ទឹកជំនន់គឺបង្កឡើងដោយចំហាយនៃព្យុះទីហ្វុង Mawar ប៉ុន្តែឥឡូវ ព្យុះនេះ ត្រូវបានគេទម្លាក់កម្រិត មកជាព្យុះត្រូពិកវិញហើយ។

ក្រុមជួយសង្គ្រោះនៅក្រុង Toyohashi នៃតំបន់ Aichi ភាគកណ្តាល បានរកឃើញបុរសម្នាក់ក្នុងវ័យ៦០ឆ្នាំប្លាយ ស្លាប់នៅក្នុងរថយន្តដែលត្រូវទឹកលិច។

ចំណែកនៅទីក្រុង Wakayama ភាគខាងលិច ក្រុមមន្ត្រីបានប្រាប់ភ្នាក់ងារសារព័ត៌មាន AFP ថា ពួកគេកំពុងបន្តស្វែងរកបុរសម្នាក់ និងស្ត្រីម្នាក់ដែលបាត់ខ្លួន។

ដោយឡែក នៅកណ្តាល និងភាគខាងលិចប្រទេសជប៉ុន អាជ្ញាធរបានចេញបញ្ជាជម្លៀសប្រជាជន ហើយនៅ​តំបន់​ជិត​ទីក្រុង​តូក្យូ​ អាជ្ញាធរ ក៏បានចេញការព្រមានថ្មី ​អំពី​ហានិភ័យ​ទឹកជំនន់ផងដែរ។

លើសពីនេះ ដោយសារតែទីក្រុងមួយចំនួន រួមទាំង Toyohashi និង Koshigaya បានជួបប្រទះភ្លៀងធ្លាក់ក្នុងកម្រិតខ្ពស់បំផុតនៅរយៈពេល២៤ម៉ោងចុងក្រោយនោះ, ទីភ្នាក់ងារឧតុនិយមជប៉ុន បានជំរុញឲ្យប្រជាជន មានការប្រុងប្រយ័ត្នខ្ពស់ចំពោះបំណាក់ដី ទឹកទន្លេឡើងផុតច្រាំង និងជំនន់នៅតំបន់ទំនាប៕

ប្រែសម្រួល៖ Vann Vann

ប្រភព៖ Straits Times

ចុចអាន៖ ជប៉ុនព្រមានថា ព្យុះទីហ្វុង Mawar ដ៏ខ្លាំងក្លាអាចនឹងបោកបក់នៅសប្ដាហ៍ក្រោយ

The post ជប៉ុន ជម្លៀសមនុស្សរាប់ម៉ឺននាក់ ដោយសារព្យុះ Mawar  appeared first on Kampuchea Thmey Daily.

ទីភ្នាក់ងារ​ឧតុនិយម​របស់​ប្រទេស​ជប៉ុន​បាន​និយាយ​ថា Mawar បាន​កំពុង​ធ្វើ​ដំណើរ​ឆ្ពោះ​ទៅ​ទិស​ខាងលិច​ក្នុង​ល្បឿន ៣០ គីឡូម៉ែត្រ​ក្នុង​មួយ​ម៉ោង នៅ​ក្នុង​ដែន​ទឹក​ភាគ​ខាង​កើត​នៃ​ប្រទេស​ហ្វីលីពីន គិត​ត្រឹម​ម៉ោង ៦ ព្រឹក​ថ្ងៃ​សៅរ៍។

ព្យុះ Mawar មាន​សម្ពាធ​បរិយាកាស​កណ្ដាល ៩១៥ hectopascals នៅ​ជុំវិញ​ចំណុច​កណ្ដាល​របស់​វា ​កំពុង​ខ្ចប់​ខ្យល់​រហូត​ដល់ ១៩៨ គីឡូម៉ែត្រ​ក្នុង​មួយ​ម៉ោង។ ខ្យល់​បក់​អតិបរមា​មាន​ល្បឿន​២៧០​គីឡូម៉ែត្រ​ក្នុង​មួយ​ម៉ោង ខ្យល់បក់ខ្លាំងជាង ៩០ គីឡូម៉ែត្រក្នុងមួយ​ម៉ោង​បាន​បក់​មក​ក្នុង​កាំ ១៨៥ គីឡូម៉ែត្រ​ពី​កណ្ដាល​របស់​វា។

ព្យុះទីហ្វុង Mawar ត្រូវ​បាន​គេ​រំពឹង​ថា​នឹង​ងាក​ទៅ​ខាង​ជើង ​បន្ទាប់​ពី​បាត់​បង់​កម្លាំង​បន្តិច​ម្តង​ៗ​ដែល​រំកិល​ទៅ​ខាង​លិច​លើ​សមុទ្រ។ ជាពិសេស​អាចនាំមកនូវអាកាសធាតុអាក្រក់​ទៅកាន់តំបន់​ធំទូលាយ ទោះបីជា​នៅ​ឆ្ងាយ​ពី​តំបន់​ក៏​ដោយ។

ទោះយ៉ាងណាក៏ដោយ ព្យុះទីហ្វុងអាចចូលមកជិតកោះអូគីណាវ៉ានៅព្រឹកថ្ងៃអង្គារ ដោយនាំរលកខ្ពស់​មកកាន់តំបន់​អូគីណាវ៉ា និងអាម៉ាមី ប្រជុំកោះ Sakishima នៅអូគីណាវ៉ា អាចរងការវាយប្រហារ​ដោយខ្យល់បក់បោកខ្លាំង ខណៈខ្យល់សើមពីព្យុះទីហ្វុងអាចនឹងបក់ចូលទៅក្នុងផ្នែកខាងមុខនៃភ្លៀង ដែលត្រូវបាន​គេ​ព្យាករណ៍​ថា ​នឹង​ព្យួរពី​លើកោះ Honshu ដ៏សំខាន់របស់ប្រទេសជប៉ុន ដែលនាំមកនូវភ្លៀង​ធ្លាក់ខ្លាំងនៅ​សប្ដាហ៍​ក្រោយ៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖អ៊ុយក្រែនបារម្ភថា រុស្ស៊ីអាចនឹងបើកការវាយប្រហារលើរោងចក្រនុយក្លេអ៊ែរ Zaporizhzhia

The post ជប៉ុនព្រមានថា ព្យុះទីហ្វុង Mawar ដ៏ខ្លាំងក្លាអាចនឹងបោកបក់នៅសប្ដាហ៍ក្រោយ appeared first on Kampuchea Thmey Daily.