បើ​តាម​ប្រភព​បាន​ឲ្យ​ដឹង​ថា លោកគ្រូ ព្រឿង ឈៀង និង​ភរិយា បាន​ជួប​គ្រោះថ្នាក់​ចរាចរណ៍​កាលពី​យប់មិញ។ ហេតុការណ៍​នេះ​កើត​ឡើង​នៅ​ម្ដុំ​រោងចក្រ​ស្រា​បៀរ​មួយ​កន្លែង បាន​បណ្ដាល​ឲ្យ​ព្រឹទ្ធាចារ្យ ព្រឿង ឈៀង ត្រូវ​ដើមទ្រូង​ជាមួយ​នឹង​ដៃចង្កូត។ ចំណែក​ភរិយា បាក់​កដៃ និង​ប៉ះពាល់​ផ្នែក​សួត កំពុង​សម្រាក​នៅ​មន្ទីរពេទ្យ​ឯកជន។

តាមរយៈ​គណនី​ហ្វេស​ប៊ុក​ឈ្មោះ Chhayaroth seng បាន​រៀបរាប់​ថា «ប៉ា​ម៉ាក់​ជួប​គ្រោះថ្នាក់ កាលពី​យប់មិញ នៅ​រោងចក្រ​ស្រាបៀ​មួយ​កន្លែង ប៉ា ត្រូវ​ដើមទ្រូង​ជាមួយ​នឹង​ដៃចង្កូត ម៉ាក់​បាក់​កដៃ និង​សួត​ជាំ​បន្តិច សម្រាក​នៅ​មន្ទីរពេទ្យ​មានជ័យ ១ ផ្លូវ ៣៧១»។

តាមរយៈ​ដំណឹង នៃ​គ្រោះថ្នាក់​ចរាចរណ៍​នេះ បាន​ធ្វើ​ឲ្យ​អ្នកគាំទ្រ​ជាច្រើន រួម​ទាំង​សិល្បករ​-​សិល្ប​ការិនី​មួយ​ចំនួន បង្ហាញ​ការ​ព្រួយបារម្ភ និង​ជូនពរ​ឲ្យ ព្រឹទ្ធាចារ្យ ព្រឿង ឈៀង និង​ភរិយា ឆាប់​ជា​សះស្បើយ។

កម្ពុជា​ថ្មី នៅ​ព្រឹក​ថ្ងៃ​ទី ០៤ ខែ​កក្កដា ឆ្នាំ ២០២៣ នេះ មិន​ទាន់​អាច​ទាក់ទង ដើម្បី​សូម​ការ​សួរនាំ​បាន​នៅឡើយ​ទេ ជុំវិញ​ហេតុការណ៍​នេះ៕

អត្ថបទ ៖ ចាន់រ៉ា

The post ព្រឹទ្ធាចារ្យ ព្រឿង ឈៀង និងភរិយា ជួបគ្រោះថ្នាក់ចរាចរណ៍ ម្ដុំរោងចក្រស្រាបៀមួយកន្លែង របួសធ្ងន់ appeared first on Kampuchea Thmey Daily.