(UPDATE) សិស្សសាលាដែលពុលអាហារ បានជាសះស្បើយវិញហើយ

Sorn Phanith — Wed, 28 Oct 2020 08:36:37 +0000

ក្មេងៗសិស្សសាលាបឋមសិក្សា សិរីអង្គនាល ចំនួនជាង១០នាក់ ដែលពុលអាហារ ត្រូវបានជួយសង្គ្រោះ និងបានវិលត្រលប់ទៅផ្ទះវិញ។

លោកវេជ្ជបណ្ឌិត អោ វ៉ាន់ថេន ប្រធានមន្ទីរសុខាភិបាល ខេត្តកំពង់ស្ពឺ បានប្រាប់គេហទំព័រ កម្ពុជាថ្មី នៅរសៀលថ្ងៃទី២៨ ខែតុលា ឆ្នាំ២០២០នេះថា សិស្សសាលាបឋមសិក្សា សិរីអង្គនាល ត្រូវបានជួយសង្គ្រោះទាន់ពេល ហើយបច្ចុប្បន្នក៏បានវិលត្រលប់ទៅដល់ផ្ទះវិញអស់ហើយដែរ។

លោកថា ករណីនេះ មន្ត្រីកំពុងធ្វើការស្រាវជ្រាវបន្ត ដើម្បីស្វែងរកនូវមូលហេតុពិត នៃការពុលរបស់សិស្សសាលា។យ៉ាងណាក៏ដោយ ប្រធានមន្ទីរសុខាភិបាល ខេត្តកំពង់ស្ពឺ លោកវេជ្ជបណ្ឌិត អោ វ៉ាន់ថេន បានអំពាវនាវដល់អាណាព្យាបាលរបស់សិស្ស និងអ្នកលក់អាហារ ត្រូវបង្កើនការប្រុងប្រយ័ត្ន ដោយចម្អិនអារហារឲ្យបានឆ្អិនល្អ និងមានអនាម័យ ហូបស្អាត ផឹកស្អាត ដើម្បីការពារជំងឺអាសន្នរោគ ខណៈខេត្តកំពង់ស្ពឺ ទើបស្រាកស្រាន្តពីទឹកជំនន់។

សូមបញ្ជាក់ថា សិស្សសាលាចំនួន ១៧ នាក់ បានពុលអាហារ បន្ទាប់ពីពួកគេបានញុំាប្រហិតកញ្ចប់ ប៉ុន្តែត្រូវជួយសង្គ្រោះទាន់ពេលវេលា កាលពីរសៀលថ្ងៃទី២៦ ខែតុលា ឆ្នាំ២០២០ នៅសាលាបឋមសិក្សា សិរីអង្គនាល ស្ថិតក្នុងភូមិចេក ឃុំស្វាយចចិប ស្រុកបសេដ្ឋ ខេត្តកំពង់ស្ពឺ៕

អត្ថបទ៖ ដូឡា

សូមចុចអាន៖ ក្មេងសិស្សសាលា១៧នាក់ ពុលក្រោយញុំាប្រហិត

The post (UPDATE) សិស្សសាលាដែលពុលអាហារ បានជាសះស្បើយវិញហើយ appeared first on Kampuchea Thmey Daily.

ក្មេងសិស្សសាលា១៧នាក់ ពុលក្រោយញុំាប្រហិត

Sorn Phanith — Tue, 27 Oct 2020 10:29:44 +0000

ក្មេងៗសិស្សសាលាចំនួន ១៧ នាក់ បានពុលក្រោយញុំាប្រហិតកញ្ចប់ ប៉ុន្តែត្រូវជួយសង្គ្រោះទាន់ពេលវេលា។

ករណីនេះបានកើតឡើង កាលពីរសៀលថ្ងៃទី២៦ ខែតុលា ឆ្នាំ២០២០ នៅសាលាបឋមសិក្សា សិរីអង្គនាល ស្ថិតក្នុងភូមិចេក ឃុំស្វាយចចិប ស្រុកបសេដ្ឋ ខេត្តកំពង់ស្ពឺ ។

សិស្សដែលពុលប្រហិតកញ្ចប់ ទាំង១៧នាក់ មានៈ ១.ឈ្មោះ មឿន ស្រីនាត ភេទស្រី អាយុ៨ឆ្នាំ រៀនថ្នាក់ទី២ , ២,ឈ្មោះ ហ៊ឹម សុវណ្ណរ័ត្ន ភេទប្រុស អាយុ១០ឆ្នាំ រៀនថ្នាក់ទី៣ , ៣.ឈ្មោះ កាំង សុវណ្ណមន្នី ភេទប្រុស អាយុ៩ឆ្នាំ រៀនថ្នាក់ទី៣, ៤.ឈ្មោះ យ៉ុង ស្រីណា អាយុ៨ឆ្នាំ ភេទស្រី រៀនថ្នាក់ទី២, ៥.ឈ្មោះ ខាត់ ស្រីពៅ អាយុ៦ឆ្នាំ ភេទស្រី រៀនថ្នាក់មតេយ្យ, ៦.ឈ្មោះ អឿន វិបុល ភេទប្រុស អាយុ១២ឆ្នាំ រៀនថ្នាក់ទី៦, ៧.ឈ្មោះ សុង លីលី ភេទស្រី អាយុ៩ឆ្នាំ រៀនថ្នាក់ទី៣, ៨. ឈ្មោះ មាន សោភា ភេទស្រី អាយុ៥ឆ្នាំ រៀនថ្នាក់មតេយ្យ. ៩.ឈ្មោះ ថន លីម៉ៅ ភេទប្រុស អាយុ១០ឆ្នាំ រៀនថ្នាក់ទី៤. ១០.ឈ្មោះ ថន សៀវអ៊ីញ ភេទស្រី អាយុ៧ឆ្នាំ រៀនថ្នាក់ទី១ , ១១.ឈ្មោះ ភុន បូផា ភេទស្រី អាយុ១១ឆ្នាំ រៀនថ្នាក់ទី៣, ១២.ឈ្មោះ ប៊ុន ស្រីប៉ុន ភេទស្រីអាយុ១៣ឆ្នាំ រៀនថ្នាក់ទី៦.១៣ឈ្មោះ កែ ចាន់អូន ភេទស្រីអាយុ១៣ឆ្នាំ រៀនថ្នាក់ទី៤.១៤ឈ្នោះ នៅ ណាទីន ភេទប្រុស អាយុ១២ឆ្នាំ រៀនថ្នាក់ទី៤. ១៥.ឈ្មោះ អ៊ិត ស្រីតី ភេទស្រី អាយុ៨ឆ្នាំ រៀនថ្នាក់ទី២ , ១៦.ឈ្មោះ យ៉ុង សុខចាន់ ភេទស្រី អាយុ១២ឆ្នាំ រៀនថ្នាក់ទី៤. និង១៧.ឈ្មោះ ជឿន សុខគា ភេទស្រី អាយុ១២ឆ្នាំ រៀនថ្នាក់ទី៤៕

អត្ថបទ៖ ជលសាល

សូមចុចអាន៖ក្រសួង កំណត់ពេលជាក់លាក់ ក្នុងដំណើរការបើកសាលារៀនដំណាក់កាលទី៣

The post ក្មេងសិស្សសាលា១៧នាក់ ពុលក្រោយញុំាប្រហិត appeared first on Kampuchea Thmey Daily.

ពុលប្រហិត Archives - Kampuchea Thmey Daily

(UPDATE) សិស្សសាលា​ដែល​ពុល​អាហារ បានជា​សះស្បើយ​វិញ​ហើយ​

​ក្មេង​សិស្សសាលា​១៧​នាក់ ពុល​ក្រោយ​ញុំា​ប្រហិត​

(UPDATE) សិស្សសាលាដែលពុលអាហារ បានជាសះស្បើយវិញហើយ

ក្មេងសិស្សសាលា១៧នាក់ ពុលក្រោយញុំាប្រហិត