មុនពេលចាប់ផ្ដើមដំណើរការនៃការប្រឡង លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបសំណេះសំណាលដោយផ្ទាល់ និងមានប្រសាសន៍ផ្ដាំផ្ញើរជូនបេក្ខជន-បេក្ខនារីទាំងអស់ ឱ្យខិតខំប្រឹងប្រែងឱ្យអស់ពីសមត្ថភាព ពីព្រោះសម្រាប់នីតិកាលអាណត្តិទី៧ ក្រោមការដឹកនាំដ៏ខ្ពង់ខ្ពស់របស់សម្ដេចធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជាណាចក្រកម្ពុជា សម្រាប់ការប្រឡងគ្រប់ស្ថាប័ន អ្នកចេះ គឺជាប់។

ការប្រឡងប្រជែងជ្រើសរើសបុគ្គលិកជាប់កិច្ចសន្យាឱ្យចូលបម្រើការងារនៅបេឡាជាតិសន្ដិសុខសង្គម សម្រាប់ឆ្នាំ២០២៤ នេះ គឺផ្ដោតលើមុខជំនាញចំនួន ៤ផ្នែកផ្សេងគ្នា ដែលរួមមានដូចជា៖ ផ្នែកលេខាធិការ, ផ្នែកបច្ចេកទេសអគ្គិសនី-ទឹក, ផ្នែកអនាម័យ, និងផ្នែកសន្តិសុខ។

សូមបញ្ជាក់ថា សម្រាប់ការប្រឡងនេះ ត្រូវបានចែកចេញជា ៤វិញ្ញាសា គឺវិញ្ញាសាវាយពាក្យ ចំណេះដឹងទូទៅ ចំណេះដឹងពាក់ព័ន្ធនឹងវិស័យសន្ដិសុខសង្គម និងភាសាអង់គ្លេសទូទៅ ដែលមានរយៈពេលប្រឡង ៤៥នាទី ដោយឡែកសម្រាប់ផ្នែកបច្ចេកទេសអគ្គិសនី-ទឹក, ផ្នែកអនាម័យ, និងផ្នែកសន្តិសុខ គឺមានវិញ្ញាសាសួរផ្ទាល់មាត់៕

The post ប.ស.ស. បើកការប្រឡងជ្រើសរើសបុគ្គលិកជាប់កិច្ចសន្យា​ ខណៈមានបេក្ខជនចូលរួមប្រឡងជិត ១ពាន់នាក់ appeared first on Kampuchea Thmey Daily.

កាលពី​រសៀល​ថ្ងៃ​ទី ១១ ខែ​កក្កដា ឆ្នាំ ២០២៤ ក្នុង​កិច្ចប្រជុំ​ត្រួតពិនិត្យ​វឌ្ឍនភាព​ការងារ​ឆ្ពោះ​ទៅ​កាន់​ការ​ប្រឡងប្រជែង នៅ​សាលា​ភូមិន្ទ​រដ្ឋបាល គណៈកម្មការ​បាន​សម្រេច​លើ​ការ​រៀបចំ​ជាច្រើន ដើម្បី​រៀបចំ​ការ​ប្រឡងប្រជែង​ស្រប​តាម​និយាម​ដែល​បាន​ដាក់​ចេញ ហើយ​ស្រប​តាម​គោលការណ៍​ធានា​ដល់​គុណា​ធិបតេយ្យ តម្លាភាព យុត្តិធម៌ បរិយាបន្ន និង​ប្រសិទ្ធភាព។

ដោយ​មាន​ភាព​ចាំបាច់ គណៈកម្មការ​អន្តរក្រសួង បាន​សម្រេច​លើក​ពេល​ប្រឡង​ចំនួន ១ ថ្ងៃ ពោល​គឺ​ត្រូវ​លើក​ពេល​ថ្ងៃ​សៅរ៍ ទី ១៣ ខែ​កក្កដា ឆ្នាំ ២០២៤ សម្រាប់​វេន​ទី ១ និង​វេន​ទី ២ ទៅ​ប្រឡង​នា​ថ្ងៃ​ចន្ទ ទី ១៥ ខែ​កក្កដា ឆ្នាំ ២០២៤ វិញ។

មុននឹង​ឈាន​ចូល​ទៅ​ដល់​ការ​សម្រេច​ចិត្ត​ផ្លាស់ប្ដូរ​ពេលវេលា​រយៈពេល ១ ថ្ងៃនេះ គណៈកម្មការ​រៀបចំ​ការ​ប្រឡងប្រជែង បាន​គិតគូរ​ពិចារណា ថ្លឹងថ្លែង​យ៉ាង​ល្អិត​ល្អន់ គ្រប់​ទិដ្ឋភាព​ទាំងអស់ ទាំង​ការ​រៀបចំ ទាំង​ស្ថានភាព​បេក្ខជន​ដែល​ចូលរួម​ប្រឡងប្រជែង។ ក្នុង​ន័យ​នេះ គណៈកម្មការ សូម​ការ​អធ្យាស្រ័យ​ពី​បេក្ខជន ក៏ដូចជា​ភាគី​ពាក់ព័ន្ធ​ទាំងអស់ សម្រាប់​ភាព​ចាំបាច់​ក្នុង​ការ​លើក​ពេលវេលា​នេះ៕

The post ការប្រឡងជ្រើសរើសគ្រូបង្រៀនបឋមសិក្សា សម្រាប់ថ្ងៃទី ១៣ កក្កដា ត្រូវបានផ្លាស់ប្ដូរ appeared first on Kampuchea Thmey Daily.

ខណៈ​នេះ គណៈកម្មការ​មេ​ប្រយោគ កំពុង​ដំណើរការ​រៀបចំ និង​តាក់តែង​វិញ្ញាសា សម្រាប់​បេក្ខជន​ប្រឡងប្រជែង​ជ្រើសរើស​គ្រូបង្រៀន​អនុវិទ្យាល័យ យ៉ាង​សស្រាក់សស្រាំ និង​ដោយ​សម្ងាត់​ពី​សាស្ត្រាចារ្យ​ជំនាញ ព្រមទាំង​មាន​តាមដាន​មើល​ពី​អ្នកសង្កេតការណ៍​មកពី​អង្គភាព​ប្រឆាំង​អំពើ​ពុក​រលួយ សហភាព​សហព័ន្ធ​យុវជន​កម្ពុជា តំណាង​សាកលវិទ្យាល័យ​នានា និង​សាធារណជន​ដែល​បាន​ចុះឈ្មោះ​ស្ម័គ្រចិត្ត។

សូម​បញ្ជាក់​ថា វិញ្ញាសា​កំពុង​តាក់តែង​លើ​មុខវិជ្ជា​សំណួរ​ពហុ​ចម្លើយ​ពាក់ព័ន្ធ​នឹង​វប្បធម៌​ទូទៅ និង​មុខវិជ្ជា​ឯកទេស​ទី ១ ឬ មុខវិជ្ជា​ឯកទេស​សម្រាប់​ប្រភេទ​បរិញ្ញាបត្រ ដែល​ការ​ប្រឡងប្រជែង​នឹង​ចាប់ផ្ដើម​នៅ​វេលា​ម៉ោង ១២ និង ០០ នាទី៕

The post ឯកឧត្ដម ហ៊ុន ម៉ានី ចុះពិនិត្យដំណើរការតាក់តែងវិញ្ញាសាសម្រាប់ការ​ប្រឡងជ្រើសរើសគ្រូបង្រៀនអនុវិទ្យាល័យឱ្យចូលបម្រើការងារក្នុងក្រសួងអប់រំ appeared first on Kampuchea Thmey Daily.