បន្ទាប់ពីមានគណនីបណ្តាញទំនាក់ទំនងសង្គមហ្វេសប៊ុក ឈ្មោះ ប្រូ ភុត បានបង្ហោះព័ត៌មានបង្កឲ្យមានការយល់ច្រឡំ ជាមួយនឹងរូបភាពប៉ុន្មានសន្លឹក ដោយសរសេរថា “ឈឺជើងឲ្យពេទ្យផ្សំថ្នាំលេបរួចបែកពពុះមាត់ស្លាប់ភ្លាម (ខេត្ដកំពង់ស្ពឺ) ៖ បុរសម្នាក់ឈ្មោះ វ៉ែន វ៉ាន់ អាយុ ៤៨ឆ្នាំ បានស្លាប់បាត់បង់ជីវិត បន្ទាប់ពីលេបថ្នាំគ្រូពេទ្យនៅបន្ទប់ថែទាំជំងឺទូទៅ «គិ.មធ្យម កង ពិសិដ្ឋ» ស្ថិតនៅភូមិកក់ក្រពើ ឃុំស្នំក្រពើ ស្រុកគងពិសី ខេត្ដកំពង់ស្ពឺ ។ លោក វែន វ៉ាន់ បានស្លាប់កាលពីវេលាម៉ោង០៧ និ១០នាទីល្ងាច កើតហេតុ ថៃ្ង ១៧ ខែកក្កដា ឆ្នាំ២០២៣ “។
អធិការដ្ឋាននគរបាលស្រុកគងពិសី បានច្រានចោលទាំងស្រុងចំពោះការផុសផ្សាយនេះ និងបញ្ជាក់ដែរថា ព័ត៌មាននេះមិនមែនកើតហេតុថៃ្ងទី១៧ ខែកក្កដា ឆ្នាំ២០២៣ ទេ តែជាករណីកើតហេតុកាលពីថៃ្ងទី ២៦ ខែមេសា ឆ្នាំ២០២០ ។ ក្រោយមានរឿងហេតុនេះ ក្រុមគ្រូពេទ្យមន្ទីរសុខាភិបាលខេត្ត អាជ្ញាធរស្រុកគងពិសី ព្រមទាំងក្រុមគ្រួសារ បានសហការចុះពិនិត្យ និងបានបញ្ជាក់រួចហើយថា មិនមែនស្លាប់ដោយសារតែការលេបថ្នាំពេទ្យខុសអ្វីនោះទេ។

គួរបញ្ជាក់ថា ករណីនេះ គឺបានបញ្ចប់ដោយមានការពិនិត្យ កោសល្យវិច្ច័យយ៉ាងត្រឹមត្រូវ តាមគោលការណ៍សុខាភិបាល ដូច្នេះអធិការដ្ឋាននគរបាលស្រុកគងពិសី ប្រាប់ឱ្យម្ចាស់គណនីហ្វេសប៊ុកឈ្មោះ ប្រូ ភុត បញ្ឈប់យកព័ត៌មានមិនពិត ផ្សព្វផ្សាយដើម្បីបង្កការចលាចលក្នុងសង្គមតទៅទៀត។ ​ចំពោះករណីនេះដែរ អ្នកជំនាញនិងបន្ដស្រាវជ្រាវ លើម្ចាស់គណនីហ្វេសប៊ុកខាងលើ ដើម្បីចំណាត់ការនីតិវិធីបន្ដ៕

The post ករណីបុរសម្នាក់ឈឺជើងឲ្យពេទ្យផ្សំថ្នាំលេប រួចបែកពពុះមាត់ស្លាប់ភ្លាមនោះ មិនមែនជារឿងពិតឡើយ appeared first on Kampuchea Thmey Daily.