ប្រជាជននៅប្រទេសឥណ្ឌាប្រារព្ធពិធីបុណ្យ Diwali ចំពេលរោគរាតត្បាតកំពុងផ្ទុះខ្លាំង

ប្រជាជននៅប្រទេសឥណ្ឌាបានអបអរ និងប្រារព្ធពិធី Diwali ឬពិធីបុណ្យនៃពន្លឺកាលពីថ្ងៃសៅរ៍ ចំពេលមានការព្រួយបារម្ភអំពីការកើនឡើងនូវចំនួនករណីឆ្លងជំងឺកូវីដ ១៩ ។

ពិធីបុណ្យបែបសាសនាហិណ្ឌូមួយនេះត្រូវបានប្រារព្វឡើងជាធម្មតាដោយប្រើកាំជ្រួច និងផាវ ។ ប្រជាជនក៏ចូលចិត្តទិញទំនិញក្នុងរដូវឈប់សម្រាកនេះផងដែរ ។

ផ្សារនៅទីក្រុងញូវដេលីមានមនុស្សច្រើនកុះករដូចនៅក្នុងឆ្នាំធម្មតា ខណៈអ្នកដើរផ្សារសុទ្ធតែពាក់ម៉ាស ។ ស្ត្រីម្នាក់បាននិយាយថា នាងខ្លាចឆ្លងជំងឺកូវីដ ១៩ ដូចអ្នកដទៃដែរ ដូច្នេះទើបនាងពាក់ម៉ាសពេលទៅទិញទំនិញនៅថ្ងៃបុណ្យ Diwali ។

គួរបញ្ជាក់ថា ប្រទេសឥណ្ឌាមានករណីឆ្លងជំងឺកូវីដ ១៩ ជាង ៨.៧ លានករណីដែលជាតួលេខខ្ពស់បំផុតទី ២ បន្ទាប់ពីសហរដ្ឋអាមេរិក ខណៈនៅទីក្រុងញូវដេលីចំនួនករណីឆ្លងថ្មីប្រចាំថ្ងៃបានឡើងដល់ ៨,០០០ នាក់កាលពីដើមខែនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ផ្ទុះឃ្លាំងស្តុកសារធាតុគីមីដ៏ខ្លាំងក្លានៅឥណ្ឌា សម្លាប់មនុស្ស ១២ នាក់

ចុចអាន ៖ ផ្ទុះរោងចក្រផលិតផាវនៅឥណ្ឌាស្លាប់ ៣ នាក់ និងរបួសជាច្រើននាក់