ព្រឹត្តិការណ៍អាកាសធាតុដ៏កម្រនិងគួរឲ្យភ្ញាក់ផ្អើលនេះបង្កឡើងដោយខ្យល់បក់ខ្លាំង និងលក្ខខណ្ឌអាកាសស្ងួតខ្លាំងក្នុងប្រទេសអូស្ត្រាលីភាគខាងត្បូង ដែលមានភ្លៀងធ្លាក់ទាបបំផុត។ ព្យុះនេះបានបក់ឆ្លងកាត់រដ្ឋ SA, Victoria និងចូលទៅក្នុងរដ្ឋ New South Wales។

ឥទ្ធិពលនៃព្យុះនេះបានកាត់បន្ថយភាពមើលឃើញយ៉ាងខ្លាំងនៅអាកាសយានដ្ឋាន Canberra និង Sydney ខណៈល្បឿនខ្យល់​បាន​ឡើង​ដល់​ល្បឿន ១២៦ គីឡូម៉ែត្រ​ក្នុង​មួយ​ម៉ោង​នៅ​ផ្នែក​ខ្លះ​នៃ​រដ្ឋ SA និងបាន​ផ្តាច់​ថាមពលអគ្គិសនី​ដល់ប្រជាជនរាប់​ពាន់​នាក់ និង​បំផ្លាញ​ហេដ្ឋារចនាសម្ព័ន្ធ​នានាផងដែរ។

លើសពីនេះគុណភាពខ្យល់នៅទូទាំងទីក្រុងSydney និងទីក្រុង Wollongong ត្រូវបានវាយតម្លៃថា «អន់ណាស់» ដែលជំរុញឱ្យមានការព្រមានអំពីបញ្ហាសុខភាពដែលកើតមានពីព្យុះដ៏កម្រនេះ។ ប្រជាពលរដ្ឋត្រូវបានណែនាំឲ្យស្នាក់នៅក្នុងផ្ទះ បិទបង្អួច និងជៀសវាងសកម្មភាពក្រៅផ្ទះក្នុងអំឡុងពេលមានព្យុះ៕

អត្ថបទ៖ ប៊ុន សុភាព

The post ព្យុះធូលីដ៏កម្រប្រែក្លាយមេឃក្នុងទីក្រុងស៊ីដនីប្រទេសអូស្រ្តាលី ជាពណ៌ទឹកក្រូច appeared first on Kampuchea Thmey Daily.