនមែនអាវុធ។

សមត្ថកិច្ចប្រាប់ថា អាវុធដ៏ថ្មីស្រឡាងដែលប្រជាពលរដ្ឋបានប្រទះឃើញមានចំនួនសរុប៣៣ដើម នៅមានគុណភាពមួយរយភាគរយ ក្នុងនោះមានអាវុធធន់អាកាស្វ័យ៣០ដើមនិង៤០បង់គ្រាប់និងអាវុធធន់M79ចំនួន០៣ដើមផង។

សមត្ថកិច្ចបានបញ្ជាក់ថា ក្រោយសមត្ថកិច្ចទទួលព័ត៌មានបានក្នុងករណីខាងលើពីពលរដ្ឋ ហើយបានរាយការណ៍បន្ទាន់ជូនថ្នាក់ដឹកនាំសម្ដេចក្រឡាហោម ស ខេង ក៏បានដាក់វិធានការដល់សមត្ថកិច្ចពាក់ព័ន្ធជាពិសេសសមត្ថកិច្ចខេត្តបាត់ដំបង ធ្វើការស្រាវជ្រាវរកប្រភពបន្ថែមទៀត និងបន្តស្រាវជ្រាវរកមុខសញ្ញាឲ្យបានច្បាស់លាស់លើករណី១នេះ ក្រោយពីយកអាវុធទាំងអស់មករក្សាទុកនៅអធិការដ្ឋាននគរបាលស្រុកភ្នំព្រឹកបណ្តោះអាសន្ន។

ពាក់ព័ន្ធនឹងវិធានការរបស់ថ្នាក់ដឹកនាំខាងលើ នៅព្រឹកថ្ងៃទី១៣ខែវិច្ឆិកានេះ លោក សាត គឹមសានស្នងការខេត្តបានប្រាប់កម្ពុជាថ្មីថា រឿងអាវុធដែលពលរដ្ឋប្រទះឃើញនេះ មិនអាចបំភ្លឺបានទេមកដល់ថ្ងៃនេះ ទុកពេលវេលាឲ្យកម្លាំងជំនាញពាក់ព័ន្ធបើកការស្រាវជ្រាវសិន។

បទបញ្ជាពីថ្នាក់ដឹកនាំឲ្យកម្លាំងជំនាញ ពាក់ព័ន្ធធ្វើការបើកការស្រាវជ្រាវជាបន្ទាន់នេះ ក៏ស្របតាមមតិពលរដ្ឋ និងមហាជនដែលបានដាក់ការសន្និដ្ឋានផងដែរថា អាវុធទាំងនេះ គឺមិនទំនងជាអាវុធយុទ្ធភណ្ឌបានកប់ក្នុងដីដែលសេសសល់ពីសម័យសង្គ្រាមស៊ីវិលនោះទេ៕

អត្ថបទ៖ សៅ សារិទ្ធ