កុំធ្វើហី! ឧស្សាហ៍ព្រិលភ្នែក ឈឺក្បាល អាចជាសញ្ញាជំងឺដុំសាច់ខួរក្បាល

សាង ស្រីល័ក្ខ — Sun, 17 Oct 2021 01:20:00 +0000

ដុំសាច់ខួរក្បាល អាចនិយាយបានថា ជាជំងឺដែលគ្នាយើងឮហើយ ភ័យព្រួយខ្លាំង ព្រោះវាអាចវិវត្តជាដុំសាច់កាច គំរាមកំហែងជីវិតយើង។ ដុំសាច់នេះកើតឡើងពីស្រោមខួរក្បាលរបស់យើង ហើយគេសង្កេតឃើញថាកើតលើស្រ្តីច្រើនជាងបុរស និងមានរោគសញ្ញាទូទៅមួយចំនួនយើងមិនចាប់អារម្មណ៍ នេះបើតាមការផ្សព្វផ្សាយរបស់មន្ទីរពេទ្យ កាល់ម៉ែត។

រោគសញ្ញាជំងឺដុំសាច់ខួរក្បាល

ការរីកលូតលាស់របស់ដុំសាច់មានសភាពយឺតយ៉ាវ ដូច្នេះរោគសញ្ញាក៏អាស្រ័យទៅតាមទំហំ និងទីកន្លែងដុំសាច់ដែរ ហើយរោគសញ្ញាដែលជួបប្រទះញឹកញាប់ដូចជា៖

ឈឺក្បាល
ប្រកាច់
មើលពុំច្បាស់ ព្រិលភ្នែកៗ
ភាពខ្សោយអវយវៈ
ប្រសិនបើដុំសាច់នោះធំខ្លាំងអាចបណ្ដាលអោយសន្លប់បាត់ស្មារតី។

ទន្ទឹមនឹងនេះ សាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក ឲ្យដឹងថា ត្បិតតែរកមិនទាន់ដឹងមូលហេតុពិតប្រាកដ ប៉ុន្តែខាងគ្រូពេទ្យវេជ្ជសាស្ត្ររកឃើញថា មានហ្សែនខ្លះអាចប្រែប្រួលកើតទៅជាជំងឺមហារីកខួរក្បាលបាន ហើយហ្សែនទាំងអស់នោះកំពុងត្រូវបានសិក្សាបន្ថែមទៀត នៅមិនទាន់កំណត់ច្បាស់នៅឡើយទេ។

លោកវេជ្ជបណ្ឌិតថា អាចកើតឡើងបានមនុស្សគ្រប់វ័យ មិនថាតែមនុស្សចាស់ទេ សូម្បីតែកូនក្មេងក៏អាចប្រឈមនឹងកើតជំងឺដុំសាច់ខួរក្បាលនេះដែរ។ ហេតុនេះ យើងគួរតែតាមដាន និងថែទាំសុខភាពឲ្យបានដិតដល់ទាំងចាស់ ទាំងក្មេង៕

អត្ថបទផ្ដល់ដោយ៖ Hello Krupet

ចុចអាន៖

The post កុំធ្វើហី! ឧស្សាហ៍ព្រិលភ្នែក ឈឺក្បាល អាចជាសញ្ញាជំងឺដុំសាច់ខួរក្បាល appeared first on Kampuchea Thmey Daily.

ព្រិលភ្នែក Archives - Kampuchea Thmey Daily

កុំធ្វើហី! ឧស្សាហ៍ព្រិលភ្នែក ឈឺក្បាល អាចជាសញ្ញាជំងឺដុំសាច់ខួរក្បាល