​សកម្មភាព​នៃ​កូន​ផ្សោត​ជំទង់​មួយ​ក្បាល​ដែល​កំពុង​ហែល​ក្រឡឹង​ឪពុក​ម្ដាយ​ដោយ​ភាព​សប្បាយ​រីករាយ​ រួម​ជាមួយ​ការ​យក​ចំពុះ​មក​ប៉ះគ្នា​ថ្នមៗ​បង្ហាញ​ក្ដី​ស្រឡាញ់​ និង​ភាព​ស្និត​ស្នាល​បាន​ទាក់ទាញ​បេះ​ដូង​អ្នក​ទស្សនា​វីដេអូ​នេះ​ជា​ច្រើន​នាក់​ជាមួយ​នឹង​ការ​ផ្ដល់​ជា​យោបល់​ល្អ​ចំពោះ​ការ​អភិរក្ស​នៅ​កម្ពុជា​។

រដ្ឋមន្ត្រី​ក្រសួង​កសិកម្ម​លោក​ ឌិត ទីណា បាន​បង្ហោះ​លើ​ហ្វេសបុក​របស់​លោក​ថា៖ «ទិដ្ឋភាព​នេះ​សបញ្ជាក់​ឱ្យឃើញ​ពី​ចំណង​ដ៏ស្អិតរមួត និងការរស់នៅ​ដោយ​សុខសាន្ត​របស់​ពួកវា​នៅក្នុង​តំបន់​អភិរក្ស​ដែល​ត្រូវ​បាន​ការពារ​យ៉ាង​ដិតដល់»។

លោក​បាន​បន្ថែម​ថា​ អគ្គនាយកដ្ឋានជលផលនៃក្រសួងកសិកម្ម សហការជាមួយអង្គការអភិរក្សសមុទ្រកម្ពុជា (MCC) និងរដ្ឋបាល​ថ្នាក់ក្រោមជាតិ បានទម្លាក់ប្រអប់ថ្ម នៅតាមបណ្ដាតំបន់អភិរក្សនានា ដើម្បីបង្កើតជម្រក​សិប្បនិម្មិត​សម្រាប់ជីវៈចម្រុះនៅដែនសមុទ្ររបស់យើង។

ចាប់តាំងពីការចាប់ផ្ដើមនៅឆ្នាំ២០២៣មក ការបង្កើតជម្រកសិប្បនិម្មិត បានជួយឱ្យធនធានជីវៈចម្រុះនៅតំបន់ទាំងនេះកើនឡើង និងជួយលើកស្ទួយនិរន្តរភាពនៃផលជលផលរបស់ប្រជានេសាទក្នុងតំបន់ផងដែរ៕

អត្ថបទដោយ ហ៊ុន ​សិរីវឌ្ឍន៍

​

The post រូបភាព​ដ៏​កម្រ​នៃ​សត្វ​ផ្សោត​ឃ្លាច​នៅ​ខេត្ត​កំពត​កំពុង​ទាក់ទាញ​ការ​ចាប់​អារម្មណ៍​ពី​អ្នក​ប្រើប្រាស់​បណ្ដាញ​សង្គម​ appeared first on Kampuchea Thmey Daily.

អភិបាលស្តីទីក្រុងកោះរ៉ុងលោក រាជ សុវណ្ណ បានឱ្យដឹងថា មានត្រីផ្សោតចំនួន០៩ក្បាលនេះ ក្នុង១ក្បាលមានប្រវែងជាង២ម៉ែត្រ បានលេចចេញដោយកម្រនៅដែនសមុទ្រខេត្តព្រះសីហនុ និងបានលេងជាមួយប្រជាពលរដ្ឋទៀតផង។ បច្ចុប្បន្ននេះ មន្ត្រីរដ្ឋបាលជលផល និងអាជ្ញាធរក្រុងកោះរ៉ុង កំពុងធ្វើការតាមដាន និងផ្សព្វផ្សាយដល់ប្រជាពលរដ្ឋ ជាពិសេសប្រជានេសាទចូលរួមថែរក្សា និងចូលរួមអភិរក្សត្រីផ្សោតសមុទ្រដ៏កម្រនេះ សម្រាប់បម្រើឱ្យវិស័យទេសចរណ៍ក្រុងកោះរ៉ុងផងដែរ។

ទន្ទឹមនោះ មន្ត្រីបច្ចេកទេសក៏បានធ្វើការទាក់ទងទៅអ្នកអភិរក្សសត្វសមុទ្រផងដែរ ដើម្បីធ្វើយ៉ាងណានាំយកត្រីទាំងនេះទៅកាន់ទឹកជ្រៅវិញ។ លោកអភិបាលក្រុងស្តីទីក៏បានបញ្ជាក់បន្ថែមថា មកដល់ថ្ងៃត្រង់នេះ ត្រីផ្សោតទាំងនេះហាក់បីដូចជាខ្លាចមនុស្សចូលទៅលេងជាមួយពួកវា មិនដូចពេលព្រឹកប្រជាពលរដ្ឋបានទៅប៉ះលេងជាមួយវាបាន។

គួរឱ្យដឹងដែរថាកាលពី៣ថ្ងៃមុនពោលគឺពីព្រឹកថ្ងៃទី១៣ ខែមេសា ឆ្នាំ២០២៥ ពលរដ្ឋបានប្រទះឃើញសត្វផ្សោតចំនួន ៥ក្បាលមកហែលក្បែរឆ្នេរសមុទ្រ ស្ថិតក្នុងភូមិកែបថ្មី ក្រុងបូកគោ ខេត្តកំពត។ បើតាមមន្ត្រីជំនាញ សត្វផ្សោតនេះគឺជាផ្សោតប្រភេទថ្មីដែលពុំធ្លាប់មាននៅក្នុងដែនសមុទ្រកម្ពុជា ហើយបើតាមការស្រាវជ្រាវសត្វផ្សោតប្រភេទនេះគឺភាគច្រើនរស់នៅតំបន់សមុទ្រនៃប្រទេសម៉ាឡេស៊ី៕

អត្ថបទដោយ ហ៊ុន សិរីវឌ្ឍន៍

The post ផ្សោត៩ក្បាលទៀតប្រទះឃើញនៅកោះរ៉ុង ខេត្តព្រះសីហនុ appeared first on Kampuchea Thmey Daily.

រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ បានកោតសរសើរ ចំពោះលោក ឈុន ប៊ុនឆួយ នៅភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង ដែលបាន​សង្គ្រោះ និងលែងសត្វផ្សោតក្បាលត្រឡោក១ក្បាល អាយុប្រមាណ៣ឆ្នាំ ទម្ងន់ជាង៤០គីឡូក្រាម ប្រវែងជាង១ម៉ែត្រ ចូលក្នុងសមុទ្រវិញ បន្ទាប់ពីសត្វផ្សោតនេះបានរុំជាប់​នឹងខ្សែរនង​ឧបករណ៍នេសាទធ្នាក់មឹកសំបកខ្យង កាលពីថ្ងៃទី ១២ ខែមករា ឆ្នាំ ២០២៤។

​រដ្ឋបាលជលផលបានអះអាងថា ​សកម្មភាពនេះ គឺជាគំរូដ៏ល្អនិងមានតម្លៃមិនអាចកាត់ថ្លៃបាន ក្នុង​ការរួម​ចំណែកថែរក្សា ការពារ និងអភិរក្សប្រភេទវារីសត្វដែលជិតផុតពូជ។

រដ្ឋបាលជលផលសូមកោតសរសើរ និងសូមអំពាវនាវដល់បងប្អូនអ្នកនេសាទយើង មេត្តាចូល​រួមថែរក្សា និងការពារប្រភេទវារីសត្វដែលជិតផុតពូជ ដោយលែងចូលក្នុងដែន​ទឹកធម្មជាតិវិញ ដើម្បីថែរក្សាវត្តមានរបស់ប្រភេទវារីសត្វទាំងនេះឱ្យសំបូរ សម្រាប់កូនចៅជំនាន់ក្រោយ៕

The post អ្នកនេសាទសង្គ្រោះ និងដោះលែង ផ្សោតសមុទ្រ​១ ក្បាល ចូលក្នុងសមុទ្រវិញ appeared first on Kampuchea Thmey Daily.