អគ្គនាយកដ្ឋាន​ពន្ធដារ បាន​ធ្វើការ​ជូនដំណឹងដល់​បណ្ណាធិការ ឬកម្មសិទ្ធិកររបស់សហគ្រាសដែលជាអ្នកជាប់ពន្ធ តាម​របប​ស្វ័យ​ប្រកាស​ទាំងអស់​ជ្រាបអំពីកាតព្វកិច្ច និងកាលបរិច្ឆេទកំណត់ដាក់លិខិតប្រកាស និង​បង់ពន្ធ​លើ​ប្រាក់​ចំណូល ប្រចាំ​ឆ្នាំ២០២៥។

អគ្គនាយកដ្ឋានពន្ធដារសង្កេតឃើញថា មានសហគ្រាសមួយចំនួនបានបំពេញកាតព្វ​កិច្ច​រួចរាល់​ហើយ ប៉ុន្តែនៅមានសហគ្រាសមួយចំនួនទៀត មិនទាន់បានបំពេញកាតព្វកិច្ចនៅឡើយ។

អគ្គនាយកដ្ឋាន​ពន្ធដារ​សូមក្រើន​រំលឹក ​និង​បញ្ជាក់​ជូនថា ចំពោះ​ការខកខាន និង​មិន​បាន​ដាក់​លិខិត​ប្រកាស និង​បង់ពន្ធលើប្រាក់​ចំណូល​ជូនរដ្ឋបាលសារពើពន្ធបាន​ទាន់ពេលកំណត់ បណ្ណាធិការ ឬ​កម្មសិទ្ធិករ​របស់​សហគ្រាស​ត្រូវទទួលរងនូវទណ្ឌកម្មរដ្ឋបាល ដូច​មានចែង​ក្នុងច្បាប់​នឹង​លិខិត​បទដ្ឋាន​គតិយុត្ត​ស្តីពី​ពន្ធដារ​ជាធរមាន។

ដើម្បីចៀសវាងការទទួលរងនូវទណ្ឌកម្ម រដ្ឋបាលនានាដូចបានរៀបរាប់ខាងលើ បណ្ណាធិការ ឬកម្មសិទ្ធិកររបស់សហគ្រាស រួសរាន់​បំពេញកាតព្វកិច្ចដាក់លិខិតប្រកាស និងបង់ពន្ធលើ​ប្រាក់ចំណូល​ប្រចាំ​ឆ្នាំ២០២៥ យ៉ាងយឺតបំផុតត្រឹមថ្ងៃទី៣១ ខែមីនា ឆ្នាំ២០២៦៕

The post ពន្ធដារ ដាស់តឿនឱ្យម្ចាស់អាជីវកម្ម រួសរាន់បង់ពន្ធលើប្រាក់ចំណូលប្រចាំឆ្នាំ ២០២៥ ឱ្យបានមុនដំណាច់ខែមីនា​នេះ appeared first on Kampuchea Thmey Daily.

លោក ត្រាំង ឡៃ បានគូសបញ្ជាក់ថា ទាល់តែសហគ្រាសមានប្រាក់ចំណេញ ទើបមានកាតព្វកិច្ចត្រូវបង់ពន្ធលើប្រាក់ចំណូល បើសិនជាមិនមានប្រាក់ចំណេញទេ គឺសហគ្រាសមិនចាំបាច់បង់ពន្ធលើប្រាក់ចំណូលនោះទេ។

ថ្លែងនៅក្នុងកម្មវិធី “ពន្ធដារកម្ពុជា” ស្តីពី ពន្ធលើប្រាក់ចំណូលប្រចាំឆ្នាំ (ប្រាក់ចំណូលជាប់ពន្ធ) កាលពីថ្ងៃទី ០១ ខែ កុម្ភៈ លោក ត្រាំង ឡៃ បានលើកឡើងដូច្នេះថា «សូមកុំមានការភាន់ច្រឡំថា គ្រប់សហគ្រាសទាំងអស់ត្រូវតែមានកាតព្វកិច្ចបង់ពន្ធលើប្រាក់ចំណូល មិនមែនទេ ពោលគឺពន្ធលើប្រាក់ចំណូលបង់នៅពេលដែលសហគ្រាសមានប្រាក់ចំណេញតែប៉ុណ្ណោះ។ នៅពេលដែលសហគ្រាសប្រកបអាជីវកម្មខាត គឺមិនជាប់កាតព្វកិច្ចបង់ពន្ធលើប្រាក់ចំណូលទេ»។ លោកបានលើកជាឧទាហរណ៍ថា ប្រសិនបើសហគ្រាសរកស៊ីខាត ១ម៉ឺនដុល្លារ នៅឆ្នាំ ២០២៣ ត្រូវកត់ត្រាដាក់ចូលលិខិតប្រកាសពន្ធប្រចាំឆ្នាំ ប៉ុន្តែត្រូវបញ្ចូលកន្លែងដែលខាត នៅក្នុងទំព័រទី៩-១០ នៅក្នុងច្បាប់ស្តីពីសារពើពន្ធ ដោយការខាតបង់នេះ អាចយោងទៅឆ្នាំបន្តបន្ទាប់រហូតដល់៥ឆ្នាំ។

លោក សង្កត់ធ្ងន់ថា សហគ្រាសទាំងអស់អាចជាកម្មវត្ថុជាប់ពន្ធ តែមិនមែនជាប់ពន្ធទាំងអស់នោះទេ។

ដូចមានចែងក្នុងមាត្រា ៧ ថ្មី(មួយ) នៃច្បាប់ស្តីពីសារពើពន្ធ ប្រាក់ចំណូលជាប់ពន្ធ គឺជាប្រាក់ចំណូលសុទ្ធបានមកពីលទ្ធផលទាំងអស់នៃប្រតិបត្តិការគ្រប់ប្រភេទ ដែលសហគ្រាសសម្រេចបាន រួមបញ្ចូលទាំងតម្លៃលើសបានមកពីការលក់ចំណែកនានា នៃទ្រព្យសកម្មក្នុងពេលកំពុងប្រកបអាជីវកម្ម ឬនៅពេលបញ្ចប់អាជីវកម្ម ការប្រាក់ ថ្លៃឈ្នួល និងសួយសារ ព្រមទាំងប្រាក់ចំណូលពីទ្រព្យសកម្មហិរញ្ញវត្ថុ ឬទ្រព្យសកម្មវិនិយោគ រាប់ទាំងអចលនទ្រព្យផង។

ប្រាក់ចំណូលជាប់ពន្ធ ក៏រួមបញ្ចូលផងដែរនូវចំណេញមូលធនទាំងអស់ពីអចលនទ្រព្យ ទ្រព្យហិរញ្ញវត្ថុ ឬទ្រព្យសកម្មវិនិយោគដែលរូបវន្តបុគ្គល ឬនីតិបុគ្គលសម្រេចបានមកពីប្រតិបត្តិការនានាក្រៅពីប្រតិបត្តិការអាជីវកម្ម។ តាមនិយមន័យនេះ ការប្រកបអាជីវកម្មណាមួយ ទោះបីច្បាប់អនុញ្ញាត ឬមិនអនុញ្ញាតក្តី មិនអាចរួចផុតពីការបង់ពន្ធលើប្រាក់ចំណូលឡើយ៕

The post តើគ្រប់សហគ្រាសទាំងអស់ ត្រូវតែបង់ពន្ធលើប្រាក់ចំណូល? appeared first on Kampuchea Thmey Daily.

លោក ត្រាំង ឡៃ អនុប្រធាននាយកដ្ឋានសវនកម្មសហគ្រាស នៃអគ្គនាយកដ្ឋានពន្ធដារ បានលើកឡើងដូច្នេះថា ចំពោះចំណូលពីសកម្មភាពអាជីវកម្ម សំដៅដល់ចំណូលពីការផ្គត់ផ្គង់ទំនិញ ​ឬសេវាដែលមានបញ្ជាក់នៅលើប័ណ្ណ ប៉ាតង់របស់សហគ្រាស។ ចំណូលបន្ទាប់បន្សំ សំដៅដល់ចំណូលពីការជួលអលនទ្រព្យ, ចំណូលពីអចលនទ្រព្យដាក់ ឱ្យតតិយជនប្រើប្រាស់ដោយឥតគិតថ្លៃ, ចំណូលពីអចសនទ្រព្យដាក់ឱ្យនិយោជិកប្រើប្រាស់ជាលក្ខណៈឯកជនដោយ ឥតគិតថ្លៃ,​ សួយសារ, ចំណូលពីការលក់កាកសំណល់ សំបកវេចខ្ចប់ និងការជួលសម្ភារអាជីវកម្ម ជាដើម។

ថ្លែងនៅក្នុងកម្មវិធីរៀនអំពីពន្ធដារតាមអនឡាញ ក្រោមប្រធានបទពី «ពន្ធលើប្រាក់ចំណូល» លោក ត្រាំង ឡៃ បានរៀប រាប់បន្ថែមថា ចំពោះពន្ធលើប្រាក់ចំណូលត្រូវបានចែកចេញជាបីប្រភេទនោះ រួមមមានប្រភពចំណូលពីសកម្មភាព អាជីវកម្ម, ចំណូលបន្ទាប់បន្សំ និងចំណូលផ្សេងៗ មិនត្រូវបានយកមកធ្វើជាមូលដ្ឋានសម្រាប់គណនាគិតពន្ធទាំងអស់ នោះទេ ពោលគឺមានតែចំណូលពីសកម្មភាពអាជីវកម្ម និងចំណូលបន្ទាប់បន្សំ ធ្វើជាមូលដ្ឋានសម្រាប់គណនាប្រាក់រំដោះ ពន្ធលើប្រាក់ចំណូល ឬពន្ធអប្បបរមា។

គួរបញ្ចាក់ផងដែរថា ពន្ធលើប្រាក់ចំណូល គឺជាកាតព្វកិច្ចរបស់បុគ្គលនិវាសនជន សំដៅដល់រូបវន្តបុគ្គល និងនីតិបុគ្គល ដែលមានប្រាក់ចំណូលពីប្រភពកម្ពុជា និងប្រាក់ចំណូលពីប្រភពបរទេស។ ម្យ៉ាងទៀត សម្រាប់បុគ្កលអនិវាសនជន ជាបុគ្គលណាមួយដែលមិនមែនជាអ្នកជាប់ពន្ធនិវាសនជន និងទទួលបាននូវប្រាក់ចំណូលប្រភពកម្ពុជា ដែលមានប្រាក់ ចំណូលប្រភពកម្ពុជា៕

អត្ថបទ៖ ផល ធារិត

The post មកដឹងពន្ធលើប្រាក់ចំណូលនៅកម្ពុជា appeared first on Kampuchea Thmey Daily.