មានព្រះបន្ទូលក្នុងពិធីចុះហត្ថលេខាជាផ្លូវការ លើកិច្ចព្រមព្រៀងទូតសុឆន្ទៈ របស់ក្រុមហ៊ុន ONEROAD GROUP នារសៀលថ្ងៃទី១៨ ខែមីនា ឆ្នាំ២០២៥ ព្រះនាងនរោត្តមជេនណា មានព្រះបន្ទូលថា ៖ ខ្ញុំបានស្គាល់កាន់តែច្បាស់ថា ONEROAD GROUP គឺជាក្រុមហ៊ុនចម្រុះជាតិ សាសន៍ដ៏ធំមួយ ដែលមានអាជីវកម្ម គ្រប់ដណ្តប់ទូទាំង ពិភព លោកជាង២០ប្រទេសនិងតំបន់ ដោយមានទីស្នាក់ការកណ្តាល ស្ថិតនៅជាន់ទី១១៤ក្នុងអាគារ Burj Khalifa នៃទីក្រុងឌូបៃដែលជាអាគារ ខ្ពស់ជាងគេលើពិភពលោក ។ព្រះនាងមានព្រះរាជបន្ទួលបន្តថា នៅពេលដឹងថា Brand ZEEKR គឺជា Brand ដ៏សំខាន់ ដែលនាំចូលដោយក្រុមហ៊ុន ONEROAD INDASRTAIL ធ្វើឱ្យខ្ញុំរឹតតែមានជំនឿចិត្តយ៉ាងខ្លាំង ចំពោះ ZEEKR នៅក្នុងប្រទេសកម្ពុជា នាពេលអនាគ ។ ព្រោះខ្ញុំជឿជាក់លើការអនុវត្តគោលការណ៍របស់ក្រុមហ៊ុន ដែលឈរលើផ្នត់ គំនិតដោយយក “អតិថិជនជាអាទិភាព និងផ្តល់សេវាកម្ម ដ៏ពិសេស សម្រាប់អតិថិជន ZEEKR ជាទីគាប់ចិត្ត” ។ ដូច្នេះប្រាកដជាធ្វើឱ្យ ZEEKR មានភាពលេច ធ្លោឆ្ពោះ ទៅមុខឥតឈប់ឈរនៅ ក្នុងវិស័យ រថយន្តអគ្គិសនី និង បង្កើតនូវសមិទ្ធផល ដ៏ល្អជាច្រើន ជាក់ជាមិនខាន ។ ហើយភាពជាក់ស្តែងទាំងនេះ ធ្វើឱ្យខ្ញុំវាយតម្លៃបានថា រថយន្តអគ្គិសនី ZEEKER ពិតជាមានសន្ទុះយ៉ាងឆាប់ រហ័សក្នុងទីផ្សារ ។

ជាមួយគ្នានោះដែរព្រះនាងក៏ បានគូសបញ្ជាក់យ៉ាងច្បាស់ថា៖«ខ្ញុំដឹងយ៉ាងច្បាស់ថា ក្នុងនាមខ្ញុំជាទូតសុឆន្ទៈ ខ្ញុំមានទំនួលខុសត្រូវយ៉ាងសំខាន់ ។ ខ្ញុំមិនត្រឹមតែចែក រំលែក ជូនបងប្អូនទាំងអស់គ្នាពីចំណាប់ អារម្មណ៍ពិតប្រាកដ ក្រោយពីប្រើប្រាស់រថយន្តតែប៉ុណ្ណោះទេ គឺ កាន់តែចង់ឱ្យ មនុស្សកាន់តែច្រើនបានដឹង បានយល់ពីខ្លឹមសារ ដែលនៅពីក្រោយ Brand មួយនេះដែរ គឺ ស្មារតីបង្កើតថ្មី និង ការស្វែងរកគុណភាពឥតឈប់ឈរ »។

នាយកក្រុមហ៊ុន ONEROAD GROUP បានលើកឡើងថា វត្តមានរបស់ព្រះនាងជេនណា ជាទូតសុឆន្ទៈនេះមិនត្រឹមតែជា សមាជិកដ៏សំខាន់ នៃរាជវជ្យប្រទេសកម្ពុជាប៉ុណ្ណោះទេ ទ្រង់ក៏ជាបុគ្គល សាធារណៈមួយអង្គ ដែលមានឥទ្ធិពលយ៉ាងខ្លាំងក្លា នៅក្នុងសង្គម ។ អត្តចរិតថ្លៃថ្នូររបស់ព្រះនាង និងទឹកព្រះ ទ័យស្រឡាញ់ ចំពោះប្រជានុរាស្ត្រ និងការទទួលខុសត្រូវ ចំពោះសង្គម ព្រមទាំងកិច្ចខិតខំប្រឹងប្រែងជម្រុញវប្ប ធម៌ខ្មែរ-ចិនឥតឈប់ឈរ ពិតជាមានភាពស៊ីសង្វាក់យ៉ាងខ្លាំងជាមួយ brand concept របស់ក្រុមហ៊ុន ។

លោកនាយកបានបន្ថែមថា ព្រះនាងជេនណា តែងណែនាំពីរប្បធម៌ចិន ដែលធ្វើយើងខ្ញុំជាជនជាតិចិន រស់នៅអភិវឌ្ឍខ្លួន នៅប្រទេស កម្ពុជាគ្រប់រូបមានក្តីរំភើបជាខ្លាំង ។ ជាពិសេសណែនាំពីពិធីបុណ្យព្រិល នៃទីក្រុងហាអីពឹងប្រទេសចិន ធ្វើឲ្យ ប្រទេសកម្ពុជា ដែលស្ថិតនៅតំបន់ ត្រូពិកមិនត្រឹមតែទទួលបានអារម្មណ៍ ខ្យល់ត្រជាក់ស្រួលទេ រឹតតែធ្វើអោយ យើងទទួលបានអារម្មណ៍ មនោសញ្ចេតនា យ៉ាងជ្រាលជ្រៅ រវាងប្រទេសទាំង២ ៕

The post ព្រះនាងនរោត្តម ជេនណា ចុះកិច្ចព្រមព្រៀងទូតសុឆន្ទៈជាមួយក្រុមហ៊ុនរថយន្តរបស់ចិនម៉ាក ZEEKR appeared first on Kampuchea Thmey Daily.

ក្រោមការអញ្ជើញជាកិត្តិយស និងតំណាងឲ្យប្រទេសកម្ពុជា នៅក្នុងវេទិកាវប្បធម៌ទីក្រុងប៉េកាំង នៅប្រទេសចិន ព្រះនាង នរោត្តម ជេនណា បានលើកបង្ហាញនូវនៅលើឆាតអន្តរជាតិជាច្រើនតាមរយៈ សំលៀកបំពាក់ ក្បាច់របាំ និងសិល្បៈវប្បធម៌ផ្សេងៗជាច្រើនទៅកាន់ប្រជាជនចិននឹងពិភពលោក ដែលធ្វើប្រជាជនខ្មែកោតសរសើរ និងមានមោទកភាពជាខ្លាំងចំពោះនាង។ លើសពីនោះទៅទៀតព្រះនាង ក៏បានចូលរួមជាភ្លៀវកត្តិយសនៅក្នុងកម្មវិធី ភាពយន្តមនោសញ្ចេតនា Lushan លើកទី៥ ដែលបានបកស្រាយចម្រៀងបទ 甜蜜蜜 (Tian Mi Mi) ជាភាសាចិនថែមទៀតផង។

ទន្ទឹមនឹងការយាងទៅឯប្រទេសចិនលើកនេះ ព្រះនាង ជេនណា បានបង្ហោះរូបភាពអមជាមួយសំណេរនឹករលឹកប្រទេសកម្ពុជា ដោយព្រោះព្រះនាងបានចេញទៅក្រៅប្រទេសចំពេលពិធីបុណ្យភ្ជុំបិណ្ឌប្រពៃណីជាតិខ្មែរ។ ព្រះនាងបានលើកឡើងថា “ក្នុងឱកាសនៃពិធីបុណ្យភ្ជុំបិណ្ឌនេះ ទោះបីជាខ្ញុំនៅឆ្ងាយពីប្រទេសកម្ពុជា ប៉ុន្តែចិត្តខ្ញុំកំពុងនឹករលឹកនៅជាមួយគ្រួសារនិងពុកម៉ែបងប្អូនទាំងអស់គ្នាជានិច្ច។ ក្នុងឱកាសដ៏ពិសិដ្ឋនេះ ខ្ញុំកំពុងស្ថិតនៅ Niushoushan (牛首山) ក្នុងទីក្រុង ណានជីង សាធារណរដ្ឋប្រជាមានិតុចិន ដែលទីនេះជាកន្លែងគោរពព្រះពុទ្ធសាសនាដ៏ធំមួយដែលគេស្គាល់ថាជា «ភ្នំក្បាលគោ» ។”

ព្រះនាងបានបន្តថា “កន្លែងនេះមានប្រវត្តិដ៏សម្បូរបែបដែលមានអាយុកាលតាំងពីរាជវង្សថាង ឥឡូវនេះជាកន្លែងសម្រាប់វិមាន Foding ដែលដាក់តាំងវត្ថុបុរាណតែមួយគត់នៃព្រះកេសរបស់ព្រះពុទ្ធ។ ជាក្ដីជ្រះថ្លាណាស់ដែលបានថ្វាយការគោរពដល់ព្រះពុទ្ធ ជាទីសក្ការៈនៅទីនេះ។” បន្ថែមពីលើនោះ ព្រះនាង នរោត្តម ជេនណា ក៏បានជូនពរប្រជាជនកម្ពុជាក្នុងឱកាសពិធីបុណ្យភ្ជុំបិណ្ឌថែមទៀតថា “ក្នុងឱកាសបុណ្យភ្ជុំបិណ្ឌ ប្រពៃណីជាតិខ្មែរ ខ្ញុំសូមជូនពរឱ្យពុកម៉ែបងប្អូនទាំងអស់គ្នា ឱ្យជួបតែសេចក្ដីសុខសុវត្ថិភាពគ្រប់ពេលវេលានិងទីកន្លែង ព្រមទាំងរីករាយជាមួយការជួបជុំក្រុមគ្រួសារក្នុងឱកាសបុណ្យភ្ជុំបិណ្ឌនេះ៕”

The post ទោះឃ្លាតព្រះកាយ តែព្រះនាង ជេនណា នៅតែនឹករលឹកប្រទេសកម្ពុជា ក្នុងរដូវបុណ្យភ្ជុំបិណ្ឌ appeared first on Kampuchea Thmey Daily.

មិនតែប៉ុណ្នោះ ព្រះនាង បានច្រៀងចម្រៀងមួយបទ ដែលជា Original Song ថ្មីរបស់ទ្រង់ផ្ទាល់ ដែលមានចំណងជើងថា《一起说Hi》។​ នៅក្នុងនោះ ព្រះនាង បានគ្រងសម្លៀកបំពាក់ប្រពៃណីខ្មែរ បង្ហើរសំនៀងដ៏ពីរោះ បង្ហាញនូវទស្សនិយភាពដ៏អស្ចារ្យនៅលើឆាកកម្មវិធីធំមួយនេះ។

ព្រះនាង មិនត្រឹមតែនាំយកនូវវប្បធម៌ជាតិខ្មែរ ដើម្បីបង្ហាញទៅកាន់ប្រទេសដ៏ទៃឲ្យបានស្គាល់នោះទេ ព្រះនាងថែមទាំងធ្វើឲ្យបរទេសសរសើរនូវសមត្ថភាព និង ភាពស្រស់ស្អាតនៃសម្លៀកបំពាក់បុរាណខ្មែរទៀតផង។ ម៉្យាងវិញទៀត ព្រះនាងតូច តែងតែធ្វើឲ្យប្រជាជនខ្មែរមានមោទនភាពជានិច្ច តាមរយៈការខិតខំប្រឹងប្រែងរបស់ព្រះនាង ក្នុងការផ្សព្វផ្សាយប្រទេសកម្ពុជា៕

សូមទស្សនាវីដេអូតាមរយៈលីង៖ Video | Facebook

The post គួរឲ្យស្ងើចណាស់ ព្រះនាងតូច ជេនណា បានសម្ដែងទេពកោសល្យសិល្បៈ លើឆាកកម្មវិធីធំចិន appeared first on Kampuchea Thmey Daily.

ប្រាកដ​ណាស់​​ភាពយន្ត​រឿង «បណ្ដា​សា​នាង​រាត្រី» គឺ​ជា ភាពយន្ត​ដែល​ជោគជ័យ​បំផុត​របស់​កម្ពុជា​ដែល​បាន​ចេញ​ទៅ​បញ្ចាំង​នៅ​តាម​រោង​ភាព​យន្ត​បណ្ដា​ប្រទេស​ក្នុង​តំបន់​អាស៊ី។ មហោស្រព​ភាពយន្ត​កម្ពុជា​អាស៊ី​លើកទី២ គឺជា ព្រឹត្តិការណ៍​ដ៏​មាន​សារសំខាន់​ដែល​មិន​ត្រឹម​តែ​ជា​វេទិកា​សម្រាប់​ប្រគល់​ពាន​រង្វាន់​ជូនផលិតករ សិល្បករ-សិល្បការិនី ប៉ុណ្ណោះ​ទេ​គឺ​ វេទិកា​ដ៏​មាន​ឥទ្ធិពល​ក្នុង​ការ​ផ្សព្វផ្សាយ​​នូវ​ភាព​ចម្រុះ​នៃ​សិល្បៈ​វប្បធម៌​ព្រម​ទាំង​រឿងរ៉ាវ​ជា​ច្រើន​ តាមរយៈ​ស្នាដៃ​ភាពយន្ត​របស់​បណ្តា​ប្រទេស​នានា​ក្នុង​តំបន់អាស៊ី។

ចំណែក​ឯព្រះនាង​តូច ជេនណា នរោត្តម ក្រោយ​ទទួលបានពាន​“ Best Newcomer Actress “ ព្រះ​នាង​មាន​ព្រះរាជបន្ទូល​ថា “ខ្ញុំ​ពិតជាមានអារម្មណ៍រំភើបណាស់ដោយបាន​ទទួល​បានពាន​“Best Newcomer Actress“ពីមហោស្រពភាពយន្ត​ កម្ពុជា–អាស៊ីលើកទី២​ តាមរយៈ​ខ្សែភាពយន្តខ្នាតធំ រឿង “បណ្ដាសានាងរាត្រី”។

ព្រះនាងតូច ជេនណា នរោត្តម បាន​មាន​ព្រះ រាជបន្ទូល​បន្តថា ពានរង្វាន់មួយនេះ​ជាកិត្តិយស​ដ៏ធំ​នៃការ​កសាង​ស្នាដៃរបស់ខ្ញុំ​ ក៏ដូច​ជាអនុស្សាវរីយ៍​នៃការបម្រើវិស័យសិល្បៈខ្មែរ​ ដែលខ្ញុំស្រឡាញ់ពេញបេះដូងផងដែរ។ យ៉ាង​ណាមិញ​ ខ្ញុំមិន​ភ្លេច​ការអរគុណ​យ៉ាងជ្រាលជ្រៅ​ចំពោះ លោកចាងហ្វាងផលិតកម្ម និងថ្នាក់ដឹកនាំផលិតកម្ម LD Entertainment ព្រមទាំង​ក្រុមការងារ​ទាំងអស់​សម្រាប់ការផ្តល់ឱកាស​ដល់ខ្ញុំបានសម្ដែងក្នុងខ្សែភាពយន្តល្អៗតាំងពីដើមរៀងមក។

ព្រះនាងតូច បាន​មានព្រះរាជបន្ទូល​ថា «ទន្ទឹមនឹងនេះ​ ខ្ញុំសូមអរគុណចំពោះពុកម៉ែបងប្អូន​ក៏ដូចជា​ហ្វេនៗរបស់ខ្ញុំទាំងអស់​សម្រាប់ការគាំទ្រតាំងពីដើមមក។ ខ្ញុំពិតជារីករាយ​ក្នុងបន្តបោះ​ជំហ៊ាន​ទៅមុខ​ប្រកប​ដោយ​ក្ដីស្រឡាញ់ និង​ការ​តាំងចិត្តខ្ពស់៕

អត្ថបទ៖ ចាន់រ៉ា

The post ព្រះនាងតូច ជេនណា មោទនភាពខ្លាំង ក្រោយទទួលបានពាន “ Best Newcomer Actress “ appeared first on Kampuchea Thmey Daily.

​ទស្សនកិច្ច​នេះ​រួមមាន​ការធ្វើ​បទ​បង្ហាញ​អំពី​ក្រុមហ៊ុន ការយាង​ទស្សនា​ឃ្លាំង​ផ្ទុកទំនិញ សង្វាក់​ផលិតកម្ម និង​មន្ទីរពិសោធន៍​របស់​រោង​ចក្រ ដែល​បង្ហាញ​ពី​គុណភាព​នៃ​ការផលិត​ស្ករ​គ្រាប់ និង​អាហារសម្រន់​សម្រាប់​ការទទួល​ទាន ក៏ដូចជា​ការនាំ​ចេញទៅ​កាន់​ក្រៅប្រទេស​។ ក្នុង​ទស្សនកិច្ច​របស់​ព្រះ​នាង ក៏មាន​វត្តមាន​អ្នកសារព័ត៌មាន​ជាច្រើនរូប​ផងដែរ​។

​អេ​ប្រា​ធី ហ្វ៊ូ​ដ (​ខេ​ម​បូ​ឌា​) ជា​រោងចក្រ​ផលិត​ស្ករ​គ្រាប់ និង​អាហារសម្រន់​នៅ​កម្ពុជា ដែលមាន​ក្រុមហ៊ុន​ដើម មានឈ្មោះ​បោះ​សំឡេង​ជាង​១០០​ឆ្នាំ នៅ​សហរដ្ឋអាមេរិក​។ អេ​ប្រា​ធី ហ្វ៊ូ​ដ (​ខេ​ម​បូ​ឌា​) ទទួលបាន ស្តង់ដា​គុណភាព​ចំណីអាហារ​ពិភពលោក​ដូចជា BRCGS, GMP និង HACCP និង​មានការ​ប្តេជ្ញា​លើ​សុវត្ថិភាព គុណភាព និង​រសជាតិ​ជា​ចម្បង អោយ​ការពារ​អាហារ​ពី​ហានិភ័យ​នានា ដូចជា​សារធាតុ​ដែល​អាច​បណ្តាលអោយ​ពុល អា​ឡែ​ស៊ី និង​ការឆ្លង​មេរោគ​នានា​ចូលទៅក្នុង​អាហារ​។

​ព្រះ​នាង ជេន​ណា បាន​មានបន្ទូល​ផ្តោតលើ​តួនាទី​យ៉ាងសំខាន់​នៃ​អាហារ​ក្នុង​ជីវិត​របស់​យើង ដោយ​បញ្ជាក់​ពី​សារៈសំខាន់​របស់​វាស​ម្រា​ប់​ទាំង​អាហារូបត្ថម្ភ និង​ការបន្ថែម​រសជាតិ​នៃ​ជីវិត​។

​ព្រះ​នាង ជេន​ណា បាន​មានបន្ទូលថា​«​អាហារ​មាន​សារៈសំខាន់​យ៉ាងខ្លាំង​ក្នុង​ជីវិត​របស់​យើង​។ វា​មិន​ត្រឹមតែ​ជា​រូប​ត្ថ​ម្ភ​ប៉ុណ្ណោះ​ទេ ប៉ុន្តែ​ក៏​ជា​អ្វីដែល​បង្កើន​រស​សម្រាប់​ជីវិត​ផងដែរ តាមរយៈ​ការបង្កើន​បរិយាកាស​ស​ប្បាយ​រីករាយ​និង​ការជួបជុំ​ជាមួយ​មិត្តភក្តិ​ក៏ដូចជា​ក្រុមគ្រួសារ នៅពេល​ទទួលទាន​។ ដូច្នេះ​វា​ជាការ​ចាំបាច់​ដែល​បុគ្គល​ម្នាក់ៗ ត្រូវ​ពិនិត្យ​អោយបាន​ច្បាស់​ថា អាហារ​ដែល​ពួកគេ​ទទួល​ទទួល​មាន មាន​សុវត្ថិភាព​និង​គុណភាព​។ រាល់​អាជីវកម្ម​លើ​ម្អូ​ប​អាហារ​ដែល​ការកំណត់​យក​សុវត្ថិភាព​របស់​បុគ្គលិក អ្នក​ទទួលទាន និង​សង្គមជាតិ ជា​អាទិភាព​ចម្បង​បង្ហាញ​ពី​ការប្តេជ្ញាចិត្ត និង​ក្រមសីលធម៌ នៃ​ការធ្វើ​អាជីវកម្ម​ប្រកបដោយ​និរន្តរភាព​។ »

​លោក Benjamin Pedro នាយក​នៃ​ការបង្កើត​តម្រូវការ​នៅ Aprati Foods បាន​មានប្រសាសន៍ថា​៖ « នៅ Aprati Foods យើង​បង្កើត​ភាព​រីករាយ​ក្នុង​គ្រប់ផ្នែក​នៃ​ការងារ​របស់​យើង តាំងពី​ការផលិត​រហូតដល់​ការបរិភោគ​។ ការប្តេជ្ញាចិត្ត​ចម្បង​បំផុត​របស់​យើង​ចំពោះ​ការទទួលខុសត្រូវ​លើ​សុវត្ថិភាព​បុគ្គលិក ទីកន្លែង​ធ្វើការ និង​អ្នក​បរិភោគ បានធ្វើឱ្យ​យើង​ទទួលបាន​វិ​ញ្ញាប​ន​ប័ត្រ​ស្តង់ដា​សុវត្ថិភាព​ពិភពលោក ដែល​អនុញ្ញាតឱ្យ​យើង​អាចដាក់​លក់​ផលិតផល​របស់​យើង​បាន ទាំង​ក្នុងស្រុក និង​ទីផ្សារ​អន្តរជាតិ​។ ផលិតផល​របស់​យើង​ដែល​កំពុង​ជោគជ័យ រួមមាន Frutati, Mocati, និង Aprati​។ »

​អេ​ប្រា​ធី ហ្វ៊ូ​ដ ផ្តោត​សំខាន់​លើ​សុវត្ថិភាព​ចំណីអាហារ ការប្តេជ្ញាចិត្ត​ចំពោះ​សង្គម និង​ការរួមចំណែក​អាជីវកម្ម​ប្រកបដោយ​និរន្តរភាព ក៏ដូចជា​ចំពោះ​សេដ្ឋកិច្ចជាតិ​។

​វិ​ញ្ញាប​ន​ប័ត្រ​បញ្ជាក់ BRCGS កម្រិត AA បង្ហាញ​ពី​ការយកចិត្តទុកដាក់រ​បស់ អេ​ប្រា​ធី ហ្វ៊ូ​ដ ក្នុងការ​ផ្តល់នូវ​ផលិតផល​ដែលមាន​សុវត្ថិភាព និង​គុណភាព​ខ្ពស់ រួមទាំង​ម៉ាក​សញ្ញា​ល្បីៗ​ដូចជា Frutati និង Mocati ផងដែរ​។ អេ​ប្រា​ធី ហ្វ៊ូ​ដ ធ្វើការ​យ៉ាងសកម្ម​បំផុត ដើម្បី​បញ្ជៀ​ស​ហានិភ័យ​លើ​សុវត្ថិភាព​ម្ហូបអាហារ កាត់បន្ថយ​ភាព​ខ្ជះខ្ជាយ និង​ធានា​លើ​ការពេញចិត្ត​របស់​អតិថិជន រួមចំណែក​ដល់​គំរូ​អាជីវកម្ម​ប្រកបដោយ​និរន្តរភាព និង​ការទទួលខុសត្រូវ​ខ្ពស់​។ ក្រុមហ៊ុន​បាន​សហការ​យ៉ាងសកម្ម​ជាមួយនឹង​គំនិត​ផ្តួចផ្តើម​របស់​រដ្ឋាភិបាល ក្នុងការ​លើកស្ទួយ​គុណ​ភាព និង​សុវត្ថិភាព​ម្ហូបអាហារ​សម្រាប់​អ្នក​ទទួលទាន ក៏ដូចជា​ការផលិត​និង​នាំចេញ ផលិតផល​ក្នុងស្រុក ទៅ​ទីផ្សារ​អន្តរជាតិ​ផងដែរ​។

ក្រុមហ៊ុន អេ​ប្រា​ធី ហ្វ៊ូ​ដ Aprati Foods (Cambodia) Ltd មាន​ក្រុមហ៊ុន​ដើម​ឈ្មោះ American Licorice Co. គឺជា​ក្រុមហ៊ុន​ដែលមាន​បទពិសោធន៍ និង​មានឈ្មោះ​បោះ​សំឡេង​ជាង​១០០​ឆ្នាំ​មកហើយ​នៅ​សហរដ្ឋអាមេរិក​។ អេ​ប្រា​ធី ហ្វ៊ូ​ដ បាន​ចុះបញ្ជី​ពាណិជ្ជកម្ម​នៅ​កម្ពុជា ក្នុង ២០១៣​។ ក្រុមហ៊ុន​នេះ មាន​ទីតាំងនៅ​តំបន់​សេដ្ឋកិច្ច​ពិសេស​ភ្នំពេញ និង​ចាប់ផ្តើម​ដំណើរការ​រោងចក្រ​នៅ​ឆ្នាំ ២០១៦​។​

​អេ​ប្រា​ធី ហ្វ៊ូ​ដ គឺជា​រោងចក្រ​ផលិត​ស្ករ​គ្រាប់ និង​អាហារសម្រន់​ដំបូង​គេ​របស់​កម្ពុជា ដែល​ប្រកាន់យក​ស្តង់ដា​គុណភាព​របស់​សហរដ្ឋអាមេរិក​។​ជាមួយនឹង​ការប្តេជ្ញាចិត្ត​យ៉ាង​មុតមាំ​ក្នុងការ​ស្រាវជ្រាវ និង​ការអភិវឌ្ឍ អេ​ប្រា​ធី បាន​បង្កើត​ផលិតផល​ដំបូង​របស់ខ្លួន Mocati ក្នុង​ឆ្នាំ ២០១៧៕

The post ព្រះ​នាង ជេន​ណា នរោត្តម សព្វ​ព្រះ​ហ​ឬ​ទ័យ​ផ្តល់​ជា​កិត្តិយស​យាង​ទស្សនកិច្ច​រោងចក្រ​រប​ស់​ក្រុមហ៊ុន​អេ​ប្រា​ធី​ហ៊្វូ​ដ appeared first on Kampuchea Thmey Daily.

​ព្រះ​នាង​តូច ជេន​ណា ជា​ទូត​សុឆន្ទៈ​របស់​ហាង PAPA JOHN’S PIZZA​។ ដោយសារតែ​មានការ​គាំទ្រ​លើ​រសជាតិ​ដ៏​ឆ្ងាញ់​ពិសា​ពី​សំណាក់​អតិថិជន បានធ្វើឲ្យហាង​ PAPA JOHN’S PIZZA សម្រេច​បើក​ដំណើរការ​ជា​ផ្លូវការ​នូវ​សាខា​ទី​ ៧ ​របស់ខ្លួន​ខាងលើនេះ​។

​នាយក​ប្រតិបត្តិ​របស់​ហាង PAPA JOHN’S PIZZA លោក Peter Xu បាន​មាន​ប្រសាសន៍​ថា លោក​នឹង​បើក​សាខា​ទាំងអស់ យ៉ាងហោចណាស់​ ១៥​ ទីតាំង​ក្នុង​ព្រះរាជាណាចក្រ​កម្ពុជា ដើម្បី​បង្ក​ភាព​ងាយ​ស្រាយ​ដល់​អតិថិជន ក្នុង​ការទិញ និង​ទទួលទាន​នូវ​ភីហ្សា​ដ៏​មាន​ឱជារស​។​

​ក្នុង​ថ្ងៃ​សម្ពោធ លោកស្រី Lauren Higgins តំណាង​ស្ថានទូត​សហរដ្ឋអាមេរិក​ប្រចាំ​ព្រះរាជាណាចក្រ​កម្ពុជា បានផ្តល់​កិត្តិយស​ចូលរួម​អបអរសាទរ ព្រមទាំង​អញ្ជើញ​ជា​អធិបតីភាព​ក្នុង​ពិធី​កាត់​ខ្សែបូ រួមជាមួយ​ព្រះ​នាង​តូច ជេន​ណា ផងដែរ​។ ក្នុង​កម្មវិធី​នេះ ព្រះ​នាង​តូច ជេន​ណា បានផ្តល់​កិត្តិយស​ច្រៀង​ចម្រៀង​មួយ​បទ​ជូន​ភ្ញៀវកិត្តិយស​ស្តាប់​កម្សាន្ត ដោយបាន​ឆ្លុះបញ្ចាំង​ឲ្យ​ឃើញ​នូវ​ទេពកោសល្យ​សិល្បៈរបស់​ព្រះរាជវង្សានុវង្ស​។

​សូមជម្រាបថា ហាង PAPA JOHN’S PIZZA បាន​ចូលមក​ព្រះរាជាណាចក្រ​កម្ពុជា ដោយ​នាំយកមក​នូវ​គ្រឿងទេស​ពី​ប្រភពដើម​ពិតៗ​។ ផ្លែ​ប៉េងប៉ោះ​មាន​ប្រភពដើម​មកពី​រដ្ឋ​កាលីហ្វ័រ​ញ៉ាស​ហ​រដ្ឋ​អាមេរិក អូ​លីវ​ខ្មៅ​នាំចូល​ពី​ប្រទេស​អេ​ស្ប៉ា​ញ ឈី​ស​នាំចូល​ពី​ Mozzarella សាច់​ម្សៅ​ផលិត​ពី​ទឹកបរិសុទ្ធ និង​ស្រូវ​សាលី​និទាឃៈ​រដូវ ដែល​ធានាបាន​នូវ​ភាពស្រស់ គុណភាព​និង​រសជាតិ​ដែល​មិនអាច​បំភ្លេចបាន​៕

​

The post ព្រះនាងតូច ជេន ណា យាងជាអធិបតីភាព ក្នុងពិធីសម្ពោធហាងថ្មីរបស់ PAPA JOHN’S PIZZA appeared first on Kampuchea Thmey Daily.

បើ​យោង​តាម​ផេ​ក​ផ្លូវការ​របស់​សែ​រាជវង្ស​ព្រះអង្គ ​គឺ​ព្រះ​នាង​តូច នរោត្តម ជេន​ណា បាន​មាន​បន្ទូល​យ៉ាង​រំជួលចិត្ត​ក្រោយ​ជ្រាប​ដំណឹង​សម្តេច​ក្រុមព្រះ​ចូល​ទិវង្គត​ដូច្នេះ​ថា​ “ខ្ញុំម្ចាស់​ស្លុតរន្ធត់​រំជួលចិត្ត​ជាព​ន់ពេក​ ចំពោះ​ការយាង​សោយ​ព្រះ​ទិវង្គត​របស់​សម្តេច​តា​ក្រុមព្រះ នរោត្តម រណឫទ្ធិ ព្រះប្រធាន​ឧ​ត្តម​ក្រុម ប្រឹក្សា​ផ្ទាល់​ព្រះមហាក្សត្រ”​។

ព្រះ​នាង​តូច ជេន​ណា នរោត្តម បាន​មាន​ព្រះរាជបន្ទូល​ទៀត​ថា​ “ខ្ញុំម្ចាស់​និង​សមាជិក សមាជិកា នៃ​ក្រុម​ហ៊ុន​NCJ Empire Studio សូម​បួងសួង​ដល់ ដួង​ព្រះ​វិញ្ញាណក្ខន្ធ​សម្តេច​តា​ក្រុមព្រះ ស្តេចយាង​ទៅកាន់​បរមសុខ​ឋាន​កុំបី​ឃ្លៀងឃ្លាត​ឡើយ”​។

សូម​ជម្រាប​ថា ​សម្តេចក្រុមព្រះ នរោត្តម រណឫទ្ធិ បាន​យាង​សោយ​ព្រះ​ទិវង្គត​នា​ថ្ងៃទី​២៨ ខែវិច្ឆិកា ឆ្នាំ​២០២១​នា​វេលា​ម៉ោង ៩​និង​៤០​នាទី​ព្រឹក ត្រូវ​នឹង​ម៉ោង​៣​និង​៤០​នាទី​រសៀល​ម៉ោង​នៅ​ភ្នំពេញ ក្នុង​ព្រះជន្ម​៧៧​ព្រះវស្សា​នៅ​ប្រទេស​បារាំង ក្នុងពេលដែល​ព្រះអង្គ​កំពុង​គង់​ប្រថាប់​ព្យាបាល​ព្រះរោគ​។

​នៅក្នុង​សេចក្តីប្រកាស​ជា​ផ្លូវការ​អំពី​ការ​យាង​សោយ​ព្រះ​ទិវង្គត ​របស់​សម្តេចក្រុមព្រះ នរោត្តម រណ ឫទ្ធិ គណបក្ស​ហ៊្វុនស៊ិនប៉ិច​បាន​អះអាង​ថា ​ព្រះ​សព សម្តេចក្រុមព្រះ​នឹង​ត្រូវ​យាង​ដង្ហែ​មកកាន់ ព្រះរាជាណា​ចក្រ​កម្ពុជា ក្នុងពេល​ដ៏​ខ្លី​ខាងមុខ​នេះហើយ​៕

ដោយ ៖ ចាន់​រ៉ា

The post ព្រះ​នាង​តូច ជេន​ណា នរោត្តម ស្លុតចិត្ត​ខ្លាំង​ចំពោះ​ការ​យាង​សោយ​ព្រះ​ទិវង្គត​សម្តេច​ក្រុមព្រះ​នរោត្តម រណឫទ្ធិ appeared first on Kampuchea Thmey Daily.

ប្រភពខាងលើ​បាន​​​លើក​ឡើង​ថា​ ​ “សូមជម្រាបសួរពុកម៉ែបងប្អូនជិតឆ្ងាយទាំងអស់​ ដែលព្រួយបារម្ភអំពីខ្ញុំ​ ក្រោយពីមានការផុសផ្សាយថា​ លោក​ កក្តដា​ សោភ័ណ​ បានជួបខ្ញុំ។ ខ្ញុំចង់ជម្រាប​ថា​ រូបនេះ​ ថតជិតមួយឆ្នាំមកហេីយ​ ដែលកាលនោះរូបគាត់បានមកលេងខ្ញុំនៅព្រះដំណាក់​មែន តែតាំងពីពេលនោះមកនេះខ្ញុំពុំដែលបានជួបគាត់ទៀតនោះទេ”។

ព្រះនាង​បា​ន​ អរគុណណាស់ដែលពុកម៉ែបងប្អូនព្រួយបារម្ភអំពី​ សុខភាពព្រះនាង និងក្រុមគ្រួសារពុំបានចេញពីព្រះដំណាក់បេីគ្មានការចាំបាច់នោះទេ​ ទោះបីជាចេញទៅណាមកណាក៏ពាក់ម៉ាស​ និងលាងដៃដោយអាល់កុលការពារជាប្រចាំដែរ។ ក្រុមគ្រួសារសូមជូនពរដល់បងប្អូនដែលកំពុងមានជំងឺកូវីដទាំងអស់ទាំងសិល្បករ​ ក៏ដូចជាប្រជាជនដទៃទៀតឆាប់ជាសះស្បេីយឡេីងវិញ ហេីយបងប្អូនទាំងសូមមេត្តារួមគ្នាគោរពតាមការណែនាំរបស់ក្រសួងសុខាភិបាល​ និងសារាចរណ៍របស់រាជរដ្ឋាភិបាលនៃយេីង។

ព្រះនាង និងក្រុមគ្រួសារក៏សូមបួងសួងទេវតាថែរក្សាប្រទេសកម្ពុជា​ សូមជួយថែរក្សាការពារប្រជាជនខ្មែរ​ ក៏ដូចជាប្រទ​សកម្ពុជាទាំងមូលបានជៀសផុតពីជំងឺកូវីដ១៩នេះ​ អោយបានឆាប់ៗបំផុត៕

The post ព្រះនាងតូច ជេ​ណា យាង​ចេញ​បដិសេធថា​ មិន​ពាក់ព័ន្ធនឹង​លោក​ កក្តដា​ សោភ័ណ​ appeared first on Kampuchea Thmey Daily.