ផ្សែង​យ៉ាង​ក្រាស់​បាន​ហុយ​ពេញ​ទីក្រុង​ បណ្ដាលឲ្យ​គុណភាព​ខ្យល់​ធ្លាក់​ចុះ​ បន្ទាប់​ពី​ពិធីបុណ្យ​ភ្លើង ឬ​បុណ្យ Diwali ត្រូវ​បាន​ប្រារព្ធ​ឡើង​នៅ​ទូទាំង​ប្រទេស​ឥណ្ឌា​កាល​ពី​ថ្ងៃ​ព្រហស្បតិ៍ ។

យោងតាមប្រព័ន្ធគុណភាពខ្យល់ ការព្យាករណ៍ និងស្រាវជ្រាវអាកាសធាតុ (SAFAR) បានឲ្យដឹងថា សន្ទស្សន៍គុណភាពខ្យល់សរុប (AQI) នៅទីក្រុងដេលីគឺ ៦១៧ (ស្មើ PM2.5) នៅម៉ោង ១១ ព្រឹក ដែលធ្លាក់ក្នុងប្រភេទ “គ្រោះថ្នាក់” ។

ទោះបីជាមានការហាមឃាត់យ៉ាងតឹងរ៉ឹងលើការដុតផាវនៅក្នុង និងជុំវិញទីក្រុងដេលីក៏ដោយ ក៏សំឡេងផាវនៅតែត្រូវបានគេឮរហូតដល់យប់ថ្ងៃព្រហស្បតិ៍ ខណៈទីក្រុងដែលនៅជាប់នឹងទីក្រុងដេលីក៏មានសន្ទស្សន៍គុណភាពខ្យល់សរុប (AQI) លើសពីប្រភេទ “ធ្ងន់ធ្ងរ” នៅព្រឹកថ្ងៃសុក្រ ។

គួរបញ្ជាក់ថា សន្ទស្សន៍គុណភាពខ្យល់សរុប (AQI) ពី ០-៥០ ត្រូវបានចាត់ទុកថា “ល្អ”, ៥១-១០០ គឺ “បង្គួរ”, ១០១-២០០ “មធ្យម”, ២០១-៣០០ “មិនល្អ”, ៣០១-៤០០ “មិនល្អខ្លាំង” និង ៤០១-៥០០ គឺ”ធ្ងន់ធ្ងរ” ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

The post ពិធីបុណ្យដុតផាវ Diwali កំពុងធ្វើឲ្យគុណភាពខ្យល់អាប់អួរពេញទីក្រុង ឥណ្ឌា appeared first on Kampuchea Thmey Daily.

ពិធីបុណ្យបែបសាសនាហិណ្ឌូមួយនេះត្រូវបានប្រារព្វឡើងជាធម្មតាដោយប្រើកាំជ្រួច និងផាវ ។ ប្រជាជនក៏ចូលចិត្តទិញទំនិញក្នុងរដូវឈប់សម្រាកនេះផងដែរ ។

ផ្សារនៅទីក្រុងញូវដេលីមានមនុស្សច្រើនកុះករដូចនៅក្នុងឆ្នាំធម្មតា ខណៈអ្នកដើរផ្សារសុទ្ធតែពាក់ម៉ាស ។ ស្ត្រីម្នាក់បាននិយាយថា នាងខ្លាចឆ្លងជំងឺកូវីដ ១៩ ដូចអ្នកដទៃដែរ ដូច្នេះទើបនាងពាក់ម៉ាសពេលទៅទិញទំនិញនៅថ្ងៃបុណ្យ Diwali ។

គួរបញ្ជាក់ថា ប្រទេសឥណ្ឌាមានករណីឆ្លងជំងឺកូវីដ ១៩ ជាង ៨.៧ លានករណីដែលជាតួលេខខ្ពស់បំផុតទី ២ បន្ទាប់ពីសហរដ្ឋអាមេរិក ខណៈនៅទីក្រុងញូវដេលីចំនួនករណីឆ្លងថ្មីប្រចាំថ្ងៃបានឡើងដល់ ៨,០០០ នាក់កាលពីដើមខែនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ផ្ទុះឃ្លាំងស្តុកសារធាតុគីមីដ៏ខ្លាំងក្លានៅឥណ្ឌា សម្លាប់មនុស្ស ១២ នាក់

ចុចអាន ៖ ផ្ទុះរោងចក្រផលិតផាវនៅឥណ្ឌាស្លាប់ ៣ នាក់ និងរបួសជាច្រើននាក់

The post ប្រជាជននៅប្រទេសឥណ្ឌាប្រារព្ធពិធីបុណ្យ Diwali ចំពេលរោគរាតត្បាតកំពុងផ្ទុះខ្លាំង appeared first on Kampuchea Thmey Daily.