មឿន សុខហ៊ុច Archives - Kampuchea Thmey Daily

រាល់ការប្រកួតធំៗ មឿន សុខហ៊ុច ជួបការខកចិត្តច្រើនជាងគេ

chean virakbot — Fri, 29 Mar 2024 02:08:21 +0000

កីឡាករគុនខ្មែរ មឿន សុខហ៊ុច បានស្រក់ទឹកភ្នែក និងសោកស្តាយសម្រាប់ឱកាសប្រកួតដណ្តើមរថយន្តជាលើកទី២ បន្ទាប់ពីបានចាញ់កីឡាករ ចាន់ ប៊ុនហឿន នៅវគ្គផ្តាច់ព្រ័ត្រ យប់ថ្ងៃទី២៨ ខែមីនា ឆ្នាំ២០២៤ របស់សង្វៀនបាយ័ន នៅទីរួមខេត្តស្វាយរៀង។

មឿន សុខហ៊ុច ជាកីឡាករប្រដាល់គុនខ្មែរម្នាក់ដែលទទួលបានឱកាសសម្រាប់ការប្រកួតធំៗច្រើនទាំងក្នុងស្រុក និងក្រៅប្រទេស។ រូបគេត្រូវបានកោះហៅចូលជម្រើសជាតិគុនខ្មែរដើម្បីទៅប្រកួតកីឡាស៊ីហ្គេម ឆ្នាំ២០១៧ នៅប្រទេសម៉ាឡេស៊ី។ ពេលនោះ កីឡាករគុនខ្មែរទម្ងន់ផ្សេងៗសុទ្ធតែឈ្នះក្នុងការប្រកួតវគ្គជម្រុះ ប៉ុន្តែរូបគេបានចាញ់ និងធ្លាក់ចេញមុនគេ។ នេះជារឿងដ៏គួរឲ្យសោកស្តាយដែលតំណាងគុនខ្មែរ រូបគេបានធ្លាក់តាំងពីជុំដំបូង។

កាលពីខែមិថុនា ឆ្នាំ២០២៣ កីឡាករគុនខ្មែរ៤រូបបានចេញទៅប្រកួតនៅប្រទេស កីឡាករផ្សេងសុទ្ធតែទទួលបានលទ្ធផលល្អ ប៉ុន្តែ មឿន សុខហ៊ុច ជួបការលំបាកជាងគេ។ រូបគេបានប្រកួតជាមួយកីឡាករបារាំង Oumar Bathily។ ពេលនោះរូបគេបានចាញ់ដោយពិន្ទុ បន្ទាប់ពីតស៊ូទាំងលំបាកស្ទើរតែសន្លប់ទៅហើយ។ កាលពីពេលថ្មីៗនេះ Oumar Bathily បានមកប្រកួតនៅកម្ពុជាចាញ់ពិន្ទុ លន បញ្ញា។

មឿន សុខហ៊ុច មានប្រវត្តិទទួលបានត្រឹមជើងឯករងជាច្រើនលើកទាំងការប្រកួតដណ្តើមខ្សែក្រវាត់តាមសង្វៀនទូរទស្សន៍ឯកជន និងការប្រកួតជើងឯកថ្នាក់ជាតិ ពីព្រោះទម្ងន់នេះ រូបគេពិបាកយកឈ្នះអ្នកលេងគុនខ្មែរណាស់ ដូចជា ផល សោភ័ណ្ឌ, យ៉េន ឌីណា, ឡុង សំណាង, ឡៅ ចិត្រា ជាដើម។

ជាក់ស្តែងកាលពីខែសីហា ឆ្នាំ២០២៣ រូបគេបានចាញ់ ឡុង សំណាង សម្រាប់ការប្រកួតដណ្តើមខ្សែក្រវាត់នៅសង្វៀន PNN ដែលមានប្រាក់រង្វាន់១ម៉ឺនដុល្លារអាមេរិក។ បន្ទាប់មកនៅមករា ឆ្នាំ២០២៤ រូបគេ ទទួលបានត្រឹមមេដាយប្រាក់ដោយចាញ់ ឡុង សំណាង ទៀតក្នុងវគ្គផ្តាច់ព្រ័ត្រក្នុងការប្រកួតជើងឯកថ្នាក់ជាតិ។

ជាពិសេស មឿន សុខហ៊ុច ត្រូវបានផ្តល់ឱកាសឲ្យប្រកួតដណ្តើមរង្វាន់រថយន្តដល់ទៅ២លើកចុងក្រោយ ប៉ុន្តែបរាជ័យទាំងពីរលើក។ លើកទី១ រូបគេបានឈ្នះពិន្ទុដៃគូបរទេសទាំងលំបាក ហើយវគ្គផ្តាច់ព្រ័ត្របានចាញ់សន្លប់ក្រោមកណ្តាប់ដៃ និងរន្ទះជើង លន បញ្ញា។

លើកទី២ នៅយប់ថ្ងៃទី២៨ ខែមីនា ឆ្នាំ២០២៤ រូបគេត្រូវបានចាត់ទុកជាបេក្ខភាពឈានមុខគេក្នុងការប្រជែងរង្វាន់រថយន្ត។ នៅជុំទី១ រូបគេបានផ្តួលកីឡាករអ៉ីរ៉ង់ Mohammad Reza ក្នុងទឹកទី២ដើម្បីឡើងទៅកាន់វគ្គផ្តាច់ព្រ័ត្រជួប ចាន់ ប៊ុនហឿន។ ការប្រកួតវគ្គផ្តាច់ព្រ័ត្រ រូបគេត្រូវបាន ចាន់ ប៊ុនហឿន វាយឲ្យអាជ្ញាកណ្តាលរាប់ក្នុងទឹកទី២ ដូច្នេះរូបគេបានចាញ់ដោយពិន្ទុ។

សមិទ្ធផលដ៏ធំបំផុតរបស់ មឿន សុខហ៊ុច ដែលប្រកួតនៅក្រៅប្រទេសគឺឈ្នះខ្សែក្រវាត់ប្រាក់ នៅកម្មវិធី Max Mauy Thai កាលពីខែសីហា ឆ្នាំ២០១៦ ដោយទទួលបានប្រាក់រង្វាន់២សែនបាត បន្ទាប់ពីបានផ្តួលកីឡាករតួកគី Umat Norgaz ទឹកទី១ ក្នុងជុំទី១ និងឈ្នះពិន្ទុកីឡាករស៊ុយអែត Sammon Decker វគ្គផ្តាច់ព្រ័ត្រ។

នៅពេលនោះ មឿន សុខហ៊ុច ទទួលបានការគាំទ្រលើកទឹកចិត្តយ៉ាងខ្លាំង។ ក្រៅពីប្រាក់រង្វាន់២សែនបាតរបស់កម្មវិធី រូបគេទទួលបានប្រាក់ឧបត្ថម្ភលើកទឹកចិត្តពីសប្បុរសជនក្នុងស្រុកច្រើនគួរសមដែលអាចចាត់ទុកជាសកម្មភាពទទួលបានការឧបត្ថម្ភគាំទ្រខ្លាំងមុនគេ។ ជាក់ស្តែង ឧកញ៉ា ស្រី ចាន់ថន បានឧបត្ថម្ភ៤លានរៀល៕

អត្ថបទ៖ វីរបុត្រ

The post រាល់ការប្រកួតធំៗ មឿន សុខហ៊ុច ជួបការខកចិត្តច្រើនជាងគេ appeared first on Kampuchea Thmey Daily.

កីឡាករគុនខ្មែរ៤រូបឈ្នះខ្សែក្រវាត់ក្រៅប្រទេសបានប្រាក់ឧបត្ថម្ភច្រើន

chean virakbot — Mon, 18 Mar 2024 01:34:53 +0000

កីឡាករគុនខ្មែរ៤រូបដែលបានឈ្នះខ្សែក្រវាត់ពីការប្រកួតក្រៅប្រទេសនៅតំបន់អាស៊ីទទួលបានគាំទ្រសាទរ និងឧបត្ថម្ភថវិកាលើកទឹកចិត្តយ៉ាងច្រើន។ មឿន សុខហ៊ុច, ធឿន ធារ៉ា និង ព្រំ សំណាង ឈ្នះខ្សែក្រវាត់នៅប្រទេសថៃ និងថ្មីបំផុត ឈឿង ល្វៃ ឈ្នះខ្សែក្រវាត់នៅទីក្រុងហុងកុង។ ការលើកឡើងនេះសំដៅដល់ការប្រកួតគុនខ្មែរនៅក្រៅប្រទេសប៉ុណ្ណោះ ខណៈការប្រកួតគុនខ្មែរនៅក្នុងប្រទេសមួយចំនួនទទួលបានប្រាក់ឧបត្ថម្ភច្រើនជាងនៅក្រៅប្រទេថែមទៀត។

មឿន សុខហ៊ុច

មឿន សុខហ៊ុច បានឈ្នះខ្សែក្រវាត់ប្រាក់នៅកម្មវិធី Max Mauy Thai កាលពីខែសីហា ឆ្នាំ២០១៦ ដោយទទួលបានប្រាក់រង្វាន់២សែនបាត បន្ទាប់ពីបានផ្តួលកីឡាករតួកគី Umat Norgaz ទឹកទី១ ក្នុងជុំទី១ និងឈ្នះពិន្ទុកីឡាករស៊ុយអែត Sammon Decker វគ្គផ្តាច់ព្រ័ត្រ។

លោក តែម ម៉ឺន ប្រធានសហព័ន្ធគុនខ្មែរ១០០ដុល្លារ លោកវេជ្ជបណ្ឌិត ឆឹង យ៉ៅយ៉េន១០០ដុល្លារលោក វ៉ា ស៊ិនភារម្យ១០០ដុល្លារ លោក យុទ្ធ ភូថង១០ដុល្លារ លោក ហ៊ូ គីមសៀង១០០ដុល្លារ ក្រុមហ៊ុនលីប្រា១លានរៀល ព្រមទាំងសប្បុរសជនជាច្រើនទៀត។ អ្វីដែលគួរឲ្យចាប់អារម្មណ៍នោះ ឧកញ៉ា ស្រី ចាន់ថន ក្រៅពីឧបត្ថម្ភជាប្រាក់ គឺជួបជុំអាហារ និងរាប់អានជាបងប្អូនធម៌ទៀតផង។

ធឿន ធារ៉ា

កាលពីខែធ្នូ ចុងឆ្នាំ២០២២ ជម្រុះជុំទី១ ធឿន ធារ៉ា បានផ្តួលកីឡាករអាមេនី-រុស្ស៊ី Yurik Davtyan ឲ្យសន្លប់ក្នុងទឹកទី១ ដើម្បីឡើងទៅកាន់វគ្គផ្តាច់ព្រ័ត្រជួបតារាថៃហ្វៃ សៃយោគ និងបានផ្តួលក្នុងទឹកទី១ទៀតដើម្បីក្លាយជាម្ចាស់ខ្សែក្រវាត់ Thai Fight និងពានរង្វាន់ស្តេចថៃជាលើកដំបូងសម្រាប់កម្ពុជា។

ក្នុងនាមជាកីឡាករគុនខ្មែរទី១ឈ្នះខ្សែក្រវាត់នៅសង្វៀន Thai Fight ធឿន ធារ៉ា ទទួលបានការលើកទឹកចិត្តយ៉ាងខ្លាំង។ រូបគេទទួលបានប្រាក់រង្វាន់ជាង៤សែនបាត (ជាង១ម៉ឺនដុល្លារ) និងទទួលបានប្រាក់ឧបត្ថម្ភលើកទឹកចិត្តជាបន្តបន្ទាប់ទៀតនៅប្រទេសកម្ពុជា ដូចជាលោកស្រី ទ្រី ដាណា ២ពាន់ដុល្លារអាមេរិក ក្រុមហ៊ុនខេអិនអិន១០លានរៀល ឧកញ៉ា ភូ ចាន់ដារិទ្ធ២លានរៀល លោកស្រី មិថុនា ភូថង៤លានរៀល ព្រមទាំងសប្បុរសជនជាច្រើនរូបទៀត។

ប្រាក់ឧបត្ថម្ភនេះនៅតិចជាប្រាក់ដែលរូបគេទទួលបានក្នុងពេលឈ្នះខ្សែក្រវាត់គុនខ្មែរពិភពលោក 8 Men Tournament ដែលទទួលបានរថយន្ត១គ្រឿង។

ព្រំ សំណាង

កីឡាករគុនខ្មែរ ព្រំ សំណាង ឈ្នះខ្សែក្រវាត់នៅសង្វៀន Thai Fight បន្ទាប់ពីផ្តួលកីឡាករអង់គ្លេស Thomas Carpetter ឲ្យសន្លប់ក្នុងទឹកទី១តាមរយៈជង្គង់ពិឃាតកាលពីខែកុម្ភៈ ឆ្នាំ២០២៣។ រូបគេជាកីឡាករគុនខ្មែរទី២ឈ្នះខ្សែក្រវាត់ Thai Fight និងទទួលបានការឧបត្ថម្ភលើកទឹកចិត្តយ៉ាងច្រើន។

ប្រាក់ឧបត្ថម្ភខ្ទង់ម៉ឺនដុល្លារដែល ព្រំ សំណាងទទួលបានដូចជា TJ Auto Work’s ចំនួន ២លានរៀល, Lak Oun ១,២លានរៀល, Habb Habb ១,២លានរៀល, លោកស្រី Dana Orm ២៥០០ដុល្លារ, លោក ប្រាក់ សម្បត្តិ ៥០០ដុល្លារ, លោក ហង្ស វិចិត្រ ១០០០ដុល្លារ, លោក ប្រុស ជាតិ ឧបត្ថម្ភដី១ឡូតិ៍ ក្រុមហ៊ុនជួសជុលទូរសព្ទមួយ១លានរៀល, ឧកញ៉ា ស្រី ចាន់ថន ១០លានរៀល លោកស្រី ទ្រី ដាណា ២ពាន់ដុល្លារ, Chea Tong Hour ២លានរៀល, Thung Koemhuon ៥០០ដុល្លារ, ហាងលក់ម៉ូតូមួយ ៥០០ដុល្លារ និងសប្បុរសជនមួយចំនួនទៀត។

ទោះបីជាយ៉ាងណា ប្រាក់ឧបត្ថម្ភខ្ទង់ម៉ឺនដុល្លារនេះនៅតិចជាងការឧបត្ថម្ភនៅពេល ព្រំ សំណាង ប្រកួតជាមួយកីឡាករ Dave Leduc។

ឈឿង ល្វៃ

អ្នកលេងគុនខ្មែរ ឈឿង ល្វៃ បានក្លាយជាជាកីឡាករគុនខ្មែរទី១ឈ្នះខ្សែក្រវាត់កម្រិតពិភពលោក World Super-4 Championship នៅទឹកដីហុងកុង បន្ទាប់ពីបានយកឈ្នះដៃគូ២នាក់ជាប់គ្នានៅយប់ថ្ងៃទី១២ ខែមីនា ឆ្នាំ២០២៤។

សម្តេចតេជោ ហ៊ុន សែន បានឧបត្ថម្ភ២០លានរៀល។ អ្នកឧកញ៉ា លាង ម៉េង ចំនួន១០លានរៀល, ឧកញ៉ា ស្រី ចាន់ថន ចំនួន៤លានរៀល, លោកស្រី ទ្រី ដាណា ចំនួន៤លានរៀល និងលោក សឿ វណ្ណៈ ចំនួន៣លានរៀល។ ចំនួនជាក់លាក់ខាងលើនេះគឺមានចំនួន៤១លានរៀល ហើយនឹងមានសប្បុរសជនផ្សេងៗដែលចូលរួមចំណែកលើកទឹកចិត្តដល់កីឡាករមកពីខេត្តកំពង់ធំ៕

អត្ថបទ៖ វីរបុត្រ

The post កីឡាករគុនខ្មែរ៤រូបឈ្នះខ្សែក្រវាត់ក្រៅប្រទេសបានប្រាក់ឧបត្ថម្ភច្រើន appeared first on Kampuchea Thmey Daily.

មឿន សុខហ៊ុច Archives - Kampuchea Thmey Daily

រាល់ការប្រកួតធំៗ មឿន សុខហ៊ុច ជួប​ការខកចិត្តច្រើនជាងគេ

កីឡាករគុនខ្មែរ៤រូបឈ្នះខ្សែក្រវាត់ក្រៅប្រទេសបានប្រាក់ឧបត្ថម្ភច្រើន

រាល់ការប្រកួតធំៗ មឿន សុខហ៊ុច ជួបការខកចិត្តច្រើនជាងគេ