ដើមឡើយ គំនិតរបស់អាជ្ញាធរវៀតណាម គឺចង់សាងសង់មជ្ឈមណ្ឌលហិរញ្ញវត្ថុអន្តរជាតិមួយនៅក្នុងទីក្រុងហូជីមិញ ដែលជាមជ្ឈមណ្ឌលសេដ្ឋកិច្ចធំបំផុតរបស់ប្រទេសនៅភាគខាងត្បូង និងមួយទៀតជាកម្រិតតំបន់ នៅកណ្តាលទីក្រុងដាណាង។ ​

លោក Binh កាលពីថ្ងៃអង្គារ បាន​​ដឹកនាំកិច្ចប្រជុំដើម្បីពិភាក្សាលើសេចក្តីព្រាងសេចក្តីសម្រេចចិត្តចុងក្រោយរបស់រដ្ឋសភាវៀតណាម ស្តីពីការ​បង្កើតមជ្ឈមណ្ឌលបែបនេះ​ក្នុងប្រទេសវៀតណាម។ សេចក្តីព្រាងច្បាប់នេះ នឹងត្រូវដាក់ជូនរដ្ឋសភា ដើម្បីអនុម័តក្នុងសម័យប្រជុំការងាររបស់រដ្ឋសភា ដែលកំពុងបន្ត និងមាន​រយៈពេលរហូតដល់ថ្ងៃទី ៣០ ខែមិថុនា។

មជ្ឈមណ្ឌលហិរញ្ញវត្ថុអន្តរជាតិ ត្រូវបានគេរំពឹងថានឹងក្លាយទៅជាមូលដ្ឋានគ្រឹះដ៏រឹងមាំមួយសម្រាប់ការកៀរគរធនធានហិរញ្ញវត្ថុ ដែលមានគុណភាពខ្ពស់ ដើម្បីគាំទ្រដល់ការអភិវឌ្ឍន៍ជាតិ។ វាក៏នឹងរួមចំណែកផងដែរដល់ការលើកកម្ពស់សមត្ថភាពអភិបាលកិច្ចរដ្ឋ ជំរុញការប្រកួតប្រជែងថ្នាក់ជាតិ និងការលើកកម្ពស់សមាហរណកម្មជាតិកាន់តែស៊ីជម្រៅ និងមានប្រសិទ្ធភាពជាងមុន​ ក្នុងប្រព័ន្ធហិរញ្ញវត្ថុពិភពលោក។

កន្លងមក អ្នកជំនាញជាច្រើនបានសង្កត់ធ្ងន់ថា ក្រៅពីហេដ្ឋារចនាសម្ព័ន្ធរឹង វៀតណាមគួរតែយកចិត្តទុកដាក់បន្ថែមទៀតក្នុងការអភិវឌ្ឍ​ហេដ្ឋារចនាសម្ព័ន្ធ «ទន់» និងឌីជីថល ដើម្បីធានាបាននូវប្រតិបត្តិការប្រកបដោយប្រសិទ្ធភាព​របស់មជ្ឈមណ្ឌលហិរញ្ញវត្ថុ៕

The post វៀតណាមគ្រោងបង្កើតមជ្ឈមណ្ឌលហិរញ្ញវត្ថុអន្តរជាតិ appeared first on Kampuchea Thmey Daily.