លោកសាស្ត្រាចារ្យ បានបន្ថែមថា រាជរដ្ឋាភិបាលទាំងអាណត្តិចាស់ និងអាណត្តិថ្មី បានខិតខំប្រឹងប្រែងអប់រំ ការពារ យុវវ័យកុំឱ្យមានការគិតខុសចំពោះថ្ងៃបុណ្យនៃសេចក្តីស្រឡាញ់នេះ រហូតដល់ធ្វើឱ្យយុវជនកម្ពុជាមួយចំនួនធំ ប្តូរពីការឱ្យផ្កា ដើម្បីស្នេហា មកជាឱ្យផ្កាដោយបេះដូង ដោយមោទនភាព ភក្តីភាព រហូតដល់ធ្វើកិច្ចការទាំងនេះចំពោះអ្នកមានគុណ និងអ្នកជាទីស្រឡាញ់ថែមទៀតផង។

សាស្តា្រចារ្យសំបូរ មាណ្ណារ៉ា បាននិយាយថា៖ “រឿងទាំងអស់នេះ គឺជារឿងល្អតើ នៅពេលដែលយើងស្ម័គ្រស្វាគមន៍ជាមួយសង្គមដោយវិធីបែបនេះ។ ខ្ញុំយល់ថា ១៤ កុម្ភៈ យើងមិនអាចលុបចោលអំពីទំព័រនៃសង្គមខ្មែរ និងទំនាក់ទំនងខ្មែរបានទេ ប៉ុន្តែ យើងត្រូវខំធ្វើយ៉ាងម៉េច ដើម្បីឱ្យ១៤ កុម្ភៈ ក្លាយជាមោទនភាពរបស់ជីវិត ជាតិ កុំឱ្យកូនចៅរបស់យើង យុវជនរបស់យើងបាត់បង់នូវតម្លៃ គុណធម៌ សីលធម៌ និងប្រពៃណី”។

តាមរបាយការណ៍របស់លោក តុង សុប្រាជ្ញ អនុបណ្ឌិតផ្នែកសុខភាពសាធារណៈ និងអនុបណ្ឌិតផ្នែកធុរកិច្ចអន្តរជាតិ ដែលចេញក្នុងខែកុម្ភៈ ឆ្នាំ២០២៤នេះ បានបង្ហាញថា ទំនាក់ទំនងផ្លូវភេទរបស់យុវជននៅក្នុងទិវានេះដើម្បីបង្ហាញពីក្តីស្រឡាញ់ មានការធ្លាក់ចុះ ៥ដង បើធៀបនឹងឆ្នាំ២០០៩ ដល់២០២៤ ​​(២០០៩​៖១២,៤​%​ ​ទល់​នឹង​​ ​២០២៤​៖ ២,២%)​​​​។ ក្នុងរបាយការណ៍ដដែលក៏បង្ហាញថា យុវវ័យមានការផ្លាស់ប្តូរការណាត់ជួបជាមួយគូស្នេហ៍នៅក្នុងឱកាសនេះច្រើន ដោយពួក​គេ​មាន​ផែនការ​ចេញ​ក្រៅ​ដើរលេងនៅ​ថ្ងៃ​នៃ​ក្តី​ស្រឡាញ់ដូចធម្មតា ដោយពីមុន យុវវ័យតែងនាំគ្នាទៅច្រៀងខារ៉ាអូខេ ទៅបាក់ខែង កៀនស្វាយ កោះដាច់ និងចូលផ្ទះសំណាក់ ឬក៏សណ្ឋាគារ បែរជាទៅលេងនៅផ្សារទំនើប និងទៅមើលកុន(៣៨,៧%) នៃយុវវ័យផ្តល់សម្ភាសន៍សរុប។ កន្លែងទីតាំងថ្មីទាំង២នេះ គឺមាន  លក្ខណៈបែបវិជ្ជមានបញ្ចេញនូវក្តីស្រឡាញ់ និងបែបរ៉ូមែនទិច។  ​

រី​ឯ ក្រសួងកិច្ចការនារី ក៏បានចេញសេចក្តីអំេពាវនាវនៅរសៀលថ្ងៃទី១៣ ខែកុម្ភៈ ឆ្នាំ២០២៤ ដល់សាធារណជន ជាពិសេសយុវជនតែម្តង កុំយកទិវាបុណ្យនៃក្តីស្រឡាញ់នេះ ទៅប្រព្រឹត្តទង្វើមិនគប្បី ខុសនឹងប្រពៃណីទំនៀមទម្លាប់ខ្មែរ។ ត្រូវរួមគ្នារក្សាកិត្តិយស តម្លៃ វប្បធមី ប្រពៃណីខ្មែរឱ្យបានគង់វង្ស៕

The post លោក សំបូរ មាណ្ណារ៉ា លើកឡើងថា គ្រាន់តែឱ្យផ្កាក្នុងថ្ងៃ១៤ កុម្ភៈ មិនអាក្រក់ទេ កុំឱ្យតែមានគំនិតអបាយ appeared first on Kampuchea Thmey Daily.

លោក វ៉ាន់ សុខ កសិករដាំផ្កា នៅសង្កាត់ព្រែកថ្មីខណ្ឌច្បារអំពៅបានឲ្យដឹងថា ឆ្នាំនេះរូប គាត់ក៏ដូចជាប្រជាពលរដ្ឋក្នុងភូមិបាននាំគ្នាដាំផ្កាចម្រុះពណ៌សម្រាប់លក់ឲ្យបងប្អូនកូនកាត់ចិនវៀតណាមនារដូវបុណ្យចូលឆ្នាំខាងមុខនេះ។

លោកបានបញ្ជាក់ថា ពីមុនមក​គឺឈ្មួញនាំចូលពីប្រទេសវៀតណាម​យកមកលក់នៅខ្មែរយើង​ហើយមានតម្លៃខ្ពស់។ ខុសប្លែកឆ្នាំនេះកសិករខ្មែរយើងនាំគ្នាដាំផ្កាចម្រុះ​ពណ៌សឹងគ្រប់​ដោយ​គ្រាន់​តែយកគ្រាប់ពូជមកពីប្រទេសវៀតណាប៉ុណ្ណោះ។

ដោយឡែកលោក ឌួង ចាន់ថន រស់នៅសង្កាត់វាលស្បូវខណ្ឌច្បារអំពៅ​បានប្រាប់ដែរថា ខ្មែរ​យើងពុំទាន់ផលិតពូជផ្កាចម្រុះពណ៌​បានដូចប្រទេសជិតខាង បើសិនជាផលិត​បានថែម​ទៀតគឺល្អខ្លាំងណាស់៕

អត្ថបទ៖ នរា

The post ផ្កាចម្រុះពណ៌ដាំក្នុងស្រុក ដាក់លក់នៅខណ្ឌច្បារអំពៅ មុនថ្ងៃចូលឆ្នាំចិនចូលមកដល់ appeared first on Kampuchea Thmey Daily.